حوار الأعضاء حول البرامج المدرسية

من طرف **naderwatfa** الخميس 07 يناير 2016, 9:30 am

تذكير بمساهمة فاتح الموضوع :

ملاحظة هامة
تم غلق باب طلبات البرامج و التعديل على البرامج نهائياً لأسباب صحية
سيتم حذف أي مشاركة تحتوي على طلبات برامج أو طلبات تعديل برامج في المنتدى
شكراً لحسن تفهمكم

من طرف جمال زهدي الأربعاء 03 فبراير 2016, 9:43 pm

استاذ عباس مبروك علي النتيجة بالسكربت الجديد
انا شوفتها عي الموقع الجلوس يبدا من 101
http://abass.eb2a.com/1/index.html
الاسماء والنتيجة ظهرت طيب انت ليه علي بوابة الثانوية قولت ان الاسماء مبتظهرش
ودي صورة من نتيجة الطالب رقم 101
حوار الأعضاء حول البرامج المدرسية - صفحة 5 2woyhol

حوار الأعضاء حول البرامج المدرسية - صفحة 5 2woyhol

من طرف عباس رضا الأربعاء 03 فبراير 2016, 10:05 pm

اخى جمال الف شكر انا جربت متصفح اخر غير جوجل كروم بعد ما شوفت رسالتك ولقيها ظهرت طب ليه مظهرتش من الأول انا جربت على فاير فوكس

من طرف **naderwatfa** الخميس 04 فبراير 2016, 5:46 am

مبروك يا أستاذ عباس
أنصحك بفايرفوكس على طول
أنا لا أتعامل مع غيره

من طرف عباس رضا الخميس 04 فبراير 2016, 9:35 am

الله يباك فيك يا باشا بتيجى مع العمى ضباش ههههههههههههههههههه

من طرف **naderwatfa** الخميس 04 فبراير 2016, 12:01 pm

بعد كده الموضوع سهل لما تحب ترفع نتيجة آخر العام
في نفس الفولدر ، يا دوب تستبدل البيانات القديمة بالجديدة و خلاص

من طرف عباس رضا الخميس 04 فبراير 2016, 12:35 pm

على الله كله ان شاء الله

السلام عليكم ورحمة الله وبركاته

شكر وتقدير
أردت فقط أن أعبر عن عظيم شكري وامتناني لشخصكم الكريم لكرمك الزائد وما تبذله من جهد في هذه البرامج القيمة متعك الله بالصحة والعافية وزادك من علمه وأفاض عليك من عظيم فضله

من طرف عباس رضا الخميس 04 فبراير 2016, 6:18 pm

كان فيه ملاحظة فى صفحة النتيجة للنت الطالب اللى شال مادة منتهيه مكتوب له دور ثانى فى جغرافيا مجموع ايه المقصود ب مجموع ده هو ناجح مجموع كلى يا ريت يكتب اسم الماده فقط

من طرف **naderwatfa** الجمعة 05 فبراير 2016, 8:54 am

أستاذ إبراهيم
الشكر لله
أستاذ عباس
أنا ماعنديش كمبيوتر النهارده لأنه في الصيانة حالياً و باكتب من موبايل
إن شاء الله بكره أشوف البرنامج

من طرف عباس رضا الجمعة 05 فبراير 2016, 1:45 pm

ان شاء الله يا غالى

من طرف awado55 الجمعة 05 فبراير 2016, 6:44 pm

استاذ نادر /

المفروض نتيجة نصف العام للصف الثانى ثانوى 112 والصف الاول 132 ليه مابيظهرش فى شيت النتيجة ياريت لوممكن فيها تعديل ولا ايه

مع خالص الشكر

من طرف عباس رضا الجمعة 05 فبراير 2016, 7:50 pm

اخى العزيز نادر اخى awado55
عندى ملاحظة هامة بخصوص الحاسب الألى للصف الأول والثانى الثانوى والتربية المهنية للصف الثانى الثانوى المفروض الطالب فى الترم الثانى فى ورقة الأمتحان لو مجبش الربع اللى هو 1.25 من 5 يكون راسب فى صفحة الكنترول متوزعه كده لكن فى الواقع فى الشيت لا يقوم بحساب الطالب اللى جاب اقل من 1.25 من 5 راسب لأنه جمع النظرى مع العملى مع ان الربع اللى 1.25 خاص بالنظرى فقط طبقا للقرار 273 و274 انا عمال اغير فى الدرجات وملاحظ انه مبيحسبش ده هو بيحسب 1.25 من 8 حتى فى صفحة النتيجة 1.25 مكتوبه تحت درجة الترم اللى هى 8 مش درجة التحريرى اللى هى 5

من طرف **naderwatfa** السبت 06 فبراير 2016, 5:52 am

awado55 كتب:استاذ نادر /

المفروض نتيجة نصف العام للصف الثانى ثانوى 112 والصف الاول 132 ليه مابيظهرش فى شيت النتيجة ياريت لوممكن فيها تعديل ولا ايه

مع خالص الشكر

هو إيه ؟

من طرف **naderwatfa** السبت 06 فبراير 2016, 5:54 am

عباس رضا كتب:اخى العزيز نادر اخى awado55
عندى ملاحظة هامة بخصوص الحاسب الألى للصف الأول والثانى الثانوى والتربية المهنية للصف الثانى الثانوى المفروض الطالب فى الترم الثانى فى ورقة الأمتحان لو مجبش الربع اللى هو 1.25 من 5 يكون راسب فى صفحة الكنترول متوزعه كده لكن فى الواقع فى الشيت لا يقوم بحساب الطالب اللى جاب اقل من 1.25 من 5 راسب لأنه جمع النظرى مع العملى مع ان الربع اللى 1.25 خاص بالنظرى فقط طبقا للقرار 273 و274 انا عمال اغير فى الدرجات وملاحظ انه مبيحسبش ده هو بيحسب 1.25 من 8 حتى فى صفحة النتيجة 1.25 مكتوبه تحت درجة الترم اللى هى 8 مش درجة التحريرى اللى هى 5

طبعاً ها يجمع النظري مع العملي طالما لم تضع نهاية صغرى للعملي
أما لو وضعت نهاية صغرى للعملي فسيتم حساب نجاح كل واحد لوحده ( العملي و النظري )
القواعد كده
اللي انت عايزه يتطلب وضع نهاية صغرى للعملي حتى يحسب البرنامج النجاح في النظري منفصلاً عن العملي

من طرف **naderwatfa** السبت 06 فبراير 2016, 6:32 am

عباس رضا كتب:كان فيه ملاحظة فى صفحة النتيجة للنت الطالب اللى شال مادة منتهيه مكتوب له دور ثانى فى جغرافيا مجموع ايه المقصود ب مجموع ده هو ناجح مجموع كلى يا ريت يكتب اسم الماده فقط

لقيت إنه كان بيحسب في صفحة النتيجة للنت المجموع على الدور الأول مش على التيرم الأول
يعني كان مثبت النهاية الصغرى على 150 بغض النظر عن التيرم
فجعلت البرنامج يستدعي في الصفحة دي النهاية الصغرى للمجموع حسب التيرم
فتم علاج هذه المسألة

من طرف عباس رضا السبت 06 فبراير 2016, 9:51 am

اطب احط نهاية صغرى ازاى وهو ملهوش نهايه صغرى للعملى احط صفر مثلا ولا ايه ؟

من طرف عباس رضا السبت 06 فبراير 2016, 10:34 am

انا جربت وحطيت .75 للعملى والنظرى زى ما هو 1.25 والطالب رسب فعلا بس ده مخالف للقانون لربط العملى مع النظرى فى المادتتين دول لما تبقه حضرتك مستعد للمراجعة للنقطة دى ابقه شوفها برحتك انا عارف انك تعبان جدا الوقت طويل قدمنا لان زى ما انت عوتنا مينفعش نخالف قرار وزارى ازاى اجمع بين النظرى والملى والقرار للنظرى فقط

من طرف **naderwatfa** السبت 06 فبراير 2016, 2:47 pm

هو احنا ها نرجع نناقش المسألة دي من جديد ؟
أعتقد إن ده موضوع انتهى من زمان و كل برامج الكنترول اللي عملناها كانت كده
كمان أنا شايف إن ده هو الصواب و غير كده خطأ
و بعدين يا حبيبي دي حسابات
عارف يعني إيه حسابات ؟
يعني لا يمكن أقرب منها تاني بعد ما بقيت ما بشوفش كويس زي الأول
لو انطبقت السماء على الأرض مش ها ارجع ليها تاني أبداً

الامتحان إما نظري فقط أو عملي + نظري
في الحالتين هو امتحان
عندنا في الإعدادي الاختبار النظري لأي مادة من 50 درجة
ما عدا الحاسب و العلوم الاختبار فيهما من 40 درجة
ليه ؟
لأن تكلمة الدرجة هو اختبار العملي ( 10 درجات )
إذن العملي يكمل النظري لأن الاثنين يمثلان سوياً الامتحان

من طرف عباس رضا السبت 06 فبراير 2016, 3:36 pm

انا عارف انك مش هتقرب للحسابات يا حبيبى انا عاوزك تفكر معايا اكتب ايه فى صفحة الكنترول علشان يتم حساب الرسوب من 1.25 فى التحريرى مش اكتر من كده
حوار الأعضاء حول البرامج المدرسية - صفحة 5 2h3dj40

حوار الأعضاء حول البرامج المدرسية - صفحة 5 2h3dj40

حوار الأعضاء حول البرامج المدرسية - صفحة 5 Azdnnk

من طرف **naderwatfa** السبت 06 فبراير 2016, 3:44 pm

طالما احنا متفقين على إني مش ها اقرب من الحسابات
يبقى ممكن نتفاهم يا جميل
أنا ممكن أحاول أعمل تعديل بسيط للمسألة دي بعيداً عن حسابات البرنامج
بحيث مثلاً إذا كتبت 0 في النهاية الصغرى للعملي يحسب النظري لوحده و العملي لوحده
و إذا تركت العملي نهاية صغرى خالية زي ما هي حالياً يحسب مجموع الاتنين سوا
ده حل ربما ينفع بس محتاج شوية تعديلات كده
و إذا ما نفعش ممكن أفكر في شيء تاني و ليكن اختيار معين في صفحة الكنترول
المهم ما لناش دعوة بالحسابات و خلاص
و ها احاول إن شاء الله أنفذ الحل الأول فهو أفضل من وجهة نظري
بسبب عدم توفر خلايا فارغة كثيراً في صفحة الكنترول لعمل خلية اختيار

من طرف عباس رضا السبت 06 فبراير 2016, 4:04 pm

ههههههههههههههههههههههه تمام يا جميل هو ده اللى عاوزه علشان فى المستقبل حتى لو حاجة اتعدلت بالنسبة للعملى يبقه عندنا حلول مختلف بس يا ريت تكتب الملاحظى دى على الخلايا اللى ليها عملى للمواد
ماشى يا جميل

من طرف **naderwatfa** السبت 06 فبراير 2016, 4:07 pm

ربنا يسهل الأمور
و كويس إن لسة أسبوع على الدراسة ما تبدأ
علشان أشوف الموضوع ده بهدوء و من غير ضغط الشغل

من طرف **naderwatfa** السبت 06 فبراير 2016, 7:09 pm

أستاذ عباس
بعثت لك إيميل خاص بتعديل البرنامج
ابقى شوفه و رد علي بعد ما تجربه كويس قوي قوي الأول

من طرف عباس رضا السبت 06 فبراير 2016, 9:51 pm

حاضر يا ريس

من طرف lido2010 الأحد 07 فبراير 2016, 7:15 pm

naderwatfa كتب:
lido2010 كتب:لوسمحت يااستاذنا انا كنت بعتت لحضرتك ملحوظة على حساب الفيسبوك وكانت بخصوص عرض النتيجة على درجات التحريرى فقط واظهار الراسب تحريرى وبالفعل فيه فى النتيجة والشيت عرض درجات التحرير لكن لاتظهر دوائر على الراسب تحرير اذا كان ناجح فى الاجمالى باعمال السنة فهل فيه طريقة لاظهار الراسب تحريرى حتى ولو كان ناجح فى المجمل
أنا لغيت اشتراكي من حساب الفيس بوك من أيام
لأني في الواقع لم أكن أستعمله إلا كل شهر مرة
بالنسبة لطلبك تأكد إنك مشغل كود وضع الدوائر

بالعفعل استاذنا وضع الدوائر مفعل لكن الدوئر بتظهر للطالب اللى راسب فى المجموع الكلى للمادة اما اذا كان الطالب راسب فى التحريرى فقط ودرجة المادة ناجح لا تظهر دوائر على التحريرى يعنى مثلا لو الطالب حاصل على 40 اعمال سنة و10 تحريرى لاتظهر دوائر مع انه راسب تحريرى ولكنه حصل على النهاية الصغرى بمجموع التحريرى واعمال السنة اما اذا قل عن النهاية الصغرى بتظهر دوائر حتى لو الطالب ناجح فى التحريرى

من طرف **naderwatfa** الإثنين 08 فبراير 2016, 5:31 am

انتظر فقط التعديل القادم للكنترول الشامل
و الذي سيكون رمز إصداره : nw6
إن شاء الله

من طرف عباس رضا الثلاثاء 09 فبراير 2016, 12:15 pm

فيه حد عندة استمارة تغيير المسمى الوظيفى اصلى دايخ عليها ومش لقيها

من طرف **naderwatfa** الثلاثاء 09 فبراير 2016, 12:47 pm

عباس رضا كتب:فيه حد عندة استمارة تغيير المسمى الوظيفى اصلى دايخ عليها ومش لقيها

أنا ما أعرفش عنها حاجة
بس دورت في النت و لقيت دي على موقع الثانوية العامة
فحملتها و رفعتها لك
توب فور توب

من طرف عباس رضا الثلاثاء 09 فبراير 2016, 3:05 pm

شكرا على تعبك يا غالى التانية استمارة مطبوعة من الوزارة نفسها ولاد الذينة عندنا مدوخنى عشانها خلصت كل الورق وفاضل هيا وكل موظف يقولى معنديش ومش راضيين يخدوا طلب عادى للتثبيت فى المرحلة الوظيفية عالم تيييييييييييييييييييييييييييييييييييييت

من طرف عباس رضا الأربعاء 10 فبراير 2016, 11:09 am

من طرف عباس رضا الجمعة 12 فبراير 2016, 2:46 pm

عمنا اخبارك ايه وحشنى والله

من طرف **naderwatfa** الجمعة 12 فبراير 2016, 5:12 pm

الله يكرمك يا أستاذ عباس
كنت مشغول شوية و قلت بالمرة أريح عيني من الكمبيوتر
كل سنة و انت طيب بمناسبة التيرم الثاني

من طرف عباس رضا الجمعة 12 فبراير 2016, 7:21 pm

وانت طيب يا باش والله انا محستش بيها الله يلعن ابو الثانونى اللى قعد 22يوم يمتحن ضيع الاجازه مننا

من طرف عباس رضا الجمعة 12 فبراير 2016, 7:58 pm

رابط برنامج الصور المتحركة للنتيجة

هذا البرنامج لعمل صور متحركة للنتيجة على النت

من طرف lido2010 الجمعة 12 فبراير 2016, 11:58 pm

naderwatfa كتب:
انتظر فقط التعديل القادم للكنترول الشامل
و الذي سيكون رمز إصداره : nw6
إن شاء الله

الله يكرمك يا استاذ نادر على هذا المجهود العظيم القيم جدا ويجعله فى ميزان حسناتك ان شاء الله
كنت حابب اضيف لحضرتك ملحوظة اخرى ياريت لو حضرتك تدمجها فى الاصدار 6 وهى موضوع خانة تاريخ الميلاد والجنسية ياريت حضرتك لو تجعل هذه الحقول اختيارية فى تسجيل البيانات وكذلك فى طباعة كشف الشيت بالاخص لانها بتجعل الصفحة كبيرة عن اللازم وبتجرنى انى اعمل تصدير عشان اعدل عليها فى ملف خارجى لما اجى اطبع وانسق من جديد عشان بتجعل خانات كتيره تطلع بره الصفحة ولو عملت ضغط لصفحة الطباعة بتخلى الطباعة صغيره لان عدد الاعمدة كتير باضافة تاريخ الميلاد والجنسية ,,وحضرتك عامل خانات كتيرة بطريقة اختيارية ياريت لو تجعل هذه البيانات اختيارية ايضا,,,,وشكرااا لسعة صدرك

من طرف **naderwatfa** السبت 13 فبراير 2016, 4:58 am

عباس رضا كتب:رابط برنامج الصور المتحركة للنتيجة

هذا البرنامج لعمل صور متحركة للنتيجة على النت

مش كل الناس تقدر تحمل من جوجل درايف إلا لما تسمح ليهم انت بعد ما يبعت لك جوجل درايف إيميل
ها يوصل لك إيميل مني بالسماح أو عدم السماح

من طرف **naderwatfa** السبت 13 فبراير 2016, 5:03 am

lido2010 كتب:الله يكرمك يا استاذ نادر على هذا المجهود العظيم القيم جدا ويجعله فى ميزان حسناتك ان شاء الله
كنت حابب اضيف لحضرتك ملحوظة اخرى ياريت لو حضرتك تدمجها فى الاصدار 6 وهى موضوع خانة تاريخ الميلاد والجنسية ياريت حضرتك لو تجعل هذه الحقول اختيارية فى تسجيل البيانات وكذلك فى طباعة كشف الشيت بالاخص لانها بتجعل الصفحة كبيرة عن اللازم وبتجرنى انى اعمل تصدير عشان اعدل عليها فى ملف خارجى لما اجى اطبع وانسق من جديد عشان بتجعل خانات كتيره تطلع بره الصفحة ولو عملت ضغط لصفحة الطباعة بتخلى الطباعة صغيره لان عدد الاعمدة كتير باضافة تاريخ الميلاد والجنسية ,,وحضرتك عامل خانات كتيرة بطريقة اختيارية ياريت لو تجعل هذه البيانات اختيارية ايضا,,,,وشكرااا لسعة صدرك

تاريخ الميلاد و الجنسية مطلوبين بالنسبة لي و من غيرهم الشيت يرجع من الإدارة التعليمية
بس انت لو مش عايزهم و مش مطلوبين عندك تقدر تخفيهم قبل الطباعة
شغل كود تنسيق الصفحة من زر إعدادات الطباعة في القائمة الرئيسية
بالشكل ده تقدر تخفي العواميد دي فلا تظهر لك في الطباعة
و تقدر كمان تغير عرض العواميد زي ما يعجبك
لأن الكود ده بيتيح لك خاصية كليك يمين بالماوس و بيسمح لك بإخفاء و إظهار عواميد
وتغيير مقاساتها و بتلوين الخلايا و تغيير الخط و مقاسه

من طرف جمال زهدي السبت 13 فبراير 2016, 1:52 pm

عباس رضا كتب:رابط برنامج الصور المتحركة للنتيجة

هذا البرنامج لعمل صور متحركة للنتيجة على النت

ياريت ياستاذ عباس ترفع برنامج عمل الصور المتحركة علي موقع اخر غير جوجل درايف

من طرف عباس رضا السبت 13 فبراير 2016, 4:51 pm

اليكم رابط اخر اخوانى
برنامج الصور المتحركة بالتفعيل

من طرف **naderwatfa** السبت 13 فبراير 2016, 5:23 pm

تمام كده يا أستاذ عباس
جاري التحميل

من طرف جمال زهدي السبت 13 فبراير 2016, 7:21 pm

عباس رضا كتب:اليكم رابط اخر اخوانى
برنامج الصور المتحركة بالتفعيل

نسخة من نفس البرنامج ولكن معربة

نسخة معربة من برنامج عمل الصور المتحركة

ارجو من الاستاذ نادر نقل البرنامج الي منتدي البرامج العامة

من طرف **naderwatfa** الأحد 14 فبراير 2016, 5:18 am

أستاذ جمال
تم نقل البرنامج للبرامج العامة
يا ريت تشوف موضوع : دفاتر تحضير التيرم الأول للمرحلة الإعدادية ( رياضيات )
لأنه محتاج إعادة رفع على روابط جديدة بعد ما موقع الخليج قفل

من طرف جمال زهدي الأحد 14 فبراير 2016, 9:25 pm

naderwatfa كتب:
أستاذ جمال
تم نقل البرنامج للبرامج العامة
يا ريت تشوف موضوع : دفاتر تحضير التيرم الأول للمرحلة الإعدادية ( رياضيات )
لأنه محتاج إعادة رفع على روابط جديدة بعد ما موقع الخليج قفل

رابط جديد لدفاتر التحضير للتيرمين للمرحلة الاعدادية رياضيات

تحضير الرياضيات التيرمين لمرحلة الاعدادية

من طرف **naderwatfa** الإثنين 15 فبراير 2016, 5:01 am

شكراً أستاذ جمال
تم نسخ الرابط الجديد للموضوع
إنما أنا مش فاهم
هو انت ما عرفتش تضع الرابط في الموضوع بنفسك ؟
أقصد : هل الموضوع مش مسموح لك بالتعديل فيه ؟

السلام عليكم .
الاستاذ المحترم / نادر
ارجو المساعده في معرفه كيفية التحميل

التوصيفات الوظيفية للمعلمين بوزارة التربيية و التعليم

http://www.slideshare.net/khatab38/ss-57971962

ولك جزيل الشكر

من طرف **naderwatfa** الإثنين 15 فبراير 2016, 12:52 pm

طارق ابو ادهم كتب:السلام عليكم .
الاستاذ المحترم / نادر
ارجو المساعده في معرفه كيفية التحميل

التوصيفات الوظيفية للمعلمين بوزارة التربيية و التعليم

http://www.slideshare.net/khatab38/ss-57971962

ولك جزيل الشكر

تحتاج أولاً لتسجيل الدخول في الموقع ده لتتمكن من التحميل
يعني تعمل عضوية فيه و تسجل دخول و تقدر بعد كده تضغط على زر Download للتحميل

يمكنك أيضاً نسخ الملف صفحة بصفحة و تحفظه على جهازك كصورة عادية بدون تسجيل دخول
كل اللي عليك إنك تعمل كليك يمين على الصفحة و تختار Save Image as
و ها تعمل ده لكل صفحة في الملف
بس طبعاً عمر الصورة ما ها تكون بجودة الأصل اللي ها تحمله من الموقع
فلو ها تحتاج لطباعة الملف بعدين يبقى تعمل عضوية و تسجل دخول و تحمله أحسن

شكرا جزيلا استاذ / نادر

من طرف جمال زهدي الإثنين 15 فبراير 2016, 6:12 pm

naderwatfa كتب:
شكراً أستاذ جمال
تم نسخ الرابط الجديد للموضوع
إنما أنا مش فاهم
هو انت ما عرفتش تضع الرابط في الموضوع بنفسك ؟
أقصد : هل الموضوع مش مسموح لك بالتعديل فيه ؟

انا رفعته في المناقشات من الاستعجال فقط

من طرف جمال زهدي الإثنين 15 فبراير 2016, 7:06 pm

استاذ عباس انا تابعت مناقشة تعديل لون صفحة النتيجةعلي موقع الثانوية
والاكواد الخاصة بالالوان التي رفعتها ولي سؤال وهو مكان وضع كود اللون هل هو
في ملف index الموجود مع الاسكربت
وان امكن الشرح بالصور معلشي نتعبك شوية ونريح عمنا الاستاذ نادر
انا لاحظت انك غيرت لون صفحة النتيجة
http://abass.eb2a.com/FishaSlim/

من طرف عباس رضا الإثنين 15 فبراير 2016, 8:40 pm

كل اللى تغيرة السطر السابع فى ملف الاندكس الخارجى تابع الصور
حوار الأعضاء حول البرامج المدرسية - صفحة 5 1jsyzb

حوار الأعضاء حول البرامج المدرسية - صفحة 5 Whecme

حوار الأعضاء حول البرامج المدرسية - صفحة 5 Muegp5

وممكن طبعا تعمل نفس الكود لكل ملف من الملفات 1 و 2 و 3 ليظهر الشكل الداخلى بنفس اللون ما عدا الدرجات طبعا وممكن تخش على صفحتى دلوقت وتشوف بنفسك