حوار الأعضاء حول البرامج المدرسية

من طرف **naderwatfa** الجمعة 29 أغسطس 2014, 10:53 am

تذكير بمساهمة فاتح الموضوع :

بسم الله الرحمن الرحيم
*************
هذا الموضوع مخصص لحوار الأعضاء حول البرامج المدرسية

فأستقبل هنا آراءكم و مقترحاتكم بخصوص البرامج المدرسية
حيث يمكنني الرد عليكم و التحاور معكم فيما يخص هذه البرامج بشكل عام

نادر عبد الرحمن

من طرف عباس رضا الإثنين 24 نوفمبر 2014, 12:33 pm

لى سؤال بقه البرنامج ده بيعمل زى سمنتك يكتشف الفيرس ويتعامل معاه لوحده بعد الضغط على سكان طبعا ولا لازم نعمل احنا حاجه معاه

من طرف waleed7988 الإثنين 24 نوفمبر 2014, 4:06 pm

استاذ نادر السلام عليكم
بالنسبة لبرنامج الطالب لصفحة تسجيل الغياب ونصف الترم
عند الاختيار بين العمل والعطلة
تظهر علامة #REF بأول صف والباقي لا يتغير
وصفحة سجل القيد يوجد بها مشكلة بالاسماء
لان الصفحة حاليا يوجد بها اسماء وعند اضافة اسم جديد لا يظهر هناك
وتظهر علامة #N/A باغلب الاعمدة

من طرف **naderwatfa** الإثنين 24 نوفمبر 2014, 5:36 pm

عباس رضا كتب:لى سؤال بقه البرنامج ده بيعمل زى سمنتك يكتشف الفيرس ويتعامل معاه لوحده بعد الضغط على سكان طبعا ولا لازم نعمل احنا حاجه معاه

هو بيخبرك لو فيه فيروسات
و بعدين انت تضغط الزر للتعامل مع الفيروسات دي
الموضوع بسيط ما تحملش همه
لما يكون فيه حاجة مطلوب منك تعملها البرنامج ها يعرفك

من طرف **naderwatfa** الإثنين 24 نوفمبر 2014, 5:38 pm

waleed7988 كتب:استاذ نادر السلام عليكم
بالنسبة لبرنامج الطالب لصفحة تسجيل الغياب ونصف الترم
عند الاختيار بين العمل والعطلة
تظهر علامة #REF بأول صف والباقي لا يتغير
وصفحة سجل القيد يوجد بها مشكلة بالاسماء
لان الصفحة حاليا يوجد بها اسماء وعند اضافة اسم جديد لا يظهر هناك
وتظهر علامة #N/A باغلب الاعمدة

عندك حق
دي حاجات بسيطة إن شاء الله
ها احذف الملف دلوقتي و بكرة بإذن الله أرفعه بعد تعديله

من طرف عباس رضا الإثنين 24 نوفمبر 2014, 5:40 pm

شكرا يا غالى على التوضيح

من طرف **naderwatfa** الإثنين 24 نوفمبر 2014, 5:41 pm

عباس رضا كتب:شكرا يا غالى على التوضيح

الشكر لله
و على فكرة هو بيتعامل مع فيروسات النت أو الفلاشة لوحده من غير ما يطلب منك حاجة

من طرف عباس رضا الإثنين 24 نوفمبر 2014, 5:42 pm

ده كلام جميل يعنى زى سيمنتك بالظبط

من طرف **naderwatfa** الثلاثاء 25 نوفمبر 2014, 4:41 pm

تم رفع برنامج الطالب رقم 30
بعد معالجة ملاحظات الزملاء
و إضافة التصدير لكشوف 12 د
مع ملاحظة أن التصدير في هذه الكشوف يستغرق وقتاً طويلاً إلى حد ما
لكنه هام لبعض الزملاء الذين يحتاجون لنسخ الكشوف على اسطوانة

من طرف عباس رضا الثلاثاء 25 نوفمبر 2014, 6:16 pm

شكرا اخى الغالى طمنى الجو عندك عامل ايه احنا فى طنطا بنتكتك الجو قلب فجأه

من طرف **naderwatfa** الثلاثاء 25 نوفمبر 2014, 6:33 pm

عباس رضا كتب:شكرا اخى الغالى طمنى الجو عندك عامل ايه احنا فى طنطا بنتكتك الجو قلب فجأه

الجو عندنا مستقر
شتوي بس مش زي اللي بتقول عليه
بس ده طبيعي عندك لأنكم أقرب للساحل مننا

استاذي الفاضل تحية طيبة وبعد
اشكرك جداااااا علي هذا المجهود الرائع في سبيل تطوير العملية التعليمية
واتمنا ان اكون اخا مفيدا اليكم باذن الله وارجو مراجعه رابط تحميل برتامج حيث لايعمل بشكل سليم وشكرا( استاذ نادر)
برنامج الكنترول الشامل إصدار 1 Question

من طرف **naderwatfa** الأربعاء 26 نوفمبر 2014, 4:33 am

السيد الاحمر كتب:استاذي الفاضل تحية طيبة وبعد
اشكرك جداااااا علي هذا المجهود الرائع في سبيل تطوير العملية التعليمية
واتمنا ان اكون اخا مفيدا اليكم باذن الله وارجو مراجعه رابط تحميل برتامج حيث لايعمل بشكل سليم وشكرا( استاذ نادر)
برنامج الكنترول الشامل إصدار 1

تم التأكد من الرابط و هو يعمل عندي جيداً
كما تم إضافة رابط جديد على مركز الخليج

من طرف عباس رضا الأربعاء 26 نوفمبر 2014, 5:19 am

تسلم يا صاحبى صباح الفل على عيونك

من طرف **naderwatfa** الأربعاء 26 نوفمبر 2014, 5:29 am

عباس رضا كتب:تسلم يا صاحبى صباح الفل على عيونك

صباح الجمال يا أستاذ عباس

من طرف عباس رضا الأربعاء 26 نوفمبر 2014, 6:55 am

اخى العزيز هو انت اللى حطيت برنامج الملاحظة فى الرابط ده
http://www.thanwya.com/vb/showthread.php?t=625638

من طرف **naderwatfa** الأربعاء 26 نوفمبر 2014, 12:47 pm

عباس رضا كتب:اخى العزيز هو انت اللى حطيت برنامج الملاحظة فى الرابط ده
http://www.thanwya.com/vb/showthread.php?t=625638

لأ مش أنا
ده واحد أخذ البرنامج و قام بعمل تعديل فيه
ثم أرفقه
أنا حملته من الرابط ده دلوقتي و لقيته معدل فيه حاجات بسيطة كده

من طرف AbO _ AbDeL RhMaN الخميس 27 نوفمبر 2014, 11:43 am

بارك الله فيك اخى الكريم
لو عند حضرتك ملفات للجودة ارجو رفعها على الخليج
لأن مدرستنا داخلة الجودة غصب
ولمن ارادها لتعم الفائدة
وجزاك الله كل خير

من طرف **naderwatfa** الخميس 27 نوفمبر 2014, 2:32 pm

AbO _ AbDeL RhMaN كتب:بارك الله فيك اخى الكريم
لو عند حضرتك ملفات للجودة ارجو رفعها على الخليج
لأن مدرستنا داخلة الجودة غصب
ولمن ارادها لتعم الفائدة
وجزاك الله كل خير

الملفات اللي عندي 3 ملفات وورد
الأول : ملف التقدم لاعتماد الجودة
الثاني : ملف التقرير السنوي الأول للمدارس التي تم اعتمادها
الثالث : ملف يُقدم كل سنة دورياً بعد التقرير السنوي الأول
رفعتهم لك في ملف واحد
من هنا - مركز الخليج

من طرف AbO _ AbDeL RhMaN الخميس 27 نوفمبر 2014, 4:38 pm

بارك الله فيك استاذنا الكريم
ممكن اتقل عليك
لو ممكن انا نزلت من بوابة الثانوية ومن اوفيستا
4 او 5 شيتات للمرتب لو حضرتك عندك خلفيه عنهم تفيدنا بارك الله فيك
وحضرتك عارف ان دى مساعدة لزملائنا فى العمل فقط لا غير وجزاك الله عنا وعنهم كل خير

من طرف **naderwatfa** الخميس 27 نوفمبر 2014, 7:00 pm

أنا آسف يا أخي فلا علم لي على الإطلاق بموضوع المرتبات هذا

من طرف ahmed al shafy الخميس 27 نوفمبر 2014, 10:17 pm

naderwatfa كتب:
تم رفع برنامج الطالب رقم 30
بعد معالجة ملاحظات الزملاء
و إضافة التصدير لكشوف 12 د
مع ملاحظة أن التصدير في هذه الكشوف يستغرق وقتاً طويلاً إلى حد ما
لكنه هام لبعض الزملاء الذين يحتاجون لنسخ الكشوف على اسطوانة

السلام عليكم أستاذ نادر وبارك الله في عمرك وأعمالك
ملاحظة بسيطة في برنامج الطالب رقم 30 وهو اننا فى الاسماعيلية بيطلبوا في كشف 12 د رقم القيد وليس الرقم القومي
فلو أمكن في الكشف عمل قائمة منسدلة للتبديل بين رقم القيد والرقم القومي فجزاك الله خيراً وملاحظة أخرى وهي عند اختيار مسيحيون فقط يظهر المسيحيون ولكن في أسفل الكشف يظهر أسماء بعض الطلبة المسلمون .
جزاك الله خيرا

من طرف abdelnaserelsaid الخميس 27 نوفمبر 2014, 10:28 pm

استاذ نادر بعد تعبك ف البرنامج ولقيت لسه فى طلبات اخرى استسمحك ان تجعل الفصل ٧٥ بدل ٧٠ فى برنامج الطالب رقم ٣٠

من طرف **naderwatfa** الجمعة 28 نوفمبر 2014, 6:20 am

ahmed al shafy كتب:
السلام عليكم أستاذ نادر وبارك الله في عمرك وأعمالك
ملاحظة بسيطة في برنامج الطالب رقم 30 وهو اننا فى الاسماعيلية بيطلبوا في كشف 12 د رقم القيد وليس الرقم القومي
فلو أمكن في الكشف عمل قائمة منسدلة للتبديل بين رقم القيد والرقم القومي فجزاك الله خيراً وملاحظة أخرى وهي عند اختيار مسيحيون فقط يظهر المسيحيون ولكن في أسفل الكشف يظهر أسماء بعض الطلبة المسلمون .
جزاك الله خيرا

تم عمل اختيار ما بين الرقم القومي أو رقم القيد كما طلبت
كما تم معالجة ملاحظتك بالنسبة لاختيار المسيحيين
و تم رفع البرنامج بعد تعديله برقم 31

من طرف **naderwatfa** الجمعة 28 نوفمبر 2014, 6:23 am

abdelnaserelsaid كتب:استاذ نادر بعد تعبك ف البرنامج ولقيت لسه فى طلبات اخرى استسمحك ان تجعل الفصل ٧٥ بدل ٧٠ فى برنامج الطالب رقم ٣٠

موضوع زيادة عدد الطلاب في الفصل عن العدد الحالي يحتاج لشغل كتير
فإن شاء الله أحاول أعمل لك المطلوب بس ما تستعجلنيش لأن عندي شغل كتير قوي
خصوصاً في الأجازة الأسبوعية دائماً
بس بإذن الله تعالى في أقرب وقت أشوف ممكن نعمل إيه

من طرف abdelnaserelsaid الجمعة 28 نوفمبر 2014, 9:26 am

تمام ولك جزيل الشكر وفى اى وقت يعجبك انا لما طبعت الفصول من برنامج القوائم مثلا فصل ٢\١ عملت معاه فصل ٢\١١ كل الفصول كده وبعد الطبع مسحت بالكركتور رقم ١ من ٢\١١ واصبح الفصل ٢\١ من ورقتين كل ورقة عدد ٣٥ والمرة القادمة انشاء الله تكون عملت العدد ٧٠ وهذا مجرد تصرف منى لانهاء القوائم بسرعة فى بداية السنة وهذا للعلم مع تحياتى لشخصك الكريم

من طرف ahmed al shafy الجمعة 28 نوفمبر 2014, 1:19 pm

naderwatfa كتب:
ahmed al shafy كتب:
السلام عليكم أستاذ نادر وبارك الله في عمرك وأعمالك
ملاحظة بسيطة في برنامج الطالب رقم 30 وهو اننا فى الاسماعيلية بيطلبوا في كشف 12 د رقم القيد وليس الرقم القومي
فلو أمكن في الكشف عمل قائمة منسدلة للتبديل بين رقم القيد والرقم القومي فجزاك الله خيراً وملاحظة أخرى وهي عند اختيار مسيحيون فقط يظهر المسيحيون ولكن في أسفل الكشف يظهر أسماء بعض الطلبة المسلمون .
جزاك الله خيرا
تم عمل اختيار ما بين الرقم القومي أو رقم القيد كما طلبت
كما تم معالجة ملاحظتك بالنسبة لاختيار المسيحيين
و تم رفع البرنامج بعد تعديله برقم 31

الله ينور عليك أستاذ نادر
متعك الله بالصحة والعافية

من طرف **naderwatfa** الجمعة 28 نوفمبر 2014, 4:19 pm

abdelnaserelsaid كتب:تمام ولك جزيل الشكر وفى اى وقت يعجبك انا لما طبعت الفصول من برنامج القوائم مثلا فصل ٢\١ عملت معاه فصل ٢\١١ كل الفصول كده وبعد الطبع مسحت بالكركتور رقم ١ من ٢\١١ واصبح الفصل ٢\١ من ورقتين كل ورقة عدد ٣٥ والمرة القادمة ان شاء الله تكون عملت العدد ٧٠ وهذا مجرد تصرف منى لانهاء القوائم بسرعة فى بداية السنة وهذا للعلم مع تحياتى لشخصك الكريم

على كل حال أنا ممكن أخللي القوائم في البرنامج تتسع حتى 80 طالباً
بس عندي اقتراح و أتمنى أن أعرف رأي الكل فيه
و هو بدلاً من أن تكون الأسماء في العامودين بتوع القائمة مرتبين من 1 إلى 40 في العامود الأول
ثم من 41 إلى 80 في العامود الثاني
أقترح الترقيم التبادلي بين العامودين
يعني 1 في العامود اليمين و 2 في العامود الشمال و هكذا
بالشكل ده لو الفصل عدد طلابه 40 فقط ما يكونش كلهم في عامود و التاني فاضي
و في نفس الوقت نقدر نخفي الصفوف الفاضية أو نقلل عددها و نزود ارتفاع الصف
بس مش ها انفذ الاقتراح ده إلا لما يوافق عليه على الأقل 3 من الزملاء
و لا يعترض عليه أي واحد من الزملاء كذلك

من طرف عباس رضا الجمعة 28 نوفمبر 2014, 5:31 pm

مفيش مشكله يا باشا

من طرف khalid ali الجمعة 28 نوفمبر 2014, 6:51 pm

naderwatfa كتب:
abdelnaserelsaid كتب:تمام ولك جزيل الشكر وفى اى وقت يعجبك انا لما طبعت الفصول من برنامج القوائم مثلا فصل ٢\١ عملت معاه فصل ٢\١١ كل الفصول كده وبعد الطبع مسحت بالكركتور رقم ١ من ٢\١١ واصبح الفصل ٢\١ من ورقتين كل ورقة عدد ٣٥ والمرة القادمة ان شاء الله تكون عملت العدد ٧٠ وهذا مجرد تصرف منى لانهاء القوائم بسرعة فى بداية السنة وهذا للعلم مع تحياتى لشخصك الكريم
على كل حال أنا ممكن أخللي القوائم في البرنامج تتسع حتى 80 طالباً
بس عندي اقتراح و أتمنى أن أعرف رأي الكل فيه
و هو بدلاً من أن تكون الأسماء في العامودين بتوع القائمة مرتبين من 1 إلى 40 في العامود الأول
ثم من 41 إلى 80 في العامود الثاني
أقترح الترقيم التبادلي بين العامودين
يعني 1 في العامود اليمين و 2 في العامود الشمال و هكذا
بالشكل ده لو الفصل عدد طلابه 40 فقط ما يكونش كلهم في عامود و التاني فاضي
و في نفس الوقت نقدر نخفي الصفوف الفاضية أو نقلل عددها و نزود ارتفاع الصف
بس مش ها انفذ الاقتراح ده إلا لما يوافق عليه على الأقل 3 من الزملاء
و لا يعترض عليه أي واحد من الزملاء كذلك

الى تشوفة استاذ نادر مفيش مشكلة

من طرف ahmed al shafy الجمعة 28 نوفمبر 2014, 10:11 pm

ايه رأيك أستاذ نادر يبقى عمود بنون وعمود بنات

من طرف hoodanaga الجمعة 28 نوفمبر 2014, 11:48 pm

الله ينور ياباشا انا مع اقتراح الاستاذ احمد يبقى عمود بنات واخر بنين --برنامج الطالب اصبح تحفة ربنا يزيدك من نعيمة
اخيك/محمود ابو النجا
دماص /ميت غمر

من طرف **naderwatfa** السبت 29 نوفمبر 2014, 4:54 am

طيب و المدرسة اللي فيها بنين بس أو بنات بس ؟
في الحالة دي ها يكون الكشف فيه أسماء في عامود واحد فقط يمين أو شمال حسب النوع
و لن يزيد الفصل عن 40 طالباً للبنين أو 40 طالبة للبنات
و احنا عايزين الكشف يصل ل 80

من طرف عباس رضا السبت 29 نوفمبر 2014, 5:27 am

لو الواحد محتاج عمود بنين وعمود بنات يبقه يستعمل برنامج الطالب فى القوائم وخلاص

من طرف **naderwatfa** السبت 29 نوفمبر 2014, 6:58 am

هو فيه حد بيعمل الفصل مشترك يا شباب أصلاً ؟

من طرف abdelnaserelsaid السبت 29 نوفمبر 2014, 8:24 am

السلام عليكم ورحمة الله صباح جميل على الكل
طبعا انا موافق على رايك وده مش ح ياثر على شئ مجرد تنسيق جميل وبالنسبة لعمود بنين واخر بنات مينفعش فى المدرس الحكومية ينغع فى الخاصة رغم ان فى المدارس الحكومية بنين وبنات فى مدرسة واحدة ولكن فصول البنات لوحدها ودور فصول البنات لوحده وفسحة البنات لوحدها وده نظام موجود فى مدرستى والكنترول واحد البنين اولا والبنات ثانيا
مع الشكر

من طرف **naderwatfa** السبت 29 نوفمبر 2014, 9:21 am

كلامك صحيح
و للعلم أنا عملت القوائم في برنامج الطالب 80 اسماً من امبارح
و لم تستغرق مني أكثر من 10 دقائق بحمد الله و لهذا خلصتها على طول
بس الاقتراح اللي باقوله ممكن ياخد مني شوية وقت
و أنا شايف إنه ها يكون أفضل من الوضع الحالي
إنما مش عايز بعد ما أخلصه و أرفع البرنامج أرجع أغير فيه تاني

من طرف محمدابوطالب السبت 29 نوفمبر 2014, 11:35 am

القائمة تكون 80 اسم ولو أمكن اضافة تنسيق قبل الطباعة بحيث تتلائم الورقة المطبوعة مع العدد الفعلي وجزاك الله خيرا

من طرف **naderwatfa** السبت 29 نوفمبر 2014, 12:18 pm

ده اللي أنا اقترحته بالتحديد
بس على عامودين
طالب رقم 1 على اليمين و طالب رقم 2 على الشمال
فيكون عدد الصفوف الكلي لفصل 80 طالباً هو 40 صفاً
أما مسألة تنسيق الورقة لإخفاء الصفوف الزائدة قبل الطباعة
فهذه أكيد ها أضيفها كما تعلم

من طرف عباس رضا السبت 29 نوفمبر 2014, 12:26 pm

على فكرة المدارس المشتركة فى الغربية كلها الفصول برده مشتركة

من طرف **naderwatfa** السبت 29 نوفمبر 2014, 12:29 pm

عباس رضا كتب:على فكرة المدارس المشتركة فى الغربية كلها الفصول برده مشتركة

يا نهار أبيض !!!
ربنا يعينكوا على الحكاية دي
إحنا عندنا الفصول بنين لوحدها و بنات لوحدها

من طرف **naderwatfa** السبت 29 نوفمبر 2014, 12:49 pm

للعلم يا شباب
مش ها ينفع أخللي عامود بنين و عامود بنات
لأن ده معناه أنه يجب عدم زيادة أي منهما عن 40 طالباً أو طالبة
يعني لازم يكون كل نوع في الفصل الواحد 40 أو أقل
فلو عندك مثلاً فصل 80 طالباً ( 50 بنين و 30 بنات )
ها تبقى مشكلة
فالكشف مش ها ينفع إلا ل40 بنين في عامود واحد منهما كما نعلم
يبقى الحل الآن هو تنسيق الفصل 80 طالباً بدون النظر للنوع زي ما قلت من الأول
و ممكن عمل القائمة على عامود واحد بس على صفحتين
كل صفحة فيها 40 اسماً و يضاف للبيانات بيانات أخرى كتاريخ الميلاد مثلاً

أتوكل على الله و أعمل إيه ؟

من طرف مجدى نبيل السبت 29 نوفمبر 2014, 4:41 pm

سلام وتحية للاستاذ نادر وللاعضاء الكرام الرجاء من سيادتك زيادة قوائم الفصول الى 80 طالب لان كثافة الفصول 80 طالب فى مدرستنا ولك كل الشكر على كل مجهود يبذل لمساعدة الاخرين

من طرف abohatabalex السبت 29 نوفمبر 2014, 9:57 pm

naderwatfa كتب:
عباس رضا كتب:على فكرة المدارس المشتركة فى الغربية كلها الفصول برده مشتركة
يا نهار أبيض !!!
ربنا يعينكوا على الحكاية دي
إحنا عندنا الفصول بنين لوحدها و بنات لوحدها

تحية طيبة وسلام للجميع بعد غياب لفترة وكل عام والجميع بخير
أرجو ان لا يكون قد فاتنى الكثير فى المنتدى ....
بسم الله ما شاء الله برنامج الطالب وصل لغاية 31 الله أكبر ....
بالنسبة للقوائم مش عارف الزملاء عاملينها ليه مشكلة ..
عندنا فى الغربية فعلا كما قال الاستاذ عباس الفصول مشتركة وانا عامل قوائم خاصة لمدرستى لا تتغير كل عام عامودين الأول للبنين حسب عددهم والثانى للبنات والتسطيرة جاهزة وثابته كل ما هنالك أخذ نسخة من الاسماء من البرنامج ووضعها فى القائمة حسب نظام مدرستى الذى تسير عليه كل عام ومفيش اى مشكلة .
قيمة برنامج الطالب تتركز فى سجل القيد وكشوف 12 والمزايا الخاصة بشئون الطلاب والكشوف الورقية التى نسلمها للمدرسين للغياب ورصد الدرجات والبطاقات الخاصة بالصف الثالث وهذا هو الأهم فأرجو ألا نصعب الأمر على الاستاذ نادر فالأمر بسيط .
اعتذر على الاطالة ........ وحشتونى بجد

من طرف abdelnaserelsaid السبت 29 نوفمبر 2014, 11:22 pm

السلام عليكم ورحمة الله
توكل على الله يا استاذ واعمل الفصل ٨٠ والترتيب ذى ما قلت ١ يمين و٢ شمال وبكده عدد الصفوف يقل والطباعة افضل وده يناسب اغلب المدارس الحكومية مع اعتذارى للسادة الزملاء الذى لا يناسبهم هذا الراى حيث ان عدد البنين لا يساوى عدد البنات فى معظم المدارس
والمشكلة تكبر هل من الممكن عمل اثنين من برنامج الطالب يناسب مجموعة واخر يناسب المجموعةالاخرى وبكده نتعب عمنا الاستاذ تعب فوق تعب وهل حضرته ىوافق على ذلك وهل راى هذا صحيح
ولكم جزيل الشكر جميعا وفى انتظارتعليق الاستاذ نادر والسادة الزملاء

من طرف **naderwatfa** الأحد 30 نوفمبر 2014, 4:43 am

في كل الأحوال موضوع تخصيص عامود للبنين و عامود للبنات ما ينفعش
علشان ده بيقيد عدد كل نوع بما لا يزيد عن نصف العدد في القائمة
و ده كلام غير منطقي
لذلك ها افكر في حل عملي طالما اختلفت الآراء و أنفذه قريباً إن شاء الله

من طرف عباس رضا الأحد 30 نوفمبر 2014, 5:42 am

صباخ الخير اخى نادر كان فيه ملحوظة فى الكنترول الشامل من الأخ محمد ابو حطب وهى اختلاف القائمة المنسدله للصف الأول فى حالة القيد عن الصف الثانى والثالث ففى الأول ( مستجد -مستجده ) والثانى والثالث منقول منقوله فبرجاء اضافة كافة الأختيارات لكل الصفوف لأتاحة الفرحة للأختيار المناسب ولك جزيل الشكر

من طرف **naderwatfa** الأحد 30 نوفمبر 2014, 5:51 am

عباس رضا كتب:صباخ الخير اخى نادر كان فيه ملحوظة فى الكنترول الشامل من الأخ محمد ابو حطب وهى اختلاف القائمة المنسدله للصف الأول فى حالة القيد عن الصف الثانى والثالث ففى الأول ( مستجد -مستجده ) والثانى والثالث منقول منقوله فبرجاء اضافة كافة الأختيارات لكل الصفوف لأتاحة الفرحة للأختيار المناسب ولك جزيل الشكر

و أنا رديت و قلت كل المطلوب منك قبل ما تنقل البيانات بتاعة الطلاب
إنك تحدد الصف أولاً في صفحة الكنترول
القيد بيتغير حسب الصف اللي ها تختاره ، بس اختر الصف الأول

من طرف عباس رضا الأحد 30 نوفمبر 2014, 6:08 am

تم الأختيار والقيد بيتغر بس فى الثانى مختلف عن الأول

من طرف عباس رضا الأحد 30 نوفمبر 2014, 6:12 am

استاذ نادر هل انت عامل سنة اولى لازم يكون مستجد وسنه تانيه يبق منقول يعنى ده انت اللى عمله قاصد ولا ايه المشكله ان الغربية هنا بتحتاج كلمة مستجد او مستجده فى الصف الأول او الثانى وصلت الفكره

من طرف عباس رضا الأحد 30 نوفمبر 2014, 6:16 am

على فكرة انا فتحت شيت جديد واختيار الصف الثانى بدل من الأول اللى هو اصلا بيفتح عليه ولقيت برده حالة القيد عند التسجيل بتبقى منقول مش مستجد زى ما الشيت بيفتح على الصف الأول ممكن مكنش ظاهره عندك بس ظاهرة عند ابو حطب وانا جربت كمان ولقيه انت عارف انا اصلا شغال على 55 معدل فى المدرسة بس بجرب كل حاجه على ده للأطمئنان