حوار الأعضاء حول البرامج المدرسية

من طرف **naderwatfa** الخميس 07 يناير 2016, 9:30 am

تذكير بمساهمة فاتح الموضوع :

ملاحظة هامة
تم غلق باب طلبات البرامج و التعديل على البرامج نهائياً لأسباب صحية
سيتم حذف أي مشاركة تحتوي على طلبات برامج أو طلبات تعديل برامج في المنتدى
شكراً لحسن تفهمكم

من طرف **naderwatfa** الأربعاء 27 يناير 2016, 7:33 am

لأن ده مكان التوقيع اليدوي
و اللي انت عملته ده غلط
انت استبدلت عناوين التوقيعات بأسماء الناس
و ده غلط
دي عناوين قابلة للتعديل
يعني انا كاتب : إدارة المدرسة
انت ممكن تخليها : مدير المدرسة أو مديرة المدرسة أو مدير إدارة المدرسة
هو ده المقصود و ليس كتابة أسماء لأن دي عناوين وظائف
و تحتها لازم الاسم يكتب يدوياً و يتم التوقيع أسفله
كما أنها عناوين تخص إدارة المدرسة و ما يليها من عناوين إلى اليسار
( تحت عامود الملاحظات الغير ظاهر بالصورة بتاعتك )
أما رئيس لجنة النظام و ما قبله من عناوين فهي ثابتة

من طرف جمال زهدي الأربعاء 27 يناير 2016, 10:47 am

استاذ نادر

الزملاء الاعزاء

من لديه اقتراح بالنسبه لاسكربت النتيجة علي النت

الاستاذ رمضان البكساوي مصمم الاسكربت

بيعمل حاليا علي تصميم اسكربت جديد بطريقة مختلفة عن الاسكربت السابق

وهو فاتح الموضوع لتلقي الاقتراحات علي موقع بوابة الثانوية العامة

والموضوع مفتوح هنا

متابعة اقتراحات الاسكربت الجديد لرفع النتيجة علي النت

من طرف **naderwatfa** الأربعاء 27 يناير 2016, 11:18 am

موضوع مهم فعلاً يا أستاذ جمال
و سأتباعه عن نفسي يومياً لحين الوصول إلى السكربت النهائي إن شاء الله

من طرف **naderwatfa** الخميس 28 يناير 2016, 7:37 am

تم إعادة رفع الكنترول الشامل nw5
سبب التعديل
إعادة نسخ معادلة تم اكتشاف مسحها سهواً في عواميد مخفية في صفحة بيانات الطلاب
يظهر أثر هذه المعادلة فقط في صفحة النتيجة و الشيت عند ترتيب الرصد على السري
حيث قد تظهر عند البعض علامات خطأ لطالب أو لطالبين
و قد لا تظهر علامات خطأ إطلاقاً
لكن على سبيل الاحتياط قمت بنسخ المعادلة الممسوحة و إعادة رفع البرنامج

من طرف عباس رضا الخميس 28 يناير 2016, 10:26 am

اخى الكريم لماذا لا يتم حساب الطلاب الغائبين وكتابتهم فى الأحصاء لنتيجة نصف العام عندى طلاب غابوا فى بعض المواد المنتهيه تم احصاائهم فعلا راسبين بس مش موجود فى غياب الماده عدد الغائبين

من طرف **naderwatfa** الخميس 28 يناير 2016, 10:28 am

الغائب لا يتم احتسابه
لا في نسب النجاح و لا في نسب الرسوب
لا تيرم أول و لا تيرم ثان
و لا في نسبة الدورين معاً
ممنوع

من طرف عباس رضا الخميس 28 يناير 2016, 11:14 am

هناك خطأ بخصوص المنازل وجارى رفع الملف للأميل برجاء المتابعة بسرعة

من طرف عباس رضا الخميس 28 يناير 2016, 11:41 am

تم ارسال الملف

من طرف **naderwatfa** الخميس 28 يناير 2016, 11:46 am

عباس رضا كتب:تم ارسال الملف

جاري التحميل

من طرف **naderwatfa** الخميس 28 يناير 2016, 11:51 am

أستاذ عباس
ده ملف الرصد و ليس البرنامج نفسه
أعرف ازاي أنا الخطأ كده ؟
لازم تبعت لي البرنامج اللي فيه الخطأ اللي بتقول عليه

من طرف **naderwatfa** الخميس 28 يناير 2016, 12:06 pm

أستاذ عباس
اوعى تكون نسيت إن البرنامج بيحول درجة النظري للمنازل حتى تساوي الدرجة الكلية النهائية
يعني زي المنتظم
في إعدادي مثلاً الامتحان من 50 و الأعمال من 50
فلما طالب منازل يمتحن من 50 بتتحول درجته لما يساوي درجة من 100
فلو جايب 50 من 50 ها تبقى 100 من 100
يعني درجة المنازل لا تظل كما هي

من طرف **naderwatfa** الخميس 28 يناير 2016, 12:32 pm

أستاذ عباس
انت اتاخرت علي في رفع البرنامج الأصلي
و أنا المفروض أقفل الكمبيوتر قبل كده
بالتالي أنا اتصرفت و نسخت البيانات للبرنامج علشان أشوف إيه الحكاية
وحطيت للطلاب مجموعة1 لأن كلهم عندهم درجات في مواد مجموعة1
و ما فيش مشكلة في أي حاجة
النتيجة تمام التمام
الطالب رقم2 اللي واخد في الكيمياء 5 تحريري
اتحولت إلى 8.33 و ده أمر طبيعي لأنه منازل
و النجاح من 8
إذن ما فيش مشكلة

من طرف **naderwatfa** الخميس 28 يناير 2016, 5:07 pm

عباس رضا كتب:تم ارسال الملف

أنا بعت لك الملف على الإيميل
أتمنى يكون وصل لك
إذا لم يصل قل لي علشان أبعته تاني

من طرف awado55 الخميس 28 يناير 2016, 6:40 pm

استاذى الفاضل / نادر
ياريت فى كشف بطاقه الدرجات يكون التقدير اخيارى فى الشهادات او يكون نهائى مثلا يكون تحت مجموع الدرجات مقبول اوجيد او ممتاز وهكذا
ومفيش داعى يكون فى كل ماده

من طرف **naderwatfa** الخميس 28 يناير 2016, 6:45 pm

awado55 كتب:استاذى الفاضل / نادر
ياريت فى كشف بطاقه الدرجات يكون التقدير اخيارى فى الشهادات او يكون نهائى مثلا يكون تحت مجموع الدرجات مقبول اوجيد او ممتاز وهكذا
ومفيش داعى يكون فى كل ماده

اللي انت عايزه ده و أكتر منه موجود
بس انت ما جربتش
تقدر تلغي التقديرات بتاعة المواد لو انت عايز
و التقدير العام موجود في البطاقة أسفل الجدول مباشرة
جرب كل الاختيارات و الأكواد في الصفحة دي و انت ها تلاقي كل حاجة
بس اقرأ المكتوب في الصفحة دي الأول

من طرف awado55 الخميس 28 يناير 2016, 7:41 pm

فى صفحة بطاقه الدرجات فى شيت 4

درجه الماده

درجه التحريرى

ترتيب
وباقى الاختيارات
العادية

انا شغال على شيت 4

من طرف **naderwatfa** الجمعة 29 يناير 2016, 5:56 am

الكنترول الشامل nw5 فقط هو اللي فيه إمكانية حذف التقديرات
لأنها ما كانتش موجودة قبل كده
و لما الناس طلبوها أضفتها للبرنامج

من طرف **naderwatfa** الجمعة 29 يناير 2016, 7:31 am

شباب

كتير منكم لما بينزل برنامج إكسيل مثلاً

سواء برنامج من برامجي أو برنامج آخر

ممكن عند تشغيل البرنامج أول مرة تظهر له أعلى الصفحة رسالة زي دي

وهي عبارة عن تحذير من مايكروسوفت إن الملف ده من الإنترنت

ولهذا قد يكون خطيراً ( به فيروسات يعني )

فأنت بقى تسمح بتشغيل الملف لو أردت أو تغلقه لو أردت

أنا طبعاً بالنسبة لي منعت ظهور الرسالة دي نهائياً في الإكسيل

لأن عندي بالتأكيد برنامج مضاد فيروسات و لو فيه أي حاجة مش ها يسمح بيها

فمن يريد أن يمنع ظهور هذه الرسالة عنده مرة أخرى

عملت له شرح مصور و عليه فقط أن ينفذ الخطوات الموضحة في الصورة التالية

حوار الأعضاء حول البرامج المدرسية - صفحة 4 29-01-10

من طرف عباس رضا الجمعة 29 يناير 2016, 11:40 am

بارك الله فيك يا غالى وجمعة مباركة على الجميع والحمد لله خلصت امتحانات امس وكل تمام يا ريس بتوجيهات سعادك منتحرمش منك ابد

من طرف **naderwatfa** الجمعة 29 يناير 2016, 1:16 pm

مبروك الانتهاء من الامتحانات و شغلها المرهق
و أجازة سعيدة إن شاء الله يا أستاذ عباس

من طرف hanyamen19 الجمعة 29 يناير 2016, 7:33 pm

جزاك الله خيرا استاذ /نادر ولكن اشير لحضراتكم ان معادلة الجمع لمادة الريضيات بالكنترول الشامل 5 لا تعمل ولا ترحل الدرجة داخل الرصد ( نظري ترم 1 ) ارجو الايضاح

من طرف راجي الجمعة 29 يناير 2016, 10:12 pm

1- عاوز في النتيجة والشيت الصفحة تكون بها الدرجات متفصلة ( اعمال السنه - درجة الاختبار التحريري للترم الاول ) بدون م يظهر تاريخ الميلاد و السن لان لما بختار شيت بتبقى الورقة كبيرة جدا وبها التفصيل
2- هو ممكن ارفع النتيجة للترم الاول فقط على النت ؟

من طرف جمال زهدي الجمعة 29 يناير 2016, 10:22 pm

hanyamen19 كتب:جزاك الله خيرا استاذ /نادر ولكن اشير لحضراتكم ان معادلة الجمع لمادة الريضيات بالكنترول الشامل 5 لا تعمل ولا ترحل الدرجة داخل الرصد ( نظري ترم 1 ) ارجو الايضاح

بعد رصد التيرم الاول فروع ( جبر وهندسة ) لابد من الضغط علي زر ( ok) الموجود اعلي عامودي الجبر والهندسة حتي يتم جمع الجبر والهندسة ويتم الانتقال الي صفحة رصد نظري تيرم 1

من طرف جمال زهدي الجمعة 29 يناير 2016, 10:28 pm

راجي كتب:1- عاوز في النتيجة والشيت الصفحة تكون بها الدرجات متفصلة ( اعمال السنه - درجة الاختبار التحريري للترم الاول ) بدون م يظهر تاريخ الميلاد و السن لان لما بختار شيت بتبقى الورقة كبيرة جدا وبها التفصيل
2- هو ممكن ارفع النتيجة للترم الاول فقط على النت ؟

بالنسبة للنتيجة التيرم الاول (اعمال وتحريري ) نختار الفصل الدراسي الاول
ثم نختار تفصيلي نظام 1 او 2 حسب ماتختار واذا اردت عدم وجود اعمدة تاريخ الميلاد والسن اعمل تصدير لهذة الصفحات ثم في الملف المصدر احذف الاعمدة التي لاتحتاجه بعيدا عن البرنامج
وبالنسبة لرفع النتيجة علي النت يمكن رفع التيرم الاول فقط او اي نتيجة
من صفحة رفع النتيجة علي النت ( راجع شرح طريقة رفع النتيجة علي النت ) بالمنتدي

من طرف راجي الجمعة 29 يناير 2016, 10:50 pm

معنى كلام حضرتك انه لا يوجد الا عن طريق التصدير لشيت اكسل ثم تهيئة للطباعه من جديد خارج الشيت
مع ان كان موجود من قبل في الاصدارات القديمة

من طرف **naderwatfa** السبت 30 يناير 2016, 5:33 am

راجي كتب:معنى كلام حضرتك انه لا يوجد الا عن طريق التصدير لشيت اكسل ثم تهيئة للطباعه من جديد خارج الشيت
مع ان كان موجود من قبل في الاصدارات القديمة

لو قصدك بالإصدرات القديمة كنترول 40 و ما قبله
فالكنترول الشامل يختلف كلياً و فرعياً عن هذه الإصدارات
و في نفس الوقت الكنترول 40 شغال تمام و تقدر تعتمد عليه
طالما فيه اللي انت عايزه
و لو قصدك الكنترول الشامل نسخة أقدم من الحالية
فأنا لم أحذف خصائص من الكنترول الشامل وإنما أضفت إليه
و أعتقد اللي انت عايزه موجود في الكنترول الشامل nw5
حيث أن أي صفحة قابلة للطباعة في البرنامج يمكنك اتباع الخطوات التالية فيها ببساطة
اضغط زر : القائمة
و منه اضغط زر : إعدادات طباعة
ثم اضغط الزر الوردي اللون المسمى : تنسيق الصفحة
ها يظهر لك أسماء العواميد و أرقام الصفوف
و سيتيح لك البرنامج إمكانية عمل كليك بيمين الماوس
و سوف تتمكن من إخفاء ما تريد من عواميد قبل الطباعة
و تغيير عرض العواميد كمان لو حبيت
لكن انتبه إلى أنه بالضغط على كود التنسيق أو بالخروج من الصفحة والعودة إليها
سيعود كل شيء كما كان ( للوضع الافتراضي للصفحة يعني )

من طرف عباس رضا الأحد 31 يناير 2016, 11:34 am

حوار الأعضاء حول البرامج المدرسية - صفحة 4 I3ct1e

كنت عاوز اعرف معنى الرسالة دى كل ما افتح برنامج معمول على 2003 اكسل الأكواد بتاعته متشتغلش خالص على 2010 ولما احذف 2010 واسطب 2003 برده مترجعش تشتغل مع انها كانت شغاله تمام هل عند حضرتك فكرة

من طرف هانى محمود الأحد 31 يناير 2016, 11:38 am

الأستاذ نادر تحياتى لحضرتك ولجميع الزملاء الكرام منذ فتره وحضرتك نزلت رابط عدم المشاركه فى اعمال امتحانات الثانويه العامه ممكن حضرتك تنزل الرابط ولا لسه مفتحش باب الأعتزارات شكرا لحضرتك والسلام عليكم

من طرف **naderwatfa** الأحد 31 يناير 2016, 1:47 pm

عباس رضا كتب:

كنت عاوز اعرف معنى الرسالة دى كل ما افتح برنامج معمول على 2003 اكسل الأكواد بتاعته متشتغلش خالص على 2010 ولما احذف 2010 واسطب 2003 برده مترجعش تشتغل مع انها كانت شغاله تمام هل عند حضرتك فكرة

حول الملف من 2003 إلى 2010 عن طريق Save As في File
و جرب يمكن تتحل المشكلة

من طرف **naderwatfa** الأحد 31 يناير 2016, 1:48 pm

هانى محمود كتب:الأستاذ نادر تحياتى لحضرتك ولجميع الزملاء الكرام منذ فتره وحضرتك نزلت رابط عدم المشاركه فى اعمال امتحانات الثانويه العامه ممكن حضرتك تنزل الرابط ولا لسه مفتحش باب الأعتزارات شكرا لحضرتك والسلام عليكم

الرابط كا رافعه الأستاذ عباس رضا
و الموضوع موجود في قسم الموضوعات العامة

من طرف عباس رضا الأحد 31 يناير 2016, 4:27 pm

اخى العزيز صفحة الأوائل المجموع الكلى فى خانة المجموع مكتوب 192 مش 132 وكذلك شهادة التقدير مكتوبه 192 برجاء تعديلها

من طرف **naderwatfa** الأحد 31 يناير 2016, 4:35 pm

عباس رضا كتب:اخى العزيز صفحة الأوائل المجموع الكلى فى خانة المجموع مكتوب 192 مش 132 وكذلك شهادة التقدير مكتوبه 192 برجاء تعديلها

ده بتاع نصف السنة ثانوي ؟
على كل حال إن شاء الله خلال الفترة القادمة أنا باعمل تعديل أخير للبرنامج إذا أراد الله
و من بعد ما رفعت البرنامج nw5 و أنا شغال في التعديل ما بين وقت و التاني
هو مش تعديل بالمعنى الصحيح و لكن مراجعة متأنية جداً لكل صفحة في البرنامج بكل تفاصيلها
مع العمل على تحسينها إذا احتاجت لتحسين

من طرف lido2010 الأحد 31 يناير 2016, 10:18 pm

لوسمحت يااستاذنا انا كنت بعتت لحضرتك ملحوظة على حساب الفيسبوك وكانت بخصوص عرض النتيجة على درجات التحريرى فقط واظهار الراسب تحريرى وبالفعل فيه فى النتيجة والشيت عرض درجات التحرير لكن لاتظهر دوائر على الراسب تحرير اذا كان ناجح فى الاجمالى باعمال السنة فهل فيه طريقة لاظهار الراسب تحريرى حتى ولو كان ناجح فى المجمل

من طرف جمال زهدي الإثنين 01 فبراير 2016, 1:07 am

استاذ نادر
الزملاء الاعزاء
يالنسبة لاسكربت الجديد لرفع النتيجة علي النت
الاستاذ رمضان عمل شرح له فيديو علي الرابط الاتي

شرح فيديو للاسكربت الجديد لرفع النتيجة علي النت

من طرف **naderwatfa** الإثنين 01 فبراير 2016, 5:01 am

lido2010 كتب:لوسمحت يااستاذنا انا كنت بعتت لحضرتك ملحوظة على حساب الفيسبوك وكانت بخصوص عرض النتيجة على درجات التحريرى فقط واظهار الراسب تحريرى وبالفعل فيه فى النتيجة والشيت عرض درجات التحرير لكن لاتظهر دوائر على الراسب تحرير اذا كان ناجح فى الاجمالى باعمال السنة فهل فيه طريقة لاظهار الراسب تحريرى حتى ولو كان ناجح فى المجمل

أنا لغيت اشتراكي من حساب الفيس بوك من أيام
لأني في الواقع لم أكن أستعمله إلا كل شهر مرة
بالنسبة لطلبك تأكد إنك مشغل كود وضع الدوائر

من طرف **naderwatfa** الإثنين 01 فبراير 2016, 5:03 am

جمال زهدي كتب:استاذ نادر
الزملاء الاعزاء
يالنسبة لاسكربت الجديد لرفع النتيجة علي النت
الاستاذ رمضان عمل شرح له فيديو علي الرابط الاتي

شرح فيديو للاسكربت الجديد لرفع النتيجة علي النت

شكراً أستاذ جمال
حملت الملف و شفته كله
ده عبارة عن أول درس بيشرح فيه استخلاص النتيجة من برامج الكنترول اللي بيشتغل بيها في ملف إكسيل
ثم حفظها بصيغة Unicode Text
دي لا تمثل مشكلة عندنا لغاية دلوقتي
لأنك ها تحصل عليها من تصدير الصفحة بتاعة رفع النتيجة للنت في الكنترول الشامل
و من السهل طبعاً نخللي البرنامج من البداية يصدرها بالصيغة اللي احنا عايزينها
سواء إكسيل أو يوني كود تكست زي ما هو عمل
بس أنا ما شفتش السكربت الجديد نفسه في الموضوع بتاع الأستاذ رمضان
هل ها يرفع السكربت بعد ما يعمل كل الشرح أولاً ؟

من طرف عباس رضا الإثنين 01 فبراير 2016, 10:29 am

naderwatfa كتب:
عباس رضا كتب:

كنت عاوز اعرف معنى الرسالة دى كل ما افتح برنامج معمول على 2003 اكسل الأكواد بتاعته متشتغلش خالص على 2010 ولما احذف 2010 واسطب 2003 برده مترجعش تشتغل مع انها كانت شغاله تمام هل عند حضرتك فكرة
حول الملف من 2003 إلى 2010 عن طريق Save As في File
و جرب يمكن تتحل المشكلة

التحويل لم يفيد فى شئ هل هناك حل اخر اخى الكريم وهل العلاقة هنا مرتبطبته بالأوفيس ام الويندوز

من طرف **naderwatfa** الإثنين 01 فبراير 2016, 3:26 pm

التحويل ينفع مع ملف إكسيل 2003 قبل ما تحصل له المشكلة دي
أنا ما صادفتهاش قبل كده خالص
لكن بحثت في النت عنها و عرفت إنها ( قد ) ينصلح الأمر
إذا قمت بعمل تحديث ( Update ) للأوفيس
ممكن أجرب أنا مع ملف من الملفات اللي بتظهر لك الرسالة دي معاها و أشوف
ابعت لي لو حبيت واحد منهم على الإيميل و أنا بكره الصبح أجرب

من طرف عباس رضا الإثنين 01 فبراير 2016, 4:19 pm

شكرا يا غالى سوف ابعد لك الملف على الأيميل

من طرف **naderwatfa** الثلاثاء 02 فبراير 2016, 6:42 am

الملف اتفتح عندي بشكل طبيعي تماماً بدون أي رسائل و لا مشاكل
وبعثت لك التفاصيل على الإيميل

من طرف **naderwatfa** الثلاثاء 02 فبراير 2016, 7:37 am

الدرس الثاني و الأخير

من

شرح سكربت النتيجة الجديد

للأستاذ رمضان البكساوي

من هنا - ميديا فاير

من طرف جمال زهدي الثلاثاء 02 فبراير 2016, 2:12 pm

naderwatfa كتب:
الدرس الثاني و الأخير
من
شرح سكربت النتيجة الجديد
للأستاذ رمضان البكساوي
من هنا - ميديا فاير

ارجو من الستاذ نادر رفع الاسكربت الجديد الموجود علي موقع بوابة الثانوية العامة علي المنتدي

من طرف عباس رضا الثلاثاء 02 فبراير 2016, 2:30 pm

طب حد فاهم هيترفع ازاى هل ببرنامج السيكوال والجمل زى الول وهل على نفس قاعدة البيانات القديمة طب هيترفع على اى صيغة انا مش فاهم جربت ومش فاهم الجديد هيترفع ازاى بصراحة لأن القديم كان فيه ربط بين الملفات والقاعدة طب الجيد هنربطه ازاى

من طرف **naderwatfa** الثلاثاء 02 فبراير 2016, 3:27 pm

جمال زهدي كتب:ارجو من الستاذ نادر رفع الاسكربت الجديد الموجود علي موقع بوابة الثانوية العامة علي المنتدي

تفضل يا أستاذ جمال
سكربت النتيجة الجديد - رابط خاص مباشر

من طرف **naderwatfa** الثلاثاء 02 فبراير 2016, 3:31 pm

عباس رضا كتب:طب حد فاهم هيترفع ازاى هل ببرنامج السيكوال والجمل زى الول وهل على نفس قاعدة البيانات القديمة طب هيترفع على اى صيغة انا مش فاهم جربت ومش فاهم الجديد هيترفع ازاى بصراحة لأن القديم كان فيه ربط بين الملفات والقاعدة طب الجيد هنربطه ازاى

ده ما لوش علاقة فيما يبدو بالسيكوال و لا الجمل
ده ها يترفع زي الشرح اللي عمله الأستاذ رمضان تماماً
بس أنا ما جربتش لسة لأني تعبان من الأنفلونزا اللي مكسرة جسمي
كما أنني أفضل التنسيق بتاع السكربت القديم و ناوي أرفع عليه نتيجة آخر السنة إن شاء الله

من طرف عباس رضا الثلاثاء 02 فبراير 2016, 4:13 pm

الف سلامة عليك يا ريس وان شاء الله نستنى رد استاذ رمضان

الف الف مليون سلامة على عمى الاستاذ نادر

من طرف مجدى نبيل الأربعاء 03 فبراير 2016, 12:25 am

تحياتى للجميع برجاء مراجعة زر تسجيل سنوات البقاء للكنترول الشامل اخر نسخة فعند وضع بيانات الطلاب هذا الزر لا يعمل ودليل اكتمال البيانات يكون باللون الاحمر

من طرف **naderwatfa** الأربعاء 03 فبراير 2016, 5:16 am

أستاذ عباس
أستاذ رشدي
سلمكما الله من كل سوء

من طرف **naderwatfa** الأربعاء 03 فبراير 2016, 5:26 am

مجدى نبيل كتب:تحياتى للجميع برجاء مراجعة زر تسجيل سنوات البقاء للكنترول الشامل اخر نسخة فعند وضع بيانات الطلاب هذا الزر لا يعمل ودليل اكتمال البيانات يكون باللون الاحمر

لازم عندك مشكلة في البيانات
أنا متأكد من ده من غير ما أشوف حاجة
لأني اشتغلت التيرم الأول بنفسي على النسخة دي و طلعت النتيجة بيها
و عندي معيدين في كل صف
و للعلم فإن البرنامج يسجل سنوات البقاء للمعيدين آلياً بشرط سلامة البيانات تماماً
فإذا كنت مثلاً مسجل للمعيد كلمة أخرى ( زي باق مثلاً ) و ما عدلتش القائمة
أو كتبت له معيد بس فيها اختلاف عن قائمة الاختيار و ليكن مسافة زائدة مثلاً قبل الكلمة
ففي الحالة دي البرنامج بيعتبر البيان ده غير صحيح و مش ها يفتح لك عامود تسجيل سنوات البقاء
و مش ها يسجل سنوات البقاء آلياً عند نسخ البيانات إليه من ملف آخر
لذلك أنصحك تجرب تختار للمعيدين اللفظ المناسب من قائمة الاختيار أولاً
اعمل ده لكل المعيدين و إن شاء الله المشكلة تتحل
و إذا ما اتحلتش ابعت لي الملف ده و أنا أحل لك المشكلة دي فوراً
عن طريق تصحيح بيانات الطلاب برضه