حوار الأعضاء

من طرف **naderwatfa** الأحد 09 أبريل 2017, 5:53 am

تذكير بمساهمة فاتح الموضوع :

زملائي الكرام
هذا القسم من المنتدي مخصص للحوار بين الأعضاء في أي موضوع يخص التربية و التعليم

يمكنكم التواصل هنا مع بعضكم أو معي لمناقشته و الاتفاق في النهاية على الرأي الأنسب

و ذلك لأي موضوع في الحقل التعليمي يكون محل اختلاف أو غير واضح الرؤية للبعض منا

مع رجاء خاص

أرجو عدم طلب تعديل برامج أو برمجة برامج جديدة نظراَ لظروفي الصحية التي لا تسمح لي بذلك

سيتم حذف المشاركة التي تحتوي على طلبات تعديل أو طلبات برمجة

من طرف **naderwatfa** الثلاثاء 15 مايو 2018, 5:51 pm

النسخة الحالية 9.9

ما فيهاش المشكلة دي إن شاء الله

كما أنها تعمل على أوفيس إنجليزي أو عربي

من طرف الجوكر1 الخميس 17 مايو 2018, 3:37 pm

استاذ نادر بارك الله في حضرتك

الرجاء توضيح تقرير الرفع مامعني داخل الورقة وخارجها لانني عندي طالب مثلا جايب 30 ترم اول وترم ثاني اعمال السنة مادة العلوم مثلا ولكن تقرير الرفع يظهر فيه بان الطالب خارج الورقة محتاج 5 درجات فهل معني خارج الورقة هي اعمال السنة ام ماذا

من طرف **naderwatfa** الخميس 17 مايو 2018, 3:42 pm

داخل الورقة معناها الطالب راسب في التحريري

( أقل من 30 % من درجة التحريري تيرم 2 )

خارج الورقة يعني ناجح في التحريري فتقدر تحط له الدرجات في أي مكان

( في الورقة أو في أعمال السنة أو في العملي )

و المهم بقى تعرف إن الدرجة اللي الطالب عايزها هي مجموع الاتنين

( يعني داخل الورقة + خارج الورقة )

فلو عايز داخل الورقة 3 و خارج الورقة 5

يبقى معناها عايز 8 بشرط 3 منهم على الأقل في الورقة ( أو كلهم مش مشكلة )

من طرف الجوكر1 الخميس 17 مايو 2018, 3:53 pm

naderwatfa كتب:
داخل الورقة معناها الطالب راسب في التحريري
( أقل من 30 % من درجة التحريري تيرم 2 )
خارج الورقة يعني ناجح في التحريري فتقدر تحط له الدرجات في أي مكان
( في الورقة أو في أعمال السنة أو في العملي )
و المهم بقى تعرف إن الدرجة اللي الطالب عايزها هي مجموع الاتنين
( يعني داخل الورقة + خارج الورقة )
فلو عايز داخل الورقة 3 و خارج الورقة 5
يبقى معناها عايز 8 بشرط 3 منهم على الأقل في الورقة ( أو كلهم مش مشكلة )

بارك الله فيك اخ نادر عندي طالب مثلا داخل الورقة 5 وخارجها 7
فقمت برفعه تحريري 5 درجات ال 7 درجات موجودين علي الرغم من حصول الطالب علي 30 اعمال سنة ترم اول وثاني

من طرف **naderwatfa** الخميس 17 مايو 2018, 3:57 pm

المهم ما تنساش الطالب ده عايز كده 12 درجة

منهم 5 في الورقة علشان ينجح

لو خد ال12 خارج الورقة مش ها ينجح

و لو خد ال12 جوة الورقة ها ينجح طبعاً

أحب بس أقول لك إنك لو كنت ضغطت زر المساعدة و انت في صفحة تقرير الرفع

كنت ها تعرف إجابة سؤالك

من طرف الجوكر1 الخميس 17 مايو 2018, 4:05 pm

naderwatfa كتب:
المهم ما تنساش الطالب ده عايز كده 12 درجة
منهم 5 في الورقة علشان ينجح
لو خد ال12 خارج الورقة مش ها ينجح
و لو خد ال12 جوة الورقة ها ينجح طبعاً
أحب بس أقول لك إنك لو كنت ضغطت زر المساعدة و انت في صفحة تقرير الرفع
كنت ها تعرف إجابة سؤالك

يعني افهم من حضرتك ان ال 7 درجات ليسو اعمال السنة ولكنهم تحريري ايضا سواء ترم اول او ثاني يعني الطالب كده محتاج 12 درجة تحريري بغض النظر عند درجة اعمال السنة

من طرف **naderwatfa** الخميس 17 مايو 2018, 4:16 pm

لأ طبعاً

ال7 درجات دول مش في التحريري لكن من الممكن يضافوا للتحريري

يعني هو محتاج 5 علشان ينجح في الورقة

و كمان 7 علشان ينجح في المادة

وتقدر تحط له ال7 دول في الورقة برضه أو خارج الورقة

لكن ال5 لازم يكونوا جوة الورقة

من طرف الجوكر1 الخميس 17 مايو 2018, 4:27 pm

naderwatfa كتب:
لأ طبعاً
ال7 درجات دول مش في التحريري لكن من الممكن يضافوا للتحريري
يعني هو محتاج 5 علشان ينجح في الورقة
و كمان 7 علشان ينجح في المادة
وتقدر تحط له ال7 دول في الورقة برضه أو خارج الورقة
لكن ال5 لازم يكونوا جوة الورقة

طيب ال 5 درجات تم اضافتهم للمادة وظهر بقرير الرفع ال 7 درجات وكده الطالب نجح بالورقة ال 7 درجات حبيت اضيفهم باعمال السنة وجدت الطالب حاصل علي 30 اعمال سنة ترم اول وثاني يعني لامجال لاضتفتهم باعمال السنة المدرس كدة مش هيقدر يضيف ال 7 درجات بالورقة

من طرف **naderwatfa** الجمعة 18 مايو 2018, 3:15 am

قانوناً

الطالب ده غير مستحق للرفع لأن الدرجات المطلوبة كتيرة

دكاكيني بقى

يمكن إضافة الدرجات الباقية لتيرم أول ( أعمال سنة للتيرمين أو عملي في حالة وجوده أو لنظري تيرم أول )

واقعياً

سيبه يسقط و يدخل دور ثان لو ما عرفتش ترفعه

الرفع مش بالعافية ، و إنما هو مجرد إعادة نظر بالورقة لعل و عسى يكون له درجات

أما مسألة إن تقرير الرفع بيقول لك الطالب عايز درجات خارج الورقة فأنا عاملها للعلم فقط

يعني علشان تبقى عارف هو موقفه إيه بالضبط و بدقة

لكن لا يجوز ( قاانوناً ) تعديل أعمال السنة و لا العملي

لأن العرض للرفع يكون في ورقة النظري تيرم ثان ( و نظري تيرم أول عند الحاجة )

فإما أن يتم رفعه و يثبت ذلك في محضر الرفع و على ورقة الإجابة

أو لم يقبل الرفع و يثبت ذلك أيضاً في المحضر و على الورقة

أو ربما تخفض درجاته بعد هذه المراجعة و يثبت ذلك برضه في المحضر و على الورقة

و الكلام ده ( قانوناً ) ممكن يحصل و لو على نصف درجة

يعني ممكن ما يترفعش على نصف الدرجة دي لو المادة زي الرياضيات مثلاً

غير قابلة للرفع لأنه واخد حقه بالضبط و الأسئلة ما فيهاش أسئلة تقديرية قابلة لزيادة الدرجة

( زي التعبير في العربي كده )

و طبعاً بدون تدخل المراجع بالقلم الأزرق لأننا بنتكلم في الوضع القانوني مش في الوضع الاستعباطي

من طرف waleed7988 الإثنين 21 مايو 2018, 1:35 pm

السلام عليكم استاذ نادر

في صفحة النتيجة والشيت عند اختيار شيت اجمالي نظام2 او تفصيلي نظام2 وعدد الصفوف 30 تظهر الدوائر واختيار راسب تظهر الدوائر غير مظبوطة باخر الشيت

غير ذلك عدد الراسبين لدي 54 طالبة يعني لازم يكون عندي اختيار شيت اجمالي نظام2 او تفصيلي نظام2 وعدد الصفوف 30 اربع شيتات بيظهر اتنين فقط

والموضوع ده في النسخه رقم 9.7 وبرده فياخر نسخه رقم 9.9

من طرف عباس رضا الإثنين 21 مايو 2018, 4:36 pm

اضغط زر التنسيق

من طرف رضا جبران الإثنين 21 مايو 2018, 5:13 pm

يا جماعة بالنسبة لقرير الرفع اللى انا فهمته ان لازم الطالب يجيب 100 من 200 من مجموع المادة حتى لو جايب 21 فى تحريرى ترم تانى

من طرف **naderwatfa** الإثنين 21 مايو 2018, 5:42 pm

أستاذ وليد

اضغط زر التنسيق زي ما قال لك الأستاذ عباس

و ربما يكفي أن تحذف الدوائر ثم تعيدها بالضغط على الزر الخاص بالدوائر

أستاذ عباس

شكراً على الرد و التوضيح

أستاذ رضا

طبعاً لازم 100 من 200 في إجمالي المادة و 21 من 70 تحريري

علشان ينجح الطالب

يعني كلامك صحيح

من طرف جمال زهدي الإثنين 21 مايو 2018, 8:36 pm

استاذنا الحبيب
في النيسخة الاخيرة من البرنامج في صفحة الشيت التفصيلي لا يعمل دوائر علي الدرجة الاقل من 21 في مجموع الرياضيات (جبر + هندسة ) ( درجة اختبار 2) وكذلك في العلوم والحاسب لايعمل دوائر المفروض يعمل دوائر علي الدرجة الاقل من 21 مثل ياقي المواد
هل هذه الملحوظة عند باقي الزملاء

من طرف **naderwatfa** الثلاثاء 22 مايو 2018, 3:05 am

عموماً أنا سحبت البرنامج خلاص

كل مجهودي الآن منصب على نسخة nw10

و التي يجري حالياً تنسيقها مع إجراء تجارب على كل جزء فيها

مش عايز أنشغل بتعديل نسختين في وقت واحد

خصوصاً إن ممكن مع العام الدراسي الجديد يحصل حاجات تتطلب تعديلات في البرنامج

فكفاية أركز على برنامج واحد لأن الطاقة اللي عندي مش كبيرة للدرجة دي دلوقتي

من طرف waleed7988 الثلاثاء 22 مايو 2018, 8:15 am

naderwatfa كتب:
أستاذ وليد
اضغط زر التنسيق زي ما قال لك الأستاذ عباس
و ربما يكفي أن تحذف الدوائر ثم تعيدها بالضغط على الزر الخاص بالدوائر
أستاذ عباس
شكراً على الرد و التوضيح
أستاذ رضا
طبعاً لازم 100 من 200 في إجمالي المادة و 21 من 70 تحريري
علشان ينجح الطالب
يعني كلامك صحيح

استاذ نادر

لقد فعلت كل ذلك تنسيق وحذف دوائر

ولا يحدث أي شئ

طيب وعدد كشوف الراسبين 4 ويظهر 2 فقط ماذا افعل فيها

من طرف **naderwatfa** الثلاثاء 22 مايو 2018, 8:19 am

تبعت لي البرنامج بتاعك على :

naderwatfa@gmail.com

و ما تنساش تفكرني بالمشكلة

من طرف هانى محمود الخميس 24 مايو 2018, 11:45 am

السلام عليكم ممكن ياستاذ وليد لاظهار باقى الشيتات الخاصه بالراسب اختر الكل هيظهرلك كل الشيتات اختر الثالث او الرابع واضغط الراسب هيظهر معاك عن تجربه

من طرف waleed7988 الأحد 27 مايو 2018, 12:14 pm

هانى محمود كتب:السلام عليكم ممكن ياستاذ وليد لاظهار باقى الشيتات الخاصه بالراسب اختر الكل هيظهرلك كل الشيتات اختر الثالث او الرابع واضغط الراسب هيظهر معاك عن تجربه

عليكم السلام ورحمة الله وبركاته

والله يا استاذ هاني انا عملتها كده من الاول

بس انا المقصود من كلامي ان الاستاذ نادر يعدلها في النسخ القادمة ان شاء الله

من طرف **naderwatfa** الخميس 31 مايو 2018, 6:44 pm

النسخة القادمة تم تعديل كل شيء فيها

كما تم إضافة عامود لبيان الدرجات الناقصة لنجاح أي طالب

في أي مادة نختارها من زر : مراجعة مادة

لجميع الطلاب بما في ذلك طلاب الحالات الخاصة

اللي ما بيظهرش ليهم حاجة في صفحة تقرير الرفع الأصلية

( يعني عامود تقرير رفع خاص بأي مادة نريد مراجعة درجاتها في صفحة الرصد )

و إن شاء الله لن يتم رفع نسخة nw10 إلا بعد اختبارات عديدة لها

بما يضمن صحة عمل كل شيء فيها و بأفضل شكل ممكن

من طرف awado55 الخميس 31 مايو 2018, 10:47 pm

تليفون الاستاذ رمضان البسكاوى

من طرف هانى محمود الجمعة 01 يونيو 2018, 5:22 pm

ياريت ياستاذنا الفاضل نادر عبدالرحمن الله يكرمك ويبارك فى صحتك ويبعد عنك أى مكروه مراعاه التنسيقات الخاصه بالطباعه تنسيق تلقائى كدا زي البرامج القديمة مثال كنترول اعدادى 40 طبعا انتقلنا للبرامج الحديثة من زمان لان بتواجهنى مشكله صعبه وهى الزر الخاص ادوات البرنامج اعدادات الطباعة لا يعمل وجربته على اكثر من جهاز للأسف لدرجه انه يعمل لاول مره وعند اغلاق البرنامج واعاده فتحه يعطى رساله بالخطأ ومثلا فى كشوف المناده يظهر خط فاصل بين اللجنتين ان امكن استاذنا الفاضل وكل عام وحضراتكم بألف خير

من طرف **naderwatfa** السبت 02 يونيو 2018, 4:01 pm

انتظر البرنامج الجديد للعام القادم إن شاء الله

لكن لو ساعتها لقيت نفس المشكلة تاني يبقى تعرف إن المشكلة عندك مش في البرنامج

لما زر من الأزرار ما يشتغلش خالص يبقى فيه مشكلة في الجهاز ( ويندوز غالباً )

أما في حالتك دي غالباً المشكلة مرتبطة بالطابعة الموصلة بالجهاز

مسالة أن تكون إعدادات الطباعة آلية مستحيلة ، لأن للطابعات أنواع كثيرة

و أنا وضحت كتير قبل كده إن إعدادات الطباعة تختلف من طابعة لأخرى

و للسبب ده بالتحديد عملت زر إعدادات الطباعة ، لأنه من المستحيل ضبط الطباعة لكل أنواع الطابعات

قبل كده أيام كنترول 40 كان عندي طابعة Lexmark و من كام سنة بقى عندي طابعة HP

فطبيعي إني أغير الإعدادات لما يناسب الطابعة الجديدة علشان أقدر أشوف معاينة سليمة للطباعة

و ده اللي ها يحصل تاني لو غيرت الطابعة

الإعدادات دي مش حاجة ثابتة في البرنامج و لا أنا حتى مبرمجها على كده

دي حاجة بتتعمل يدوياً و كل واحد بيعملها حسب ما يناسبه

اللي المفروض تعمله انت بقى هو تغيير الإعدادات دي من خلال معاينة الطباعة

أمال زر معاينة الطباعة ده إيه لزومه ؟ هو معمول علشان كده

طالما عندك مشكلة في تشغيل زر إعدادات الطباعة فتعمل معاينة و تعدل بنفسك كل شيء كما تريد يدوياً

من طرف هانى محمود الجمعة 08 يونيو 2018, 5:31 pm

تم ياستاذنا الفاضل تم تغيير الوندوز والكود اشتغل وكله تمام الخاص باعدادات الطباعه
ممكن بعد اذن حضرتك لو امكن فيما يخص البرنامج الجديد والمنتظر بإذن الله فى صفحه العشرة الأوائل تكون بالألوان مضاف اليها صور ومؤترات جمالية للصفحه زي مثلا شهادات التقدير فيها اشكال ومؤثرات وكده لو امكن استاذنا الكريم
وأخيرا انا بشكر حضرتك على هذا العمل وادعوا الله لى ولك ان يبارك فيك ويعطيك الصحه اللهم امين بحق هذه الأيام المباركه
والسلام عليكم

من طرف **naderwatfa** السبت 09 يونيو 2018, 4:01 am

انت ممكن بكل بساطة تصدر صفحة الأوائل

و بعد كده تعمل فيها اللي انت عايزه

على كل حال ها اشوف الممكن عمله فيها إيه

لأنه لابد يكون اختيارياً ، علشان ده كشف رسمي

باطبعه و أبعته للإدارة التعليمية مع النتيجة و الإحصاءات

مش معقول طبعاً أخلليه كشف متدلع و متلون بشكل ثابت

فممكن يكون فيه اختيارات للتلوين لمن يريد

من طرف هانى محمود السبت 09 يونيو 2018, 4:17 am

تمام ياستاذنا الفاضل وصلت المعلومه الف الف شكر لحضرتك

من طرف **naderwatfa** السبت 09 يونيو 2018, 4:40 am

ممكن كمان من خلال زر تنسيق الصفحة في إعدادات الطباعة

أن تقوم بتلوين الكشف بنفسك و أن تغير الخطوط و مقاساتها و ألوانها

جرب ها تلاقيها سهلة

من طرف **naderwatfa** السبت 09 يونيو 2018, 10:36 am

يا شباب

للي عايز يستخدم البرنامج في استخراج نسب و أوائل

للصف الثالث الإعدادي دور أول

يجهز درجات جدول المواد في صفحة الكنترول زي الصورة دي

من طرف khalid ali السبت 09 يونيو 2018, 2:52 pm

naderwatfa كتب:
يا شباب
للي عايز يستخدم البرنامج في استخراج نسب و أوائل
للصف الثالث الإعدادي دور أول
يجهز درجات جدول المواد في صفحة الكنترول زي الصورة دي

جميل استاذ نادر كل عام وانت بخير

من طرف **naderwatfa** السبت 09 يونيو 2018, 3:08 pm

كل سنة و انت طيب يا أستاذ خالد

من طرف جمال زهدي السبت 09 يونيو 2018, 10:07 pm

naderwatfa كتب:
يا شباب
للي عايز يستخدم البرنامج في استخراج نسب و أوائل
للصف الثالث الإعدادي دور أول
يجهز درجات جدول المواد في صفحة الكنترول زي الصورة دي

استاذنا الحبيب استاذ نادر
الاعدادات الموضحة بالصورة تصلح لاستخراج الاوائل والنسب للصف الثالث تيرم اول فقط
ولا تصلح لاخر العام لان اخر العام الدرحة بتكون من الدرجة النهائية للمادة
اي بتكون العربي من 80 وهكذا اي مثلا طالب بيكون مثلا حاصل علي 70 من 80 في العربي
فهذه الاعدادات لاتصلح لرصد درجات اخر العام ولكن تصلح للتيرم الاول فقط
وانا استخدمت البرنامج بنفس الاعدادات ذي محضرتك عملتها ولكنها كانت مجهدة لي كثيرا حيث
كنت راصد درجة التيرم الاول واستخرجت الاوائل والنسب للتيرم الاول بعد نتيجة التيرم الاول
ولكن عند استخدام البرنامج لاخر العام لم اجد طريق سوي طرح درجة المادة الحاصل عليها الطالب في التيرم الاول من درجته اخر العام
لاحسب درجة التيرم الثاني فقط بدون درجة التيرم الاول بمعني او طالب كانت درجته كانت جاية اخر العام في العربي 70 وكان حاصل
في التيرم الاول علي 33 فسوف احسب له في التيرم الثاني 37 اي سوف ارصد له نظري تيرم ثاني 37
وهذه العملية مجهدة جدا لاستخراج درجة التيرم الثاني فقط لكل طالب ولكل مادة وذلك بطرح درجة التيرم الاول من درجة المادة التي تاتي للطالب اخر العام وفي النهاية ارجو ان يلهمك الله حل لهذه المشكلة

من طرف **naderwatfa** الأحد 10 يونيو 2018, 8:50 am

انت قدامك حل من اتنين

الأول

تحط درجة كل تيرم لوحده بخصم درجات التيرم الأول من الدرجة النهائية

و أنا باعمل كده بسهولة شديدة من خلال ملف إكسيل خارجي

احط درجات تيرم أول و في العواميد اللي بعدها درجات دور أول

و في العواميد التالية اكتب معادلة الطرح ( في عامود كل مادة )

فأحصل على درجات التيرم الثاني

و دي معادلة بسيطة جدا أي حد ممكن يكتبها

و ممكن اللي عايز أعمل له ملف طرح الدرجات بسهولة و كل اللي عليه إنه يحط الدرجات في مكانها

الثاني

تقدر تستخدم البرنامج في التيرم الأول عادي زي ما عملت

و آخر السنة تمسح درجات التيرم الأول

و تلغي التيرم الأول من صفحة الكنترول

و تحط للطلاب درجات الدور الأول مباشرة

أي حل من الاتنين ينفع

بس أنا بافضل الحل الأول علشان باحتفظ بدرجات الطلاب للتيرمين على طول

و أقدر استخرج تحاليل لدرجات كل تيرم لوحده

من طرف جمال زهدي الأحد 10 يونيو 2018, 2:52 pm

استاذ نادر
ارجو توضيح الاعدادات التي نعملها في صفحة الكنترول لالغاء التيرم الاول بصورة لصفحة الكنترول بعد عمل الاعدادات اللازمة لذلك ولك كل الشكر

من طرف **naderwatfa** الأحد 10 يونيو 2018, 3:32 pm

جمال زهدي كتب:استاذ نادر
ارجو توضيح الاعدادات التي نعملها في صفحة الكنترول لالغاء التيرم الاول بصورة لصفحة الكنترول بعد عمل الاعدادات اللازمة لذلك ولك كل الشكر

انت مش محتاج تغير إعدادات الجدول

فقط اضغط الزر الخاص بإلغاء التيرم الأول

بس قبل كده امسح درجات التيرم الأول من صفحة الرصد

لو حبيت أرفع لك البرنامج الصغير اللي باستخرج بيه درجات التيرم الثاني للصف الثالث قل لي

أنا باستخدمه على طول و باقدر بالشكل ده أحط درجات التيرم الأول عادي للصف الثالث الإعدادي

من طرف جمال زهدي الأحد 10 يونيو 2018, 8:24 pm

ياريت ياستاذنا يتم اضافة هذا الملف في فولدر الملفات المرفقة مع برنامج الكنترول الشامل اصدار 10 القادم ان شاء الله

من طرف **naderwatfa** الإثنين 11 يونيو 2018, 2:46 am

بإذن الله يا أستاذ جمال

من طرف اسعد رفعت الإثنين 09 يوليو 2018, 2:15 pm

السلام عليكم استاذ نادر ممكن بعد اذن حضرتك رابط برنامج الكنترول الشامل 9.9

من طرف **naderwatfa** الإثنين 09 يوليو 2018, 4:16 pm

اسعد رفعت كتب:السلام عليكم استاذ نادر ممكن بعد اذن حضرتك رابط برنامج الكنترول الشامل 9.9

ابعت لي على الإيميل علشان أبعت لك الرابط ( نسخة 8 معدل )

لأن نسخة 9 لغاية 9.9 فيها مشكلة مع بطاقات دور ثان

و لما باحط رابط التحميل هنا بيفتح لك مواقع فيروسات للأسف

فأحسن حاجة أبعت لك الرابط على الإيميل

الرابط ميديا فاير و جاهز

من طرف اسعد رفعت الإثنين 09 يوليو 2018, 4:20 pm

naderwatfa كتب:
اسعد رفعت كتب:السلام عليكم استاذ نادر ممكن بعد اذن حضرتك رابط برنامج الكنترول الشامل 9.9
ابعت لي على الإيميل علشان أبعت لك الرابط ( نسخة 8 معدل )
لأن نسخة 9 لغاية 9.9 فيها مشكلة مع بطاقات دور ثان
و لما باحط رابط التحميل هنا بيفتح لك مواقع فيروسات للأسف
فأحسن حاجة أبعت لك الرابط على الإيميل
الرابط ميديا فاير و جاهز

شكرا لحضرتك استاذ نادر وصلت النسخه عبر الايميل جزاك الله خيرا

من طرف **naderwatfa** الإثنين 09 يوليو 2018, 8:19 pm

الكنترول الشامل nw 9.95

---------

( نسخة مؤقتة لحين الانتهاء من أعمال الدور الثاني لهذا العام )

تم فيها معالجة مشكلة بطاقات درجات الدور الثاني

البرنامج في قسم البرامج المدرسية

*****

أي زميل يريد نسخ بياناته و درجاته للنسخة دي و يجد صعوبة في ذلك

يبعت لي البرنامج بتاعه على الإيميل التالي

naderwatfa@gmail.com

و يذكرني بأنه يريد أن أنسخ له البيانات و الدرجات على النسخة الجديدة

من طرف جمال زهدي الأحد 15 يوليو 2018, 1:29 pm

الاستاذالحبيب
نادر
توجد ملاحظة بالبرنامج دور ثاني وهي
لو ظالب مثلا كان حاصل في الرياضيات علي 35 من 60 وكان له دور ثاني لعدم حصولةعلي نسبة 30% اخر العام فبيكون له دور ثاني وبعدامتحان الدور الثاني هذا الطالب نجح فالبرنامج بيحسب له في المادة النهاية الصغري وهي 30 ولكن الادارة التعليمية بتقول ان نحسب له الدرجة التي حصل عليها اخر العام اذا كانت هذه الدرجة اكثر من 50%اي نحسب له 35 اما اذا كانت درجةالمادة الراسب فيها اقل من 50% اذا نجح في الدور الثاني يحسب له درجة النجاح فقط وهذا هو الموجود بالبرنامج اي الخلاصة
المطلوب اذا كانت مادة الدور الثاني راسب نسبة 30 % اخر العام وكان التلميذ حاصل علي اكثر من50 % ونجح فيها الطالب دور ثاني يحسب له درجةاخر العام

من طرف **naderwatfa** الأحد 15 يوليو 2018, 1:43 pm

أستاذ جمال

مبدئياً: حسابات الدور الثاني يجب أن تخضع لقواعد عامة على مستوى الوزارة

و ليس لأهواء و تفسيرات شخصية محلية على مستوى الإدارات

و البرنامج فيه خيارات لحساب مجموع الدور الثاني

و الخيار المفعل حالياً في البرنامج و اللي القانون بينص عليه بيقول :

لو الطالب راسب مجموع دور أول فلا يزيد مجموعه عن النهاية الصغرى للمجموع عند نجاحه دور ثان

و لو كان ناجح مجموع دور أول فله أن يزيد مجموعه بقدر ما يحصل عليه من درجات في دور ثان

هل ده مخالف للي عندكم في الإدارة ؟

عموماً أنا عايزك تشوف خيارات مجموع دور ثان و نتكلم بعد كده

ربما كان فيها ما تريد

هي موجودة في صفحة الكنترول ( زر خيارات مجموع دور ثان )

من طرف جمال زهدي الأحد 15 يوليو 2018, 8:03 pm

naderwatfa كتب:
أستاذ جمال
مبدئياً: حسابات الدور الثاني يجب أن تخضع لقواعد عامة على مستوى الوزارة
و ليس لأهواء و تفسيرات شخصية محلية على مستوى الإدارات
و البرنامج فيه خيارات لحساب مجموع الدور الثاني
و الخيار المفعل حالياً في البرنامج و اللي القانون بينص عليه بيقول :
لو الطالب راسب مجموع دور أول فلا يزيد مجموعه عن النهاية الصغرى للمجموع عند نجاحه دور ثان
و لو كان ناجح مجموع دور أول فله أن يزيد مجموعه بقدر ما يحصل عليه من درجات في دور ثان
هل ده مخالف للي عندكم في الإدارة ؟
عموماً أنا عايزك تشوف خيارات مجموع دور ثان و نتكلم بعد كده
ربما كان فيها ما تريد
هي موجودة في صفحة الكنترول ( زر خيارات مجموع دور ثان )

استاذنادر
ربما انا لم استطيع توصيل وجهة نظري بطريقة صحيحة
انا لااريد زيادة المجموع انا عارف ما تقولة ان المجموع بيزيد بمقدارالزيادة حتي درجة النجاح اذاكان ناجح مجموع دور اول يعني لو مجموعة 190 كان حاصل في الرياضيات دور اول 25 فهو عند نجاحة في الدور الثاني يحصل علي 30 اي مجموعة يزيد 5 درجات فقط اي يكون 195وهذا صحيح ولا يوجد به مشكلة
ولكن انا اتكلم عن طالب مثلا مجموعة 190 وكان حاصل علي 35 دور اول في الرياضيات وله دور ثاني في الرياضيات فقط لعدم حصوله علي نسبة 30 % اخر العام (21) فعند نجاح هذا الطالب في الدور الثاني نجد ان البرنامج اعطي الطالب درجة النجاح وهي 30 اي اقل من درجة اخر العام التي كان حاصل عليها وهي 35المطلوب ان يحصل هذا الطالب علي نفس درجة اخر العام وهي 35

من طرف **naderwatfa** الإثنين 16 يوليو 2018, 6:08 am

معنى كلامك إن البرنامج بيسجل للطالب ده درجة النجاح فقط في شيت دور ثان

في حين المفروض يسجل له الدرجة الفعلية الحاصل عليها

طيب شوف الطالب الأول في الصورة دي

دي صورة من البرنامج الجديد nw10

الطالب ده راسب إنجليزي دور أول في التحريري فقط

و حطيت له 35 درجة دور ثان

من طرف جمال زهدي الإثنين 16 يوليو 2018, 6:56 am

naderwatfa كتب:
معنى كلامك إن البرنامج بيسجل للطالب ده درجة النجاح فقط في شيت دور ثان
في حين المفروض يسجل له الدرجة الفعلية الحاصل عليها
طيب شوف الطالب الأول في الصورة دي
دي صورة من البرنامج الجديد nw10
الطالب ده راسب إنجليزي دور أول في التحريري فقط
و حطيت له 35 درجة دور ثان

تمام هي بتظهر 35 وزادت عن درجةالدور الاول 2.6 ولكن الخطأ ان يكون المجموع الكلي علي اساس حساب درجة 35 اي 220.5 الصحيح ان تظهر 35 ويتم حساب المجموع علي حساب نفس درجة الدور الاول وهي 32.4 وبالتالي يظل المجنوع في هذه الحالة 217.9 وهي حالة الطالب الناجح مجموع المادة وراسب 30% (راسب تحريري فقط )وناجح مجموع كلي
لذلك ارجو اضافة هذه الحالة الي خيارات مجموع الدور الثاني
اي انه من الممكن ان يكوت هناك طالب طالب راسب في اكثر من مادة بعضها راسب تحيريري فقط وبعضها راسب مجموع المادة (اقل من درجةالنجاح 50%) المطلوب هوالمواد الراسب فيها تحريري فثطاذا مجح دور ثاني تدخل درجة الدور الاول في المجموع الكلي والمواد الاخري الراسب فيها 50 % اذا نجح فيها دور ثاني تدخل درجة النجاح 50% في المجموع الكلي
يعني مثلا الطالب رقم 5 في الصورة المرفوعة من جانب حضرتك عنده دور ثاني في مادتين العربي والانجليزي بفرض انه راسب في العربي تحريري فقط وكانت درجة الدور الاول 42 وخصل في الدور الثاني علي 45 والانجليزي كماهي في الصورة دور اول 29.7 ودور ثاني 35 يبقي يتم حساب المجموع الكلي عاي اساس في العربي تفس درجة الدور الاول 42 وفي الانجليزي علي اساس 30 (50%)اي ان المجموع الكلي يزيد 0.3 اي يصبح 189.5

من طرف **naderwatfa** الإثنين 16 يوليو 2018, 7:11 am

أعتقد إن اللي انت عايزه موجود فعلياً في الخيارات الموجودة في البرنامج

جرب تخللي خيار الناجح مجموع دور أول كما يلي :

بدلاً من : مجموع مفتوح

خلليها مرة : مجموع مقيد

و مرة : مجموع محدد

و قل لي ها يحصل إيه

من طرف جمال زهدي الإثنين 16 يوليو 2018, 7:34 am

naderwatfa كتب:
أعتقد إن اللي انت عايزه موجود فعلياً في الخيارات الموجودة في البرنامج
جرب تخللي خيار الناجح مجموع دور أول كما يلي :
بدلاً من : مجموع مفتوح
خلليها مرة : مجموع مقيد
و مرة : مجموع محدد
و قل لي ها يحصل إيه

يعني مثلا الطالب رقم 5 في الصورة المرفوعة من جانب حضرتك عنده دور ثاني في مادتين العربي والانجليزي بفرض انه راسب في العربي تحريري فقط وكانت درجة الدور الاول 42 وخصل في الدور الثاني علي 45 والانجليزي كماهي في الصورة دور اول 29.7 ودور ثاني 35 وبالتالي سيكون مجموع الدورالاول191.6 يبقي يتم حساب المجموع الكلي عاي اساس في العربي تفس درجة الدور الاول 42 وفي الانجليزي علي اساس 30 (50%)اي ان المجموع الكلي يزيد 0.3 اي يصبح 191.9

من طرف **naderwatfa** الإثنين 16 يوليو 2018, 7:57 am

أستاذ جمال

لما عملت الدرجات للطالب الخامس زي ما قلت لي

و خلليت اختيارات مجموع دور ثان كما يلي :

ناجح مجموع دور أول ( مجموع محدد )

و راسب مجموع دور أول ( مجموع مقيد ) في حالة نجاحه أو رسوبه دور ثان

زي الصورة دي

حصلت على المجموع اللي انت عايزه للطالب ده

و النتيجة كما ترى في الصورة دي

لو كده صح ، فأنا زي ما قلت لك الاختيار ده موجود في البرنامج لمن يريد

أنا لم أقم بتعديل أي شيء في الخيارات دي من زمان

من طرف جمال زهدي الإثنين 16 يوليو 2018, 12:25 pm

naderwatfa كتب:
أستاذ جمال
لما عملت الدرجات للطالب الخامس زي ما قلت لي
و خلليت اختيارات مجموع دور ثان كما يلي :
ناجح مجموع دور أول ( مجموع محدد )
و راسب مجموع دور أول ( مجموع مقيد ) في حالة نجاحه أو رسوبه دور ثان
زي الصورة دي
حصلت على المجموع اللي انت عايزه للطالب ده
و النتيجة كما ترى في الصورة دي
لو كده صح ، فأنا زي ما قلت لك الاختيار ده موجود في البرنامج لمن يريد
أنا لم أقم بتعديل أي شيء في الخيارات دي من زمان

استاذنادر
الموجود بالصورة مجموع دور اول 191.6 تمام ولكن مجموع دور ثاني 189.9 البرنامج حاسب مجموع الدور الثاني علس اساس ان العربي 40 والنجليزي 30 وهذا خطأ لان ماينفعـش مجموع الدور الثاني يقل عن مجموع الدور الاول المطلوب ان يكون مجموع الدور الثاني علي اساس العربي نفس درجة الدور الاول وهي 42 والانجليزي 30 وبالتالي يزيدالمجموع الكلي بمقدار الزيادة في الانجليزي حتي درجة النجاح (0.3 ) اي يكون مجموع الدور الثاني 191.9 يعني ماينفعـش مجموع الدور الثاني يقل عن مجموع الدور الاول

من طرف **naderwatfa** الإثنين 16 يوليو 2018, 2:21 pm

هل عندك قرار وزاري بالكلام ده ؟

أنا لما عملت اختيارات لمجموع الدور الثاني كان على أساس اختلاف تفسير قرار 313

لما اختلفنا كلنا في تفسيره

عموماً ربنا يسهل و أحاول أعمل اختيار إضافي كمان

بس ها يكون فقط لناجح مجموع دور أول طبعاً