حوار الأعضاء

من طرف **naderwatfa** الأحد 09 أبريل 2017, 5:53 am

تذكير بمساهمة فاتح الموضوع :

زملائي الكرام
هذا القسم من المنتدي مخصص للحوار بين الأعضاء في أي موضوع يخص التربية و التعليم

يمكنكم التواصل هنا مع بعضكم أو معي لمناقشته و الاتفاق في النهاية على الرأي الأنسب

و ذلك لأي موضوع في الحقل التعليمي يكون محل اختلاف أو غير واضح الرؤية للبعض منا

مع رجاء خاص

أرجو عدم طلب تعديل برامج أو برمجة برامج جديدة نظراَ لظروفي الصحية التي لا تسمح لي بذلك

سيتم حذف المشاركة التي تحتوي على طلبات تعديل أو طلبات برمجة

من طرف awado55 الخميس 04 يناير 2018, 9:49 am

استاذى الفاضل

عند استدعاء من الذكرة شيت لصف معين يفضل الشيت مدة كبيرة جدا ويعطى فى الاخر رساله خطا اوانهاء

هل دى من الجهاز نفسه ام من الافيس

من طرف **naderwatfa** الخميس 04 يناير 2018, 9:58 am

دي سببها حاجة من ثلاثة

مشاكل في الويندوز تحتاج لتثبيت نسخة ويندوز جديدة

أو

ضعف في البروسيسور بتاع الكمبيوتر

أو

الأوفيس تحتاج لحذف و إعادة تثبيت من جديد

بس في الغالب السببين الأول أو الثاني

من طرف khalid ali الجمعة 05 يناير 2018, 9:01 am

صباح الخير استاذ نادر .. كل سنة وانتم بخير
برنامج الكنترول الشامل غير موجود بالبرامج المدرسية هل هناك تعديل جديد ؟

من طرف **naderwatfa** الجمعة 05 يناير 2018, 9:07 am

صباح الخير أستاذ خالد

بالفعل فيه تعديل جديد يخص الثانوي تحديداً

بجانب بعض التنسيقات و التعديلات الخاصة بالبرنامج بشكل عام

و نقطة مهمة نسيت أنبه إليها

و هي أنه يجب ترتيب الرصد على الجلوس قبل التعامل مع ذاكرة البرنامج

علشان كده ها اعمل تنبيه بالكلام ده داخل نافذة الذاكرة في التعديل الجديد

من طرف khalid ali الجمعة 05 يناير 2018, 4:48 pm

naderwatfa كتب:
صباح الخير أستاذ خالد
بالفعل فيه تعديل جديد يخص الثانوي تحديداً
بجانب بعض التنسيقات و التعديلات الخاصة بالبرنامج بشكل عام
و نقطة مهمة نسيت أنبه إليها
و هي أنه يجب ترتيب الرصد على الجلوس قبل التعامل مع ذاكرة البرنامج
علشان كده ها اعمل تنبيه بالكلام ده داخل نافذة الذاكرة في التعديل الجديد

اعانك الله استاذ نادر وجعل مجهودك فى ميزان حسناتك وكل عام وانتم بخير

من طرف م اشرف الجمعة 05 يناير 2018, 5:13 pm

ربنا يعينك

من طرف **naderwatfa** الأربعاء 10 يناير 2018, 5:31 pm

الكنترول الشامل nw9.1

الآن في البرامج المدرسية

من طرف khalid ali الخميس 11 يناير 2018, 8:44 am

naderwatfa كتب:
الكنترول الشامل nw9.1
الآن في البرامج المدرسية

تسلم ايدك معالى الباشا ..اعزكم الله

من طرف **naderwatfa** الخميس 11 يناير 2018, 9:02 am

أشكرك أستاذ خالد

من طرف abohatabalex الخميس 11 يناير 2018, 9:56 pm

naderwatfa كتب:
الكنترول الشامل nw9.1
الآن في البرامج المدرسية

كل سنة وانت طيب استاذ نادر وكل الزملاء الأفاضل
كود الطباعة الآلى فى بطاقات الدرجات لا يعمل فى جميع النسخ الأخيرة
وطبعت اليوم طباعة يدوية كل صفحة وحدها ..
هل هذا عندى فقط أم صادفت أحدا من الزملاء

من طرف **naderwatfa** الجمعة 12 يناير 2018, 2:48 am

بالفعل الكود لا يعمل عند اختيار ( نعم )

أي عند اختيار طباعة كل البطاقات

لكن لو اخترت ( لا ) ثم حددت بداية و نهاية البطاقات سيعمل

حتى لو حددت من أول كشف لآخر كشف

يمكنك عند الاحتياج لاستخدام الكود ده أن تختار الخيار الثاني و تحدد البطاقات

على بال ما أعمل اللازم للكود ده في التعديل القادم إن شاء الله

من طرف abohatabalex السبت 13 يناير 2018, 9:31 pm

naderwatfa كتب:
بالفعل الكود لا يعمل عند اختيار ( نعم )
أي عند اختيار طباعة كل البطاقات
لكن لو اخترت ( لا ) ثم حددت بداية و نهاية البطاقات سيعمل
حتى لو حددت من أول كشف لآخر كشف
يمكنك عند الاحتياج لاستخدام الكود ده أن تختار الخيار الثاني و تحدد البطاقات
على بال ما أعمل اللازم للكود ده في التعديل القادم إن شاء الله

شكرا جزيلا وكل عام وانت والزملاء بخير
وجزاك الله خيرا

من طرف awado55 الإثنين 15 يناير 2018, 1:30 pm

استاذى العزيز / عنداستدعاء اى شيت من الذكره تكون الرساله دى ولازم اغلق الشيت وافتحه من جديد

من طرف awado55 الإثنين 15 يناير 2018, 1:33 pm

والرساله دى كمان والدرجات فى مجموعه مقفولهوعند الغلق والفتح لم يحفظ الرصد الجديد وده فى شيت 8.6

من طرف **naderwatfa** الأربعاء 17 يناير 2018, 9:12 am

أستاذ عوض

لو أخذت بالك إن البرنامج تم إصدار النسخة 9.1 منه علشان الثانوي

يعني تعديلات تخص الثانوي فقط لا غير

أقصد لو كنت حملته و اشتغلت عليه ما كانش ها يحصل معاك مشاكل

على كل حال تم تعديل البرنامج النهارده لنسخة 9.2

و جاري رفعها حالياً

من طرف **naderwatfa** الأربعاء 17 يناير 2018, 9:33 am

الكنترول الشامل nw9.2
الآن في البرامج المدرسية

سبب التعديل
إضافة كشوف بأسماء الراسبين تيرم1 و تيرم2 في صفحة النتيجة و الشيت
تعديل بعض التنسيقات الخاصة بالثانوي العام
إضافة تنسيقات متنوعة لبعض صفحات البرنامج الأخرى

من طرف خالد رياض الأربعاء 17 يناير 2018, 11:32 pm

جزاك الله عنا خير الجزاء

من طرف **naderwatfa** الجمعة 19 يناير 2018, 2:34 pm

الكنترول الشامل nw9.2
تم إعادة رفعه اليوم في البرامج المدرسية

سبب التعديل
تعديل كود تصدير الشيت في صفحة النتيجة و الشيت

من طرف جمال زهدي الجمعة 19 يناير 2018, 4:07 pm

استاذنا الحبيب الاستاذ نادر ارجوا في اقرب تعديل جعل الاعدادات الافتراضية للمرحلة الاعدادية ان يكون ترتيب المواد التي لاتضاف للمجموع كالاتي دين فنية حاسب كما هوالترتيب الوارد بالشيت الورقي الوارد من الوزارة ولك كل الشكر والاحترام

من طرف **naderwatfa** الجمعة 19 يناير 2018, 4:12 pm

أستاذ جمال

أنا شغال بالفعل حالياً في تعديل ملف الرصد المرفق مع البرنامج

عملت له ذاكرة زي الكنترول الشامل علشان أستخدم نسخة واحدة منه هو كمان في الشغل

خلصته بالفعل بس باعمل له تنسيقات و مراجعة

و إن شاء الله ها ارتب فيه و في الكنترول الشامل برضه المواد زي ما بتقول

بس لازم أي حد ها ينقل الدرجات إليه ياخد باله من تغيير الترتيب الجديد ده بتاع المواد

و إلا ها يتم نسخ درجات في غير مكانها

يعني لازم يتم نسخ درجات المواد دي ( دين - رسم - حاسب ) كل واحدة لوحدها

سواء في ملف الرصد ، أو في الكنترول الشامل

من طرف awado55 الأحد 21 يناير 2018, 4:10 pm

استاذى الفاضل / سلام عليك ورحمة من الله وبركاته

وكل عام وانتم بخير

فى ملحوظه فى الشيت الاخير

فى مواد منتهيه فى الترم الاول مثل التاريخ واحياء وكمياء وفيزياء وجغرافيا وهكذا ومواد مكملة مثل العربى وانجليزى وهكذا وطبعا اذا عملنا دوائر على المواد المنتهيه الدوائر تكون على المواد كلها عربى وهكذا ممكن يكون فى اختيار الدوائر للمواد المنتهيه فقط ولا الدوائر على كل المواد والكلام ده فى الترم الاول فقط

من طرف **naderwatfa** الإثنين 22 يناير 2018, 5:47 am

عندنا في إعدادي بنعمل دوائر على الرسوب تيرم أول

مع العلم إنه ما فيش رسوب أصلاً في تيرم أول

إنما الدوائر دي مجرد بيان لمستوى الطالب لا أكثر و لا أقل

يعنى الدوائر بتاعة المواد الممتدة بتبين إن الطالب مستواه ضعيف

و الملاحظلات في الشيت بتوضح مواد الرسوب

بس في مدرستنا بنطبع النتيجة بدون دوائر

لأن الرسوب الحقيقي ها يكون آخر العام فقط

يبقى تقدر ببساطة تحذف الدوائر في تيرم أول

لأنك ها تبقى تطبع الشيت آخر السنة بالدوائر و بكل المواد

بس اللي فهمته من كلامك هو أنك تريد أن يكون لك الحرية في الاختيار بين :

وضع دوائر لكل المواد أو وضع دوائر للمواد المنتهية فقط

هل هذا ما تريده ؟

من طرف awado55 الإثنين 22 يناير 2018, 7:59 am

استاذى الفاضل

جزاك الله خيرا

نعم هو ده

من طرف **naderwatfa** الإثنين 22 يناير 2018, 8:08 am

دي حاجة بسيطة إن شاء الله

بس طبعاً ما فيش داعي أعدلها دلوقتي وأرجع أرفع البرنامج تاني

لأن الناس بتتحير معايا كل ما أحط إصدار جديد في وقت قصير

واللا انت مستعجل ؟

من طرف **naderwatfa** الإثنين 22 يناير 2018, 9:30 am

awado55 كتب:استاذى الفاضل / سلام عليك ورحمة من الله وبركاته

وكل عام وانتم بخير

فى ملحوظه فى الشيت الاخير

فى مواد منتهيه فى الترم الاول مثل التاريخ واحياء وكمياء وفيزياء وجغرافيا وهكذا ومواد مكملة مثل العربى وانجليزى وهكذا وطبعا اذا عملنا دوائر على المواد المنتهيه الدوائر تكون على المواد كلها عربى وهكذا ممكن يكون فى اختيار الدوائر للمواد المنتهيه فقط ولا الدوائر على كل المواد والكلام ده فى الترم الاول فقط

للأسف المواد الممتدة في التيرم الأول عندكم لا يجوز وضع نهاية صغرى لها

بالتالي

مش ممكن وضع دوائر لها أيضاً

لأن الدوائر بتعتمد بالأساس على وجود نهايات صغرى للمواد

لكن بالطبع أقدر أعمل اختيار ( على مسئولية المستخدم ) لإظهار نهايات صغرى للمواد الممتدة تيرم1

فيحصل فيها رسوب من غير دور ثان طبعاً

زيها زي إعدادي و ابتدائي

لكن أنا أعتقد إنك لا تستخدم النسخة الأخيرة من البرنامج

خللي بالك أنا رفعت النسخة الأخيرة دي 3 مرات على ما أعتقد

أنصحك بتجربة أحدث نسخة فيهم

من طرف awado55 الإثنين 22 يناير 2018, 4:59 pm

استاذى الفاضل /
النهارده واحنا بنطلع النتيجه فى ملحوظه فى كشف النتيجه الطالب يكون راسب فى الورقة لم يحصل على الربع ومجموع الاعمال والعملى يعدى درجة النجاح يظهر ناجح وليس عليه دائره وفى الشهادة يظهر راسب وعليه دائره المفروض فى كشف الشيت يكون عليه دائرة ايضا حتى لو جاب اعلى من درجه النجاح لانه راسب فى الورقة

مثلا يكون واخد فى العملى 3 واعمال 3 ودرجه الورقه 2 المفروض يكون راسب لكن فى كشف النتيجه يكون ناجح ودى فى المواد المنتهية اكثر

وشكرا لسعه صدرك وجزاك الله خيرا

من طرف **naderwatfa** الثلاثاء 23 يناير 2018, 2:04 am

برضه أنا أعتقد إنك لا تستخدم النسخة الأخيرة من البرنامج

و هي المرفوعة يوم 20 يناير

على كل حال ها اراجع البرنامج دلوقتي كمان مرة و اشوف النقطة دي

من طرف **naderwatfa** الثلاثاء 23 يناير 2018, 6:10 am

الكنترول الشامل nw9.3
الآن في البرامج المدرسية

سبب التعديل

تعديل صفحة نسب المعلمين

من طرف حلمى احمد الأربعاء 24 يناير 2018, 6:35 am

السلام عليكم ورحمة الله وبركاته

تحياتى لك استاذ نادر المحترم ولكل اعضاء المنتدى الكرام

فى النسخة الاخيرة بتاريخ 23/1

فى صفحة بطاقات الدرجات كود استدعاء بطاقة واحدة فى الصفحة لا يعمل ويعطل الصفحة كلها

من طرف **naderwatfa** الأربعاء 24 يناير 2018, 6:37 am

جربته عندي لقيته شغال و رفعت البرنامج تاني النهارده من شوية

على كل حال جرب في النسخة بتاعة النهارده

و لو لسة المشكلة موجودة أعدلها بإذن الله

من طرف حلمى احمد الأربعاء 24 يناير 2018, 6:44 am

naderwatfa كتب:
جربته عندي لقيته شغال و رفعت البرنامج تاني النهارده من شوية
على كل حال جرب في النسخة بتاعة النهارده
و لو لسة المشكلة موجودة أعدلها بإذن الله

جزاك الله خيرا ونفع بك

جارى التحميل

من طرف **naderwatfa** الأربعاء 24 يناير 2018, 7:08 am

أستاذ حلمي

أعتقد المشكلة ها تظهر لك تاني و سببها إن اسم الطالب

اللي المفروض تختار البطاقة بتاعته ها يكون موجود

الاسم ده مش موجود عندك و ده سبب الخطأ

فأنا عدلت النقطة دي بحيث يمسح البرنامج الاسم القديم آلياً

و جاري رفع البرنامج تاني

من طرف حلمى احمد الأربعاء 24 يناير 2018, 7:12 am

السلام عليكم

هل الترتيب بهذة الطريقة قانونى ام لا

لان فى مدارس عاملة مشاكل بسبب هذه الطريقة

ويقولوا انها طبقا للقرار 313

من طرف حلمى احمد الأربعاء 24 يناير 2018, 7:14 am

naderwatfa كتب:
أستاذ حلمي
أعتقد المشكلة ها تظهر لك تاني و سببها إن اسم الطالب
اللي المفروض تختار البطاقة بتاعته ها يكون موجود
الاسم ده مش موجود عندك و ده سبب الخطأ
فأنا عدلت النقطة دي بحيث يمسح البرنامج الاسم القديم آلياً
و جاري رفع البرنامج تاني

هى بالفعل ظهرت تانى

وانا اتحرجت اقول احضرتك

لانى اعرف مدى الجهد والاجهاد اللى

بيحصلك بسببهذا البرنامج

ربنا يجعله فى ميزان حسناتك

من طرف **naderwatfa** الأربعاء 24 يناير 2018, 7:18 am

الترتيب في البرنامج قانوني تماماً حسب قرار 313

بس ما تعملش تقريب للدرجات

و سجل تواريخ الميلاد بشكل صحيح

من طرف حلمى احمد الأربعاء 24 يناير 2018, 7:24 am

naderwatfa كتب:
الترتيب في البرنامج قانوني تماماً حسب قرار 313
بس ما تعملش تقريب للدرجات
و سجل تواريخ الميلاد بشكل صحيح

انا اعلم ان جميع برامج حضرتك مطابقة

للقرارات الوزارية

ولكنهم يدعون ان الطريقة اللى فى الصورة المرفقة

مطابقة لقرار 313 فأردت التاكد فقط

من طرف **naderwatfa** الأربعاء 24 يناير 2018, 7:29 am

لما تشوف القرار 313 تعرف كل حاجة بنفسك

سيبك من التفسيرات الخطأ بتاعة ناس فهمهم محدود

عموماً البرنامج تم رفعه الان على ميديا فاير يمكنك تحميله

على فكرة

ما فيش أي صور مرفقة

من طرف حلمى احمد الأربعاء 24 يناير 2018, 8:16 am

naderwatfa كتب:
لما تشوف القرار 313 تعرف كل حاجة بنفسك
سيبك من التفسيرات الخطأ بتاعة ناس فهمهم محدود
عموماً البرنامج تم رفعه الان على ميديا فاير يمكنك تحميله
على فكرة
ما فيش أي صور مرفقة

جزاك الله خيرا استاذ نادر

تم اصلاح الكود

على فكرة

ارسلت لحضرتك الصورة على الايميل

مع انها ظاهرة امامى فى المنتدى

من طرف **naderwatfa** الأربعاء 24 يناير 2018, 10:28 am

الحمد لله إن المشكلة اتحلت

أنا شفت الصورة في الإيميل بس مش باينة بالنسبة لي هنا

بس ده مش هو القانوني

لأنه حسب القرار الوزاري 313 الترتيب بيكون كما يلي :

10 طلاب فقط و ما يزيدوش عن كده

لو تشابه المجموع يبقى الأصغر سناً يأخذ الترتيب الأعلى

ده حسب القرار بتاع التقويم الشامل ( 313 )

و يمكنك مراجعته للتأكد بنفسك

من طرف عباس رضا الأربعاء 24 يناير 2018, 2:45 pm

اخى العزيز فى الشهادات عند اختيار تحويل الدرجة الى فعلية تظهر الشهادة بدون جمع النشاطين تظهر من 140

من طرف عباس رضا الأربعاء 24 يناير 2018, 2:52 pm

نسيت اقولك دى نسخه النهاردة منزلها الساعة ٢ ظهرا

من طرف **naderwatfa** الأربعاء 24 يناير 2018, 3:32 pm

عباس رضا كتب:نسيت اقولك دى نسخه النهاردة منزلها الساعة ٢ ظهرا

بسم الله ما شاء الله

درجات آية ممتازة ، ربنا يحفظها لك و يبارك لك فيها

هل الملاحظة بتاعتك دي بتظهر لك فقط في الدرجات المحولة ؟

من طرف عباس رضا الأربعاء 24 يناير 2018, 3:55 pm

متحرمش منك يا غالى دعواتك ليها ايوه يا ريس فى ال محوله فقط

من طرف جمال زهدي الخميس 25 يناير 2018, 11:29 am

استاذ نادر توجد ملاحظة ارجو التاكد منها وهي
انه في الحالات الخاصة يوجد طالب غائب بعزر تيرم اول اي حضر امتحان نصف العام وليس له اعمال سنه طبعا بنختار من الحالات الهاصة غائب بعزر تيرم 1
والبرنامج بيحول درجة النظري الي 100 وبيطهر في كشف النتيجة او الشيت درحة الطالب من 100 وبيظهر معفي في الانشطة والبرنامج سليم في هذة النقطة ولكن الخظا الموجود انه بيظهر في الحاسب معفي والصحيح ان يحول درجة الحاسب الي 100 مثل باقي المواد لاجظ الصورة المرفقة
https://i.servimg.com/u/f62/19/15/50/51/foto910.png

من طرف جمال زهدي الخميس 25 يناير 2018, 11:40 am

الزملاء الاعزاء اي زميل يكون عندة خبرة بالبرمجة رجاء ان يوضح لنا كيفية ترتيب وتعديل ملف check الموجود قي اسكربت رفع النتيجة علي النت ليتوافق مع خروج الفنية والحاسب من المجموع والترتيب الجديد للمواد بالشيت للمرحلة الاعدادية

من طرف **naderwatfa** الجمعة 26 يناير 2018, 9:06 am

جمال زهدي كتب:استاذ نادر توجد ملاحظة ارجو التاكد منها وهي
انه في الحالات الخاصة يوجد طالب غائب بعزر تيرم اول اي حضر امتحان نصف العام وليس له اعمال سنه طبعا بنختار من الحالات الهاصة غائب بعزر تيرم 1
والبرنامج بيحول درجة النظري الي 100 وبيطهر في كشف النتيجة او الشيت درحة الطالب من 100 وبيظهر معفي في الانشطة والبرنامج سليم في هذة النقطة ولكن الخظا الموجود انه بيظهر في الحاسب معفي والصحيح ان يحول درجة الحاسب الي 100 مثل باقي المواد لاجظ الصورة المرفقة
https://i.servimg.com/u/f62/19/15/50/51/foto910.png

لو تبعت لي نسخة من البرنامج فيها بياناتك يكون أفضل

بحيث يكون فيها طالب عنده الحالة الخاصة دي زي الصورة كده

من طرف جمال زهدي الجمعة 26 يناير 2018, 9:37 am

استاذ نادر

دي نسخة البرنامج وهي نسخة 8.1

من طرف **naderwatfa** الجمعة 26 يناير 2018, 11:09 am

جمال زهدي كتب:استاذ نادر

دي نسخة البرنامج وهي نسخة 8.1

تم الرفع و ها اشوفها إن شاء الله بعد الجمعة

أنا حذفت الرابط من مشاركتك لضمان الخصوصية لو فيها بيانات مدرستك

من طرف جمال زهدي الجمعة 26 يناير 2018, 11:41 am

naderwatfa كتب:
جمال زهدي كتب:استاذ نادر

دي نسخة البرنامج وهي نسخة 8.1
تم الرفع و ها اشوفها إن شاء الله بعد الجمعة
أنا حذفت الرابط من مشاركتك لضمان الخصوصية لو فيها بيانات مدرستك

شكرا وتسام من كل سوء استازنا الغالي

من طرف **naderwatfa** الجمعة 26 يناير 2018, 12:36 pm

أستاذ جمال

انت عامل إعفاء للمنازل من الحاسب الآلي ( و ده غير صحيح للنقل في إعدادي )

لو ألغيت الإعفاء ده ها تظهر درجة الحاسب الآلي عند طالبة العذر تيرم أول

مع العلم إنه كمان احنا اتفقنا قبل كده إن الطالب الغائب بعذر لا يمتحن عملي

فالمرفوض يتسجل لها غياب في العملي مش يتحط ليها درجات

بس على كل حال فيه مشكلة تحتاج لمعالجة و هي فصل الحالة الخاصة دي عن المنازل

كمان فيه مشكلة في حساب درجة التريبة الفنية لنفس الطالبة لو شفت الصورة

جايبة 108 من 100

فما رأيك ؟

انت عارف قد إيه أنا باكره الحالات الخاصة دي