حوار الأعضاء حول البرامج المدرسية

من طرف **naderwatfa** الجمعة 29 أغسطس 2014, 10:53 am

تذكير بمساهمة فاتح الموضوع :

بسم الله الرحمن الرحيم
*************
هذا الموضوع مخصص لحوار الأعضاء حول البرامج المدرسية

فأستقبل هنا آراءكم و مقترحاتكم بخصوص البرامج المدرسية
حيث يمكنني الرد عليكم و التحاور معكم فيما يخص هذه البرامج بشكل عام

نادر عبد الرحمن

من طرف عباس رضا الإثنين 15 ديسمبر 2014, 5:50 am

احب أأكد عليك انى اصلا مش شغال بالنسخة دى انا شغال على 55 معدل بس لما برجع البيت بنسخ فيها اللى عملته للمقارنة لأن المدرسة الجهاز بتعها وحش جدا انا عارف ان وجعت دماغك واعصابك فى الموضوع ده بس الناس كلها عندها نفس المشكله

من طرف **naderwatfa** الإثنين 15 ديسمبر 2014, 5:54 am

عباس رضا كتب:والله انا عذرك وعارف انك هتنط فى كرشى لكن النسخة اللى موجوده دلوقت مش دى اللى انا رفعتهالك لأنها بها نفس المشكله تقريبا انت رفعت البايظه تانى

أقسم بالله أني رفعتها هي نفسها
أنا كل اللي عملته إني أخذتها و غيرت اسمها و جربتها و بعدين حطيتها في الملف بدال التانية
لكن مش مشكلة أعيد الاستبدال و الرفع مرة كمان

من طرف **naderwatfa** الإثنين 15 ديسمبر 2014, 6:01 am

تم إعادة الرفع لبرنامج الكنترول الشامل تعديل 1 / 12 /2014
كما تم رفع برنامج جدول الامتحان الإصدار الجديد رقم 3

من طرف عباس رضا الإثنين 15 ديسمبر 2014, 6:04 am

ههههههههههههههههههه انت بتحلف ليه يا عمنا انت مش مجبر على حاجة يبقه كده فيه مشكله ومش عارفين نوصل ليها على العموم كل منا عنده النسخة 1/12 ممكن يشتغل عليها الى ان نوصل لحل وعلى فكرة مش كزد التجهيز بس اللى بيعمل كده ده كود البيانات الأساسية كمان

من طرف عباس رضا الإثنين 15 ديسمبر 2014, 6:11 am

اللى موجوده دلوقت هى اللى شغاله

من طرف **naderwatfa** الإثنين 15 ديسمبر 2014, 6:24 am

عباس رضا كتب:اللى موجوده دلوقت هى اللى شغاله

طيب الحمد لله
عارف الفرق بين اللي موجودة دلوقتي و اللي رفعتها قبلها إيه ؟
مجرد إني جربتها في بعض الأكواد
فلما قلت لي إنها مش هي نفس النسخة
فرجعت جبت النسخة اللي انت رفعتها و غيرت اسمها بس و ما فتحتهاش
الظاهر لما باشغلها عندي بتحصل حاجة مش عارفها بتخللي الرسالة دي تظهر عندكم
رغم إنها ما ظهرتش عندي و لا حتى مرة واحدة

من طرف **naderwatfa** الإثنين 15 ديسمبر 2014, 6:26 am

برنامج تجهيز الامتحان ها اعمل له التعديل المطلوب بعد المدرسة
لأنه عايز شغل كتير شوية

من طرف عباس رضا الإثنين 15 ديسمبر 2014, 6:46 am

الحمد لله على كده وان شاء الله نلاقى حل وربنا يهينك يا كبير

من طرف **naderwatfa** الإثنين 15 ديسمبر 2014, 7:07 am

لما يكون فيه مشكلة في ملف معين و مش ظاهرة عندي
بيقى من المستحيل بالنسبة لي تقريباً إني أحلها
لازم تظهر المشكلة عندي أنا كمان علشان أقدر أعرف سببها إيه
بس كويس إن الملف بتاع الكنترول الموجود دلوقتي شغال تمام
مش هاجي ناحيته تاني بعد كده

من طرف عباس رضا الإثنين 15 ديسمبر 2014, 7:45 am

ههههههههههههه احسن برده خليها ماشيه حلو زى ما هى ماشيه ههههههههههههههههه

من طرف **naderwatfa** الإثنين 15 ديسمبر 2014, 5:04 pm

تم رفع برنامج تجهيز الامتحان إصدار رقم 3

من طرف abohatabalex الإثنين 15 ديسمبر 2014, 10:10 pm

naderwatfa كتب:
تم رفع برنامج تجهيز الامتحان إصدار رقم 3

نشكر جميعا لك هذا المجهود الرائع
بارك الله فيك ولك
عامود زمن الاجابة به خطأ ولا تظهر الزمن ابتداء من اليوم الرابع أى أول 3 أيام كله تمام وآخر 3 أيام كما هو واضح من الصورة فيها خطأ ما ولا يظهر زمن الاجابة وانما يظهر الرمز

#N/A

حوار الأعضاء حول البرامج المدرسية - صفحة 13 IlL30W

حوار الأعضاء حول البرامج المدرسية - صفحة 13 YYw5YJ

من طرف **naderwatfa** الثلاثاء 16 ديسمبر 2014, 5:15 am

أستاذ محمد
تم عمل اللازم

من طرف **naderwatfa** الثلاثاء 16 ديسمبر 2014, 6:44 am

برنامج توزيع الملاحظة اليدوي تجربة 1
من هنا - ميديا فاير

من طرف abohatabalex الثلاثاء 16 ديسمبر 2014, 3:02 pm

naderwatfa كتب:
أستاذ محمد
تم عمل اللازم

شكرا جزيلا ولن نمل من الشكر والثناء
تم التحميل وبفضل الله تمت المعالجة
وكل عام وانت بخير

من طرف **naderwatfa** الثلاثاء 16 ديسمبر 2014, 5:12 pm

اللهم لك الحمد و لك الشكر

من طرف abdelnaserelsaid الثلاثاء 16 ديسمبر 2014, 5:53 pm

استاذى العزيز احلى مسا قبل صلاةالعشاء وشكرا جزيلا على تعبك معانا كلنا وخاصة انا وكله تمام بالنسبة لى سواء الجدول الامتحان او تجهيز الامتحان الصدار ٣ وان شغال على اصدار ٢٨ شيت كنترول وبعد الانتهاء سوف اشتغل على الكنترول الشامل فى البيت علشان الجهاز بتاع المدرسة وهذا للعلم ودايما نتواصل فى الخير وتصبح على خير

من طرف جمال زهدي الثلاثاء 16 ديسمبر 2014, 6:16 pm

naderwatfa كتب:
برنامج توزيع الملاحظة اليدوي تجربة 1
من هنا - ميديا فاير

استاذنا الحبيب استاذ نادر
كل الشكر علي تنفيذ برنامج توزيع الملاحظة اليدوي البرنامج تمام
ولكن ارجو ان تكون صفحة كشف الملاحظة مثل الموجودة بالبرنامج الالي
اي اختفاء الصفوف الخالية من البيانات لان الصفوف الخالية من البيانات بتكون ظاهرة بعد التوزيع
وارجة اضافة كود المعاينة وكود الطباعة الي صفحة توزيع الملاحظة حتي نسطيتع طباعتها وتكون معنا كاسترشاد
ولك كل الشكر والاحترام

من طرف abohatabalex الثلاثاء 16 ديسمبر 2014, 11:39 pm

جمال زهدي كتب:
naderwatfa كتب:
برنامج توزيع الملاحظة اليدوي تجربة 1
من هنا - ميديا فاير
استاذنا الحبيب استاذ نادر
كل الشكر علي تنفيذ برنامج توزيع الملاحظة اليدوي البرنامج تمام
ولكن ارجو ان تكون صفحة كشف الملاحظة مثل الموجودة بالبرنامج الالي
اي اختفاء الصفوف الخالية من البيانات لان الصفوف الخالية من البيانات بتكون ظاهرة بعد التوزيع
وارجة اضافة كود المعاينة وكود الطباعة الي صفحة توزيع الملاحظة حتي نسطيتع طباعتها وتكون معنا كاسترشاد
ولك كل الشكر والاحترام

برنامج رائع ومنتهى الرفاهية فى العمل وجودة فى اخراج كل ما هو جيد ... الله عليك يا استاذ نادر .....
انا مع الاستاذ جمال فى تنسيق الصفحة على محتواها من عدد اللجان وتختفى الصفوف الزائدة فتظهر الصفحة بشكل افضل عند الطباعة كما فعلت حضرتك فى تجهيز الامتحان وطبعا الطباعة والمعاينة اصبحت شيئا تقليديا فى كل اعمالك واعمالنا
واعتقد ان التجربة الثانية ستكون افضل واروع وربنا يبارك فى هذا العقل

من طرف **naderwatfa** الأربعاء 17 ديسمبر 2014, 5:13 am

إخفاء الصفوف الفارغة آلياً في صفحة الكشوف مسألة بسيطة
بس بالنسبة لصفحة التوزيع طباعة الصفحة دي أعتقد مالهاش لزوم
كما أنها غير قابلة للتعديل إلى كشوف بل يجب أن تظل كما هي
فلو حبينا نطبعها ها نلاقي العناوين ظاهرة في أول صفحة نطبعها فقط
و لذلك
أنا لم أحذف صفحة الكشاف من البرنامج لأنها ها تعطيك نفس النتيجة
فيمكنكم طباعة الكشاف بدلاً من التوزيع
بس ها اظهر فيها أولاً مواد الامتحان بدلاً من الأرقام 1 و 2 و 3
فما رأيكم ؟

من طرف جمال زهدي الأربعاء 17 ديسمبر 2014, 6:44 am

naderwatfa كتب:
إخفاء الصفوف الفارغة آلياً في صفحة الكشوف مسألة بسيطة
بس بالنسبة لصفحة التوزيع طباعة الصفحة دي أعتقد مالهاش لزوم
كما أنها غير قابلة للتعديل إلى كشوف بل يجب أن تظل كما هي
فلو حبينا نطبعها ها نلاقي العناوين ظاهرة في أول صفحة نطبعها فقط
و لذلك
أنا لم أحذف صفحة الكشاف من البرنامج لأنها ها تعطيك نفس النتيجة
فيمكنكم طباعة الكشاف بدلاً من التوزيع
بس ها اظهر فيها أولاً مواد الامتحان بدلاً من الأرقام 1 و 2 و 3
فما رأيكم ؟

تمام ياستاذنا يمكن جعل صفحة الكشاف بنفس عناوين صفحة توزيع الملاحظة اي
اليوم
التاريخ
مواد الامتحان
اي مثلا
السبت
10/1/214
عربي
انجليزي
وربنا ييقويك ويعطيك الصحة

من طرف **naderwatfa** الأربعاء 17 ديسمبر 2014, 10:29 am

برنامج توزيع الملاحظة اليدوي تجربة 2
من هنا - ميديا فاير

من طرف جمال زهدي الأربعاء 17 ديسمبر 2014, 6:15 pm

naderwatfa كتب:
برنامج توزيع الملاحظة اليدوي تجربة 2
من هنا - ميديا فاير

استاذنا الحبيب البرنامج اصبح تمام ولكن توجدملاحظة بسيطة وهي
في كشف توزيع الملاحظة الخلايا الخاصة بالمادة الثانية بتكتب المادة راسي والخط صغير جدا لاحظ الصورة

حوار الأعضاء حول البرامج المدرسية - صفحة 13 2rm8jds

حوار الأعضاء حول البرامج المدرسية - صفحة 13 2rm8jds

ارجو ان تكون المادة الثانية بنفس تنسيق المادة الاولي

من طرف khalid ali الأربعاء 17 ديسمبر 2014, 8:14 pm

جمال زهدي كتب:
naderwatfa كتب:
برنامج توزيع الملاحظة اليدوي تجربة 2
من هنا - ميديا فاير
استاذنا الحبيب البرنامج اصبح تمام ولكن توجدملاحظة بسيطة وهي
في كشف توزيع الملاحظة الخلايا الخاصة بالمادة الثانية بتكتب المادة راسي والخط صغير جدا لاحظ الصورة

تسلم ايدك استاذ نادر البرنامج جميل جداً ولا توجد به اى ملاحظات سوى ملاحظة الأستاذ جمال
بارك الله فيك ومتعك الله بالصحة

ارجو ان تكون المادة الثانية بنفس تنسيق المادة الاولي

من طرف عباس رضا الأربعاء 17 ديسمبر 2014, 9:09 pm

أخى العزيز نادر لى رجاء خاص قد قمت بحذف البرتشن اللى عليه كل اعمال شغللك منذ بداية معرفتى بيك فهل ممكن لو سمحت على الأقل اظهار رابط كنترول 55 معدل مرة اخرى من فضلك والله انا زعلان جدا لأن كل برامجك السابقة كانت شغاله عند معظم المدارس عندنا علشان الكمبيوترات الضعيفة وكنت كل سنة بديهم اللى عاوزينه اما الأن انا لااملك ما احتاجة ولا هم يحتاجوة ويكفى على الأقل برنامج 55 معدل ولك جزيل الشكر

من طرف abohatabalex الأربعاء 17 ديسمبر 2014, 9:27 pm

naderwatfa كتب:
برنامج توزيع الملاحظة اليدوي تجربة 2
من هنا - ميديا فاير

أكرمك الله ... أحسنت ... الصفحة صارت رائعة والصفوف اوسع عند اختفاء الزيادات فى توزيع الملاحظة
هل يمكن توحيد الخانة للمادة فى صفحة الكشاف اذا كان الجدول موحدا فى الصفين لأن الجدول مشترك فى المادة للصفين
وفى صفحة توزيع الملاحظة مواد الصف الثانى مكتوبة بشكل رأسى وبخط صغير غير واضح مع ان الصف الاول مكتوب بالعرض الافقى وبخط واضح ..
اجمالا البرنامج روعة وتسلم ايدك وعقلك وفكرك . وربنا يديم عليك نعيمه

من طرف عباس رضا الأربعاء 17 ديسمبر 2014, 9:30 pm

ممكن رابط برامد اضافية اللى اتشال بعد اذنك

من طرف هانى محمود الأربعاء 17 ديسمبر 2014, 10:44 pm

السلام عليكم ورحمه الله وبركاته استاذنا الفاضل نادر عبدالرحمن بعد التحيه جزاك الله كل الخير على مجهودك من اجل العمليه التعليمية بل المنظومه المدرسية بأكملها نسأل الله ان يعطيك الصحة والعافيه امين يارب العالمين
كام عندى استفسار بخصوص البرنامج الشامل الجديد انا العام الماضى قمت بإخراج النتيجة على كنترول الدور الأول 27 والحمد لله كان كل شئ على ما يرام وكنت اريد ان اعمل على البرنامج الجديد بس عندى ملحوظه هامه يأستاذ نادر بالنسبه للشيتات قمت شخصيا بطباعه شيت الناجح والراسب على الورق العادى a4 وتم تكبيره بحجم الوسط وقمنا بتسليمه للاداره ولا اقوم بالتصدير فأنا اكتفى بطباعه الشيت بس وهذا ما طلب منا فى العامين السابيقين فما لاحظته ان البرنامج الجديد وبالاخص لشيت الراسب عند المعاينه قبل الطباعه لا تظهر الملاحظات فهى اساسيه فى شيت الراسب ولابد من طباعتها وحضرتك كنت وضعت كود خاص اسمه ضغط الورقه لتطبع a4 فهو غير موجود فهل هناك طريقه لاظهار هذه الملاحظات عند الطباعه على الورق العادى اسف لأطالتى استاذ نادر اشكرك جزيلا

من طرف رضا جبران الخميس 18 ديسمبر 2014, 11:11 am

السلام عليكم استاذ نادر معلش استفسار صغير انا اعطيت البرنامج لواحد زميلى واتصل على وقال انه بعد ما ادخل البيانات وتانى يوم بيفتح البرنامج لم يجد بيانات انا معرفش البب منين
وجزاك الله خيرا

من طرف **naderwatfa** الخميس 18 ديسمبر 2014, 1:07 pm

معلش ما كانش عندي نت من امبارح بعد العصر لغاية دلوقتي
بالنسبة لتنسيق برنامج التوزيع اليدوي
ها اضبطه قبل الرفع إن شاء الله
و ها أخللي بالي من الملاحظة بتاعة الأستاذ جمال و الأستاذ خالد
بالنسبة لطلب الأستاذ عباس
البرامج الإضافية كلها تم حذف موضوعها نهائياً
سأضع لك روابطها هنا بعد قليل
كذلك كنترول 55 إن شاء الله
بالنسبة للأستاذ هاني
مش ها اقدر آجي ناحية الكنترول الشامل دلوقتي لأنه فيه عفريت
أي حاجة أعدلها فيه ها تظهر لك رسالة تمنع تشغيله عندك
فعلى الأقل مش دلوقتي لغاية ما أكتشف إيه الحكاية
بالنسبة لاستفسار الأستاذ رضا
المشكلة دي سببها فقدان ملفات من الأوفيس نتيجة فيروسات أو باد سيكتورز أو صاحبك بيستخدم إكسيل 2007
ربما الويتندوز عايزة تنظيف كويس
ثم إعادة تسطيب الأوفيس
بس تكون أوفيس 2010 إنجليزي

من طرف **naderwatfa** الخميس 18 ديسمبر 2014, 1:20 pm

و ده كنترول رقم 34
طلبه مني أحد الزملاء
من هنا - مركز الخليج

من طرف **naderwatfa** الخميس 18 ديسمبر 2014, 1:22 pm

و دي البرامج الإضافية للأستاذ عباس
برنامج الإحصاء العام و النتيجة إصدار 10
التحميل
من هنا - مركز الخليج
*****
برنامج الإحصاءات إعدادي إصدار 10
التحميل
من هنا - مركز الخليج
*****
برنامج توزيع الملاحظة لجان زوجية
+
برنامج توزيع الملاحظة لجان فردية
التحميل
من هنا - مركز الخليج

من طرف **naderwatfa** الخميس 18 ديسمبر 2014, 1:31 pm

برنامج كشوف الدرجات الحرة تجربة 1

البرنامج ده طلبه الأستاذ عبد الناصر

ليقوم بعمل كشوف درجات الأنشطة و الفرنسي للصف الثالث

و طباعتها و تسليمها

أرفعه هنا لتجربته من جانب الأستاذ عبد الناصر

من هنا - ميديا فير

من طرف abdelnaserelsaid الخميس 18 ديسمبر 2014, 2:22 pm

الله ينور عليك يا باشا برنامج اجمل مما تخيلت طبعا تسلم تسلم
عايز اعرف ازاى اخفى العمود انا اعرف يدوى مثل توسيع الخانات
وعند غلف البرنامج واضغط حفظ وافتح من جديد لا يحفظ ولكن لو عملت حفظ باسم يحفظ نسخة منه

من طرف **naderwatfa** الخميس 18 ديسمبر 2014, 2:27 pm

abdelnaserelsaid كتب:الله ينور عليك يا باشا برنامج اجمل مما تخيلت طبعا تسلم تسلم
عايز اعرف ازاى اخفى العمود انا اعرف يدوى مثل توسيع الخانات
وعند غلف البرنامج واضغط حفظ وافتح من جديد لا يحفظ ولكن لو عملت حفظ باسم يحفظ نسخة منه

تقف على اسم العامود ( الحرف اللي فوق ) و تضغط بالماوس كليك يمين
و تختار Hide
و لو عايزني أعمل لك أكواد لإخفاء العواميد و إظهارها فما فيش مشكلة
أما الحفظ فالمشكلة اللي عندك لها أكثر من سبب
منهم استخدام أوفيس 2007
أو 2010 عربي
أو مشاكل في الكمبيوتر
بس أنا ممكن أخللي البرنامج يعمل حفظ آلي عند غلقه لو حبيت

من طرف abdelnaserelsaid الخميس 18 ديسمبر 2014, 2:34 pm

تم معرفةسبب الحفظ واصبح الان الحفظ سليم

من طرف **naderwatfa** الخميس 18 ديسمبر 2014, 2:51 pm

abdelnaserelsaid كتب:تم معرفةسبب الحفظ واصبح الان الحفظ سليم

إذن يمكن الآن رفع البرنامج لموضوع خاص به

من طرف abdelnaserelsaid الخميس 18 ديسمبر 2014, 4:35 pm

تم التحميل من البرامج المدرسية والعمل على البرنامج فى منتهى الجمال والسهولة بعد اضافة كود اخفاء والحفظ الالى

من طرف **naderwatfa** الخميس 18 ديسمبر 2014, 4:38 pm

اللهم لك الحمد

من طرف عباس رضا الخميس 18 ديسمبر 2014, 4:39 pm

اخى العزيز تسلم من كل سوء كل شئ اتحمل ما عدا كنترول 55 فيه مشكله فى صفحة التحميل ممكن رابط تانى من فضلك

من طرف **naderwatfa** الخميس 18 ديسمبر 2014, 4:40 pm

ها ارفعه دلوقتي

من طرف عباس رضا الخميس 18 ديسمبر 2014, 4:43 pm

شكرا يا غالى والله مش عارف اقولك ايه

من طرف **naderwatfa** الخميس 18 ديسمبر 2014, 4:47 pm

ما تقولش حاجة لأني ما عملتش حاجة أقل من اللي المفروض يتعمل
تفضل يا أخي
برنامج الكنترول رقم 55 مُعدل
من هنا - مركز الخليج

من طرف عباس رضا الخميس 18 ديسمبر 2014, 4:50 pm

شكر يا حبيبى تم التحميل

من طرف عباس رضا الخميس 18 ديسمبر 2014, 5:17 pm

اخى الغالى بالنسبة لبرنامج الطالب انا برصد فيه درجات النشاط كالأتى :
نشاط تعاونى 30 سلوك وحضور 20 عملى 50 المجموع 100 طيب انا غيرت عنواين الخليه من صفحة البداية يعنى شفوى خلتها نشاط تعاونى وهكذا بحيث يظهر كشوف الدرجات بالترتيب السابق وعند تعديل درجات البداية ورصد الدرجات داخل البرنامج والضغط على الحفظ فى البرنامج بيجبلى رسالة خطأ فى الماكرو وبيجيب صفحات الفصول بدون درجات كلها اصفار مع انى راصد درجات بالفعل

من طرف عباس رضا الخميس 18 ديسمبر 2014, 5:33 pm

وعندى سؤال كمان لو اخفيت العواميد اللى انا مش محتاجها عند طبع الكشوف هتظهر فى الطباعة برده ولا مش هتظهر

من طرف جمال زهدي الخميس 18 ديسمبر 2014, 7:30 pm

استاذنا الحبيب الستاذ نادر
في برنامج الطالب الاصدار الاخير رقم 32 لوحظ عدم وجود كود كشوف النشاط الذي كان موجود في النسخ السابقة في واجهة البرنامج لاحظ الصورة الكود غير موجود في الاصدار 23 في اعلي الصورة وكان موجود في الاصدار 29 اسفل الصورة

حوار الأعضاء حول البرامج المدرسية - صفحة 13 24qqxog

حوار الأعضاء حول البرامج المدرسية - صفحة 13 24qqxog

طبعا كشوف النشاط فصول او مجمعة كما كانت موجودة من قبل وجودها مهم

من طرف راجي الخميس 18 ديسمبر 2014, 10:49 pm

طب لو حبيت أستخدم الاصدار 28 ؟

من طرف محمدابوطالب الجمعة 19 ديسمبر 2014, 12:16 am

أستاذنا العزيز
مدير الادارة عندنا يصر أن تكون أعمال السنة والمواظبة معا وفي دفتر مثل الموجود بالمكتبات ونقول لهم هل الكشوف التي معنا سواء أعمال سنة أو مواظبة بهذا الشكل والتنسيق والأبجدة مخالف للقانون أو ينقصها شئ يقولوا لا ولكنها تعليمات مدير الادارة طيب أعمل لهم غلاف وأدبسهم ينفع يقولوا لا هما عايزينهم بالشكل المرفق فهل ينفع برنامج الطالب يكون فيه حاجة زي كده حتى لوكانت الصفحة بالعرض والفصل يكون في ورقتين كل ورقة 30 اسم أنا عارف أنه صعب
طيب ممكن حضرتك تصمم صفحة اكسيل بالمطلوب بحيث أنسخ لها الأسامي من برنامج الطالب
أنا عارف أنه طلب مش وقته أبدا بس البديل المدرسين يكتبوا بخط اليد ويكتب اسم قبل اسم وينسى اسم ورئيس الكنترول يدوخ في نقل الدرجات ويبقى عايز خبير خطوط عشان يعرف ده اسم مين
جزاك الله خيرا وأعانك على طلباتنا التي لا تنتهي
http://www.gulfup.com/?k9QNCE

من طرف **naderwatfa** الجمعة 19 ديسمبر 2014, 4:38 am

يا شباب
ها اشوف إن شاء الله برنامج الطالب في أقرب وقت ممكن
و أحاول تنفيذ ما يمكن تنفيذه مما طلبتموه
بس اعذروني لو تأخرت شوية علشان خالي توفى إلى رحمة الله تعالى
و ها اكون مشغولاً في الدفن و العزاء
لا أراكم الله مكروهاً في عزيز و لا حبيب
بالنسبة لسؤال الأستاذ عباس
العواميد أو الصفوف المخفية لا تظهر في الطباعة
بالنسبة لاستفسار الأستاذ جمال عن الزر المحذوف
أنا فعلاً كنت حذفته من صفحة البداية لأني أضفته لصفحة القوائم
بس اكتشفت دلوقتي إنه محتاج لتعديل بسيط فإن شاء الله أعدله
بس الزر بتاعه سيبقى في صفحة القوائم
يعني توصل له من زر القوائم اللي في البداية
الأستاذ راجي
أي إصدار يعجبك اشتغل عليه
الأستاذ محمد أبو طالب
أنا مش فاهم بعض الخانات اللي في الصورة اللي رفعتها
كما أنها ستكون ضيقة جداً جداً ليتم طباعتها في صفحة واحدة