حوار الأعضاء حول البرامج المدرسية

من طرف **naderwatfa** الجمعة 29 أغسطس 2014, 10:53 am

تذكير بمساهمة فاتح الموضوع :

بسم الله الرحمن الرحيم
*************
هذا الموضوع مخصص لحوار الأعضاء حول البرامج المدرسية

فأستقبل هنا آراءكم و مقترحاتكم بخصوص البرامج المدرسية
حيث يمكنني الرد عليكم و التحاور معكم فيما يخص هذه البرامج بشكل عام

نادر عبد الرحمن

من طرف جمال زهدي الجمعة 26 سبتمبر 2014, 7:36 pm

naderwatfa كتب:
أستاذ جمال
التعديلات اللي اتعملت في الجدول دي ما اتعملتش علشان مزاجي كان رايق
بالعكس تماماً
الضغط علي كان جامد قوي في الشغل و الإرهاق ما كانش له حدود
لدرجة إني ما رحتش المدرسة امبارح علشان أستغل الوقت كله
و لقيت نفسي و أنا شغال في الجدول حاسس بالتعب الشديد
فبدأت أعدل شوية في البرنامج برمجياً
لأن دي حاجة بتسليني و ترفه عني و تخفف الضغط بتاع الشغل
ربنا يسهل الأمور و بإذن الله التعديل القادم يتم إضافة الاحتياطي لجدول إشراف الفصول
بس عايز أعرف كام مدرس على الأكثر ممكن يكونوا احتياطي لكل حصة ؟

اربع او خمس مدرسين
مثلا احنا عندنا المدرسة صغيرة بنعمل كل حصة 2 احتياطي والحصتين الاخيرة بيكون 4 احتياطي
اعتقد ان اربع او 5 احتياطي في كل حصة يكفي حتي للمدارس الكبري لانه لن يكون هناك اكثر من 5 درسين غائبين في نفس الحصة والراي الاول والاخير لحضرتك

من طرف **naderwatfa** الجمعة 26 سبتمبر 2014, 8:26 pm

على كل حال اعتبرها اتنفذت بإذن الله
على الأقل ها يكونوا 10 مدرسين احتياط

من طرف abohatabalex الجمعة 26 سبتمبر 2014, 10:26 pm

naderwatfa كتب:
السلام عليكم
الأيام الماضية كنت مشغولاً جداً بسبب بداية الدراسة
و من بين هذه المشاغل كان الجدول المدرسي
و خلال عملي على الجدول هذا الأسبوع قمت بتعديل البرنامج
فأعدت رفعه برقم 6 ربما يفيد هذا التعديل من يريده

عود حميد للمنتدى
واضح ان الجميع كان مشغولا طوال الاسبوع فلم يكن هناك مساهمات ولا ردود
كان الله فى عون الجميع .
لى طلب بسيط يا استاذ نادر وهو ذكر التعديلات او سبب رفع البرنامج مرة اخرى مع كل تعديل كما كنت تفع من قبل لنعلم ماذا أضيف على النسخة الجديدة . وكل عام والجميع بخير

من طرف **naderwatfa** السبت 27 سبتمبر 2014, 2:40 am

إن شاء الله تعالى

من طرف عباس رضا السبت 27 سبتمبر 2014, 1:41 pm

عوداً أحمد للجميع كل سنة وانتم طيبين

من طرف **naderwatfa** السبت 27 سبتمبر 2014, 2:19 pm

عباس رضا كتب:عوداً أحمد للجميع كل سنة وانتم طيبين

و انت طيب يا أستاذ عباس

من طرف عباس رضا الأحد 28 سبتمبر 2014, 2:57 pm

اخى العزيز جدول المعلمين بداية من الحصة السابعة يكون خارج نطاق الطباعة مفيش زر او كود للتنسيق على طول لأنى حاولت انسق يدوى الزراير اختفت منى

من طرف **naderwatfa** الأحد 28 سبتمبر 2014, 4:25 pm

عباس رضا كتب:اخى العزيز جدول المعلمين بداية من الحصة السابعة يكون خارج نطاق الطباعة مفيش زر او كود للتنسيق على طول لأنى حاولت انسق يدوى الزراير اختفت منى

عليك فقط بفك حماية الصفحة لو احتاج الأمر
ثم قم بتصغير عرض العواميد لتناسب الطابعة اللي عندك
لأنه من المستحيل عمل تنسيق يقوم بضبط المقاس ليناسب الطابعات كلها
فالتنسيق اللي ممكن نعمله ليناسبك لن يناسب غيرك بالتأكيد

من طرف عباس رضا الأحد 28 سبتمبر 2014, 5:40 pm

naderwatfa كتب:
عباس رضا كتب:اخى العزيز جدول المعلمين بداية من الحصة السابعة يكون خارج نطاق الطباعة مفيش زر او كود للتنسيق على طول لأنى حاولت انسق يدوى الزراير اختفت منى
عليك فقط بفك حماية الصفحة لو احتاج الأمر
ثم قم بتصغير عرض العواميد لتناسب الطابعة اللي عندك
لأنه من المستحيل عمل تنسيق يقوم بضبط المقاس ليناسب الطابعات كلها
فالتنسيق اللي ممكن نعمله ليناسبك لن يناسب غيرك بالتأكيد

شكر يا اخى العزيز انا لقيت الصفحة مفتوحة فعلا بس لى سؤال مينفعش نطبع اكثر من مدرس فى ورقة واحده توفير للورق على فكرة والله انا مبعرفش اعمل جدول بس نفسى اتعلمة والله ويا ريت حد يساعدنى عليه فى المنتدى واعتقد استاذ جمال عنده القدرة على ذلك

من طرف abohatabalex الأحد 28 سبتمبر 2014, 10:37 pm

عباس رضا كتب:
naderwatfa كتب:
عباس رضا كتب:اخى العزيز جدول المعلمين بداية من الحصة السابعة يكون خارج نطاق الطباعة مفيش زر او كود للتنسيق على طول لأنى حاولت انسق يدوى الزراير اختفت منى
عليك فقط بفك حماية الصفحة لو احتاج الأمر
ثم قم بتصغير عرض العواميد لتناسب الطابعة اللي عندك
لأنه من المستحيل عمل تنسيق يقوم بضبط المقاس ليناسب الطابعات كلها
فالتنسيق اللي ممكن نعمله ليناسبك لن يناسب غيرك بالتأكيد
شكر يا اخى العزيز انا لقيت الصفحة مفتوحة فعلا بس لى سؤال مينفعش نطبع اكثر من مدرس فى ورقة واحده توفير للورق على فكرة والله انا مبعرفش اعمل جدول بس نفسى اتعلمة والله ويا ريت حد يساعدنى عليه فى المنتدى واعتقد استاذ جمال عنده القدرة على ذلك

شكرا للاستاذ نادر على توضيح سبب التعديل ورفع اصدار 7 من الجدول اليدوى
تحية للأستاذ عباس لأننا سويا نحتاج لبعض الدعم من الزملاء فى المنتدى لعمل الجدول للمستجدين فيه
وعموما كل شيء بالتدريب والممارسة وبعض المعونة من اهل الخبرة كله سيكون تمام ان شاء الله .

من طرف abohatabalex الأحد 28 سبتمبر 2014, 11:26 pm

عزيزى الاستاذ عباس
بالنسبة لطباعة صفحات من الجدول اليدوى
قبل الطباعة وعند اختيار معلم او فصل لطباعة جدوله عليك باختيار 3 معلمين أو 3 فصول مرة واحدة وقم باستدعائها واطبعها لأن الصفحة الواحدة يظهر فيها 3 جداول وهذا لتوفير الورق أو قم باختيار كل المعلمين أو كل الفصول واعمل بعض التعديلات على الأعمدة والصفوف حتى لا ينقسم جدول بين صفحتين .
هذا مجهود متواضع لبعض التدريبات الأولية على الجدول أرجو أن تنفع .
محمد أبو حطب

من طرف **naderwatfa** الإثنين 29 سبتمبر 2014, 4:37 am

هذا صحيح
أنا عامل تنسيق الصفحة يستوعب 3 جداول
سواء جداول الفصول أو جداول المدرسين
و التنسيق مضبوط على أساس 6 أيام في الأسبوع
فلو حد عنده السبت إجازة ها يحتاج يزود ارتفاع الصفوف شوية
و لو عملت أي تنسيق للجدول الآول و شغلت الكود بتاع الاستدعاء
ها يقوم بعمل نفس التنسيق لباقي الجداول آلياً

من طرف عباس رضا الإثنين 29 سبتمبر 2014, 1:12 pm

abohatabalex كتب:عزيزى الاستاذ عباس
بالنسبة لطباعة صفحات من الجدول اليدوى
قبل الطباعة وعند اختيار معلم او فصل لطباعة جدوله عليك باختيار 3 معلمين أو 3 فصول مرة واحدة وقم باستدعائها واطبعها لأن الصفحة الواحدة يظهر فيها 3 جداول وهذا لتوفير الورق أو قم باختيار كل المعلمين أو كل الفصول واعمل بعض التعديلات على الأعمدة والصفوف حتى لا ينقسم جدول بين صفحتين .
هذا مجهود متواضع لبعض التدريبات الأولية على الجدول أرجو أن تنفع .
محمد أبو حطب

كل الشكر والتقدير لكم جميعا على المساعده يا غالى

من طرف **naderwatfa** الإثنين 29 سبتمبر 2014, 1:48 pm

أستاذ عباس
أي حد فينا يقدر يساعد غيره مش ها يتردد أبداً
أنا متأكد من كده
كلنا هنا لمساعدة بعضنا
فلو التنسيق اليدوي مسبب لك مشاكل
قل لي عايز إيه و أنا أحل لك المشكلة زي ما انت عايز
لو عايز أكواد تنسيق معينة
أضيفها للبرنامج من عنية على طول

من طرف عباس رضا الإثنين 29 سبتمبر 2014, 4:47 pm

naderwatfa كتب:
أستاذ عباس
أي حد فينا يقدر يساعد غيره مش ها يتردد أبداً
أنا متأكد من كده
كلنا هنا لمساعدة بعضنا
فلو التنسيق اليدوي مسبب لك مشاكل
قل لي عايز إيه و أنا أحل لك المشكلة زي ما انت عايز
لو عايز أكواد تنسيق معينة
أضيفها للبرنامج من عنية على طول

ربنا ميحرمنى منك يا غالى المشكله انى اصلا مبعرفش اعمل جدول وبحاول اطبق اللى بفهمة على الجدول اليدوى بتاع حضرتك لأنى لقيت الجدول الألى الشغل معقد عليه فكنت عاوز توضيح للشغل على الجدول اليدوى بتاع حضرتك اصلى مش فاهم ابدأ منين انا حطيت المدرسين والمواد هل بعد كده اخش على تويع الخطة واختار كل مدرس بيدى ايه من الفصول ولو بيدى عربى ودين اختاره مرتين والخطوة التانية هل اروح على بقى الصفحة الأساسية اللى من خلالها ارجع اختار المدرسومادته وبعدين اوزع حصصة ولا ايه بالظبط ويا ريت يا غالى توضح لى نصاب كل ماده اد ايه وازاى احط حصة الرياده وحصة اجتماع المدرسين فى الجدول اليدوى ده

من طرف **naderwatfa** الإثنين 29 سبتمبر 2014, 6:44 pm

أستاذ عباس
تجهيز الجدول اليدوي سهل جداً
أولاً
اكتب أسماء المعلمين بدون تكرار في صفحة البيانات
و كذلك باقي البيانات اللازمة مثل أسماء المواد و الفصول أيام الأسبوع و عدد الحصص
ثانياً
انتقل لصفحة أساسية و أول حاجة تعملها هي اختيار المدرسين حسب المواد
مثلاً
اخترت : نادر عبد الرحمن في البداية و هو بيدرس عربي و دين و خط
يعني 3 مواد
ها تخللي الاسم بتاعه مكرر 3 مرات
يعني حسب عدد المواد اللي بيدرسها
علشان تظهر الحصة في جدول الفصل مكتوب أمامها المادة بشكل صحيح
و الطريقة هي
الاسم الأول بتاع نادر :تختار أمامه المادة عربي و تحط النصاب 9
معني النصاب ده يعني عدد حصص المادة للفصل الواحد في الأسبوع
و الاسم المكرر الثاني : تختار امامه المادة دين و تحط النصاب 2
لأن الفصل له حصتين دين في الأسبوع
و الاسم المكرر الثالث : ها تختار المادة خط و النصاب 1
و لو نادر معاه فصل ريادة ها تكتب اسمه للمرة الرابعة
و تختار المادة ريادة و النصاب 1
و هكذا لكل مدرس
و مش مهم الترتيب في الصفحة دي
يعني ممكن تكتب نادر عربي و بعده أسماء أخرى لمدرسين في مواد غيرها مثلاً
وبعدين في الآخر تكتب نادر دين أو خط أو ريادة
ده معناه إنك لو جالك مدرس جديد في العربي و كنت خلصت الجدول قبل كده
فتحط اسمه في آخر التوزيع عادي جداً
لأنك لما ها تييجي تعمل الجدول العام ها تختار الاسم اللي انت عايزه
فتظهر لك كل الحصص بتاعته أمام اسمه في الجدول العام
الخطوة اللي بعد كده
تضغط زر توزيع الخطة
و تحط الفصول بتاعة كل مدرس أمام اسمه حسب المادة
أما بالنسبة لحصة الاجتماع بتاع المادة فهي كلمة : تدريب
عليك فقط اختيار قائمة كل الفصول و تختار منها كلمة تدريب
نفس الشيء لما تحب تختار حرف ح للاحتياطي
أو علامة X للمنتدب خارج المدرسة
أو حرف ض للرضاعة

أتمنى أكون قدرت أوضح لك ما تسأل عنه
و لو لسه فيه حاجة غامضة عليك أنا موجود إن شاء الله

من طرف عباس رضا الثلاثاء 30 سبتمبر 2014, 2:02 pm

شكرا اخى العزيز نادر على التوضيح فيه حاجة عندنا بيعملوها فى المحافظة الوسخة بتاعتنا بيخلو فصلين مع بعض فى النشاط دايما يعنى 1/1 و2/1 فى نفس الوقت تربية رياضية اظن دى متتعملش عندكم وهل اللى بيعملوه ده قانونى ولا لأ

من طرف جمال زهدي الثلاثاء 30 سبتمبر 2014, 2:20 pm

عباس رضا كتب:شكرا اخى العزيز نادر على التوضيح فيه حاجة عندنا بيعملوها فى المحافظة الوسخة بتاعتنا بيخلو فصلين مع بعض فى النشاط دايما يعنى 1/1 و2/1 فى نفس الوقت تربية رياضية اظن دى متتعملش عندكم وهل اللى بيعملوه ده قانونى ولا لأ

استاذ عباس
جعل فصلين مع بعض في حصة النشاط عمل غير قانوني ومخالف للقرار 313 لانه بذلك سيقل عدد الفترات المخصصة لاحد الفصلين علي مدار الاسبوع فترة لانه لو راحعت القرار ستجد ان القرار مخصص لكل فصل عدد 19.5 اسبوعيا

من طرف **naderwatfa** الثلاثاء 30 سبتمبر 2014, 2:22 pm

عباس رضا كتب:شكرا اخى العزيز نادر على التوضيح فيه حاجة عندنا بيعملوها فى المحافظة الوسخة بتاعتنا بيخلو فصلين مع بعض فى النشاط دايما يعنى 1/1 و2/1 فى نفس الوقت تربية رياضية اظن دى متتعملش عندكم وهل اللى بيعملوه ده قانونى ولا لأ

يا أخي ما تزعلنيش منك لما تقول كده على محافظة الغربية
و أنا من المحبين لهذه المحافظة
و لي فيها أحباب منهم ناس معانا في المنتدى زي حبيب قلبي عباس
مسألة ضم فصلين مع بعض في النشاط بالتأكيد ما بنعملهاش نهائياً
هل عندكم مثلاً عجز صارخ في مدرسي الأنشطة لدرجة ضم فصلين سوا ؟
لو كده يبقى للضرورة أحكام بس بعد موافقة مكتوبة و معتمدة من الإدارة التعليمية
غير كده فإن ضم فصلين في أي مادة سواء نشاط أم غير نشاط يبقى غير قانوني تماماً
زي ما بيقول الأستاذ جمال بالضبط

من طرف عباس رضا الثلاثاء 30 سبتمبر 2014, 3:25 pm

والله مفيش عجز خالص دى اتعملت من إدارة المدرسة وخلاص بقلهم سنتين بيعملوها ومش عارف السبب علشان كده كنت عاوز اعرف السبب ايه وكان فيه كلام ان الفصل لما يتقسم له النشاط زى مثلا نشاط يبقى تربية رياضية وموسيقة وتربيه اجتماعيه ومسرح هيبقى كل مدرس معاه10او15 طال بس علشان كده كانو بيضموا الفصول حاجة تقرف والله

من طرف **naderwatfa** الثلاثاء 30 سبتمبر 2014, 3:44 pm

مش بس ضم الفصول خطأ
إنما كمان اختيار النشاط للطالب نيابة عنه خطأ
لازم يختار الطالب النشاطين اللي يحبهم بنفسه
احنا بنقسم عندنا الأنشطة المتاحة في مدرستنا إلى مجموعتين
و يختار الطالب نشاطاً من كل مجموعة
و في الجدول بيكون مثلاً فصل 1/1 عنده فترة لنشاط1 و فترة في يوم تاني لنشاط2
و كل مجموعة تبع نشاط معين بتتوجه لمكان ممارسة هذا النشاط
و ده اللي نص عليه القرار الوزاري تماماً

من طرف عباس رضا الثلاثاء 30 سبتمبر 2014, 3:48 pm

نحن نختلف عن الأخرين تماما ههههههههههههههههههههههههههههه
شوفت بقى انا فى حوسة ازاى

من طرف **naderwatfa** الثلاثاء 30 سبتمبر 2014, 3:55 pm

أكيد الاختلاف ده له سبب

هل الحُمص مثلاً له تأثير في اتخاذ القرارت ؟

جايز

من طرف عباس رضا الثلاثاء 30 سبتمبر 2014, 4:00 pm

لا الحلاوة الشعر ههههههههههههههههههههههههههه

من طرف عباس رضا الثلاثاء 30 سبتمبر 2014, 4:02 pm

اتصدق بالله احنا اجدع شعب ينضحك عليه احنا عندنا اردء انواع الحمص والحلوى انتم لو بتشوفو الحاجات دى بتتعمل ازاى ولا بتتعبا ازاى كنتم مفكرتوش فيها اصلا يا عمنا الحلاوانيه عندنا دول يكلوا دماغ اى حد يمكن الحاجة الوحيده الكويسة عندنا اللب والسودانى هههههههههههههه

من طرف **naderwatfa** الثلاثاء 30 سبتمبر 2014, 4:09 pm

أيوة يا حبيبي
السوداني ده بقى المفضل بالنسبة لي على طول
المملح و اللي بقشره
خللي بالك بقى أنا صايم و الكلام ده جوعني كده

من طرف عباس رضا الثلاثاء 30 سبتمبر 2014, 4:13 pm

والله لو عليا ابعدلك انت وكل حبيببا اللى فى المنتدى ما لز وطاب من اجود الحلويا عندنا مش اللى بيشتريها الزوار من غير ميعرفوا هما اشتروا ايه على العموم مسير الحى يتلاقى يا صاحبى

من طرف abohatabalex الثلاثاء 30 سبتمبر 2014, 11:08 pm

naderwatfa كتب:
عباس رضا كتب:شكرا اخى العزيز نادر على التوضيح فيه حاجة عندنا بيعملوها فى المحافظة الوسخة بتاعتنا بيخلو فصلين مع بعض فى النشاط دايما يعنى 1/1 و2/1 فى نفس الوقت تربية رياضية اظن دى متتعملش عندكم وهل اللى بيعملوه ده قانونى ولا لأ
يا أخي ما تزعلنيش منك لما تقول كده على محافظة الغربية
و أنا من المحبين لهذه المحافظة
و لي فيها أحباب منهم ناس معانا في المنتدى زي حبيب قلبي عباس
مسألة ضم فصلين مع بعض في النشاط بالتأكيد ما بنعملهاش نهائياً
هل عندكم مثلاً عجز صارخ في مدرسي الأنشطة لدرجة ضم فصلين سوا ؟
لو كده يبقى للضرورة أحكام بس بعد موافقة مكتوبة و معتمدة من الإدارة التعليمية
غير كده فإن ضم فصلين في أي مادة سواء نشاط أم غير نشاط يبقى غير قانوني تماماً
زي ما بيقول الأستاذ جمال بالضبط

يا استاذ عباس انا من نفس المحافظة ولكن مفيش عندنا فى ادارة كفر الزيات ضم لنشاط فصلين معا فى نفس الحصة قد تكون الرقابة ضعيفة والجهل بالقانون منتشر وعدم فهم المسئولين أهل المكاتب فى الادارات التعليمية هو السبب وكل مدرسة شغالة بمعرفتها ولا تجد اجابة واحدة من 2 مسئولين للأسف الشديد واتحدى اى مسئول يقولك ايه هى الأنشطة الوزعة على نشاط 1 او 2 .
واليوم طلبنا من الادارة تحديد نوع القرار المتبع هذا العام فى اعمال السنة على قديمه 313 ولا الجديد 460 معرفوش وقالوا على قديمه حتى يأتى الموجه ويغير ولا يعلمون انه قرار وزارى اصلا حاجة تكسف .
وفى نفس الوقت مشددين على طباعة كشوف اعمال السنة من 1 اكتوبر لتكون مع المدرسين فى الفصول ادينى عقلك واحكم انت
عذرا على الاطالة

من طرف **naderwatfa** الأربعاء 01 أكتوبر 2014, 4:47 am

فعلاً كلامك صحيح
بس السبب الأول يبداً من الوزارة نفسها اللي نص كلامها كذب و نص قراراتها بيتغير كل شوية
عموماً احنا جالنا أول امبارح نشرة من الوزارة بتوضح إن كل شيء يخص الأنشطة تحديداً
يكون على أساس قرار 313 و أي نشرة تخالفه تم إلغاء العمل بها
و أنا قرأت النشرة بنفسي و تأكدت منها تماماً
بس ما جابوش سيرة الدرجات لأعمال السنة و لا النصاب بالنسبة للرياضيات
يعني يا ترى نخللي الرياضيات فترتين و نص أم ثلاثة ؟
فاحنا اخترنا نخلليها فترتين و نص
و كل شيء عدا ذلك سيكون حسب القرار 313
و كما تعلم لو أرسلنا نستفسر من الإدارة التعليمية مش ها نوصل لجواب واضح و أكيد
فقررنا الاجتهاد في تفسير القرار و توكلنا على الله

من طرف abohatabalex الأربعاء 01 أكتوبر 2014, 10:49 pm

naderwatfa كتب:
فعلاً كلامك صحيح
بس السبب الأول يبداً من الوزارة نفسها اللي نص كلامها كذب و نص قراراتها بيتغير كل شوية
عموماً احنا جالنا أول امبارح نشرة من الوزارة بتوضح إن كل شيء يخص الأنشطة تحديداً
يكون على أساس قرار 313 و أي نشرة تخالفه تم إلغاء العمل بها
و أنا قرأت النشرة بنفسي و تأكدت منها تماماً
بس ما جابوش سيرة الدرجات لأعمال السنة و لا النصاب بالنسبة للرياضيات
يعني يا ترى نخللي الرياضيات فترتين و نص أم ثلاثة ؟
فاحنا اخترنا نخلليها فترتين و نص
و كل شيء عدا ذلك سيكون حسب القرار 313
و كما تعلم لو أرسلنا نستفسر من الإدارة التعليمية مش ها نوصل لجواب واضح و أكيد
فقررنا الاجتهاد في تفسير القرار و توكلنا على الله

مفيش عندنا غير حسبنا الله ونعم الوكيل وربنا يعوض علينا فى وزارتنا .........
هل هناك ما يلزم فى توزيع الانشطة على 1 أو 2 لأننا جعلنا التربية الرياضية مع نشاط 2 وليس 1 حسب سياسة المدرسة لتتاح للبنات اختيار التربية الرياضية مع الاقتصاد ولا تتكدس انشطة معينة وتخلو الاخرى ؟
أما الدرجات واعمال السنة ربنا يفرجها بقى وحد يفتكر ويبلغنا والعوض على الله .

من طرف **naderwatfa** الخميس 02 أكتوبر 2014, 4:21 am

لأ ما فيش حاجة تمنع إنك تقسم الأنشطة زي ما انت عايز
المهم تخللي الأنشطة مجموعتين و خلاص
علشان الجدول يكون واضحاً لأي زائر و لأي طالب و لأي معلم

من طرف عباس رضا الخميس 02 أكتوبر 2014, 8:04 am

طب بقى عندنا التوجية والإدارة بعدم ان التربية الرياضية حصة عادية والمكتبة ايضا وتكون اجبارى لكل الطلاب والباقى كله نشاط 2 دى بقة سلطه والله

من طرف abohatabalex الخميس 02 أكتوبر 2014, 12:54 pm

naderwatfa كتب:
لأ ما فيش حاجة تمنع إنك تقسم الأنشطة زي ما انت عايز
المهم تخللي الأنشطة مجموعتين و خلاص
علشان الجدول يكون واضحاً لأي زائر و لأي طالب و لأي معلم

طيب ايه رأيك نشرة الأنشطة وصلت اليوم للمدرسة تحدد أن النشاط كله حسب قرار 313 ولكن نشاط خدمة المجتمع يخصص له فترة من 90 دقيقة لكل صف مكتمل وليس لكل صف خارج الأنشطة العادية .....ازاى !!!!!!!!!!!!!!! معرفش
كيف اجمع 5 فصول × 53 طالب = 265 فى وقت واحد وفى مكان واحد ( وان وجد المكان الذى يسعهم ) وكيف يتعامل معهم الأخصائى او المدرس الذى يدرس لهم .............. حد يحكم ويقول رأيه هذه هى عبقرية الادارة بعد اسبوعين دراسة قرار متأخر وقرار متخلف
ودمتم بخير ... عيد سعيد وكل عام والزملاء بخير وصحة وعافية وسعادة

من طرف عباس رضا الخميس 02 أكتوبر 2014, 6:28 pm

دى بقة سلطه ومحدش عارف حاجة وكله على قفا اولادنا وقال ايه التعليم يسير للأحسن ...........حكم والله

من طرف عباس رضا الخميس 02 أكتوبر 2014, 6:46 pm

إن سبقتنى فأنت الكريم ابن الكرام وإن سبقتك فمنك تعلمت الإحترام ….نحن لا نرسل لمن نعيش معهم بل نرسل لمن يصعب علينا العيش بدونهم؛كل عام وانتم بخير!

من طرف khalid ali الخميس 02 أكتوبر 2014, 7:11 pm

كل عام وانتم بخير ... عيد أضحى مبارك

من طرف **naderwatfa** الجمعة 03 أكتوبر 2014, 3:26 am

كل عام و أنتم من الله أقرب

كل عام و أنتم بخير جميعاً

من طرف abohatabalex الجمعة 03 أكتوبر 2014, 5:14 pm

اللهم بلغنا عرفات ولا تحرمنا زيارة وحج بيتك الحرام
كل عام والزملاء فى المنتدى بخير وعيد سعيد على الجميع يارب

من طرف أبو موني الجمعة 03 أكتوبر 2014, 8:13 pm

كل عام و أنتم بخير جميعاً

من طرف عباس رضا السبت 04 أكتوبر 2014, 7:48 pm

كلمة ( طابور الصباح ) هكذا ام ( تابور الصباح ) مين يجاوب

من طرف khalid ali السبت 04 أكتوبر 2014, 7:57 pm

عباس رضا كتب:كلمة ( طابور الصباح ) هكذا ام ( تابور الصباح ) مين يجاوب

الى اعرفة " طابور الصباح "

من طرف عباس رضا الأحد 05 أكتوبر 2014, 7:16 am

وين بتوع اللغة العربية وين هما ما فى احد ؟؟؟؟؟؟؟؟؟؟؟؟؟؟؟؟؟؟؟؟؟؟؟

من طرف جمال زهدي الأحد 05 أكتوبر 2014, 3:55 pm

استاذنا الحبيب الاستاذ نادر جميع الزملاء الاعزاء كل عام والجميع بخير وبصحة
واتمني للجميع قضاء اجازة عيد سعيدة علي الجميع
توجد ملاحظة في برنامج الجدول اليدوي الاصدار رقم 7 ( الاصدار الاخير ) لم الاحظها الا اليوم وهي ان كود المعاينة في جميع الجداول ( الجدول العام وجدول المعلمين ، ................. الخ ) لا يعمل ويعطي رسالة خطا
ارجو مراجعتها من الزملاء للتااكد منها وارجو من استاذنا الحبيب الاستاذ نادر مراجعة هذة الجزيئة لانه عند اظهار فواصل الصفحات وعند التعديل في فواصل الصفحات لا تقبل التعديل وشكرا للجميع وكل عام والجميع بخير

من طرف abohatabalex الأحد 05 أكتوبر 2014, 10:24 pm

جمال زهدي كتب:استاذنا الحبيب الاستاذ نادر جميع الزملاء الاعزاء كل عام والجميع بخير وبصحة
واتمني للجميع قضاء اجازة عيد سعيدة علي الجميع
توجد ملاحظة في برنامج الجدول اليدوي الاصدار رقم 7 ( الاصدار الاخير ) لم الاحظها الا اليوم وهي ان كود المعاينة في جميع الجداول ( الجدول العام وجدول المعلمين ، ................. الخ ) لا يعمل ويعطي رسالة خطا
ارجو مراجعتها من الزملاء للتااكد منها وارجو من استاذنا الحبيب الاستاذ نادر مراجعة هذة الجزيئة لانه عند اظهار فواصل الصفحات وعند التعديل في فواصل الصفحات لا تقبل التعديل وشكرا للجميع وكل عام والجميع بخير

عزيزى الاستاذ جمال
كود المعاينة يعمل عندى فى الاصدار 7
ومن خلاله اتحكم فى الهوامش والتوسيط للجدول
ولا يعطى اى رسالة
يجوز النسخة التى تعمل عليها حصل فيها حاجة جرب نسخة فاضية أخرى يجوز
كل عام وانتم بخير

من طرف abohatabalex الأحد 05 أكتوبر 2014, 10:28 pm

عباس رضا كتب:كلمة ( طابور الصباح ) هكذا ام ( تابور الصباح ) مين يجاوب

عزيزى الاستاذ عباس
كل عام أنتم بخير
اليك رابط جميل مهم فى اللغة العربية
http://www.almaany.com/home.php?language=arabic&lang_name=%D8%B9%D8%B1%D8%A8%D9%8A&word=%D8%B7%D8%A7%D8%A8%D9%88%D8%B1
[list="font-size: 20px; color: rgb(0, 0, 0); font-family: Tahoma, Arial, Helvetica, sans-serif; text-align: -webkit-center; background-color: rgb(249, 249, 249);"]

[*][rtl]الطَّابورُ:
الطَّابورُ : جماعة العسكر من ثمانمائة إِلى ألف .
و الطَّابورُ الصف .
والطابور الخامس ( في العرف السياسي ) : أَنصار العدو من أَهل البلد أَو المقيمين فيه .
وورد في ( تاج العروس ) : تابور ( وأصلها تركي ) .
المعجم: المعجم الوسيط[/rtl]

[/list]

من طرف **naderwatfa** الإثنين 06 أكتوبر 2014, 6:09 am

كل عام و أنتم بخير
معلش أنا كنت مشغولاً بالذبح و ما يتطلبه من أعمال
بالنسبة لكود المعاينة يعمل بشكل طبيعي جداً يا أستاذ جمال
و بالنسبة لكلمة طابور زي ما قال الأستاذ محمد بالطاء
و على فكرة أنا قمت بعمل تعديلات جديدة في برنامج الجدول اليدوي
بس لسة ما رفعتوش لأني ها اراجعه الأول بعد شوية
التعديلات دي تخص إضافة صفحة جديدة فيها خريطة الفصول
يعني توضح كل فصل موجود فين
و دي حاجة ها نحتاج ليها في المدرسة تسهل على المدير و المتابع معرفة مكان الفصل بسرعة
خصوصاً لما تكون المدرسة كبيرة و فصولها غير مرتبة زي عندنا
إلى جانب شوية تنسيقات لجدول الإشراف بتاع الفصول

من طرف عباس رضا الإثنين 06 أكتوبر 2014, 7:17 am

كل سنة وانتم طيبين يا جماعة وشكر على الردabohatabalex ان شفت القاموس ده بس برده كان الكلام والتعليق ان الطابور على العدد من 800 الى 1000 فإن كان اقل من 800 هل يطلق عليه نفس الأسم وده الخلاف بينى وبين المنشور اللى جائنا وبه كلمة تابور ههههههههه

من طرف **naderwatfa** الإثنين 06 أكتوبر 2014, 10:11 am

يطلق على العدد الأقل من ذلك كلمة : صف يا أستاذ عباس

من طرف **naderwatfa** الإثنين 06 أكتوبر 2014, 10:13 am

بالنسبة للجدول اليدوي أنا عايز أرفع النسخة رقم 8
بس لي سؤال
هل هناك من يحتاج لصفحة إشراف المعلمين ؟
كلنا نحتاج لصفحة إشراف الفصول بالتأكيد
فإذا ما كانش حد بيستخدم صفحة الإشراف التانية أقوم بحذفها

من طرف جمال زهدي الإثنين 06 أكتوبر 2014, 10:22 am

naderwatfa كتب:
بالنسبة للجدول اليدوي أنا عايز أرفع النسخة رقم 8
بس لي سؤال
هل هناك من يحتاج لصفحة إشراف المعلمين ؟
كلنا نحتاج لصفحة إشراف الفصول بالتأكيد
فإذا ما كانش حد بيستخدم صفحة الإشراف التانية أقوم بحذفها

استاذ نادر كل سنه وانت طيب وبصحة جيدة بالنسبة اصفحة اشراف المعلمين
هل صفحة اشراف المعلمين بتسبب اي مشكلة للبرنامج او حجم البرنامج اصبح كبير ؟
اذا كانت بتسبب اي مشكلة فيمكن حذفها اما اذا كانت لا تسبب مشكلة او جعلت حجم البرنامج كبير فيمكن الابقاء عليها موجودة