حوار الأعضاء حول البرامج المدرسية

من طرف **naderwatfa** الخميس 07 يناير 2016, 9:30 am

تذكير بمساهمة فاتح الموضوع :

ملاحظة هامة
تم غلق باب طلبات البرامج و التعديل على البرامج نهائياً لأسباب صحية
سيتم حذف أي مشاركة تحتوي على طلبات برامج أو طلبات تعديل برامج في المنتدى
شكراً لحسن تفهمكم

من طرف **naderwatfa** الأحد 17 يناير 2016, 4:17 am

عباس رضا كتب:استاذ نادر انا برصد فى برنامج ملف التجهيز للنسخ للشامل الصف الأول وبعدين نسخت ال 4 مواد اللى امتحنوا فيها الطلاب وفوجت بأن نسبة رصد ترم اول 103.5 % على الرغم من ان كل الدرجات سليمة وضغط كود البحث عن اخطاء قلى اتاكد من الدرجات اللى امامك بس الغريب ان الدرجات سليمة ولما افتح زر الفلتره للمواد الى طلع فيها اخطاء بلاقى رقم 34 و35 ومفيش اصلا الأرقام دى وعلشان اتأكد كمان شلت علامة الصح من الكل وخليته يظهر الأرقام 34 و 35 مظهرش حاجة والنت تعبان جدا مش عارف ارفع الملف

لما الكود يقول لك اتأكد من الدرجات يبقى لازم فيه حاجة زيادة مرصودة
ها تلاقي فيه عواميد ظاهرة ليك و عداد الرصد بتاعها فيه مثلاً رقم 1 أو 2 أو أي رقم كده
المهم أي عواميد يفتحها لك الكود بتاع فحص أخطاء الرصد
يبقى لازم تشوف العواميد دي من فوق لتحت علشان تمسح بنفسك أي شيء مرصود فيها
ها تلاقي فيها غ أو درجة موجودة تحت شوية أو حاجة كده
يا إما تراجع توزيع المجموعات في صفحة الكنترول و تتأكد أنها مطابقة لما هو لديك في المدرسة

بالنسبة لملف الرصد تنسخ منه مباشرة بعد كده للشامل على طول
مش محتاج برنامج تاني
و في الواقع فإن هذا الملف أفضل و أسهل للرصد إن شاء الله

لكن عندي سؤال
هل جربت الملف الأخير ( تجربة 12 ) الموجود أعلى الصفحة ؟
بس قبل ما تنسخ له الدرجات من الملف اللي عندك افحص عواميد رصد الملف القديم أولاً
لتتأكد إن ما فيهاش أي شيء مرصود في أماكن ليس لها أسماء طلاب
حتى لا يتم نسخها للملف الجديد من غير ما تعرف

من طرف عباس رضا الإثنين 18 يناير 2016, 10:54 am

معلش النت كان فاصل عندى لما ارجع ان شاء الله هجرب وقولك

من طرف **naderwatfa** الإثنين 18 يناير 2016, 2:31 pm

ملف رصد الدرجات للنسخ للكنترول الشامل تجربة 14 ببيانات ثانوي عام

تجربة أخيرة

أعلى الصفحة

من طرف رشدى البرادعى الإثنين 18 يناير 2016, 3:02 pm

ملف رصد الدرجات للنسخ للكنترول الشامل تجربة 14 الاعداد الافتؤاضى يعمل بالصف الخامس والرابع الابتدائى غلط

من طرف **naderwatfa** الإثنين 18 يناير 2016, 3:33 pm

ملف رصد الدرجات للنسخ للكنترول الشامل تجربة 15 ببيانات إعدادي
أعلى الصفحة

من طرف **naderwatfa** الإثنين 18 يناير 2016, 3:38 pm

رشدى البرادعى كتب:
ملف رصد الدرجات للنسخ للكنترول الشامل تجربة 14 الاعداد الافتؤاضى يعمل بالصف الخامس والرابع الابتدائى غلط

أعتقد المشكلة اللي بتقول عليها اتحلت كده
شوف الملف أعلى الصفحة

من طرف رشدى البرادعى الإثنين 18 يناير 2016, 4:01 pm

عمى الاستاذ نادر لك الف االف شكر والله العظيم لو املك القرار لاجعلك وزير للتربية والتعليم فورا

من طرف رشدى البرادعى الإثنين 18 يناير 2016, 4:03 pm

انتى شرف لجميع المعلمين يارب يدوم عليك الصحة والستر ويحفظك من كل حاسد وحاقد يارب

من طرف **naderwatfa** الإثنين 18 يناير 2016, 4:06 pm

أشكرك أستاذ رشدي
ده من ذوقك العالي بس
إنما على فكرة
أنا لا أحب أبداً أن أكون وزيراً و لا رئيساً و لا مديراً و لا موجهاً
و لا حتى مشرفاً على المادة
كل ده أنا باهرب منه دايماً لأني لا أحب أن أتحمل نتيجة أخطاء الآخرين
و أحب أعمل العمل بتاعي لوحدي و بدون مساعدة من أحد
يعني أحب المسئولية المحدودة بس

من طرف رشدى البرادعى الإثنين 18 يناير 2016, 4:53 pm

ماشى ياكبير نفسى اكون قريب منك واتعلم التواضع والاخلاق العالية والله العظيم حب الناس ليك فى الصعيد افضل من وزير ورئيس وزراء انا بقولك كده نفسى اشوف الرجل المناسب فى المكان المناسب الرجل الذى يدير وهو عالم وعنده استعداد ان يستفيد منه الزملاء حتى ننهض بالوطن

من طرف **naderwatfa** الإثنين 18 يناير 2016, 5:03 pm

يا أستاذ رشدي انت لما تحب الناس ها تحب تساعد الناس
و بالتالي الناس ها تحبك
و الحمد لله اللي بيخليني أقدر أساعد غيري
خير الناس أنفعهم للناس
و أنا أرجو الله أن أكون ممن ينفع الناس

من طرف **naderwatfa** الأربعاء 20 يناير 2016, 10:23 am

السلام عليكم و رحمة الله و بركاته

تم بحمد الله تعالى الانتهاء من تعديل

برنامج الكنترول الشامل nw5

و بإذن الله سيتم رفعه في قسم البرامج المدرسية

يوم الاثنين 25 يناير

من طرف عباس رضا الأربعاء 20 يناير 2016, 11:34 am

ده بمناسبة الثورة يعنى علشان يبقه ثورة الكنترول الشامل هههههههههههه كل سنة وانت طيب يا عمنا سامحنى بقه على عدم تواجدى اليومين دول الأمتحانات عندنا الى يوم 28/1 ادعيلى

من طرف رضا جبران الأربعاء 20 يناير 2016, 12:07 pm

السلام عليكم استاذ نادر معلش لما يتم تحويل الدرجة فى الشهادة الترم الاول يتم الغاء الترتيب يا ريت لو ينفع تتعدل بقى جزاك الله خيرا

من طرف **naderwatfa** الأربعاء 20 يناير 2016, 12:30 pm

عباس رضا كتب:ده بمناسبة الثورة يعنى علشان يبقه ثورة الكنترول الشامل هههههههههههه كل سنة وانت طيب يا عمنا سامحنى بقه على عدم تواجدى اليومين دول الأمتحانات عندنا الى يوم 28/1 ادعيلى

ربنا يعينك و يوفقك يا أستاذ عباس

من طرف **naderwatfa** الأربعاء 20 يناير 2016, 12:35 pm

رضا جبران كتب:السلام عليكم استاذ نادر معلش لما يتم تحويل الدرجة فى الشهادة الترم الاول يتم الغاء الترتيب يا ريت لو ينفع تتعدل بقى جزاك الله خيرا

ما ينفعش لسبب واحد
لو رتبت على الدرجة المحولة ها يختلف الترتيب عن ما كان عليه قبل التحويل
معنى كده إن ها يكون عندك ترتيبين كل واحد غير التاني
و ممكن تلاقي واحد جايب درجة أقل بعد التحويل و ترتيبه أعلى من اللي درجته أكبر منه
لأنه مترتب على المجموع قبل التحويل
و لو خللينا الترتيب على المجموع بعد التحويل ها ياخد ترتيب أقل
فمنعاً للبس ده ( خاصة و أن تحويل الدرجة في نصف السنة غير قانوني و لا يجوز الترتيب عليه )
حذفت الترتيب في حالة تحويل الدرجة

من طرف abohatabalex الأربعاء 20 يناير 2016, 1:45 pm

naderwatfa كتب:
السلام عليكم و رحمة الله و بركاته
تم بحمد الله تعالى الانتهاء من تعديل
برنامج الكنترول الشامل nw5
و بإذن الله سيتم رفعه في قسم البرامج المدرسية
يوم الاثنين 25 يناير

تهانينا القلبية وشكرنا الزائد وحبنا الخالص
بالنسبة لموعد الرفع كده تعمل بلبلة وتحط نفسك فى صف المعادين للسامية لأنك فضلت 25 يناير على 30 يونيه
وممكن مرتضى منصور يزعل منك ومننا وربنا يستر ...
يبقى لازم تجهز برنامج قنبلة ترفعه فى 30 / 6 علشان ترضى الطرفين وتكون وطنى .
دعااااااااااااااااااااااااااااااابة لحبيبى نادر
الله يخرب بيت السياسة وقرفها
كل سنة وانت طيب وجميع الزملاء
يا ريت توضح لنا الفرق فى الجديد وايه اللى زاد واتغير

من طرف abohatabalex الأربعاء 20 يناير 2016, 1:54 pm

رضا جبران كتب:السلام عليكم استاذ نادر معلش لما يتم تحويل الدرجة فى الشهادة الترم الاول يتم الغاء الترتيب يا ريت لو ينفع تتعدل بقى جزاك الله خيرا

عزيزى الاستاذ رضا
موضوع الدرجة المحولة ده عملنا بلبلة كبيرة العام الماضى واتفقنا على عدم العمل به
لأن الدرجة من 100 تختلف عن الدرجة من 40 او 40 او 20
وتتغير النتائج والترتيب والناس تزعل وبعدين النتيجة تروح للادارة على مجموع 900 بدون تحويل
ويكون هناك انفصام فى الشخصية وبعدين تحليل النتيجة والاحصاءات
كله وجع دماغ ولغبطة
خليك فى نصف العام دايما على 900 بدون تحويل
مجرد رأى شخصى
تحياتى

من طرف **naderwatfa** الأربعاء 20 يناير 2016, 2:18 pm

أستاذ محمد
لما رفعت البرنامج الشامل أول إصدار منه كان في 25 يناير
و كان ثورة في حد ذاته في برامج الكنترول
و علشان كده قلت أرفع الإصدار ( اللي أعتقد ها يكون الأخير ) برضه في 25 يناير

بالنسبة للجديد
هو طبعاً خاصية قراءة الدرجات بصوت مسموع
و إضافة بعض تنسيقات للبرنامج
و تعديل مجموع المنازل في الثانوي ( عند تحويل درجة نصف العام )
و الأفضل من كل ده ملف الرصد الجديد
اللي في الحقيقة هو أجمل إضافة أنا عملتها مع البرنامج ده
فهو صغير جداً جداً و ممتاز في الرصد
و الباقي ها تكتشفه لما تشتغل في البرنامج إن شاء الله

من طرف **naderwatfa** الأربعاء 20 يناير 2016, 6:35 pm

يا جماعة فيه بعض الزملاء سألوني عن طريقة فتح ملفين إكسيل في وقت واحد
بحيث يظهران معاً في نفس الوقت
و رغم بساطة الموضوع إلا أنني قررت أن أجيب عليهم هنا في المنتدى
ربما يكون أحدكم لا يعرف هذه الطريقة و يحتاج إليها
أنا كنت عملت شرح للمسألة دي في شكل صور و حطيتها في ملف الإكسيل المرفق مع البرنامج الشامل
اللي ها ارفعه يوم الإثنين إن شاء الله
الشرح ده بيبين طريقة فتح البرنامج الشامل مع ملف الرصد في نفس النافذة
لسهولة نسخ البيانات و الدرجات بين الملفين
و هو ده الشرح المصور
حوار الأعضاء حول البرامج المدرسية - صفحة 3 113

حوار الأعضاء حول البرامج المدرسية - صفحة 3 113

حوار الأعضاء حول البرامج المدرسية - صفحة 3 213

حوار الأعضاء حول البرامج المدرسية - صفحة 3 310

من طرف عباس رضا الأربعاء 20 يناير 2016, 9:57 pm

ممتاز يا عمنا والله بنتعلم منك كتييييييييييييييييييييييييييييييييييييييييييييييييييييييييييييييييييييييييييييييييييييير

من طرف راجي الأربعاء 20 يناير 2016, 10:09 pm

هو انا ممكن اعدل في اسم لن يؤثر على الابجدة؟؟؟؟؟ بدون ما يحصل مشاكل بتبديل الدرجات ؟

من طرف عباس رضا الأربعاء 20 يناير 2016, 10:17 pm

عندى سؤال مهم الوزارة بتاعتنا مش حطه ليه اجابه هل منازل الصف الأول الثانوى معفيين فعلا من الحاسب والنشاط والصف الثانى من الحاسب والنشاط والتربية المهنية فيه كلام كتير متناقض بين المحافظات على المواد المعفى منها المنازل ومفيش اى قرار يثبت كلام كل واحد فيهم هل عند حضراتكم ما يثبت اى حاااجة

من طرف رضا جبران الأربعاء 20 يناير 2016, 11:27 pm

جزاك الله خيرا استاذ نادر واستاذ محمد

من طرف **naderwatfa** الخميس 21 يناير 2016, 3:43 am

راجي كتب:هو انا ممكن اعدل في اسم لن يؤثر على الابجدة؟؟؟؟؟ بدون ما يحصل مشاكل بتبديل الدرجات ؟

لو حبيت تعدل ( مش تبدل ) أي اسم فلا مشكلة
سيتم تعديله في كل البرنامج زي ما ها تعمله
أهم شيء ما يكونش عندك أسماء متشابهة تماماً كأنهما نفس الشخص
أما لو حبيت تبدل اسم مكان اسم فلازم تستخدم كود الإضافة و الحذف و الأبجدة
علشان يبدل لك الدرجات المرصودة في نفس الوقت مع تبديل الأسماء و البيانات

من طرف راجي الخميس 21 يناير 2016, 9:36 pm

[img]

حوار الأعضاء حول البرامج المدرسية - صفحة 3 Znnaf4

[/img]
هل هتاثر على منتيجة الطالبة طالع 29 مادة امام الطالبة

من طرف **naderwatfa** الجمعة 22 يناير 2016, 5:13 am

افحص أخطاء الرصد في صفحة الرصد
و احذف الرصد الزيادة
و دايماً اتأكد إن نسبة رصد التيرم 100 % بلا زيادة و لا نقصان
الرقم ده هو عدد مواد الرسوب
و البرنامج ما بيجيبوش كده من فراغ

من طرف راجي الجمعة 22 يناير 2016, 12:57 pm

1- لسه مخلصناش رصد النظري ولكن لفت نظري رقم 29 على الرغم ان كل الطالبات 10 مواد فأقل
2- المفترض ان كل طالبة امامها المواد التي دون المستوى و لا تتغير بتغير الرصد على الجلوس او الرصد على سري ترم 1
فالصورة تبين ان رقم 29 متغيرش ولكن اسم الطالبة اتغير
حوار الأعضاء حول البرامج المدرسية - صفحة 3 <img src=

حوار الأعضاء حول البرامج المدرسية - صفحة 3 <img src=

" />

3- هل ضروري استخدام برنامج ملف التجهيز الردجات لاني رصدت مباشرة دون استخدامه
و اسف للاستفسارات الكتير
بستخدم الشامل 4 ومنتظر الشامل 5

من طرف **naderwatfa** الجمعة 22 يناير 2016, 1:04 pm

مش لازم تستخدم ملف التجهيز و تقدر ترصد مباشرة في البرنامج على طول
الملف بتاع التجهيز ده بس علشان يساعد في الرصد على أجهزة قديمة و ضعيفة
بالنسبة للطالبة دي أعتقد إن فيه حاجة غلط حصلت هي السبب في ده
بالتأكيد الرقم ده ما كانش موجود قبل كده
بس للأسف الملف مش قدامي علشان أعرف إيه الحكاية
هل فحصت أخطاء الرصد زي ما قلت لك ؟

من طرف راجي الجمعة 22 يناير 2016, 1:42 pm

فحصت طلع رسالة قم باستكمال رصد درجات الطالب اولا
انا بقول لحضرتك ان لم نستكمل رصد درجة الاختبار والتم رصده اعمال السنه و العملي فقط للترم الاول
ولكن رقم 29 رقم غريب
[img] حوار الأعضاء حول البرامج المدرسية - صفحة 3 Ztvfk6

حوار الأعضاء حول البرامج المدرسية - صفحة 3 Ztvfk6

[/img]

من طرف **naderwatfa** الجمعة 22 يناير 2016, 2:09 pm

لو عايز تبعت لي الملف و أنا أعرف لك السبب ما فيش مانع
انت كمان يمكنك ببساطة نسخ الدرجات لملف النسخ الصغير المرفق مع البرنامج
و ها تشوف ساعتها كل عواميد الرصد أمامك و تقدر تفحصها و تعرف الزيادة فين
لأن فيه بالتأكيد حاجات زيادة في الرصد و لو حتى في عواميد ما فيهاش مواد للرصد

من طرف راجي الجمعة 22 يناير 2016, 11:00 pm

الرصد لا يوجد به زيادة لو زيادة من المفترض زيادة في عدد مواد الطالبة حتى تصبح 29 مادة دون المستوي
نقلت بيانات الطلاب قي الملف المرفق رصد مصغر ولم يظهر 29 مادة بجوار الطالبة فحذفت درجتهم من كنترول4 وبعد لحذف وجدت ان الطالبة امامها 29 مادة ايضاا وحذفت كل الردجات باالعملي وايضا بقت نفس العدد
انتظر كنترول شانل 5 ولا ارسل لحضرتك هذا الشيت؟

من طرف رضا جبران السبت 23 يناير 2016, 12:03 am

السلام عليكم استاذ نادر انا لفت نظرى رقم 29 كنت عايزاقول لحضرتك حاجة ان الاعمدة التى خارج الرصد ليست محمية او مغلقة ففى عمود المواد دون المستوى بالخطأ اثناء الرصد رصدت فى هذا العمود ولكن كتبت الرقم اللى كان موجود فبرجاء النظر لهذه الملحوظه ةغلق كل الاعمدة الاسماء والجلوس وممكن يكون هذا الذى حدث مع الاستاذ راجى

من طرف **naderwatfa** السبت 23 يناير 2016, 4:15 am

على كل حال يا جماعة العامود بتاع مواد الرسوب ده ما لوش أي تأثير في البرنامج و لا حتى العامود بتاع النسبة اللي جنبه
العامودان لا علاقة لهما بالنتيجة و لا بأي شيء في البرنامج
لدرجة أنه يمكنك مسح مواد الرسوب و النسبة بكل بساطة و ما فيش مشكلة ها تحصل
عموماً أنا أعطيت نفسي فرصة كام يوم قبل رفع الملف علشان أتأنى في مراجعته بشكل دقيق أولاً
لهذا حددت يوم الاثنين لرفعه على الرغم من انتهائه قبل ذلك
و اليوم بمشيئة الرحمن سأراجع سبب فتح حماية مثل هذه العواميد اللي بتكون مغلقة أصلاً

من طرف awado55 السبت 23 يناير 2016, 11:31 am

استاذى الفاضل / ممكن المنازل مع الانتظام فى شيت واحد ولا المنازل نعمله فى شيت منفصل

من طرف **naderwatfa** السبت 23 يناير 2016, 11:53 am

awado55 كتب:استاذى الفاضل / ممكن المنازل مع الانتظام فى شيت واحد ولا المنازل نعمله فى شيت منفصل

عادي جداً
كلنا بنضع المنازل من المنتظمين في نفس البرنامج
بس بشرط تخللي المنازل بعد المنتظمين مباشرة

من طرف **naderwatfa** الإثنين 25 يناير 2016, 8:55 am

تم بحمد الله رفع الكنترول الشامل nw5
في قسم البرامج المدرسية

كما تم إضافة رابط تحميل جديد : One Drive لكل برامجي المدرسية
و هو رابط تحميل مباشر من ميكروسوفت
اضغط الرابط و انتظر قليلاً ليبدأ التحميل مباشرة إن شاء الله

من طرف اسعد رفعت الإثنين 25 يناير 2016, 9:11 am

naderwatfa كتب:
تم بحمد الله رفع الكنترول الشامل nw5
في قسم البرامج المدرسية

كما تم إضافة رابط تحميل جديد : One Drive لكل برامجي المدرسية
و هو رابط تحميل مباشر من ميكروسوفت
اضغط الرابط و انتظر قليلاً ليبدأ التحميل مباشرة إن شاء الله

جزاك الله خيرا استاذ نادر وجعله الله في ميزان حسناتك

من طرف **naderwatfa** الإثنين 25 يناير 2016, 9:15 am

أشكرك يا أستاذ أسعد
إن شاء الله البرنامج ها يعجبك
فيه إمكانيات جميلة من غير زيادة في الحجم
و أهم من ده فيه ملف الرصد المرفق مع البرنامج
اللي باعتبره ملف ممتاز للرصد على أي جهاز كمبيوتر إن شاء الله

من طرف khalid ali الإثنين 25 يناير 2016, 10:18 am

اسعد رفعت كتب:
naderwatfa كتب:
تم بحمد الله رفع الكنترول الشامل nw5
في قسم البرامج المدرسية

كما تم إضافة رابط تحميل جديد : One Drive لكل برامجي المدرسية
و هو رابط تحميل مباشر من ميكروسوفت
اضغط الرابط و انتظر قليلاً ليبدأ التحميل مباشرة إن شاء الله
جزاك الله خيرا استاذ نادر وجعله الله في ميزان حسناتك

كل عام وانت بخير استاذ نادر

من طرف **naderwatfa** الإثنين 25 يناير 2016, 10:46 am

و انت بكل خير يا أستاذ خالد

من طرف abohatabalex الإثنين 25 يناير 2016, 11:12 pm

أتم الله عليك نعمته وكافأك على هذا العمل خير الجزاء
ولا حرمنا الله منك ومن برامجك وكلماتك وخدماتك
وربنا يجعله آخر الاحزان والمتاعب
المهم لا تحرمنا من التواصل ...........
كل عام وانت بخير

من طرف **naderwatfa** الثلاثاء 26 يناير 2016, 5:49 am

أشكرك أستاذ محمد
بالتأكيد مش ها نقطع التواصل بيننا
و سيظل هذا القسم ( المناقشات ) مفتوحاً ليكون باباً لهذا التواصل
كمان ما تنساش إني ممكن أضيف شيئاً لبرنامج من البرامج
فأطرحه هنا عليكم لتجربته كما تعودنا
و أنا بالفعل في مخي شوية أفكار كده بس ما أحبش أعلن عنها قبل ما أنفذها
و طبيعي أنني لن أنقطع عن البرمجة تماماً كما أخبرتك سابقاً
لكن ها تكون العملية بهدوء و بدون ضغط و لا إرهاق إن شاء الله

من طرف ahmed al shafy الثلاثاء 26 يناير 2016, 9:45 am

ربنا يبارك فيك استاذ نادر ويجعله في ميزان حسناتك

من طرف **naderwatfa** الثلاثاء 26 يناير 2016, 9:53 am

بارك الله فيك يا أستاذ أحمد

من طرف عباس رضا الثلاثاء 26 يناير 2016, 10:56 am

اكرمك الله كمت اكرمتنا اخى العزيز وشفاك الله من كل داء

من طرف **naderwatfa** الثلاثاء 26 يناير 2016, 11:13 am

تسلم أستاذ عباس من كل سوء

من طرف حلمى احمد الثلاثاء 26 يناير 2016, 12:07 pm

جزاك الله خيرا استاذ نادر

واثابك الجنه

من طرف **naderwatfa** الثلاثاء 26 يناير 2016, 12:58 pm

كل عام و أنت بخير يا أستاذ حلمي و ألف شكر

من طرف awado55 الأربعاء 27 يناير 2016, 7:30 am

استاذى الفاضل / ليه اسم رئيس لجنه الامتحان والمراقبه ماظهرش تحت فى صفحة النتيجه

حوار الأعضاء حول البرامج المدرسية - صفحة 3 Wb3xbd