حوار الأعضاء حول البرامج المدرسية

من طرف **naderwatfa** الجمعة 29 أغسطس 2014, 10:53 am

تذكير بمساهمة فاتح الموضوع :

بسم الله الرحمن الرحيم
*************
هذا الموضوع مخصص لحوار الأعضاء حول البرامج المدرسية

فأستقبل هنا آراءكم و مقترحاتكم بخصوص البرامج المدرسية
حيث يمكنني الرد عليكم و التحاور معكم فيما يخص هذه البرامج بشكل عام

نادر عبد الرحمن

من طرف **naderwatfa** الخميس 25 ديسمبر 2014, 12:42 pm

هانى محمود كتب:استاذ نادر السلام عليكم كنت استفسرت سابفا بخصوص الملحوظه الخاصه بطباعه شيت الراسب واظهار الملاحظات عن طريق كود ضغط الورقه لتطبع a4 وهى ليست موجوده فى برنامج الكنترول الشامل حضرتك قولت مش دلوقتى عشان احتمال حدوث مشاكل تمام السؤال هنا اشتغل عليه مؤقتا لغايه ما حضرتك تعملنا كود ضغط الورقه لان احنا بنطبع شيت الناجح وشيت الراسب من على البرنامج ونكتفى بتكبيره وارساله الاداره فقط فشيت الناجح مفيهوش مشاكل ولكن الراسب يظهر عند طباعته من غير الملاحظات وهى ضروريه واساسيه فى الشيت فخايف اشتغل ببرنامج الكنترول الشامل الترمين واخر السنه اواجه المشكله دى نرجو الافاده وشكررررررررررررا

أحد الزملاء الأفاضل يقدم لك اقتراحاً لحل المشكلة دي

فى البداية تقوم بتصدير الملف

وتعدل بعد كده فى الملف بعد التصدير

ارتفاع الصفوف 25

اتجاه الصفحة Landscape

مقاس الورق Letter

وفى اخر اختيار نختار Fit Sheet on One Page

وبكده يتم طباعة الشيت بالملاحظات فى ورقة A4 من غير مشاكل فى البرنامج

من طرف abdelnaserelsaid الخميس 25 ديسمبر 2014, 2:29 pm

استاذى بعد اذنك كده السبب على ما اعتقد الوندوز لان الترجمة للرسالة ان المودل ال اتعمل عليه البرنامج غير المودل ال على الجهاز ودى رسالة باسم الفيجول بيزك

من طرف **naderwatfa** الخميس 25 ديسمبر 2014, 3:54 pm

ربما يكون الأمر كذلك

بس برضه غير مفهوم بالنسبة لي لماذا يحدث ذلك من الأساس

إيه يعني ويندوز اتغيرت ؟

طيب ما البرنامج شغال عادي عند الناس كلها

بمجرد ما شغلته عندي و بعدين رفعته يحصل كده ؟

في نفس الوقت و لا رسالة واحدة من دول ظهرت عندي خالص !!!

طيب ما البرامج التانية زي جدول الامتحان و تجهيز الامتحان اتعملت أو اتعدلت على الويندوز بتاعتي

شيء غريب و عجيب

من طرف abdelnaserelsaid الخميس 25 ديسمبر 2014, 5:21 pm

طيب ايه رايك انا اخذت برنامج كنترول ٣٥ رحت عند جارى استاذ وزميل واشتغل عادى وعنده وندوز ٨.١

من طرف abohatabalex الجمعة 26 ديسمبر 2014, 12:04 am

naderwatfa كتب:
أبو موني كتب:إلي الأستاذ نادر والسادة الزملاء أحتاج إلي أوراق الكنترول مثل اقرار موانع الامتحانات وتكليف الامدرسين بوضع الامتحان وباقي الأوراق
الأوراق دي مش عندي فأنا شغلي الكمبيوتر بس و لا خبرة لي بالباقي
فيا ريت أي زميل تكون عنده يرفعها لك

تحية طيبة للجميع

منتدى الثانوية العامة مليء بالاوراق المطلوبة ويمكن تعديلها حسب الرغبة واليك رابط مباشر

http://www.thanwya.com/vb/showthread.php?t=83762

http://www.mediafire.com/?kd5osuwa3g7b4l5

من طرف **naderwatfa** الجمعة 26 ديسمبر 2014, 4:17 am

abdelnaserelsaid كتب:طيب ايه رايك انا اخذت برنامج كنترول ٣٥ رحت عند جارى استاذ وزميل واشتغل عادى وعنده وندوز ٨.١

يعني معنى كده إن البرنامج محتاج ويندوز 8.1 ؟!!!
طيب هو زميلك عنده الويندوز 32 بت و اللا 64 بت ؟
و اللا ما تعرفش ؟

من طرف abdelnaserelsaid الجمعة 26 ديسمبر 2014, 7:12 am

صباح الفل يا استاذ ٦٤ بت وندوز جارى المهم كل البرامج شغالة ما عدا البرنامج ال بيحصل فيه تعديل ونمشى شغلنا فى الترم الاول والادارة عندنا لاتاخذ نسخة من النتيجة فى الترم الاول لكن فى الدور الاول فقط تاخذ الشيت راسب وناجح فى فرصة امامنا اما للوصول لحل او نحدث الوندوز

من طرف **naderwatfa** الجمعة 26 ديسمبر 2014, 9:03 am

عموماً أنا مسطب على جهازي 2 ويندوز
واحدة 8.1 64 بت
و الثانية 7 32 بت
ها اجرب إن شاء الله كل برامجي على 7 و أشوف ها يحصل إيه

من طرف عباس رضا الجمعة 26 ديسمبر 2014, 10:51 am

انا سطبت ويندوز 8.1 للنواة 32 ولم يفلح الأمر الشيت برده مش شغال

من طرف khalid ali الجمعة 26 ديسمبر 2014, 11:11 am

عباس رضا كتب:انا سطبت ويندوز 8.1 للنواة 32 ولم يفلح الأمر الشيت برده مش شغال

وانا جربت الشيت على الاب ووندوز 8.1 نواة 32 ونفس الملاحظات موجودة

من طرف عباس رضا الجمعة 26 ديسمبر 2014, 12:53 pm

احنا نروح المحكمة وهى اللى تحدد بقه العيب فين ههههههههههههههههههه

من طرف **naderwatfa** الجمعة 26 ديسمبر 2014, 1:21 pm

و أنا عرفت المشكلة سببها إيه
سببها 64 بت
علشان كده البرنامج لما بيتعدل على الويندوز 8 اللي عندي
بيحتاج ل64 بت علشان يشتغل
و بيعمل المشكلة دي على 32 بت بس
و لذلك أنا شغلت الكمبيوتر على ويندوز 7 و هو 32 بت
فلقيت الرسالة طلعت لي لما شغلت البرنامج بتاع الكنترول رقم 35
فجبت رقم 34 و عدلت القيد بتاعه على ويندوز 7
و ها ارفعه بعد شوية برقم 36 عشان تجربوه و تقولوا لي

من طرف **naderwatfa** الجمعة 26 ديسمبر 2014, 1:34 pm

برنامج الكنترول الإعدادي رقم 36
( تم تعديله على ويندوز 32 بت )
من هنا - مركز الخليج

من طرف عباس رضا الجمعة 26 ديسمبر 2014, 2:33 pm

الكود اشتغااااااااااااااااااااااااااااااااااااااااااااااااااااااااااااااااااااال

من طرف عباس رضا الجمعة 26 ديسمبر 2014, 2:35 pm

كله تمام التمام يا باشا

من طرف **naderwatfa** الجمعة 26 ديسمبر 2014, 2:38 pm

يبقى نظريتي صحيحة
اللي يتعمل على 64 بت لازم يشتغل على 64 بت
و اللي يتعمل على 32 بت يشتغل على الاتنين
بغض النظر عن الويندوز

من طرف عباس رضا الجمعة 26 ديسمبر 2014, 2:55 pm

ده انا غيرت الويندوز 3 مرات فى يومين بسبب معرفة السبب

من طرف **naderwatfa** الجمعة 26 ديسمبر 2014, 3:02 pm

طيب دي حاجة كويسة
آدي انت جددت الويندوز و روقت الكمبيوتر يا سيدي

من طرف abdelnaserelsaid الجمعة 26 ديسمبر 2014, 4:13 pm

الله ينور يا استاذنا اشتغل اصدار ٣٦ والحمد لله ان الرسالة ظهرت عندك علشان المشكلة تتحل

من طرف **naderwatfa** الجمعة 26 ديسمبر 2014, 6:02 pm

ده بس توفيق من ربك سبحانه و تعالى
هو اللي أرشدني للفكرة
و الرسالة ما ظهرتش عندي على ويندوز 8
لأنها 64 بت
ظهرت لما شغلت الجهاز على ويندوز 7
لأنها 32 بت
أصل أنا مسطب ويندوزين مع بعض

من طرف عباس رضا الجمعة 26 ديسمبر 2014, 6:18 pm

ويندوزين مه بعض دى حاجه حلوه خالص خلى بالك بقه من الحسد هههههههههههههههههههههههه

من طرف **naderwatfa** الجمعة 26 ديسمبر 2014, 6:25 pm

لا حسد و لا حاجة
أنا سطبت ويندوز 7 لأن صفحة المدرسة على موقع الوزارة ما بتظهرش كاملة و سليمة
إلا على إنترنت إكسبلورر مع ويندوز 7 أو إكس بي
فلما أحب أخلص شغل المدرسة على موقع الوزارة أو الأكاديمية المهنية للمعلمين
أشتغل على ويندوز 7

من طرف عباس رضا الجمعة 26 ديسمبر 2014, 6:38 pm

يا زيدى يا زيدى هههههههههههههه

من طرف abohatabalex السبت 27 ديسمبر 2014, 1:37 pm

naderwatfa كتب:
عموماً أنا مسطب على جهازي 2 ويندوز
واحدة 8.1 64 بت
و الثانية 7 32 بت
ها اجرب إن شاء الله كل برامجي على 7 و أشوف ها يحصل إيه

الحمد لله على الوصول لسبب المشكلة
وياريت يا عمنا ربنا يكرمك تخلى كل شغل البرامج المدرسية على ويندوز 7 رحمة باجهزة المدرسة وانت تعلم مدى عبقريتها
الواحد تعب من الشغل لوحده فى البيت بسبب جهاز المدرسة اعتقد ان اغلبنا يعمل على 7 وهو جميل ورائع بالفعل وانت عندك 2 ويندوز يعنى متيسرة والحمد لله خلى شغلك الخاص على 8 وبرامج المنتدى للجميع على 7 ... انا شغال على xp وعلى 7 والبرامج كلها شغالة تمام والحمد لله ماعدا هذه الايام الاخيرة من يوم عفاريت الاكسل ما اشتغلت ونطت فى الشامل والطالب وربنا يبعدهم عننا .. حتى النت بقى زبالة هذه الايام والتحميل بقى بطيء والبرنامج 8 ميجا بيحمل فى 20 دقيقة وحاجة تفرس
زادك الله فضلا وعلما وتقبل عملك
وكل عام وانت بخير والزملاء جميعا بخير

من طرف abohatabalex السبت 27 ديسمبر 2014, 1:58 pm

naderwatfa كتب:
برنامج الكنترول الإعدادي رقم 36
( تم تعديله على ويندوز 32 بت )
من هنا - مركز الخليج

البرنامج شغال تمام وزى الفل ويقبل التعديل لكل مستخدم ويفى بالغرض وربنا يبعد عننا العفاريت
المهم اخبار الشامل ايه هل فيه مشاكل لأننا بدأنا الرصد عليه
انا شايف الاستاذ عبد الناصر بيشتكى من شيت نتيجة الراسب وخانة الملاحظات ؟

من طرف عباس رضا السبت 27 ديسمبر 2014, 2:38 pm

حد جرب التحميل يا جماعة من الخليج الأن هل هو بطئ ولا ايه

من طرف عباس رضا السبت 27 ديسمبر 2014, 2:42 pm

انا اتصل بالعم الفنى لشركة النت ودخلونى على موقع http://download.cnet.com/Avast-Free-Antivirus-2015/3055-2239_4-10019223.html?tag=pdl-redir للتحميل 3 ملفات فى وقت واحد وكانت السرهة كويسة وعند التحميل البرنامج من الخليخ السرة بطيئه جدا وقالوا العيب فى الموقع اللى بحمل منه

من طرف **naderwatfa** السبت 27 ديسمبر 2014, 3:22 pm

الأستاذ عبد الناصر عايز يطبع الملاحظات مع الشيت الصغير في ورقة واحدة عادية
فهو بيسأل علشان كده عن كود ضغط الصفحة
أما عن النت فالنت شبه ميت و سرعته ضعفت جداً عندي أنا كمان
أنا عندي خط 1 ميجا لوحدي و فجأة أصبح كأن فيه 50 مشترك معايا على الخط !!!
يبدو إن المشكلة على مستوى الجمهورية كلها

من طرف عباس رضا السبت 27 ديسمبر 2014, 4:45 pm

مش هينفع طبع الملاحظات فى نفس الورقة لن بطبيعة الحال الخانات بتاعة الدرجات بتبقى صغيرة من غير الملاحظات امال لو طبعنا فيها الملاحظات

من طرف **naderwatfa** السبت 27 ديسمبر 2014, 4:50 pm

طبعاً يا أستاذ عباس
ما هو لو كانت الطباعة للملاحظات في الورقة عادي كده
ما كنتش خلليتها خارج الطباعة
على الأقل كنت خلليت فيه اختيار لطباعتها أو لا

من طرف abohatabalex السبت 27 ديسمبر 2014, 7:53 pm

naderwatfa كتب:
الأستاذ عبد الناصر عايز يطبع الملاحظات مع الشيت الصغير في ورقة واحدة عادية
فهو بيسأل علشان كده عن كود ضغط الصفحة
أما عن النت فالنت شبه ميت و سرعته ضعفت جداً عندي أنا كمان
أنا عندي خط 1 ميجا لوحدي و فجأة أصبح كأن فيه 50 مشترك معايا على الخط !!!
يبدو إن المشكلة على مستوى الجمهورية كلها

إذن على من يريد ان يطبع الملاحظات وفيها مواد الرسوب عليه ان يطبع على ورق كبير او يطبع ورقتين لأن ضغط الورقتين على a4 مستحيل طبعا
بقالى يومين بحمل كنترول 36 9 ميجا وصابر على الآخر !!!!!!!!!!!!!!!!!!!!
اخبار برنامج الطالب ايه ياباشا ثبت على كده ولا فيه تعديلات ؟؟؟؟؟؟؟؟؟؟؟؟؟؟

من طرف abohatabalex السبت 27 ديسمبر 2014, 7:59 pm

عباس رضا كتب:حد جرب التحميل يا جماعة من الخليج الأن هل هو بطئ ولا ايه

بطيييييييييييييييييييييييييييييييييييييييييء يا استاذ عباس بقالو كام يوم والواحد صابر لغاية لما بطلت ادخل على النت وقاعد ارصد درجات اعمال السنة فى البيت

من طرف **naderwatfa** الأحد 28 ديسمبر 2014, 6:09 am

النت بقت سرعته تمام النهارده
و لسة مجرب و محمل برنامج كنترول 36 من مركز الخليج دلوقتي

من طرف **naderwatfa** الأحد 28 ديسمبر 2014, 9:38 am

أستاذ محمد أبو حطب
هو برنامج الطالب محتاج لتعديل آخر ؟
أصلي مش فاكر هل يحتاج لتعديل معين أكون نسيته

من طرف عباس رضا الأحد 28 ديسمبر 2014, 11:31 am

هو حضرتك كنت لما عدلت اخر مرة كان على النسخة 64 اللى بوظت الدنيا ووقفنا على كده ممكن تشوفه على 32 تمام ولا لأ ولعدين نثبته

من طرف **naderwatfa** الأحد 28 ديسمبر 2014, 12:17 pm

عموماً علشان أستكمل التعديل
ده برنامج الطالب الجديد إصدار 1 تجربة 1
من هنا - ميديا فاير
رفعته على ميديا فاير لأن فيه مشكلة في الرفع على الخليج دلوقتي
أنا عارف إن البرنامج ها ياخد وقت على بال ما يفتح قبل ما حد يقول لي
بس دي حاجة لسة هاحاول أشوف لها حلول
المهم أنا جربته على 32 بت و اشتغل عادي

من طرف عباس رضا الأحد 28 ديسمبر 2014, 12:48 pm

جارى التحميل

من طرف عباس رضا الأحد 28 ديسمبر 2014, 12:59 pm

ممتاز البرنامج لا يعيبة سوى ما نبهت اليه وهو بطئ الفتح الله ينور عليك

من طرف **naderwatfa** الأحد 28 ديسمبر 2014, 1:07 pm

البطء ده عبارة عن حسابات الخلايا

البرنامج لازم يحسب كل المعادلات الموجودة فيه

فأنا خليته يحسبها عند الفتح بدل ما يحسبها كلما اخترنا صفحة من صفحاته

بالتالي يصبح الانتقال داخل البرنامج سريعاً

فاضل بس أحاول أسرع أو أختصر عملية الحساب دي

من طرف abohatabalex الأحد 28 ديسمبر 2014, 1:25 pm

naderwatfa كتب:
أستاذ محمد أبو حطب
هو برنامج الطالب محتاج لتعديل آخر ؟
أصلي مش فاكر هل يحتاج لتعديل معين أكون نسيته

حبيبى الله ينور عليك كل الصفحات تمام والاكواد شغالة والانشطة ظبتها قبل نسخ البيانات للبرنامج وطلعت تمام ونقلت كل البيانات علي آخر تجربة 2 والحمد لله كله الانشطة ظاهرة وتمام وطبعا بيحتاج قليل من الثوانى بعد كل لنتقال من صفحة لأخرى ومن بيان لاخر
وبارك الله لك ويارب يكون ده راى الزملاء أيضا
وعموما عندى كل النسخ القديمة محتفظ بيها زى الاستاذ عباس لو عايز يرصد درجات او غياب فى البرنامج
كل عام والجميع بخير
هناك مشكلة بسيطة فقط فى التوزيع اليدوى للملاحظة فى صفحة الانتدابات وترتيب ايام الامتحان
اتأكد منها اليوم وأخبرك

من طرف **naderwatfa** الأحد 28 ديسمبر 2014, 4:38 pm

أنا ما حذفتش الغياب لأنه من صميم شغل شئون الطلاب
و ما لوش برنامج تاني عندي
أما الدرجات فأنا لا أرصد إلا في الكنترول فقط مرة واحدة
بالنسبة للتوزيع اليدوي أرجو أن تتأكد تماماً قبل أن تكتب ملاحظة بشأنه
حتى لا أظل أبحث عن خطأ معين ثم يتضح في النهاية أنه غير موجود
ما تستعجلش يعني إلا لما تتأكد الأول

من طرف abohatabalex الأحد 28 ديسمبر 2014, 11:29 pm

naderwatfa كتب:
أنا ما حذفتش الغياب لأنه من صميم شغل شئون الطلاب
و ما لوش برنامج تاني عندي
أما الدرجات فأنا لا أرصد إلا في الكنترول فقط مرة واحدة
بالنسبة للتوزيع اليدوي أرجو أن تتأكد تماماً قبل أن تكتب ملاحظة بشأنه
حتى لا أظل أبحث عن خطأ معين ثم يتضح في النهاية أنه غير موجود
ما تستعجلش يعني إلا لما تتأكد الأول

استاذ نادر :
تحية طيبة
انا جربت برنامج الطالب الجديد وهو أفضل قليلا ولكن الأهم ان كل الصفحات والاكواد شغالة والانتقال يستغرق ثوانى قليلة ويحتاج فقط لانتظار تنفيذ الأمر ولكن ليس بشكل ممل ومقبول طبعا للعمليات الحسابية
وان شاء الله سوف اجربه مرة أخرى غدا لأن مشكلة الأنشطة معى تتكرر مع كل نسخة جديدة وانا عارف حلها كما اتفقنا من قبل
أعزك الله وأفاد بك وانا فى انتظار تجارب الآخرين ان شاء الله .
عندى امنية وليست طلبا ان امكن والا فلا
فى سجلات الغياب الورقية عدد 31 خانة بعدد أيام الشهر وليس كل المواد تحتاج هذه الخانات هناك مواد كثيرة لا تحتاج الا 4 / 5 خانات تدرس مرة واحدة فى الاسبوع فهل يمكن اضاف صفحة او كود او حل لاختيار بين النوعين شهر كامل أو اقل وتتسع الخانات ؟
وعملية النسخ من نسخة لأخرى تنسخ كل البيانات والانشطة وكله ما عدا القاموس فأنا أضيف الاسماء وترجمتها كما أحتاج هنا بأسماء العائلات المنتشرة عندى وليست فى أصل البرنامج فهل يمكن ان تشمل عملية النسخ الاسماء فى القاموس حتى لا تتكرر التجربة والكتابة مرة اخرى ؟
هناك أفكار أخرى مثل أسماء المسحيين عندى تأخذ كم كبير ومساحة وعدد ولا أحتاجها مثلا وانا اعلم انه لا يمكن الاستغناء عنها فى اماكن اخرى ولكن لا أريد أن أثقل عليك وكفى ما وصلنا اليه من نعيم ورفاهية وتفوق بسبب برامجك . جوزيت خيرا

من طرف abohatabalex الأحد 28 ديسمبر 2014, 11:53 pm

بعد تجربة برنامج التوزيع اليدوى أكثر من مرة والتأكد من الخطأ الذى هو :
فى صفحة تحديد الانتدابات توزيع الايام بترتيب ايام الاسبوع من السبت الى الخميس وعند غلق الايام امام مدرس منتدب خارج المدرسة وتذهب لصفحة توزيع الملاحظة تجد الايام المغلقة خطأ لأن جدول الامتحان يبدأ من يوم الاحد كما تعلم والجدول فى صفحة التوزيع يعتبر ان الخانة الاولى هى يوم السبت وليست الاحد وواخد بقية الايام كلها بهذا الشكل على اساس ان ايام الامتحان تبدأ بالترتيب من السبت الى الخميس ....
أرجو ان اكون قدرت اوصل المطلوب واذا اردت ان ارسل الصور او البرنامج لك فيه البيانات أفعل ان شاء الله
لأننى انهيت كل شيء وسجلت كل الملاحظين والمنتدبين من والى والمراقبين وجربت توزيع ملاحظة اول يوم وفوجئت بها الامر ..
شكرا على سعة الصدر

من طرف AbO _ AbDeL RhMaN الإثنين 29 ديسمبر 2014, 1:46 am

naderwatfa كتب:
عباس رضا كتب:طلب رفيع من حبيبنا نادر لو سمحت جعل القائمة المنسدله فى حالة القيد فى الكنترول 34 تشمل كل الحالات منقول ومستجد ومنقولة ومستجده ومعيد ومعيده بمعنى انها لا ترتبط بالصف وجزاك الله خيرا

البرنامج نزلته وشغلته فى مشاكل كتيرة
ارجو الافادة ولا 43 القديم شغال 100 /100 نشتغل عليه ان شاء الله
بارك الله فيك

من طرف **naderwatfa** الإثنين 29 ديسمبر 2014, 4:25 am

AbO _ AbDeL RhMaN كتب:البرنامج نزلته وشغلته فى مشاكل كتيرة
ارجو الافادة ولا 43 القديم شغال 100 /100 نشتغل عليه ان شاء الله
بارك الله فيك

انت نزلت برنامج رقم 35 و هو ده اللي فيه المشاكل اللي بتقول عليها
حمل برنامج الكنترول رقم 36
من هنا - مركز الخليج

من طرف **naderwatfa** الإثنين 29 ديسمبر 2014, 4:36 am

أستاذ محمد أبو حطب
بالنسبة لبرنامج الطالب
سأقوم بعمل اللازم لسجلات الغياب الورقية إن شاء الله
أما النسخ فهو لا علاقة له بأسماء القاموس لأن أسماء القاموس دي في صفحة تانية
إنما عندك في صفحة البيانات فوق على الشمال زر : تجهيز القاموس
الزر ده بينسخ الأسماء اللي محتاجة إضافة للقاموس إلى صفحة القاموس علشان تحط لها الترجمة المطلوبة
فهو إذن يقوم بعملية النسخ و اللصق للكلمات الناقصة للقاموس و بدون ما يكرر أي كلمة منها
أما بقى لو عايز تحذف أسماء المسيحيين من القاموس فعليك القيام بذلك بنفسك في النسخة الخاصة بك من البرنامج
لتناسب احتياجك كما تريدها
لكن أنا لا يجوز لي حذف أي كلمة قد يحتاجها زميل آخر في مدرسة أخرى

كذلك يمكنك نسخ كلمات القاموس كلها يدوياً من نسخة برنامج لنسخة أخرى لو حبيت
بالنسبة لبرنامج التوزيع اليدوي
ها ابقى أشوف ملاحظتك بعد شوية إن شاء الله
لأني طبعاً ها احتاج إعمل ريستارت للجهاز و أشغل نسخة ويندوز 7 علشان التعديلات

من طرف **naderwatfa** الإثنين 29 ديسمبر 2014, 5:29 am

تم رفع برنامج التوزيع اليدوي للملاحظة إصدار 2

من طرف **naderwatfa** الإثنين 29 ديسمبر 2014, 8:04 am

برنامج الطالب الجديد إصدار 1 تجربة 2
من هنا - مركز الخليج

يمكن التحكم في عدد صفوف الكشف الورقي للغياب ( الكشف الفارغ )
من 10 إلى 31 يوماً

من طرف abdelnaserelsaid الإثنين 29 ديسمبر 2014, 12:03 pm

استاذىالفاضل بالنسبة برنامج الطالب تجربة ١تمام مفيش مشاكل اما بالنسبة تجربة ٢ عايز اعرف التحكم فى عدد الصفوف ولا الاعمدة وبرضه حماية الرقة عايز ة كلمةالسر ال انا فهمته ان السادة الزملاء عايزين نحدد عدد الايام التى يدخلها مثلا مدرس الرياضيات وهى غير عدد الايام التى يدخلها مدرس الدراسات هكذا او انا فاهم غير ذلك

من طرف abohatabalex الإثنين 29 ديسمبر 2014, 2:17 pm

naderwatfa كتب:
تم رفع برنامج التوزيع اليدوي للملاحظة إصدار 2

تسلم ياباشا ويسلم هذا العقل والفكر
البرنامج تمام وسجلت فيه كل البيانات والانتدابات مظبوطة
وشكرا على سرعة الاستجابة