حوار الأعضاء

من طرف **naderwatfa** الأحد 09 أبريل 2017, 5:53 am

تذكير بمساهمة فاتح الموضوع :

زملائي الكرام
هذا القسم من المنتدي مخصص للحوار بين الأعضاء في أي موضوع يخص التربية و التعليم

يمكنكم التواصل هنا مع بعضكم أو معي لمناقشته و الاتفاق في النهاية على الرأي الأنسب

و ذلك لأي موضوع في الحقل التعليمي يكون محل اختلاف أو غير واضح الرؤية للبعض منا

مع رجاء خاص

أرجو عدم طلب تعديل برامج أو برمجة برامج جديدة نظراَ لظروفي الصحية التي لا تسمح لي بذلك

سيتم حذف المشاركة التي تحتوي على طلبات تعديل أو طلبات برمجة

من طرف awado55 الثلاثاء 01 يناير 2019, 12:10 pm

استاذى العزيز / فى شيت الصف الاول المفروض يكون كل مادة لها اربع اختبارات

ترم اول اختبار اول واختبار ثان ترم ثان اختبار اول واختبار ثان وناخذ المتوسط فى النتيجة الاجمالية ومفيش دور ثان فلى راسب فقط لايوجد ملاحق ومفيش فى ورقيات شيت فاضى للطباعة علشان نكبره ونسجل عليه خارجى فى الكنترول شيت ورقى لان شتات الادرة على القديم ولايوجد عملى الا فى ترم ثانى للحاسب فقط

من طرف **naderwatfa** الثلاثاء 01 يناير 2019, 12:18 pm

لو بصيت كويس في البرنامج ( صفحة رصد دور أول )

ها تلاقي زر اسمه ( متعدد )

ده علشان ترصد الاختبارين لكل مادة و البرنامج ها يختار الدرجة الأعلى

و لو بصيت كويس قوي في صفحة الكنترول للصف الأول الثانوي

ها تلاقيها تم تجهيزها افتراضياً كما هو مطلوب تماماً

بدون أعمال سنة ـ بدون دور ثان ، كل شيء مطلوب تم عمله

و للعلم فقط ، عندي فصول ثانوي في مدرستي ( ملحقة على المدرسة )

ما عملوش أي حاجة للصف الأول في البرنامج و شغالين صف ثان فقط علمي و أدبي

علشان ما فيش كنترول في المدارس للنظام الجديد بتاع التابلت

من طرف **naderwatfa** الثلاثاء 01 يناير 2019, 1:51 pm

تم عمل تعديل بسيط لبرنامج الرصد المرفق مع الكنترول الشامل

سبب التعديل

إتاحة إمكانية الرصد مع إخفاء أسماء الطلاب

من طرف طلعت اسماعيل الأربعاء 02 يناير 2019, 6:34 pm

استاذ نادر لو سمحت مش ممكن تجعل برنامج الكنترول لكل مرحله لها برنامج خاص لان البرنامج حتى مع الاجهزه الحديثه تقيل

من طرف عباس رضا الأربعاء 02 يناير 2019, 7:04 pm

السلام عليكم ورحمة الله وبركاته اخى نادر برنامج الرصد للثانوى عند اختيار متعدد لا يتم اظهار عمود السرى فى هذه الصفحة ولكن ظاهر فى صفحة الرصد العادى

وفيه حاجة غريبة للثانوى فى الغربية المنازل ملهمش حاسب الى خالص لا عملى ولا نظرى يا ريت تعملها حاجة فى برنامج الرصد

برنامج الكنترول نفسة لا يوجد به اختبار متعدد للكمبيوتر لان الماده لها عملى ونظرى والطالب هيمتحن الاثنين فى كل ماده ويطبق هذا على كل المواد العملى

من طرف **naderwatfa** الأربعاء 02 يناير 2019, 7:07 pm

طلعت اسماعيل كتب:استاذ نادر لو سمحت مش ممكن تجعل برنامج الكنترول لكل مرحله لها برنامج خاص لان البرنامج حتى مع الاجهزه الحديثه تقيل

حتى لو عملت كده (لأني جربت ده فعلاً من شهرين)

برضه البرنامج ها يحتاج إمكانيات عالية

ما فيش علاقة بين حجم البرنامج و بين المراحل المختلفة

الحكاية كلها في إمكانيات البرنامج الكبيرة

أنا باشغله في المدرسة على جهاز حديث ، و سريع جداً عليه

بس جهاز حديث بجد ، مش حديث و إمكانياته قديمة

على كل حال النت مليان برامج كنترول كتير

تقدر تدور فيها على اللي يناسب الجهاز بتاعك

من طرف **naderwatfa** الأربعاء 02 يناير 2019, 7:10 pm

عباس رضا كتب:السلام عليكم ورحمة الله وبركاته اخى نادر برنامج الرصد للثانوى عند اختيار متعدد لا يتم اظهار عمود السرى فى هذه الصفحة ولكن ظاهر فى صفحة الرصد العادى

وفيه حاجة غريبة للثانوى فى الغربية المنازل ملهمش حاسب الى خالص لا عملى ولا نظرى يا ريت تعملها حاجة فى برنامج الرصد

برنامج الرصد ده مش برنامج كنترول

يعني تحط درجات للمنازل في الحاسب أو ما تحطش مش مشكلة ، براحتك

مش محتاجة تعديل حاجة

أما موضوع السري في المتعدد ده فلازم تبعت لي نسخة من البرنامج و فيها بياناتك علشان أعدل عليها المطلوب

أنا فاضي بكره من الفجر

ابعت لي البرنامج على الإيميل

من طرف عباس رضا الأربعاء 02 يناير 2019, 7:22 pm

برنامج الكنترول نفسة لا يوجد به اختبار متعدد للكمبيوتر لان الماده لها عملى ونظرى والطالب هيمتحن الاثنين فى كل ماده ويطبق هذا على كل المواد العملى

من طرف **naderwatfa** الأربعاء 02 يناير 2019, 7:34 pm

عباس رضا كتب:برنامج الكنترول نفسة لا يوجد به اختبار متعدد للكمبيوتر لان الماده لها عملى ونظرى والطالب هيمتحن الاثنين فى كل ماده ويطبق هذا على كل المواد العملى

الاختبار المتعدد حسب القرار الوزاري هو فقط للتحريري

العملي اختبار واحد فقط

أما التحريري فيتم ( المفروض مستقبلاً ) على التابلت

و الصف الأول الثانوي ما لوش كنترول فعلياً في المدارس

و لكن يتم ذك على النت مباشرة بعيداً عن المدرسة

أما برنامج الكنترول فدوره هنا حاجة واحدة بس

و هي أن نرصد درجات للصف الأول فنحصل على نسب و إحصاءات و أوائل

غير كده ما فيش و ده كلام أكيد

من طرف عباس رضا الأربعاء 02 يناير 2019, 7:40 pm

تم ارسال برنامج الرصد بالبريد

من طرف **naderwatfa** الأربعاء 02 يناير 2019, 7:43 pm

بكره الصبح ها اشوفه إن شاء الله

بس برنامج الكنترول مش ها اعمل فيه حاجة

لأنه ما فيش امتحان عملي متعدد

من طرف **naderwatfa** الخميس 03 يناير 2019, 7:23 am

تم عمل تعديل لبرنامج الرصد المرفق مع الكنترول الشامل

البرنامج مرفوع برقم nw14.3

من طرف خالد رياض الأحد 06 يناير 2019, 8:36 pm

طلاب بالصف الثاني الثانوي عائدين من السعودية ليس له امتحان في مادة الفرنساوى افيدني بالله عليك كيفية وضعهم في الحالات الخاصه

من طرف **naderwatfa** الإثنين 07 يناير 2019, 5:23 am

خالد رياض كتب:طلاب بالصف الثاني الثانوي عائدين من السعودية ليس له امتحان في مادة الفرنساوى افيدني بالله عليك كيفية وضعهم في الحالات الخاصه

تقدر بكل بساطة تعمل له إعفاء من المادة دي في صفحة رصد دور أول

لو قرأت المساعدة بتاعة الصفحة دي ها تعرف ازاي تعمل ده

من طرف خالد رياض الإثنين 07 يناير 2019, 9:56 pm

مع خالص التحية والشكر ممتن جداً لاهتمامك

من طرف راجي مصطفى الجمعة 11 يناير 2019, 3:42 pm

مش عارف العيب فين
رصد اعمال السنه باللون الاسمر ومش حاطط عدد الطلاب فوق
رفم انه حاطه في النظري
ياريت حل

من طرف عباس رضا الجمعة 11 يناير 2019, 3:51 pm

حضرتك رصد فى اماكن غير مخصصه للرصد اضغط على مفتاح معالجة اخطاء الرصد وقبل الرصد اضغط فى صفخة الكنترول على زر الاعداد الافتراضي للبرنامج

من طرف راجي مصطفى الجمعة 11 يناير 2019, 3:57 pm

انا راصد تحت اعمال السنه ؟
مش فاهم حضرتك تقصد ايه مش في مكان الرصد
فعلا عملت افتراضي لكن يبقي الوضع كما بالصورة
وعملت معالجه اخطاء الرصد ايضا
مع العمل اني معايا شيت اخر للصف اخر شغال طبيعي

من طرف راجي مصطفى الجمعة 11 يناير 2019, 4:14 pm

اسف جدا جدا الخطأ من عندي كنت كاتب في حالات خاصة كل الطلاب منازل
بالتالي كان عامل اسود تحت اعمال

من طرف awado55 الإثنين 14 يناير 2019, 2:11 pm

استاذى العزيز /

مش المفروض اعمال السنة تظهر فى اخر العام فقط لان مفيش اعمال سنه فى الترم الاول لكن هى ظهرة فى الترمين ليه

من طرف abdelhalem الإثنين 14 يناير 2019, 8:28 pm

أستاذ نادر
جزاك الله خيرا وجعل عملك هذا فى ميزان حسناتك
عندى استفسار بسيط
حضرتك ليه مفكرتش تعمل نسخة من البرنامج الكنترول الشامل خاصة بالإعدادى فقط علشان الأكواد فيا تقل وحتى تكون خفيفة على أى جهاز ؟

من طرف أبو أحمد الثلاثاء 15 يناير 2019, 12:00 am

أخى الحبيب الأستاذ نادر
السلام عليكم ورحمة الله وبركاته
جزاكم الله خيرا
عند المراجعة وتسجيل المجموع بعدالرصد من شيت الإدارة و فى عمل الساقية للمراجعة العامة وهذا كله يتم مراجعته على السرى
فى الكنترولات السابقة لحضرتك كان هناك إختيار ترتيب الرصد على رقم الجلوس أو الرقم السرى
أما فى الإصدار12 و 14.3 فلم توجد وبدله تحديدالنوع ذكر أم أنثى
فبارك الله فيكم
فما الحل
وجزاكم الله خيرا

من طرف **naderwatfa** الثلاثاء 15 يناير 2019, 11:50 am

awado55 كتب:استاذى العزيز /

مش المفروض اعمال السنة تظهر فى اخر العام فقط لان مفيش اعمال سنه فى الترم الاول لكن هى ظهرة فى الترمين ليه

اعمل صفحة الكنترول بشكل صحيح

ليعرف البرنامج إن ما فيش أعمال سنة تيرم أول

من طرف **naderwatfa** الثلاثاء 15 يناير 2019, 11:52 am

abdelhalem كتب:أستاذ نادر
جزاك الله خيرا وجعل عملك هذا فى ميزان حسناتك
عندى استفسار بسيط
حضرتك ليه مفكرتش تعمل نسخة من البرنامج الكنترول الشامل خاصة بالإعدادى فقط علشان الأكواد فيا تقل وحتى تكون خفيفة على أى جهاز ؟

فكرت و عملت علشان أجرب

و ما فرقتش كتير

المشكلة مش في الثانوي

المشكلة في كثرة إمكانيات البرنامج فقط لا غير

و أنا ما أقدرش أحذف حاجة من الإمكانيات دي لأني باحتاجها

من طرف **naderwatfa** الثلاثاء 15 يناير 2019, 11:56 am

أبو أحمد كتب:أخى الحبيب الأستاذ نادر
السلام عليكم ورحمة الله وبركاته
جزاكم الله خيرا
عند المراجعة وتسجيل المجموع بعدالرصد من شيت الإدارة و فى عمل الساقية للمراجعة العامة وهذا كله يتم مراجعته على السرى
فى الكنترولات السابقة لحضرتك كان هناك إختيار ترتيب الرصد على رقم الجلوس أو الرقم السرى
أما فى الإصدار12 و 14.3 فلم توجد وبدله تحديدالنوع ذكر أم أنثى
فبارك الله فيكم
فما الحل
وجزاكم الله خيرا

موجود ترتيب الرصد على الجلوس أو على السري زي ما انت عايز

في كل الإصدارات لم أحذفها

ممكن مكان أو شكل الأزرار يتغير ، لكن كل شيء موجود

أي إصدار جديد للبرنامج بيزود الإمكانيات مش بينقصها

عازي تراجع الرصد على السري عندك طريقة سهلة

رتب الرصد على السري في صفحة الرصد

و اضغط زر المراجعة

من طرف أبو أحمد الثلاثاء 15 يناير 2019, 12:50 pm

أخى الحبيب الأستاذ نادر
السلام عليكم ورحمة الله وبركاته
جزاكم الله خيرا
عند المراجعة وتسجيل المجموع بعدالرصد من شيت الإدارة
أنا آسف لإزعاجكمبارك الله فيكم
ممكن زرالترتيب يكون مخفى

جزاكم الله خيرا

من طرف **naderwatfa** الثلاثاء 15 يناير 2019, 1:06 pm

لايوجد ترتيب سري في صفحة النتيجة و لا الشيت

لغيته نهائياً من البرنامج في إصداراته الأخيرة لأنه سبب مشاكل بعد تحديثات البرنامج

عايز تراجع الرصد على السري راجعه في صفحة الرصد من خلال زر مراجعة مادة

أو اشتغل على إصدار قديم من البرنامج لو يناسبك

أو شوف برنامج غيره من النت

من طرف **naderwatfa** الأحد 20 يناير 2019, 7:10 am

تم تعديل برنامج الكنترول الشامل

التعديل خاص بصفحة الإحصاءات و النسب

( عداد الغياب لكل مادة )

البرنامج تم رفعه برقم إصدار

nw14.6

من طرف صابر لطفى الأحد 20 يناير 2019, 9:21 pm

الاستاذ الفاضل نادر عبد الرحمن متعك الله بالصحة والعافية
برجاء معرفة العيب عندى حيث اننى اكملت البيانات وعند الذهاب لرصد الدرجات تظهر كلمة اكمل البيانات اولا فاين الخطا فى البيانات الغير مكتمله

من طرف **naderwatfa** الإثنين 21 يناير 2019, 4:52 am

صابر لطفى كتب:الاستاذ الفاضل نادر عبد الرحمن متعك الله بالصحة والعافية
برجاء معرفة العيب عندى حيث اننى اكملت البيانات وعند الذهاب لرصد الدرجات تظهر كلمة اكمل البيانات اولا فاين الخطا فى البيانات الغير مكتمله

لو عندك حاجة ناقصة ها تلاقي عنوان العامود بتاعها لونه أحمر تقدر تكمل الناقص بنفسك
لو ما عندكش ، اعمل الخطوات التالية :
اضغط زر التجهيز ، و بعد ما ينتهي من تجهيز البرنامج أو يعطيك رسالة يقول لك البرنامج مجهز بالفعل
اضغط الزر الخاص بسنوات البقاء للمعيدين و بعد ما ينتهي من شغله
اضغط الزر الخاص بفحص الأخطاء
ها تتحل مشكلتك بالشكل ده إن شاء الله
إذا لم يتم حل المشكلة بعد كده ، ابعت لي البرنامج بتاعك و أنا أحل لك المشكلة دي فوراً و أبعته لك تاني على طول

من طرف حلمى احمد الخميس 24 يناير 2019, 12:20 pm

السلام عليكم ورحمة الله وبركاته

كل عام وحضراتكم بكل خير

هل يمكن إعفاء طالب الدمج فقط من درجة العملى فى البرنامج

من طرف **naderwatfa** الخميس 24 يناير 2019, 1:20 pm

أولاً

غير متاح في البرنامج إعفاء أي طالب من العملي دون النظري

و لا من النظري دون العملي

لابد أن يكون الإعفاء من النظري و من العملي مع بعض

لأن الاتنين مكملين لبعض في درجة الاختبار بتاع المادة

ثانياً

طالب الدمج لا يعفى نهائياً من أي شيء و لكن بيتعمل له امتحان يناسب مستواه العقلي

( طالب الدمج في توصيف حالته هو طالب مستواه العقلي أقل من الطبيعي بقليل )

لو عنده أي إعاقة أخرى ما يبقاش دمج

و لو درجة إعاقته العقلية شديدة برضه ما يبقاش دمج و لا يصلح للتعليم أصلاً

ثالثاً

لو الطالب اللي عنده نسبة إعاقة ذهنية ( دمج ) عنده كمان إعاقة تمنعه من الحضور ( كفيف مثلاً )

ما يبقاش طالب دمج ، و لا يجوز أن يبقى في المدارس العادية

و لكن يكون في مدارس النور و الأمل لو كفيف أو يقدم منازل

لأن فكرة الدمج مبنية على دمج الطالب مع زملائه الطبيعيين

و ده لا يتحقق إلا بحضور الطالب طول السنة مع زملائه

و مشاركتهم في الأعمال و العملي و النظري و كل شيء

من طرف awado55 الخميس 24 يناير 2019, 4:29 pm

استاذى الفاضل / انا خلصت رصد وكل شئ تمام ورصد 100%
وعند كشوف النتيجة بيقول راجع رصد ترم اول ولايوجد اخطاء بالرصد

من طرف **naderwatfa** الخميس 24 يناير 2019, 6:17 pm

الكلام ده مش ممكن يحصل إلا إذا كان الرصد مش 100%

شوف صفحة الرصد و شوف النسبة بتاعة رصد تيرم أول فوق على شمالك

ها تلاقيها غالباً أعلى من 100 ، ربما بكسر بسيط جداً

في الحالة دي شغل الكود الخاص بأخطاء الرصد و ها تتحل المشكلة

من طرف awado55 الخميس 24 يناير 2019, 7:37 pm

استاذى الفاضل / فعلت اخطاء الرصد ولكن الشيت كما هو

وفى حاجه تانية

ليه درجات الترم الاول زيادة عن المعدل المفروض العربى يبقى من الدرجة الكبرى من 24 واللغه الاولى من 20 والثانية من12 وكل المواد الباقية من 8 ده الترم الاول ومفيش صغرى فى الترم الاول ومع اضافة درجة الترم الثانى وامال السنة العربى يبقى 60 24+24 + 12 = 60 وهكذا حولت اعدل فى صفحة الكنترول منفعش

من طرف awado55 الجمعة 25 يناير 2019, 10:48 am

استاذى الفاضل / جزاك الله كل خير

كل الدرجات تمام

بس لسه موضوع راجع رصد ترم اول

الوممكن ابعتلك الشيت اليوم تشوفه ابعته ازى

من طرف **naderwatfa** الجمعة 25 يناير 2019, 10:58 am

ابعته على الإيميل ده

naderwatfa@gmail.com

ها اشوفه العصر إن شاء الله لأني خارج دلوقتي و ها ارجع على العصر

و لما أحل لك المشكلة اللي فيه ها ابعت لك على الإيميل على طول

من طرف awado55 السبت 26 يناير 2019, 6:38 pm

استاذى العزيز /
احنا طلعنا النتيجة اليوم ولكن بطاقات الدرجات فى شيت العلمى فيها مشكله ومش عارف احلها انا هبعتلك الشيت وتشف فيه ايه جزاك الله خيرا
والرساله دى بتطلع كل ماجى اطلع درجات العلمى فقط وعلى فكرة كل النسخ الى بعد رقم 11

من طرف **naderwatfa** الأحد 27 يناير 2019, 5:56 am

الرسالة دي يا أخي لا تظهر في الإصدار الأخير

نقلت لك البيانات و الدرجات على آخر إصدار

و كل حاجة تمام

أنا نفسي كل الناس تنتقل على طول لأي إصدار جديد أعمله

قبل ما تشتكي لي من ملاحظة معينة

لأنه بالتأكيد الإصدار الأحدث فيه تصويب لملاحظة معينة

ها ابعت لك البرنامج على الإيميل إن شاء الله

بس أنا باقول لكل الزملاء

مش ها اساعد أي حد شغال على إصدار غير آخر إصدار بعد كده

من طرف awado55 الأحد 27 يناير 2019, 6:54 am

جزاك الله خير

ابعنه على نفس الاميل او ياهو awado55@yahoo.com

من طرف **naderwatfa** الأحد 27 يناير 2019, 6:58 am

بعثته على نفس الإيميل دلوقتي

نقلت لك البيانات على nw14.7

هو نفسه nw14.6

بس الفرق الوحيد إني عدلت الإعداد الافتراضي للثانوي

و ها ارفعه بعد شوية على النت

من طرف awado55 الأحد 27 يناير 2019, 7:23 am

من طرف awado55 الأحد 27 يناير 2019, 7:24 am

استاذى الفاضل / نفس الرساله

عند بطاقات الدرجات

من طرف **naderwatfa** الأحد 27 يناير 2019, 7:28 am

شوف بقى الجهاز بتاعك فيه إيه

لأن أنا ما عنديش مشكلة نهائياً من دي

تحب أصدر لك البطاقات بتاعتك و أبعتها لك ؟

من طرف **naderwatfa** الأحد 27 يناير 2019, 7:42 am

الصورة دي من صفحة البطاقات في البرنامج اللي أرسلته لك

دي تثبت إن ما فيش عندي مشكلة في حاجة زي ما قلت لك

من طرف awado55 الأحد 27 يناير 2019, 7:48 am

جزاك الله خير يأخى

عند تحديث البطاقات واعمل اختيارات 3 بطاقات فى الصفحى واغلى درجة التحريرى بعد ماعدل فى اختيارات البطاقات هوكل شى تمام بس بتحصل عند تعديل فى اختيارات البطاقات واعمل تنسيق تظهر الرساله دى وجربت على كذا جهاز ياريت تعدل فى البطاقات وتشوف

من طرف **naderwatfa** الأحد 27 يناير 2019, 7:52 am

عملت زي ما بتقول

خلليت في الصفحة 3 بطاقات و لغيت التحريري

و كل شيء تمام

كمان شغلت كود التنسيق بعد كده و برضه كل شيء تمام

تحب أبعت لك صورة للصفحة بعد ما عملت كده ؟

من طرف **naderwatfa** الأحد 27 يناير 2019, 8:04 am

آدي كمان صورة للصفحة ب3 بطاقات

من طرف **naderwatfa** الأحد 27 يناير 2019, 8:16 am

للسادة الزملاء الكرام

هاااااااااااام

******

علشان برنامج كبير زي الكنترول الشامل يشتغل معاك بشكل صحيح

يجب مراعاة ما يلي بكل دقة و اهتمام

1 - تنظيف الكمبيوتر من الفيروسات و إصلاح البادات التالفة

2 - ألا تقل رامات الجهاز بتاعك عن 4 جيجا رام

3- ألا تنسخ نهائياً بيانات أو درجات بشكل خاطئ من ملف خارجي

******

و علشان أساعد أي زميل تواجهه مشكلة

لابد قبل أن يطلب مني مساعدة أن ينتقل لأحدث إصدار من البرنامج

( اليوم تم رفع الكنترول الشامل nw14.7 )

فأرجو من الجميع الانتقال إليه قبل العمل في امتحانات آخر العام

لأن النسخة دي فيها تعديل مهم جدا خاص برصد درجات الدور الثاني

لما أي زميل ها يواجه مشكلة و يحتاج مني مساعدة

أول حاجة ها اسأله عنها هي : إصدار البرنامج بتاعك رقمه كام ؟

فلو كان شغال على إصدار سابق ها اطلب منه ينتقل للإصدار الأخير أولاً

و يجرب الأول و يشوف لو المشكلة بتاعته اتحلت

و مش ممكن ها اقدم لأي حد أي نوع من المساعدة إلا إذا اشتغل أولاً على آخر إصدار من البرنامج

*********

حاجة تانية مهمة لمعظم الزملاء

لما تفتح أي برنامج إكسيل تم تحميله من على النت سواء أكان الكنترول الشامل أو برنامج غيره
بتطلع لك - أول مرة غالباً - رسالة في لون أصفر تلاقيها فوق في الإكسيل بعنوان

protected view

زي كده مثلاً

الرسالة دي من ضمن عوامل الأمان بتاعة مايكروسوفت وبتقول لك إن الملف ده تم تحميله من النت

و ربما يكون ضاراً بجهاز الكمبيوتر
بس الرسالة دي بتتعب الواحد مع تشغيل البرنامج الكبير زي الكنترول الشامل أول مرة بعد تحميله من النت

لأنها بتزود الوقت اللي ها ياخده البرنامج على بال ما يفتح و هو أصلاً بياخد وقت طويل لوحده
لو عايز الرسائل دي ما تظهرش عندك تاني و البرامج تفتح على طول ، اتبع الخطوات التالية
افتح ملف إكسيل فاضي ( اعمل مثلاً ملف إكسيل جديد و افتحه أو افتح أي ملف إكسيل صغير عندك )
و اضغط من فوق على كلمة File ثم اختر Options ثم Trust Center
ثم اضغط زر Trust Center Settings ثم زر Protected View
و احذف علامات الصح الموجودة أمام كل الاختيارات
زي الصورة دي

ثم اضغط OK على النافذة دي ، ثم OK على النافذة الأخرى
الكلام ده ها تعمله تاني لو سطبت أوفيس جديدة بعد كده

من طرف مجدى نبيل الأحد 27 يناير 2019, 1:40 pm

الاستاذ نادر تحياتى لك كنت عاوز اقول لحضرتك اقتراح لو ينفع عند تعديل البرنامج من لنسخة احدث بيبقى صعب ننقل من القديم للجديد فلو ينفع يتعمل استيراد البيانات والدرجات من القديم للجديد تحياتى للجميع