حوار الأعضاء

من طرف **naderwatfa** الأحد 09 أبريل 2017, 5:53 am

تذكير بمساهمة فاتح الموضوع :

زملائي الكرام
هذا القسم من المنتدي مخصص للحوار بين الأعضاء في أي موضوع يخص التربية و التعليم

يمكنكم التواصل هنا مع بعضكم أو معي لمناقشته و الاتفاق في النهاية على الرأي الأنسب

و ذلك لأي موضوع في الحقل التعليمي يكون محل اختلاف أو غير واضح الرؤية للبعض منا

مع رجاء خاص

أرجو عدم طلب تعديل برامج أو برمجة برامج جديدة نظراَ لظروفي الصحية التي لا تسمح لي بذلك

سيتم حذف المشاركة التي تحتوي على طلبات تعديل أو طلبات برمجة

من طرف حلمى احمد الأحد 04 نوفمبر 2018, 9:04 am

naderwatfa كتب:
ميدو وبيبو كتب:السلام عليكم استاذ نادر من فضلك برنامج الكنترول الشامل حضرتك حترفعه علي امتي ان شاء الله وربنا يقويك ويديك الصحه
عليكم السلام و رحمة الله و بركاته
أعتذر لتأخري على حضرتك في الرد
كانت عندي حالة وفاة الأيام الماضية فلم أدخل على المنتدى لانشغالي باستقبال الناس للعزاء
برنامج الكنترول الشامل سيتم رفعه خلال هذا الأسبوع إن شاء الله تعالى
يعني بالكتير يوم السبت 10 نوفمبر الحالي أو قبل ذلك

البقاء لله وحده

أحسن الله عزاءكم

من طرف ميدو وبيبو الأحد 04 نوفمبر 2018, 7:41 pm

البقاء لله وحده

من طرف khalid ali الإثنين 05 نوفمبر 2018, 1:22 pm

حلمى احمد كتب:
naderwatfa كتب:
ميدو وبيبو كتب:السلام عليكم استاذ نادر من فضلك برنامج الكنترول الشامل حضرتك حترفعه علي امتي ان شاء الله وربنا يقويك ويديك الصحه
عليكم السلام و رحمة الله و بركاته
أعتذر لتأخري على حضرتك في الرد
كانت عندي حالة وفاة الأيام الماضية فلم أدخل على المنتدى لانشغالي باستقبال الناس للعزاء
برنامج الكنترول الشامل سيتم رفعه خلال هذا الأسبوع إن شاء الله تعالى
يعني بالكتير يوم السبت 10 نوفمبر الحالي أو قبل ذلك
البقاء لله وحده
أحسن الله عزاءكم

البقاء لله

من طرف **naderwatfa** الإثنين 05 نوفمبر 2018, 1:29 pm

لا أراكم الله تعالى مكروهاً في عزبز لديكم يا إخواني

لله ما أعطى و له ما أخذ و الحمد له دائماً على ما يقضي به

من طرف **naderwatfa** الثلاثاء 06 نوفمبر 2018, 3:40 pm

برنامج الكنترول الشامل nw10

الآن في البرامج المدرسية

من طرف جمال زهدي الثلاثاء 06 نوفمبر 2018, 11:53 pm

naderwatfa كتب:
برنامج الكنترول الشامل nw10
الآن في البرامج المدرسية

استاذنا الحبيب تم تحميل البرنامج والبرنامج بصراحة اصبح قطعة فنية وتحفة رائعة بالتنسيقات الجديدة
وتوجد ملاحظة بسيطة وهي في صفحة الرصد عند اظهار بيانات الطلاب ( الفصل ) في النسخ السابقة كان يوجد فلترة لعامود الفصل حيث كانت هذه الفلترة تساعدنا في اختيار فصل معين لرصد اعمال السنة حبث اعمال السنة تكون فصول
اعتقد ان فلترة عامود الفصل في صفحة الرصد سقظت من حضرتك سهوا حيث لا يوجد في هذه النسخة فلترة لعامود الفصل
فان امكن عمل فلترة لعامود الفصل ونشكر جهد وزوق حضرتك في التنسيقات الجديدة بالبرنامج

من طرف **naderwatfa** الأربعاء 07 نوفمبر 2018, 5:32 am

أشكرك أستاذ جمال و الحمد لله وحده

الفلترة لم تسقط مني سهواً

و هي موجودة في الزر فوق عامود دليل النجاح و الرسوب

انت بس ما أخذتش بالك من الزر ده

من طرف جمال زهدي الأربعاء 07 نوفمبر 2018, 2:07 pm

naderwatfa كتب:
أشكرك أستاذ جمال و الحمد لله وحده
الفلترة لم تسقط مني سهواً
و هي موجودة في الزر فوق عامود دليل النجاح و الرسوب
انت بس ما أخذتش بالك من الزر ده

شكرا استاذ نادر علي تنبيهي لوجود زر الفلترة
جعل اللة هذا العمل والمجهود في ميزان حسناتك ان شاء الله

من طرف khalid ali الجمعة 09 نوفمبر 2018, 9:45 am

naderwatfa كتب:
برنامج الكنترول الشامل nw10
الآن في البرامج المدرسية

جميل استاذ نادر ..كل عام وانت بخير

من طرف عباس رضا الجمعة 09 نوفمبر 2018, 10:24 am

naderwatfa كتب:
برنامج الكنترول الشامل nw10
الآن في البرامج المدرسية

ما شاء الله يا عبقرى تسلم ايدك والله بس لى استفسار بالنسبة للمرحلة الثانوية الصف الاول هل هناك شرط للنجاح فى الترم الثانى يعنى ربع الدرجة زى ما كان ام النصف ولا هو هينجع لو كان متوسط مجموع الترمين 50 % من درجة المادة

من طرف **naderwatfa** الجمعة 09 نوفمبر 2018, 2:04 pm

أستاذ خالد

كل سنة و انت طيب

أستاذ عباس

ما فيش في الصف الأول الثانوي شروط نجاح غير الحصول على النهاية الصغرى للمادة

و هي 50 % حالياً

و ما فيش دور ثان ، يعني لو رسب الطالب في مادة واحدة بيعيد السنة كلها على كل المواد

سواء كانت المادة الراسب فيها داخلة في المجموع أو لأ

و الرسوب يتحسب آخر العام على الدرجة الكلية للمادة

من طرف عباس رضا الجمعة 09 نوفمبر 2018, 2:26 pm

naderwatfa كتب:
أستاذ خالد
كل سنة و انت طيب
أستاذ عباس
ما فيش في الصف الأول الثانوي شروط نجاح غير الحصول على النهاية الصغرى للمادة
و هي 50 % حالياً
و ما فيش دور ثان ، يعني لو رسب الطالب في مادة واحدة بيعيد السنة كلها على كل المواد
سواء كانت المادة الراسب فيها داخلة في المجموع أو لأ
و الرسوب يتحسب آخر العام على الدرجة الكلية للمادة

يعنى لو مجموع الترمين بعد المتوسط اقل من النصف يسقط دون شرط انه يجيب النص فى اختبار الترم الثانى ده اللى فهمته دلوقت امال ايه الصورة دى طالب جاب فى العربى ترم اول 49 والترم الثانى 22 يبقة المتوسط كده 35.5 يبقه كده ينجح امال راسب ليه ما دام مفيش روط للرسوب فى الاختبار ولا لازم يجيب النص اخر العام يعنى الصغرى على مجموع الترمين ولا الترم الثانى فقط
https://i.servimg.com/u/f21/18/09/85/17/210.png

https://i.servimg.com/u/f21/18/09/85/17/111.png

من طرف **naderwatfa** الجمعة 09 نوفمبر 2018, 2:35 pm

حالياً البرنامج ( افتراضياً ) فيه نهاية صغرى آخر السنة

و البرنامج فيه إمكانيات جديدة تقدر بيها تعمل نهاية صغرى تيرم أول و تيرم ثان

و تقدر برضه تحذف النهاية الصغرى في التيرمين

التيرم اللي ها تعمل له نهاية صغرى لازم الطالب يحصل عليها لينجح

و أنا شايف إنك لازم تستنى لما يكون عندك ( آخر كلام ) خاص بالنجاح في الثانوي الجديد

و ساعتها تقدر تعدل في صفحة الكنترول و في الإعداد الافتراضي نفسه

أنا استنيت فترة طويلة علشان أعرف التفاصيل ، بس الوزارة بتاعتنا ( بطيئة المفعول قوي )

لكن ناس كتير طلبوا مني أرفع البرنامج دلوقتي ، فرفعته

بس قبل ما أرفعه حطيت فيه زي ما قلت لك جميع الإمكانيات و الاحتمالات

بحيث تقدر تعدل فيه صفحة الكنترول حسب أي قرارت تُستجد

من طرف **naderwatfa** الأحد 18 نوفمبر 2018, 1:29 pm

تم رفع برنامج

قاعدة بيانات الطلاب nw11

سبب التعديل

تعديل كود تنسيق الأسماء قبل الأبجدة

و تم رفع برنامج

الكنترول الشامل nw11

سبب التعديل

تعديل أماكن اللجان في بطاقات الجلوس

من طرف ميدو وبيبو الجمعة 23 نوفمبر 2018, 9:27 pm

السلام عليكم احنا جينا ننزل برنامج الكنترول الشامل في المدرسه والجهاز حديث وتم تفعيل الماكرو بس للاسف مشتغلش وظهرت لنا الرساله دي ممكن نعرف المشكله عندنا فين عشان نعالجها
مع العلم الوفيس عندنا 2013

من طرف **naderwatfa** السبت 24 نوفمبر 2018, 5:46 am

المشكلة عندكم هي استخدام أوفيس 2013

البرنامج يعمل على أوفيس 2010 و أنا موضح الحكاية دي

و مكتوب في البرنامج نفسه إنه يعمل على 2010

لأني جربته قبل كده على أوفيس 2013 و لم يعمل

و جربته على أوفيس 2016 و اشتغل عادي

بس اكتشفت إنه بيكون أفضل لو اشتغل على أوفيس 2010

لكن البرنامج ده لا يعمل على أوفيس 2013

أنصحك بحذف أوفيس 2013 تماماً من جميع الأجهزة عندكم

و تسطيب أوفيس 2010 ( هي الأفضل ) أو 2016 لو الكمبيوتر إمكانياته عالية جداً

و بعد كده تنزلي نسخة جديدة من البرنامج و تشتغلي عليها

لأن النسخة اللي فتحتيها على أوفيس 2013 قام الأوفيس بحذف خصائص منها

و الخصائص دي تم حذفها من صفحة مهمة في البرنامج ( صفحة الكنترول )

كما يظهر من الرسالة اللي في الصورة

فلابد من نسخة جديدة من البرنامج و ما تتفتحش إلا على أوفيس 2010 أو 2016

من طرف ميدو وبيبو الأحد 25 نوفمبر 2018, 8:35 pm

لو سمحت تم تنزيل برنامج اوفيس 2010 وتحميل نسخه جديده وعند فتح البرنامج ظهرت الشاشه بتلك الصوره معلش

ما هي المشكله المتسببه فيها

من طرف **naderwatfa** الإثنين 26 نوفمبر 2018, 6:04 am

أعتقد إنك شغلتي نفس النسخة اللي شغلتيها قبل كده على أوفيس 2013

لما البرنامج اشتغل على 2013 قامت الأوفيس بمحاولة تعديل الخصائص الغير متوافقة معها

فلما نرجع نشغل نفس النسخة تاني على الأوفيس بتاعتها ( 2010 )

تظهر لنا الرسالة دي ، و معناها إن فيه كود ( أو أكواد ) غير متوافقة مع الأوفيس

و ده بسبب محاولة 2013 تعديل خصائص في البرنامج

علشان كده قلت في ردي السابق إننا نشغل نسخة جديدة من البرنامج بعد حذف 2013

بس المهم نحذف 2013 قبل تسطيب 2010

و لا نجمع بين الإصدارين سوا في جهاز واحد

نقدر نجمع فقط بين 2003 و 2010 أو 2003 و 2016

للعلم فقط ، أسوأ أوفيس عملتها مايكروسوفت هما 2007 و 2013

مشاكلهم و عيوبهم كتيرة عن تجربة

و أفضل أوفيس 2003 و بعدها 2010

من طرف ميدو وبيبو الإثنين 26 نوفمبر 2018, 7:38 pm

لا ابدا والله تم حذف اوفيس 2013 تماما والاكتفاء بأوفيس 2010 علي الجهاز وتم تحميل نسخه جديده تماما من برنامج الكنترول

من طرف ميدو وبيبو الإثنين 26 نوفمبر 2018, 7:40 pm

هل موجود نسخه اوفيس 2010 مضمونه اقوم بتحميلها وامسح اللي عندي يمكن يكون فيها مشكله

من طرف **naderwatfa** الثلاثاء 27 نوفمبر 2018, 4:59 am

ميدو وبيبو كتب:هل موجود نسخه اوفيس 2010 مضمونه اقوم بتحميلها وامسح اللي عندي يمكن يكون فيها مشكله

النسخة اللي عندي و اللي عملت بيها البرامج بتاعتي

موجودة في قسم البرامج المدرسية

https://naderwatfa.ahlamontada.com/t704-topic

من طرف **naderwatfa** السبت 08 ديسمبر 2018, 10:21 am

تم رفع برنامج

الكنترول الشامل nw13

سبب التعديل

تعديل بعض خصائص برنامج الرصد المرفق مع الكنترول الشامل

+

تعديل الإعداد الافتراضي لجدول درجات و مواد الثاني الثانوي

ضبط كشوف رصد العملي في صفحة الورقيات

إضافة خصائص اختيارية جديدة لبطاقات الجلوس

من طرف awado55 السبت 15 ديسمبر 2018, 9:47 am

استاذى العزيز / كل عام وانت بخير وصحه وعافية

فى شيت نزل للصف الاول وفيه امتحان تجريبى 1 وامتحان تجريبى 2 والدرجه الاعلى هوممكن الشيت 13 يتعمل كده ولا لسة هتعملة فى الشيت ده

من طرف **naderwatfa** السبت 15 ديسمبر 2018, 9:54 am

أنا عامل الكلام ده بالفعل في البرنامج

بحيث ترصد الاختبارين و البرنامج يختار الدرجة الأعلى

اضغط زر ( متعدد ) الموجود في صفحة رصد الدور الأول

لكن لو تقصد إن الاختبارين دول يظهروا في شيت الإدارة

فغير موجود في البرنامج و ما عنديش وقت أعمل حاجة من دي أصلاً

من طرف awado55 الإثنين 17 ديسمبر 2018, 6:38 am

استاذى العزيز / مفيش حل عندك عندى انتى فيرس افيرا وشل ملفات كنترول شيت 13 وكل ملفات الاكسيل الى انا عامل عليها شغل زى مصروفات وقوائم الفصول وشيت كنترول ونسخ الاسماء وهكذا

وجزاك الله خيرا

من طرف **naderwatfa** الإثنين 17 ديسمبر 2018, 6:48 am

أخي الفاضل

أنا أعتمد تماماً على برنامج الأنتي فايرس الموجود في الويندوز

اسمه Windows Defender ها تلاقيه في Control Panel

أنا شغال على ويندوز 8.1

و سواء اشتغلت على ويندوز8 أو 10 أنصحك بحذف أي برنامج مضاد للفيروسات

فهي برامج غبية بشكل كبير من خلال تجاربي معاها لسنوات

أنا بقالي سنتين أو أكثر معتمد فقط على Windows Defender

و لا أستخدم أي برنامج خارجي ، و ما عنديش أي مشكة من الفيروسات خالص

و الكلام ده مطبقه على اللاب توب و الديسك توب و جهازين كمان عندي في المدرسة

أنصحك كمان تحتفظ دائماً بنسخ مضغوطة من الملفات المهمة عندك و نسخ تانية تحفظها على النت

مثلاً في جوجل زي ما أنا عامل كده

الملفات المضغوطة دي لا يتعامل معها معظم برامج مضادات الفيروسات

من طرف awado55 الإثنين 17 ديسمبر 2018, 7:03 am

استاذى انا شغال على ويندوز 7 وحتى فى المدرسة شغالين على ويندوز 7

من طرف **naderwatfa** الإثنين 17 ديسمبر 2018, 7:08 am

ويندوز7 فيها برنامج الأنتي فايروس ده برضه

بس مايكروسوفت رفعت الدعم عن وندوز7

و ده معناه إنها مش ها تعمل تحديثات لمضاد الفيروسات

أنصحك و بقوة بتشغيل ويندوز8.1 على الكمبيوتر

و حذف ويندوز7 ده خالص

و لا تقم بتسطيب مضاد فيروسات من خارج الويندوز

أوتوماتيك الويندوز في الحالة دي بتفعل مضاد الفيروسات بتاعها

و هو الأفضل زي ما قلت لك عن تجربتي الشخصية

و أنا و أولادي طول اليوم على النت و ما فيش مشاكل معانا

من طرف **naderwatfa** الثلاثاء 18 ديسمبر 2018, 6:04 pm

تم رفع برنامج

الكنترول الشامل nw14.1

سبب التعديل

ضبط تصدير شيت الإدارة لملف إكسيل منفصل عن البرنامج

من طرف مجدى نبيل السبت 22 ديسمبر 2018, 6:54 pm

استاذ نادر سلامى لشخصك الكريم ولكل اعضاء المنتدى رجاء شرح حفظ الصف الاول والثانى الاعدادى فى ذاكرة البرنامج بالتفصيل وهل كل ما أرصد درجات اعمل حفظ فى الذاكرة ولا مرة واحدة بعد وضع بيانات الطلبة فقط

من طرف **naderwatfa** الأحد 23 ديسمبر 2018, 5:23 am

الذاكرة تقوم بنسخ كل شيء و حفظه

و لابد من إعادة حفظ الصف في نفس الذاكرة بعد كل تغيير

سواء تغيير درجات أو تغيير بينات

يعني بعد ما تخلص رصد درجات معينة و قبل ما تنتقل لصف آخر

لازم تعيد حفظ الصف الحالي في نفس رقم الذاكرة بتاعته

علشان البرنامج يستبدل القديم بالجديد اللي تم تعديله

و هكذا لكل صف طالما هناك تعديل درجات أو بيانات

أو إضافة درجات جديدة

من طرف awado55 الأحد 23 ديسمبر 2018, 6:36 am

استاذى الفاضل / ممكن المنازل يتعمل فى نفس الشيت منازل اولى ومنازل ثانية ادبى وعلمى
انا عملت وسجلت فى شيت 13.1 وعايز انقل فى شيت 14 مش راضى يظبط الشيتين مع بعض

من طرف **naderwatfa** الأحد 23 ديسمبر 2018, 12:52 pm

علشان تنقل من كنترول 13 لكنترول 14

استخدم برنامج الرصد كوسيط بين البرنامجين

تنسخ من 13 إلى برنامج الرصد

و بعدين تقفل 13 و تفتح 14 مع برنامج الرصد

و تنسخ من برنامج الرصد للكنترول 14

لأنك لو فتحت نسختين من الكنترول الشامل مع بعض

لازم يكون عندك جهاز كمبيوتر قوي جداً و سريع

و إلا ها يهنج الجهاز أو الإكسيل منك

أما بالنسبة للمنازل طبعاً تقدر تحطهم في البرنامج تحت المنتظمين عادي جداً

من طرف awado55 الإثنين 24 ديسمبر 2018, 6:41 am

استاذى ازى احطهم مع المنتظمين وهما لهم درجات خلاف المنتظمين

انا بسأل ممكن يكون لهم شيت منفصل زى العلمى وادبى بس كله يكونو فى شيت واحد كان ممكن انت تحط فى القائمة عند الاختيار منازل اولى ومنازل ادبى ومنازل علمى

من طرف **naderwatfa** الإثنين 24 ديسمبر 2018, 6:48 am

أمال البرنامج فايدته إيه ؟

البرنامج بيتعامل مع المنازل عادي جداً و يحول المجموع الكلي لهم زي المنتظمين

و ده كله بناء على الإعدادات في صفحة الكنترول

هو انت أول مرة تتعامل مع المنازل في البرنامج ؟

لكن لو عايز تعمل المنازل في برنامج منفصل ما فيش مشكلة

بس لازم كل صف لوحده في شيت منفصل

لأن كل صف له مواد تختلف عن التاني ، فمستحيل يكونوا في نفس الشيت

من طرف khalid ali الإثنين 24 ديسمبر 2018, 7:01 pm

استاذ نادر هو لازم قبل الحفظ فى الذاكرة بعد الرصد على السرى لازم ارجع الأول على الجلوس ولا يمكن الحفظ وانا برصد على السرى

من طرف **naderwatfa** الإثنين 24 ديسمبر 2018, 7:11 pm

الحفظ و الاستدعاء في الذاكرة لا يكون إلا على الجلوس

و ده مكتوب في منطقة حمراء اللون في نافذة الذاكرة

أنا ممكن أخللي الحفظ ينفع على السري

بس في الحالة دي لازم يكون الحفظ و الاستدعاء كله يكون على السري على طول

و لو حد نسي الكلام ده ها يلخبط الدنيا

علشان كده خليته على الجلوس فقط

من طرف الجعلوف محمد الإثنين 24 ديسمبر 2018, 8:05 pm

استاذى الفاضل أ / نادر بارك الله فيك وربنا يجعل كل اعمالك فى ميزان حسناتك ويبارك لك فى صحتك واولادك حقيقى كل برامجك مفيدة لكل من يعمل فى المجال
استاذى فى النسخة الاخيرة من الكنترول الشامل 14.1قى ورقة عملى علوم وعملى حاسب يظهر اسم مدرسة الشهيد عبد الرءوف حتى بعد تغيير البيانات الاساسية فى الشيت . وأكرر شكرى لحضرتك على كل أعمالك المتميزة
وكمان بقالى مدة بحاول ادخل على المونة الخاصة بحضرتك مغلقة لعل المانع خير

من طرف **naderwatfa** الثلاثاء 25 ديسمبر 2018, 4:51 am

المدونة غير مغلقة

لكن إجراءات أمان المتصفح أو الكمبيوترعندك هي السبب

لأنها بتعتبر المدونة موقعاً ضاراً فتغلقه

على كل حال مش ضروري المدونة لأني حطيت روابط البرامج مباشرة

بالنسبة لكشوف العملي ، أنا غيرت اسم المدرسة و اتغير عادي في الكشوف

بالتأكيد حصل عندك حاجة وقفت الحساب الآلي فلم يتغير اسم المدرسة

لو قفلت البرنامج و فتحته تاني

أو ضغطت زر Refresh في صفحة الكنترول و شغلت الحساب الآلي من جديد

كل حاجة ها تكون تمام إن شاء الله

من طرف khalid ali الثلاثاء 25 ديسمبر 2018, 7:26 pm

naderwatfa كتب:
الحفظ و الاستدعاء في الذاكرة لا يكون إلا على الجلوس
و ده مكتوب في منطقة حمراء اللون في نافذة الذاكرة
أنا ممكن أخللي الحفظ ينفع على السري
بس في الحالة دي لازم يكون الحفظ و الاستدعاء كله يكون على السري على طول
و لو حد نسي الكلام ده ها يلخبط الدنيا
علشان كده خليته على الجلوس فقط

بارك الله فيك استاذ نادر وكل عام وانت بخير

من طرف awado55 الخميس 27 ديسمبر 2018, 8:35 am

استاذى الفاضل / فى برنامج تسديد المصروفات مفيش ترتيب ابجدى لاالتصدير والبرنامج نفسه وعند تصدير البرنامج بيرتب كل كشف لوحده انا بعمله فرز اعمله ترتيب ابجدى لللاسم والفصل ازى
متعكم الله بالصحه والعافية

من طرف **naderwatfa** الخميس 27 ديسمبر 2018, 10:52 am

بكل بساطة تستخدم برنامج الأبجدة

من طرف هانى محمود الخميس 27 ديسمبر 2018, 8:53 pm

السلام عليكم الأخوة الكرام استاذ نادر كنت عاوز استفسر من حضرتك بخصوص برنامج الكنترول انا سجلت بياناتى على الكنترول الشامل 12 هل يلزم نقل البيانات على الاصدار الأخير ولا عادى نرجو الافادة وشكرا

من طرف **naderwatfa** الجمعة 28 ديسمبر 2018, 5:11 am

هانى محمود كتب:السلام عليكم الأخوة الكرام استاذ نادر كنت عاوز استفسر من حضرتك بخصوص برنامج الكنترول انا سجلت بياناتى على الكنترول الشامل 12 هل يلزم نقل البيانات على الاصدار الأخير ولا عادى نرجو الافادة وشكرا

إذا لم تكن تنوي تصدير شيت الإدارة لملف إكسيل منفصل

يعني ها تطبع مباشرة من البرنامج

فلست محتاجاً للنسخة الجديدة

كذلك إذا لم تكن في المرحلة الثانوية فأيضاً لست محتاجاً للنسخة الجديدة

أستاذنا الفاضل الأستاذ نادر
السلام عليكم ورحمة الله وبركاته، وبعد:
فأولا : ما لنا بشكرك من يد فلندع الثناء والشكر فلن نوفيك حقك
ثانيا : لنا سوال أو استفسار : نعمل بمدرستنا على برنامجكم رقم 14.1 وهو آخر تحديث لبرنامجكم كما تعلم ، ورصدنا ببرنامج الرصد أعمال السنة والأسماء ظاهرة ثم وضعنا السري وأخفينا الأسماء وحاولنا رصد درجات مادة عملي العلوم فلم نفلح فما كان منا إلا أن أظهرنا الأسماء فنجحت عملية الرصد يعني يبدو أن هناك ارتباطا بين عملية الرصد وظهور الأسماء فلن نستطيع الرصد إلا إذا كانت الأسماء ظاهرة لا مخفية ، وهذا لا يصلح في الرصد كم تعلم ، رجعت إلى صفحة تسجيل البيانات ومسحت الأسماء وحاولت الرصد بدونها فلم نفلح ـ فنرجو التكرم بفك الارتباط بين الرصد وظهور الأسماء ، أو دلنا على ما يجب علينا أن نعمله فلربما نكون قد أخطأنا أخوكم محمود مرسي

من طرف **naderwatfa** الإثنين 31 ديسمبر 2018, 1:06 pm

ابعت لي البرنامج ببياناتك على الإيميل علشان أشوفه

جزاكم الله خيرا يا أستاذنا ، وبارك فيكم ، وأجرى الخير على أيديكم

من طرف **naderwatfa** الإثنين 31 ديسمبر 2018, 2:37 pm

أشكرك أستاذ محمود

بارك الله فيك

أستاذنا الفاضل الأستاذ / نادر

السلام عليكم ورحمة الله وبركاته، وبعد:

فاشكرِ الله ـ سبحانه وتعالى ـ أن جعل للناس عندك حاجات ، ووفقك لقضائها على يديك ، ولقد صدق الشاعر حين قال :

وَأَفْضَلُ النَّاسِ مَا بَيْنَ الوَرَى رَجُلٌ ** تُقْضَى عَلَى يَدِهِ لِلنَّاسِ حَاجَاتُ
لَا تَمْنَعَنَّ يَدَ الْمَعْرُوفِ عَنْ أَحَدٍ ** مَا دُمْتَ مُقْتَدِرًا فَالسَّعْدُ تَارَاتُ
وَاشْكُرْ فَضَائِلَ صُنْعِ اللهِ إِذْ جَعَلَتْ ** إِلَيْكَ لَا لَكَ عِنْدَ النَّاسِ حَاجَاتُ
قَدْ مَاتَ قَوْمٌ وَمَا مَاتَتْ مَكَارِمُهُمْ ** وَعَاشَ قَوْمٌ وَهُمْ فِي النَّاسِ أَمْوَاتُ

من طرف **naderwatfa** الثلاثاء 01 يناير 2019, 5:09 am

دي حاجة بسيطة جداً يا أستاذ محمود

أشكر لك ذوقك و أخلاقك العالية

أخجلتم تواضعنا يا أخي