حوار الأعضاء

من طرف **naderwatfa** الأحد 09 أبريل 2017, 5:53 am

تذكير بمساهمة فاتح الموضوع :

زملائي الكرام
هذا القسم من المنتدي مخصص للحوار بين الأعضاء في أي موضوع يخص التربية و التعليم

يمكنكم التواصل هنا مع بعضكم أو معي لمناقشته و الاتفاق في النهاية على الرأي الأنسب

و ذلك لأي موضوع في الحقل التعليمي يكون محل اختلاف أو غير واضح الرؤية للبعض منا

مع رجاء خاص

أرجو عدم طلب تعديل برامج أو برمجة برامج جديدة نظراَ لظروفي الصحية التي لا تسمح لي بذلك

سيتم حذف المشاركة التي تحتوي على طلبات تعديل أو طلبات برمجة

من طرف **naderwatfa** الأحد 27 يناير 2019, 1:51 pm

استيراد البيانات من نسخة لأخرى بالكود مش مشكلة في حد ذاته

و مسألة بسيطة جداً و سهلة

المشكلة الوحيدة هي فتح نسختين مع بعض من برنامج الكنترول الشامل

و هو برنامج كبير الحجم و حساباته كبيرة

و فتح نسختين منه في وقت واحد عملية عايزة رامات 8 جيجا

و بروسيسور قوي جداً

و ده مش متوفر في معظم الأحوال زي ما انت عارف

علشان كده عملت برنامج الرصد المرفق دائماً مع الكنترول الشامل

اللي عايز ينقل بياناته لنسخة جديدة ها يتعب نفسه شوية زي ما أنا باعمل

و ينسخ لبرنامج الرصد ، ثم من برنامج الرصد للكنترول الشامل

لكن ربما فيه حل آخر و بطريقة أفضل

و هو تصدير البيانات و الدرجات لملف إكسيل خارجي صغير عن طريق كود في البرنامج

ثم يقوم البرنامج بعد كده بنسخ البيانات دي من الملف الجديد ده بنفسه

كده نتجنب فتح نسختين من البرنامج في وقت واحد

أنا أصلاً حطيت من فترة في البرنامج اللي باعمله للعام القادم كود لاستيراد بيانات من ملف خارجي

ها ازود عليه كود تصدير للبيانات

و نفس الكلام أعمله بعد كده إن شاء الله في صفحة رصد درجات دور أول

من طرف ahmed al shafy السبت 02 فبراير 2019, 12:39 pm

السلام عليكم أستاذ نادر متعك الله بالصحة والعافية وجعلك الله ممن يتركون علماً نافعا ينتفع به
الحمد انهيت اخراج نتيجة الفصل الدراسي الأول باستخدام البرنامج 14.3
وكانت كل المخرجات تمام والحمد لله ولكن كان عندى مشكلة انه قبل الامتحانات بيوم حضر ولى أمر طالب منازل وسحب ملف ابنه وانا كنت وضعت الجلوس والسري في البرنامج وأيضاً في الشيت الورقي فقمت باستبعاد الطالب في البرنامج وكل شيء تمام حيث فى كشف النتيجة تم استبعاده برقم جلوسه ولكن في البطاقات وجدت انه قد تم استبعاد اسم الطالب ولكن وجدت بطاقة فارغة واخدت تسلسل الطالب قبل حذفه وبالتالى اختلف تسلسل الطلاب بعد هذه البطاقة الفارغة عن تسلسلهم في شيت النتيجة فلو أمكن ان يتم الاستبعاد من البطاقات ايضا ولك جزيل الشكر.
ملحوظة : قمت بنسخ البيانات على البرنامج 14.7 ووجدت نفس النتيجة . ( جلوس الطالب المستبعد 68 )
طلب اخير في برنامج الرصد طبعا فكرة جيدة جداً اخفاء بيانات الطلاب عند الرصد ولكن ما امكانية اضافة كلمة سر لاظهار البيانات .
اسف جدا للاطالة وجعله الله فى ميزان حسناتك ومرفق صورة للبطاقات وبها البطاقة الفارغة و لكشف النتيجة الذى استبعد الطالب .

من طرف **naderwatfa** السبت 02 فبراير 2019, 2:58 pm

أستاذ أحمد

لما بتستبعد طالب بيظل رقم جلوسه موجوداً

و بالفعل بيظل برضه في البطاقات موجوداً بس بدون بيانات

و مش فاكر الحقيقة أنا سبته في البطاقات بالشكل ده ليه

ممكن يكون حذفه بسبب مشكلة في الصفحة دي

ها احاول ، و لو سبب مشكلة ها اضطر اسيب الوضع كما هو

لكن ها احاول اشيله من البطاقات و ربنا يسهل

أما النقطة الخاصة ببرنامج الرصد و هي باسوورد لإظهار البيانات المخفية

فأنا بالفعل عملت كده بس في برنامج الرصد للعام القادم إن شاء الله

من طرف awado55 الأحد 03 فبراير 2019, 3:29 pm

استاذى العزيز /

بعد مابعمل حفظ لذكرة معينة مثلا الصف الاول ويوجد بالذكرة الصف الاول مرتين ويتم الغاء الصف الثانى ادبى ويكون الصف الاول موجود فى الذكرة 1و2 واتحذف الصف الادبى مثلا مش عارف ايه المشكله وتكرر معى هذا الشئ

مفيش حل

من طرف **naderwatfa** الأحد 03 فبراير 2019, 3:36 pm

المشكلة منك انت

لازم تختار الرقم الصحيح لحفظ الذاكرة

يعني مثلاً نفرض أن توزيع الذاكرة كما يلي :

رقم 1 : للصف الأول

رقم 2 : للصف الثاني علمي

رقم 3 : للصف الثاني أدبي

يبقى لما تيجي تتعامل مع استدعاء أو حفظ الصف الأول مثلاً

لازم تختار الرقم 1 باستمرار

يعني تركز في اختيار الرقم علشان لو ها تحفظ مثلاً الصف الأول

و اخترت رقم 2 و عملت حفظ

يبقى انت كده حذفت الصف الثاني اللي في ذاكرة رقم 2

و حطيت بدلاً منه الصف الأول

من هنا يحصل تكرار للصف ده في الذاكرة

و يروح منك صف لأنك حطيت صف غيره مكانه

من طرف ahmed al shafy الأحد 03 فبراير 2019, 8:59 pm

السلام عليكم استاذ نادر

بالنسبة للبطاقة الفارغة لو امكانية الحذف غير متاحة زي حضرتك ما قولت لأمور خاصة بالبرمجة . طيب ما امكانية ترحيل البطاقة لتكون آخر بطاقة وبالتالى لا تؤثر في تسلسل البطاقات هذا مجرد اقتراح . وشكراً

من طرف **naderwatfa** الإثنين 04 فبراير 2019, 5:08 am

تم بحمد الله حذف بطاقة الطالب المستبعد

دون أي تأثير على أي شيء في البرنامج

كمان عملت كود لاستعادة بيانات الطالب المستبعد آلياً

يعني زي ما بتستبعده آلياً تقدر ترجعه تاني آلياً برضه

من طرف ahmed al shafy الإثنين 04 فبراير 2019, 10:34 am

بارك الله فيك أستاذ نادر وجعله في ميزان حسناتك

ان شاء الله النسخة المعدلة حضرتك هتنزلها الايام دي ولا لسه . وشكراً

من طرف جمال زهدي الإثنين 04 فبراير 2019, 2:13 pm

استاذ نادر
الزملاء الاعزاء لوحظ في النسخة الاخيرة والنسخ السابقة انه عند اختيار صفحة كشف نتيجة الفصل الدراسي الاول) (درجات ) ( فصل ) في كشف 1 الطالب الموجود في مسلسل 13 ، 14 مكرر وكذلك كشف 2 الطالب الموجود في مسلسل 22 ، 24 مكرر والطالب الموجود في مسلسل 23 ولد موجود في وسط اسماء البنات وكذلك يوجد بعض اسماء طلبة الفصل غير موجود في كشف النتيجة فصل كما في الصور المرفقة
ارجو التأكد من وجود هذه الملاحظة ؟

من طرف حلمى احمد الإثنين 04 فبراير 2019, 11:28 pm

ملاحظة صحيحة أستاذ جمال

حوار الأعضاء - صفحة 14 P6dt06cd5b7dg9n4g

من طرف ahmed al shafy الأربعاء 06 فبراير 2019, 7:43 pm

الملاحظة موجودة بالفعل استاذ جمال

من طرف **naderwatfa** الجمعة 08 فبراير 2019, 7:04 am

تم عمل التعديل اللازم

و إعادة رفع البرنامج برقم إصدار nw14.8

من طرف **naderwatfa** الجمعة 08 فبراير 2019, 10:06 am

الجدول المدرسي nw10

الآن في البرامج المدرسية

سبب التحديث

إضافة تصدير pdf لجداول الفصول و الإشراف و الأدوار و الجدول العام

+

إضافة 30 ذاكرة جديدة للبرنامج

بحيث يكون في البرنامج ذاكرة لـ 30 جدولاً بفصول مشتركة

و ذاكرة أخرى لـ 30 جدولاً بدون فصول مشتركة

من طرف ahmed al shafy الجمعة 08 فبراير 2019, 10:18 pm

السلام عليكم استاذ نادر

حضرتك في الاصدار 14.8 عدلت ملاحظة تكرار الأسماء أما بطاقة الطالب المستبعد فما زالت موجودة وبدون بيانات .

من طرف **naderwatfa** السبت 09 فبراير 2019, 5:31 am

ahmed al shafy كتب:
السلام عليكم استاذ نادر
حضرتك في الاصدار 14.8 عدلت ملاحظة تكرار الأسماء أما بطاقة الطالب المستبعد فما زالت موجودة وبدون بيانات .

تم عمل اللازم و إعادة رفع البرنامج برقم إصدار nw14.9

من طرف abdelhalem السبت 09 فبراير 2019, 11:56 am

السلام عليكم أستاذ نادر
ياريت حضرتك فى بطاقة الدرجات ترم أول تضيف الصف الدراسى للطالب ( الأول الإعدادى أو الثانى الإعدادى )
وجزاك الله خيرا

من طرف **naderwatfa** السبت 09 فبراير 2019, 12:36 pm

abdelhalem كتب:السلام عليكم أستاذ نادر
ياريت حضرتك فى بطاقة الدرجات ترم أول تضيف الصف الدراسى للطالب ( الأول الإعدادى أو الثانى الإعدادى )
وجزاك الله خيرا

أعتقد الفصل يكفي لأن ما فيش مكان تاني في البطاقات

و لما يكون مكتوب للطالب مثلاً : 2 / 1

دي واضح إنها بتبين إن الطالب ده في الصف الثاني

مش كده ؟

من طرف abdelhalem السبت 09 فبراير 2019, 12:59 pm

حضرتك أقصد تكتب الصف الأول الإعدادى أو الثانى الإعدادى
ممكن تكتب ده فى الناحية الشمال فى البطاقة

من طرف **naderwatfa** السبت 09 فبراير 2019, 5:04 pm

abdelhalem كتب:حضرتك أقصد تكتب الصف الأول الإعدادى أو الثانى الإعدادى
ممكن تكتب ده فى الناحية الشمال فى البطاقة

على كل حال أنا مش ها ينفع أعمل حاجة تاني في البرنامج الحالي

كفاية تعديلات فيه دلوقتي

لكن ها احاول اشوف لو ممكن إضافة الصف في أي مكان في البطاقة

بس في البرنامج القادم إن شاء الله

لو يهمك الإضافة دي السنة دي ضروري ابعت لي إيميل

من طرف abdelhalem السبت 09 فبراير 2019, 7:18 pm

جزاك الله خيرا أستاذنا الفاضل
ننتظر الإضافة فى التحديث القادم بإذن الله

من طرف **naderwatfa** الأحد 10 فبراير 2019, 12:58 pm

abdelhalem كتب:جزاك الله خيرا أستاذنا الفاضل
ننتظر الإضافة فى التحديث القادم بإذن الله

لو عايز الإضافة دي للتيرم الثاني قل لي

هي سهلة إن شاء الله

من طرف abdelhalem الأحد 10 فبراير 2019, 5:58 pm

بارك الله لك وجزاك خيرا أستاذ نادر
فعلا هحتاجها للتيرم الثانى

من طرف **naderwatfa** الأحد 10 فبراير 2019, 6:09 pm

و لا يهمك

ها اضيفها للبرنامج خلال الأيام القادمة إن شاء الله

على يوم السبت بالكتير

من طرف **naderwatfa** الثلاثاء 12 فبراير 2019, 7:21 am

الزملاء الكرام

واجهتني مشكلة - و أعتقد أنها واجهت زملاء غيري

و هي عند نسخ درجات الصف الثالث لبرنامج الكنترول الشامل

علشان أحصل على النسب ، و أنا دايماً أعمل كده على طول

لقيت كل الطلاب راسبين و درجاتهم ملونة بالأصفر و الأحمر

المشكلة في تنسيق الدرجات بتاعة ملف الإكسيل بتاع النتيجة اللي بننسخ منه

و ما لقيتش لها حل يكون سهل بالنسبة لكم إلا عن طريق البرمجة

لذلك تم عمل التعديل اللازم و رفع البرنامج برقم إصدار nw14.91

علشان ما حدش يواجه المشكلة دي تاني بعد كده

الكنترول الشامل nw14.91

الآن في البرامج المدرسية

من طرف حلمى احمد الأربعاء 13 فبراير 2019, 7:10 am

naderwatfa كتب:
الزملاء الكرام
واجهتني مشكلة - و أعتقد أنها واجهت زملاء غيري
و هي عند نسخ درجات الصف الثالث لبرنامج الكنترول الشامل
علشان أحصل على النسب ، و أنا دايماً أعمل كده على طول
لقيت كل الطلاب راسبين و درجاتهم ملونة بالأصفر و الأحمر
المشكلة في تنسيق الدرجات بتاعة ملف الإكسيل بتاع النتيجة اللي بننسخ منه
و ما لقيتش لها حل يكون سهل بالنسبة لكم إلا عن طريق البرمجة
لذلك تم عمل التعديل اللازم و رفع البرنامج برقم إصدار nw14.91
علشان ما حدش يواجه المشكلة دي تاني بعد كده
الكنترول الشامل nw14.91
الآن في البرامج المدرسية

جزاك الله خيرا

من طرف مجدى نبيل السبت 16 فبراير 2019, 7:14 pm

استاذ نادر تحياتى لك توجد ملاحظة فى النسخة الاخيرة والى قبلها فى كشف النتيجة وعند اختيار الفصل وفى النتيجة المختصرة يظهر كشف النتيجة وكشف التسليم بدون درجات يظهر اكسات وليس درجات

من طرف مجدى نبيل السبت 23 فبراير 2019, 12:02 pm

ستاذ نادر تحياتى لك توجد ملاحظة فى النسخة الاخيرة والى قبلها فى كشف النتيجة وعند اختيار الفصل وفى النتيجة المختصرة يظهر كشف النتيجة وكشف التسليم بدون درجات يظهر اكسات وليس درجات

مجدى نبيلعضو فعال
حوار الأعضاء - صفحة 14 Default4

عدد المساهمات : 96
نقاط : 64446
تاريخ التسجيل : 10/04/2013

من طرف **naderwatfa** السبت 23 فبراير 2019, 5:26 pm

مجدى نبيل كتب:
ستاذ نادر تحياتى لك توجد ملاحظة فى النسخة الاخيرة والى قبلها فى كشف النتيجة وعند اختيار الفصل وفى النتيجة المختصرة يظهر كشف النتيجة وكشف التسليم بدون درجات يظهر اكسات وليس درجات

أعتذر يا أخي على التأخير

لم أفتح الكمبيوتر من امبارح لمرض والدتي

ابعت لي البيانات و الدرجات بتاعتك في رسالة على الإيميل

علشان أجربها على البرنامج عندي

بس يا ريت تفكرني بالمشكلة بتاعتك تاني في الإيميل

من طرف awado55 السبت 30 مارس 2019, 8:23 am

استاذى الفاضل / السلام عليكم

كيفية نسخ بيانات التابلت على برنامج النسخ من موقع الوزارة لاينسخ غير الكود والاسم فقط عندك حل لهذه المشكله

من طرف **naderwatfa** السبت 30 مارس 2019, 8:41 am

مش ها تعرف تنسخها نهائيا إلا لو عندك علم ببرمجة إكسيل

أنا نسختها لبعض الزملاء من كام يوم

لو عايز أنسخ لك البيانات دي

ابعت لي على الإيميل بيانات الدخول

و قل لي على اللي انت عايزه بالتحديد

من طرف awado55 السبت 30 مارس 2019, 9:27 am

استاذى الفاضل /

/ بعت البيانات على الاميل

نسخ جميع الطلبة الكود والاسم ورقم ime

والمدرسين فى المدرستين على صفحة الاكسيل دى

من طرف **naderwatfa** السبت 30 مارس 2019, 11:33 am

ما فيش حاجة وصلت لغاية دلوقتي

اتأكد إنك كتبت لي على الإيميل بتاعي ده :

naderwatfa@gmail.com

من طرف awado55 السبت 30 مارس 2019, 1:13 pm

استاذى الفاضل انا اسف بعت على اميل ياهو

من طرف **naderwatfa** السبت 30 مارس 2019, 1:15 pm

أنا مسحت إيميل الياهو ده بقالي أكتر من سنة

ما عنديش غير إيميل جوجل بس

من طرف awado55 السبت 30 مارس 2019, 1:17 pm

انا عدت توجيه الرسالة الى الاميل الجديد

من طرف **naderwatfa** السبت 30 مارس 2019, 1:23 pm

وصل الإيميل دلوقتي

إن شاء الله أخلص المطلوب و أبعته لك على الإيميل

من طرف **naderwatfa** السبت 30 مارس 2019, 1:34 pm

شوف الإيميل بتاعك لو سمحت

بيانات المدرسة التانية غير صحيحة على فكرة

من طرف awado55 السبت 30 مارس 2019, 6:21 pm

استاذى الفاضل /شكرا لك
بس دى بيانات فصل واحد هما خمس فصول 241 طالب

من طرف **naderwatfa** السبت 30 مارس 2019, 6:24 pm

ازاي ؟

أنا بعثت لك ملف تاني فيه كل الطلاب

ها اشوف تاني و ابعت لك بعد ما أعملهم من جديد

لأتي حذفت الملف

من طرف **naderwatfa** السبت 30 مارس 2019, 6:38 pm

خلصت الملف لكل الطلاب

و أرسلته لك على الإيميل

من طرف awado55 السبت 30 مارس 2019, 6:50 pm

جزاك الله خيرا

بينات المدرسة الثانية الصحيحة هبعته على الاميل الوقتى

من طرف **naderwatfa** السبت 30 مارس 2019, 6:53 pm

لو لحقت أخلصها لك قبل العشاء ها اخلصها

لو ما لحقتش

يبقى بكره بعد صلاة الفجر إن شاء الله

من طرف awado55 السبت 30 مارس 2019, 6:57 pm

ماشى

جزاك الله خيرا

من طرف **naderwatfa** السبت 30 مارس 2019, 7:06 pm

تم عمل المطلوب

و أرسلته لك على الإيميل

من طرف عبد المنعم الأربعاء 10 أبريل 2019, 10:40 am

الأخ الفاضل الأستاد نادر
السلام عليكم ورحمة الله وبركاته
كيفية إضافة طالب جديد للكنترول انتقل للمدرسة فى الترم الثانى
وكيفية رصد درجاته للترم الأول
وجزاكم الله خيرا

من طرف **naderwatfa** الأربعاء 10 أبريل 2019, 11:56 am

عبد المنعم كتب:الأخ الفاضل الأستاد نادر
السلام عليكم ورحمة الله وبركاته
كيفية إضافة طالب جديد للكنترول انتقل للمدرسة فى الترم الثانى
وكيفية رصد درجاته للترم الأول
وجزاكم الله خيرا

يتم إضافة الطالب عن طريق زر ( إضافة و حذف و أبجدة )

الموجود في صفحة تسجيل البيانات

فتقوم بوضع الطالب الجديد و درجاته تيرم أول من خلال هذه العملية

كذلك تقوم بأبجدة الطلاب أو تحريك الصف بتاع الطالب للمكان المطلوب

في الحالة دي ها يتم إعادة ترقيم الجلوس من جديد طبعا

لكن لو مش عايز تحط الطالب في أبجدته الصحيحة يمكنك إضافته مباشرة أسفل الطلاب عادي

ده لو مش عايز تغير أرقام جلوس بقية الطلاب

و الحاجات دي أعتقد فيه شرح لها لما تضغط زر المساعدة و انت في صفحة تسجيل البيانات

من طرف مجدى نبيل السبت 13 أبريل 2019, 10:00 am

استاذ نادر تحياتى لحضرتك توجد ملحوظة فى البرنامج فى صفحة الكنترول وعند الضغط فى جبر الكسور على ok ثم تنفيذ بترجع ثانى الى no ولم يتم جبر الكسر فى الشيت التفصيلى لانه مطلوب فى الادارة الشيت بدون كسور ولو العيب من عدم معرفتى نرجو شرح كيف يتم جبر الكسر

من طرف **naderwatfa** السبت 13 أبريل 2019, 10:13 am

مجدى نبيل كتب:استاذ نادر تحياتى لحضرتك توجد ملحوظة فى البرنامج فى صفحة الكنترول وعند الضغط فى جبر الكسور على ok ثم تنفيذ بترجع ثانى الى no ولم يتم جبر الكسر فى الشيت التفصيلى لانه مطلوب فى الادارة الشيت بدون كسور ولو العيب من عدم معرفتى نرجو شرح كيف يتم جبر الكسر

عند الضغط على زر التنفيذ يتم استعادة الوضع الافتراضي للبرنامج

و الوضع الافتراضي لا يوجد به تقريب للكسور

معنى الكلام ده إنك بعد ما تغير إعدادات الصفحة كما تريد احفظ الصف في الذاكرة

لأنه عندما تستعيده من الذاكرة سيظل بنفس الإعدادات اللي عملتها

كل صف بعد ما تعمل له إعدادت التقريب كما تريدها عليك بحفظه في الذاكرة

و يبقى شغلك كله معتمد على الذاكرة ، و هو ده الوضع الأفضل

إنما لا تضغط زر التنفيذ بعد ذلك حيث سيعيد الأوضاع للافتراضي زي ما قلت لك

من طرف مجدى نبيل السبت 13 أبريل 2019, 9:21 pm

استاذ نادر شكرا على الرد لقد عملت كل الخطوات الى حضرتك قولت عليها لجبر الكسر ولا يتم جبر الكسر حتى كتابة هذه الملحوظة

من طرف **naderwatfa** الأحد 14 أبريل 2019, 4:20 am

مجدى نبيل كتب:استاذ نادر شكرا على الرد لقد عملت كل الخطوات الى حضرتك قولت عليها لجبر الكسر ولا يتم جبر الكسر حتى كتابة هذه الملحوظة

على كل حال عندك طريقة تانية تخللي البرنامج يقرب لك الكسور

و هي أن تمسح الرقم 1 الموجود في خلية ( كسور عشرية ) بجوار خلية ( تقريب المادة )

الكلام ده طبعا في صفحة الكنترول

يعني بتمنع البرنامج من كتابة أي كسر لأي درجة

بالتالي سيتم إلغاء الكسور و تقريب الدرجات كلها