حوار الأعضاء حول البرامج المدرسية

من طرف **naderwatfa** الجمعة 29 أغسطس 2014, 10:53 am

تذكير بمساهمة فاتح الموضوع :

بسم الله الرحمن الرحيم
*************
هذا الموضوع مخصص لحوار الأعضاء حول البرامج المدرسية

فأستقبل هنا آراءكم و مقترحاتكم بخصوص البرامج المدرسية
حيث يمكنني الرد عليكم و التحاور معكم فيما يخص هذه البرامج بشكل عام

نادر عبد الرحمن

من طرف جمال زهدي الأحد 07 سبتمبر 2014, 6:59 pm

naderwatfa كتب:
و الله العظيم يا أخي طول ما فيه ناس زي دول في بلدنا ها تفضل متخلفة
على كل حال ها اشوف ممكن أعمل إيه بخصوص الجدول اللي زي كده
بس ما تستعجلنيش عليها لأني مشغول في الوقت ده دائماً
لكن مش ها اطول عليك .. خلال هذا الأسبوع إن شاء الله

براحتك علي الاخر ومتجهدش نفسك وان شاء الله تجد حل في الوقت المتاح لك للعمل ربنا يعينك ويديك الصحة

من طرف جمال زهدي الأحد 07 سبتمبر 2014, 7:01 pm

نسيت اسال حضرتك عن برنامج المواظبة والدرجات
ايه الفرق بين كشوف هذا البرنامج والكشوف الموجودة في برنامج الطالب
اعتقد انها نفس الكشوف

من طرف **naderwatfa** الأحد 07 سبتمبر 2014, 7:05 pm

هو بس علشان برنامج الطالب بيكون تقيل على أجهزة المدارس بتاعتنا
فأنا باستخدم برنامج المواظبة و الدرجات هناك لأنه صغير جداً
علشان المسئول عن الطباعة في المدرسة يطبع الكشوف للمدرسين حسب المطلوب
اللي عايز كشف معين يروح له علشان يطبعه له

من طرف **naderwatfa** الإثنين 08 سبتمبر 2014, 1:02 pm

أبو موني كتب:قعلا يا أستاذ نادر البرنامج أصبح ثقيل جدا في الفتح

بفضل الله قدرت أزود سرعة برنامج الجدول برغم الإضافات الجديدة و الحمد لله وحده

علشان كده حذفت الملف اللي اترفع للتجربة من شوية
و ها ابقى أرفعه بكره لما أخلصه بالكامل إن شاء الله

من طرف abohatabalex الإثنين 08 سبتمبر 2014, 2:05 pm

المهم يا سيدى هل اصدار 22 من برنامج الطالب فيه مشكلة أو خطأ ولهذا تم تعييره حتى وصل الى اصدار 24 لأننى شغال عليه وتمت طباعة الكشوف والقوائم ؟؟ لأننى لم اجد السبب فى تغييره ولم الاحظ على 22 اى ملاحظات حتى الان .

من طرف جمال زهدي الإثنين 08 سبتمبر 2014, 2:41 pm

abohatabalex كتب:المهم يا سيدى هل اصدار 22 من برنامج الطالب فيه مشكلة أو خطأ ولهذا تم تعييره حتى وصل الى اصدار 24 لأننى شغال عليه وتمت طباعة الكشوف والقوائم ؟؟ لأننى لم اجد السبب فى تغييره ولم الاحظ على 22 اى ملاحظات حتى الان .

بالنسبة لبرنامج الطالب 22 لايوجد به مشكلة ولكن الاختلاف بينه وبين النسخة 24 انه في النسخة 24 بيستخرخ في صفحة البيانات
الاسماء الغير موجودة في القاموس الموجود بالبرنامج والتي تحتاج الي ترجمة وهذه الاسماء بنتحتاج ترجمتها في بطاقات 1 او بطاقات 2 الموجودة في صفحة البداية وهي نحتاجها لطلبة الصف الثالث الاعدادي لملئ بيانات استمارة الصف الثالث

من طرف **naderwatfa** الإثنين 08 سبتمبر 2014, 3:40 pm

أستاذ جمال
هل لديك اقتراح بخصوص شكل جدول المعامل ؟
و ما المطلوب تواجده فيه بالضبط ؟

من طرف جمال زهدي الإثنين 08 سبتمبر 2014, 8:08 pm

جدول عادي
اليوم 1 2 3 4 5 6 7 8
الاحد
الاثنين
الثلاثاء
الاربعاء
الخميس
ويكون به حصص العلوم
و يكون مثلا جدول التطوير ان امكن كالاتي حيث لم اتمكن من تجربة السجة التجربية التي تم حذفها حيث كنت بالمدرسة صباحا
اليوم 1 2 3 4 5 6 7 8
الاحد الفصل 1/1
المادة عربي
المعلم محمد

من طرف abohatabalex الثلاثاء 09 سبتمبر 2014, 12:12 am

جمال زهدي كتب:
abohatabalex كتب:المهم يا سيدى هل اصدار 22 من برنامج الطالب فيه مشكلة أو خطأ ولهذا تم تعييره حتى وصل الى اصدار 24 لأننى شغال عليه وتمت طباعة الكشوف والقوائم ؟؟ لأننى لم اجد السبب فى تغييره ولم الاحظ على 22 اى ملاحظات حتى الان .
بالنسبة لبرنامج الطالب 22 لايوجد به مشكلة ولكن الاختلاف بينه وبين النسخة 24 انه في النسخة 24 بيستخرخ في صفحة البيانات
الاسماء الغير موجودة في القاموس الموجود بالبرنامج والتي تحتاج الي ترجمة وهذه الاسماء بنتحتاج ترجمتها في بطاقات 1 او بطاقات 2 الموجودة في صفحة البداية وهي نحتاجها لطلبة الصف الثالث الاعدادي لملئ بيانات استمارة الصف الثالث

شكرا للأستاذ جمال على الرد لقد أحببناك دون أن نراك تماما مثل الاستاذ نادر ..
عموما لقد أدخلت الأسماء الناقصة على اصدار 22 والقاب العائلات المنتشرة عندى فى المدرسة والبيئة المحيطة وترجمتها ثم نسختها الى بقية النسخ للصفوف الأخرى وتمت العملية بنجاح ولله الحمد .
فلكم الشكر جميعا

من طرف **naderwatfa** الثلاثاء 09 سبتمبر 2014, 6:07 am

جمال زهدي كتب:جدول عادي
ويكون به حصص العلوم
و يكون مثلا جدول التطوير ان امكن كالاتي حيث لم اتمكن من تجربة السجة التجربية التي تم حذفها حيث كنت بالمدرسة صباحا
اليوم 1 2 3 4 5 6 7 8
الاحد الفصل 1/1
المادة عربي
المعلم محمد

معنى كده إن جدول معمل العلوم مثلاً يشبه جدول المدرس
في الحالة دي الموضوع مش محتاج إضافة خاصة للجدول
يمكنك الحصول على جدول زي جدول المعلم تماما خاص بالتطوير أو بالعلوم
كل اللي عليك إنك تضع اسماً في أسماء المعلمين مثلاً تسميه : معمل العلوم
ثم تذهب لصفحة التوزيع ( الأساسية ) و تختار من فوق
قائمة جميع الفصول
بعد كده توزع له جدول كأنه مدرس و تعطيه الحصص التي تريدها من حصص العلوم
ها تتلون الحصص بلون أحمر لأنها مكررة فلا تهتم
ثم تقوم باستدعاء جدول معمل العلوم من صفحة جداول المعلمين
بس لما تحب تطبع جداول الفصول تمسح اسم معمل العلوم و المادة اللي أمامه من صفحة التوزيع أولاً
او يمكنك طباعة جداول الفصول قبل إضافة اسم معمل العلوم لصفحة التوزيع
أما الجدول العام فانت اللي بتختار اسم المعلم فيه فمافيش مشكلة من وجود الاسم في التوزيع
فقط ما تختارش اسم معمل العلوم في الجدول العام و خلاص
لأنك لو اخترته مش ها يعطيك في الجدول العام أي حصص و ها تلاقي علامات خطأ بسبب التكرار في التوزيع
أما جدول الإشراف فهو بياخد بياناته من الجدول العام زي ما هي
جرب الكلام ده و شوف النتيجة إيه و قل لي

من طرف جمال زهدي الثلاثاء 09 سبتمبر 2014, 9:08 am

naderwatfa كتب:
جمال زهدي كتب:جدول عادي
ويكون به حصص العلوم
و يكون مثلا جدول التطوير ان امكن كالاتي حيث لم اتمكن من تجربة السجة التجربية التي تم حذفها حيث كنت بالمدرسة صباحا
اليوم 1 2 3 4 5 6 7 8
الاحد الفصل 1/1
المادة عربي
المعلم محمد
معنى كده إن جدول معمل العلوم مثلاً يشبه جدول المدرس
في الحالة دي الموضوع مش محتاج إضافة خاصة للجدول
يمكنك الحصول على جدول زي جدول المعلم تماما خاص بالتطوير أو بالعلوم
كل اللي عليك إنك تضع اسماً في أسماء المعلمين مثلاً تسميه : معمل العلوم
ثم تذهب لصفحة التوزيع ( الأساسية ) و تختار من فوق
قائمة جميع الفصول
بعد كده توزع له جدول كأنه مدرس و تعطيه الحصص التي تريدها من حصص العلوم
ها تتلون الحصص بلون أحمر لأنها مكررة فلا تهتم
ثم تقوم باستدعاء جدول معمل العلوم من صفحة جداول المعلمين
بس لما تحب تطبع جداول الفصول تمسح اسم معمل العلوم و المادة اللي أمامه من صفحة التوزيع أولاً
او يمكنك طباعة جداول الفصول قبل إضافة اسم معمل العلوم لصفحة التوزيع
أما الجدول العام فانت اللي بتختار اسم المعلم فيه فمافيش مشكلة من وجود الاسم في التوزيع
فقط ما تختارش اسم معمل العلوم في الجدول العام و خلاص
لأنك لو اخترته مش ها يعطيك في الجدول العام أي حصص و ها تلاقي علامات خطأ بسبب التكرار في التوزيع
أما جدول الإشراف فهو بياخد بياناته من الجدول العام زي ما هي
جرب الكلام ده و شوف النتيجة إيه و قل لي

احنا قلنا من زمان ان العبقرية هي الوصول للنتيجة ببساطة وبطريقة لا تخطر علي بال احد
فعلا بهذه الطريقة التي ذكرتها تم الوصول للنتيجة المطلوبة والبتالي البرنامج مش محتاج اضافة خاصة بهذه الجداول فشكرا علي التوضيح وان امكن التنويه عنها في البرنامج ولكن لي طلب بسيط وهو اضافة كود لمسح توزيع الفصول في الصفحة الاساسية ( توزيع الفصول ) وكذلك اضافة كود نسخ ولصق لبيانات المعلمين والفصول والمواد وجدول توزيع الاشراف الموجودة بالصفحة الرئيسية

من طرف **naderwatfa** الثلاثاء 09 سبتمبر 2014, 9:12 am

إن شاء الله
يعني كده تمام بالنسبة لك ؟
أرفع البرنامج على كده ؟

من طرف جمال زهدي الثلاثاء 09 سبتمبر 2014, 9:27 am

ارجو قراءة المشاركة السابقة مرة اخري لان فيها طلب بسيط

من طرف **naderwatfa** الثلاثاء 09 سبتمبر 2014, 9:50 am

جمال زهدي كتب:ارجو قراءة المشاركة السابقة مرة اخري لان فيها طلب بسيط

بإذن الله حاضر
بس على فكرة
جدول توزيع الإشراف تم نقله إلى الجدول العام
بس مش ها انسى أكواد المسح في أي مكان
و أكواد النسخ في الأماكن اللي ممكن فيها النسخ

من طرف **naderwatfa** الثلاثاء 09 سبتمبر 2014, 10:52 am

تم رفع برنامج الجدول المدرسي بتعديل اليوم

من طرف جمال زهدي الثلاثاء 09 سبتمبر 2014, 4:01 pm

naderwatfa كتب:
تم رفع برنامج الجدول المدرسي بتعديل اليوم

ابداع ياباشا

من طرف **naderwatfa** الثلاثاء 09 سبتمبر 2014, 9:02 pm

معقول يا أستاذ جمال ؟
ده بس من ذوقك يا راجل يا طيب

من طرف جمال زهدي الثلاثاء 09 سبتمبر 2014, 10:42 pm

naderwatfa كتب:
معقول يا أستاذ جمال ؟
ده بس من ذوقك يا راجل يا طيب

حضرتك انسان محترم وزوق بتعطي وتخدم غيرك ربنا يديك الصحة والعافية
توجد ملاحظة بسيطة توجد في صفحة الجدول العام في الاعلي بينات غيرظاهرة في العرض العادي ولكنها في معاينة الطباعة بتظهركما في الصورة الموضحة ارجو ان امكن حذف هذة البيانات لانها بتظهر في الطباعة
لاحظ الصورة
http://alfaris.net/up/90/alfaris_net_1410291611.JPG
وان امكن اضافة كود النسخ واللصق الي صفحة البداية لنسخ ولصق بيانات المعلمين والفصول والمواد الموجودة بصفة البداية

من طرف **naderwatfa** الأربعاء 10 سبتمبر 2014, 6:24 am

الله يبارك فيك يا أستاذ جمال
تم عمل المطلوب بحمد الله

من طرف جمال زهدي الأربعاء 10 سبتمبر 2014, 8:08 am

naderwatfa كتب:
الله يبارك فيك يا أستاذ جمال
تم عمل المطلوب بحمد الله

انا اسف استاذ نادر ان طلباتي كثيرة تم عمل المطلوب في صفحة الجدول العام وصفحة البداية
ولكن لم يتم حذف البيانات في اعلي صفحة الجدول الاجمالي فصول وهي من ضمن الصفحات المخفية ( نفس البيانات التي كانت موجودة في اعلي صفحة الجدول العام ) ارجو حذفها
وان امكن اضافة عامود للجدول العام لعدد حصص كل معلم ( التي يدرسها ) بعد عامود المادة او في نهاية الجدول بعد يوم الخميس
مثل عداد الاحتياطي انا عارف ان اضافة عامود مرهق بعض الشئ

من طرف **naderwatfa** الأربعاء 10 سبتمبر 2014, 8:27 am

هو فيه حد ها يطبع الصفحات الإجمالي المخفية دي ؟
بس عموماً حاضر
ها احذف البيانات الثابتة أعلى الصفحة
هل هناك طلب آخر في البرنامج ده ؟
عايز أعمل كل حاجة فيه مرة واحدة و للأبد لأني مش ها ارجع له تاني بعد كده

من طرف جمال زهدي الأربعاء 10 سبتمبر 2014, 8:31 am

naderwatfa كتب:
هو فيه حد ها يطبع الصفحات الإجمالي المخفية دي ؟
بس عموماً حاضر
ها احذف البيانات الثابتة أعلى الصفحة
هل هناك طلب آخر في البرنامج ده ؟
عايز أعمل كل حاجة فيه مرة واحدة و للأبد لأني مش ها ارجع له تاني بعد كده

تسلم ايديك ياستاذنا لايوجد اي طلب اخر

من طرف **naderwatfa** الأربعاء 10 سبتمبر 2014, 8:37 am

تم رفع برنامج الجدول بعد تعديله

من طرف abohatabalex الخميس 11 سبتمبر 2014, 12:53 am

على فكرة يا استاذ نادر برنامج الكشف الخانات الرئيسية رأس الجدول خالية من العناوين وهى باللون الأزرق وغير قابلة للتعديل وتظهر فى النسخة التجريبية الأولى التى رفعتها ببيانات مدرستك وفيها أكواد الترتيب الرائعة حسب كل عامود كما يطلبه كل طالب .
بارك الله لك فى هذا العقل وهذا الجهد

من طرف **naderwatfa** الخميس 11 سبتمبر 2014, 6:56 am

abohatabalex كتب:على فكرة يا استاذ نادر برنامج الكشف الخانات الرئيسية رأس الجدول خالية من العناوين وهى باللون الأزرق وغير قابلة للتعديل وتظهر فى النسخة التجريبية الأولى التى رفعتها ببيانات مدرستك وفيها أكواد الترتيب الرائعة حسب كل عامود كما يطلبه كل طالب .
بارك الله لك فى هذا العقل وهذا الجهد

تم عمل اللازم و إعادة رفع البرنامج
شكراً على الملاحظة

من طرف abohatabalex الخميس 11 سبتمبر 2014, 11:55 am

naderwatfa كتب:
abohatabalex كتب:على فكرة يا استاذ نادر برنامج الكشف الخانات الرئيسية رأس الجدول خالية من العناوين وهى باللون الأزرق وغير قابلة للتعديل وتظهر فى النسخة التجريبية الأولى التى رفعتها ببيانات مدرستك وفيها أكواد الترتيب الرائعة حسب كل عامود كما يطلبه كل طالب .
بارك الله لك فى هذا العقل وهذا الجهد
تم عمل اللازم و إعادة رفع البرنامج
شكراً على الملاحظة

شكرا على سرعة التلبية
أنت نادر والكلمة تحتمل المعنيين القريب والبعيد
كل عام دراسى وأنت وجميع المدرسين بخير
أما الطلاب فيلتمسون سببا لتأجيل الدراسة وينتظرون هذا الخبر .
ربنا يعوض علينا وعليهم

من طرف **naderwatfa** الخميس 11 سبتمبر 2014, 12:06 pm

حضرتك كده بتعطيني أكثر مما أستحق
بارك الله في أخلاقك يا أخي الفاضل
بالنسبة للدراسة الوزارة بتقول الفترة اللي قبل العيد ما فيهاش تدريس للمواد العلمية
و إنما أنشطة فقط علشان الطالب يحب المدرسة
طيب و بعد العيد يرجع يكرهها تاني مثلاً ؟
أضحك و الا بلاش ؟

من طرف جمال زهدي الخميس 11 سبتمبر 2014, 5:39 pm

naderwatfa كتب:
حضرتك كده بتعطيني أكثر مما أستحق
بارك الله في أخلاقك يا أخي الفاضل
بالنسبة للدراسة الوزارة بتقول الفترة اللي قبل العيد ما فيهاش تدريس للمواد العلمية
و إنما أنشطة فقط علشان الطالب يحب المدرسة
طيب و بعد العيد يرجع يكرهها تاني مثلاً ؟

استاذنا الحبيب الاستاذ نادر كل عام وحضرتك وجميع الزملاء بخير واتم صحة بمناسبة بداية العام الدراسي الجديد
وبالنسبه لموضوع الانشطة الوزير كان علي قناة صدي البلد من يومين وقال ان الناس فهمت موضوع الانشطة غلط وان المقصود هو تفعيل الانشطة من اول يوم في الدراسة مع تدريس حصص المواد الاساسية في نفس الوقت وليس جعل اليوم كله انشطة واهمال باقي المواد

من طرف **naderwatfa** الخميس 11 سبتمبر 2014, 6:24 pm

أنا شفت المكالمة بتاعة المتحدث الرسمي بتاع الوزارة بيعلن إن الأسبوعين دول أنشطة فقط
و المذيع أكد الكلام ده عندما أعاده بالحرف الواحد و أكده بعده المتحدث الرسمي
و الفيديو ده موجود دلوقتي على يوتيوب
بس إحنا اتعودنا من الحكومات من بعد 25 يناير على التناقضات
كل يوم كلام غير التاني و قرار يلغي قرار
فمن الطبيعي إن الوزير يقول كلام يغير كلام المتحدث الرسمي بتاعه

من طرف عباس رضا الخميس 11 سبتمبر 2014, 6:59 pm

كل سنة وانت طيب يا نادر باشا كل سنة واعضاء المنتدى بخير عام دراسى سعيد ان شاء الله وادعولى ارجع المرحلة الإعدادية تانى لن بصراحة مش هقدر ابعد عن ابداعات حبيبنا نادر ابدا

من طرف **naderwatfa** الخميس 11 سبتمبر 2014, 7:15 pm

وحشتنا يا أستاذ عباس
كل سنة وانت طيب يا حبيبي
و ربنا يحقق لك ما تتمنى

من طرف عباس رضا الخميس 11 سبتمبر 2014, 8:46 pm

وانت طيب يا غالى وان شاء الله السنة دى تكون سعاده وخير على المسلمين جميعا

من طرف abohatabalex الخميس 11 سبتمبر 2014, 11:49 pm

استفسار عن برنامج مستجد الصف الأول :
تسجيل بيانات الدور الأول لطلاب الصف السداس الناجحين والمنقولين للمدرسة للصف الأول الاعدادى .
فماذا عن بيانات الدور الثانى ؟
هل هى لطلاب الصف السادس الناجحين فى الدور الثانى أم لطلاب الصف الأول الاعدادى المعيدين والباقين للإعداة ؟
نرجو الافادة أفادكم الله

من طرف **naderwatfa** الجمعة 12 سبتمبر 2014, 7:21 am

في البرنامج زرين
الأول باسم : تسجيل بيانات دور أول
وده خاص بالطلاب الناجحين في الصف السادس دور أول
و الثاني باسم : تسجيل بيانات دور ثان
و ده خاص بالطلاب الناجحين في الصف السادس دور ثان
و ما فيش حاجة لها علاقة في البرنامج بالمعيدين في الصف الأول الإعدادي
و ذلك لأن كشوف 12 نوعان
التوع الأول : لناجح دول أول في الصف السادس
و النوع الثاني : لناجح دور ثان في الصف السادس
أما كشوف 41 فهي لناجح الدورين صف سادس
يعني الكشوف دي كلها للناجح صف سادس و رايح الإعدادي فقط لا غير
علشان كده اسم البرنامج : مستجد صف أول إعدادي

من طرف عباس رضا الجمعة 12 سبتمبر 2014, 11:13 am

الحمد الله انا فهمت بقى الزارير دى معناها ايه دلوقت والله

من طرف **naderwatfa** الجمعة 12 سبتمبر 2014, 11:53 am

ده أكيد لأنك ما كنتش بتعمل الكشوف دي قبل كده
اللي بيعمل كشوف 12مستجدين و كشوف 41 زي حالاتي متعود عليها طبعاً
و عارف إنها خاصة فقط بالطلاب المستجدين في الصف الأول الإعدادي

من طرف أبو موني الجمعة 12 سبتمبر 2014, 2:09 pm

أستاذ نادر بالنسبة لبرنامج الجدول المدرسي عند التوزيع لا يتم عل فترات لبعض المدرسين مثلا عند توزيع الأنشطة يتم توزيعها كحصة وليست فترة وهذا يحدث مع كثير من المدرسين

من طرف **naderwatfa** الجمعة 12 سبتمبر 2014, 2:35 pm

سأكرر ما قلته قبل ذلك بشأن برنامج الجدول
التوزيع الآلي توزيع عشوائي و هو من خصائص الإكسيل و لا دخل لنا به
و البرنامج ده مش بتاعي و عشان كده ما تلاقيش صورتي فيه طبعاً
أنا بس زودت عليه شوية حاجات باحتاجها في شغلي
من غير ما أغير أي حاجة في مكوناته الأصلية
فلا أستطيع تعديله و لا حتى أستخدمه عندي للتوزيع الآلي خالص
و إنما شغلي عليه يدوي بالكامل
و علشان الطلبات اللي كانت بتأتي لتعديل التوزيع ده بالذات سبق إني حذفت الموضوع
و لما طلب مني البعض إعادة رفع البرنامج رفعته
و وضحت وقتها إني لا دخل لي بكود التوزيع الآلي
و لن أقوم بمجرد محاولة تعديل حاجة مش بتاعتي
لذلك أنا أعتذر عن تعديل البرنامج ده بشكل نهائي

من طرف abohatabalex الجمعة 12 سبتمبر 2014, 5:34 pm

naderwatfa كتب:
في البرنامج زرين
الأول باسم : تسجيل بيانات دور أول
وده خاص بالطلاب الناجحين في الصف السادس دور أول
و الثاني باسم : تسجيل بيانات دور ثان
و ده خاص بالطلاب الناجحين في الصف السادس دور ثان
و ما فيش حاجة لها علاقة في البرنامج بالمعيدين في الصف الأول الإعدادي
و ذلك لأن كشوف 12 نوعان
التوع الأول : لناجح دول أول في الصف السادس
و النوع الثاني : لناجح دور ثان في الصف السادس
أما كشوف 41 فهي لناجح الدورين صف سادس
يعني الكشوف دي كلها للناجح صف سادس و رايح الإعدادي فقط لا غير
علشان كده اسم البرنامج : مستجد صف أول إعدادي

شكرا جزيلا يا محترم بجد
نحن متأثرون بك فى مدارسنا لخدمة الآخرين.
هذا عمل اضافى اقوم به مع الكنترول فطلبوا المساعدة فى هذه الكشوف وشئون طلبة فكان لا بد من المساعدة ما دمنا نجد من يساعدنا فى هذا المنتدى
والله فى عون العبد ما دام العبد فى عون أخيه
أدام الله عليك نعمة الصحة والعافية وشفى الله كل مريض ...

من طرف **naderwatfa** السبت 13 سبتمبر 2014, 6:34 am

الشكر لله وحده يا أخي الفاضل
ما أقوم به لخدمة الآخرين كما تقول هو عمل أتقرب به إلى الله تعالى
لعله يغفر لي و يتقبله مني لوجهه الكريم

أخب أن أنبه إلى أنني قمت بعمل تجربة جديدة لتصغير حجم ملف برنامج الطالب
لأن الملف كبير و تواجهني معه مشاكل بسبب الحجم خلال تشغيله في المدرسة
مش عارف هل الملف الأصغر حجماً ها يشتغل كويس على الأجهزة الضعيفة أم لا
ما جربتش لسة
فياريت اللي يقدر يجربه يقول لي على النتيجة
الملف تمت إضافته إلى الإصدار 24 في صفحة البرنامج

من طرف جمال زهدي السبت 13 سبتمبر 2014, 10:08 am

استاذنا الحبيب الاستاذ نادر تمت مراجعة الاصدار 25 من برنامج الطالب مراجعة سريعة ولوحظ الاتي
1- البرنامج اصبح بطئ جدا
2- سجل القيد يعطي علامات خطا في جميع الاعمدة
3 - سجل الغياب يعطي علامات خطا في جميع الخلايا الخاصة بتسجيل الغياب واختيار الشهر لايعمل متوقف علي شهر 9 ولايمكن تغير الشهر
ارجو مراجعة هذه الملاحظات من الزملاء

من طرف **naderwatfa** السبت 13 سبتمبر 2014, 10:17 am

جمال زهدي كتب:استاذنا الحبيب الاستاذ نادر تمت مراجعة الاصدار 25 من برنامج الطالب مراجعة سريعة ولوحظ الاتي
1- البرنامج اصبح بطئ جدا
2- سجل القيد يعطي علامات خطا في جميع الاعمدة
3 - سجل الغياب يعطي علامات خطا في جميع الخلايا الخاصة بتسجيل الغياب واختيار الشهر لايعمل متوقف علي شهر 9 ولايمكن تغير الشهر
ارجو مراجعة هذه الملاحظات من الزملاء

إذن عملية التصغير أدت لحذف بعض المكونات البرمجية بدون أن أقصد حذفها
عموماً أشكرك أستاذ جمال
تم حذف البرنامج رقم 25 الآن و الإبقاء على رقم 24 فقط

من طرف أبو موني الأحد 14 سبتمبر 2014, 12:09 am

استاذنا العزيز نادر انا اعرفانك مجهد من العمل علي الكمبيوتر لكن خدمه منك بالنسبة للجدول المدرسي بعد تعبئه البيانات هناك مدرس مثلا نصابه 16 حصة وعند التوزيع الاقيه 12 حصة ممكن ارسل لك الخطة للتعديل

من طرف **naderwatfa** الأحد 14 سبتمبر 2014, 5:52 am

أبو موني كتب:استاذنا العزيز نادر انا اعرفانك مجهد من العمل علي الكمبيوتر لكن خدمه منك بالنسبة للجدول المدرسي بعد تعبئه البيانات هناك مدرس مثلا نصابه 16 حصة وعند التوزيع الاقيه 12 حصة ممكن ارسل لك الخطة للتعديل

أنا ما أقدرش أتأخر على حد في أي شيء أقدر أعمله
لكن لو تقصد إن التوزيع الآلي للحصص ما بيكملش نصاب المعلم أحياناً
فخلليني أقول لك على الحكاية اللي أكيد انت ما تعرفهاش و اللي على أساسها أصبح الكود ده غير مكتمل
برنامج الجدول ده كنت شغال فيه أنا و المبرمج اللي عمله من البداية - و هو صديق من اليمن - في منتديات اسمها
منتديات أوفيسنا التعليمية
و هي المنتديات اللي حطيت الرابط بتاعها في موضوع الجدول المدرسي
و اللي اتعلمت منها الكثير من أعمال البرمجة قبل ما أعمل المنتدى بتاع مدرسة الولجا أصلاً
المهم .. كل واحد فينا كان متخصص في برمجة معينة ، هو كان بيعمل كود التوزيع العشوائي للحصص و أنا الباقي
و ظهرت مشكلة عدم اكتمال التوزيع أحياناً لبعض المدرسين
و لم يستطع صديقي هذا أن يصل لحل هذه المشكلة أو يعمل حاجة أفضل من اللي عمله
و توقف الشغل في برمجة الجدول على كده
بعد كده أنا كملت شغلي في البرنامج بإضافة صفحات مختلفة تستخرج لي جداول أحتاج إليها
زي جداول الفصول و الجدول العام و الإشراف اليومي
و قمت بعمل تنسيقات كثيرة للبرنامج في كل صفحاته و لكنني لم أتدخل في برمجة كود التوزيع
لأني مش أنا اللي كاتبه من ناحية و من ناحية أخرى ليس هناك ما يمكن عمله أكثر من اللي اتعمل
و كنت نويت أحذف كود التوزيع الآلي من البرنامج لعدم اكتماله بس بعض الزملاء قالوا لي أسيبه
على أساس إنهم ها يكموا الناقص في التوزيع يدوياً بنفسهم
أما عن نفسي فأنا باستخدم البرنامج عندي للتوزيع اليدوي فقط من أجل الحصول على جداول الفصول و الإشراف و الجدول العام

من طرف أبو موني الأحد 14 سبتمبر 2014, 2:16 pm

ربنا يبارك قيك يا أستاذ نادر ويجعل كل أعمالك في ميزان حسناتك إن شاء الله
ولو أي أحد من الأخوة الأفاضل يمتلك أي نسخة للجدول المدرسي اتمني ان يرفعها لنستفيد منها

من طرف **naderwatfa** الأحد 14 سبتمبر 2014, 3:37 pm

أبو موني كتب:ربنا يبارك قيك يا أستاذ نادر ويجعل كل أعمالك في ميزان حسناتك إن شاء الله
ولو أي أحد من الأخوة الأفاضل يمتلك أي نسخة للجدول المدرسي اتمني ان يرفعها لنستفيد منها

أنا على كل حال باعمل شوية تعديلات لبرنامج الجدول
و ربنا ييسر و يكون أفضل

من طرف أبو موني الأحد 14 سبتمبر 2014, 4:18 pm

ربنا يوفقك إن شاء الله

من طرف **naderwatfa** الإثنين 15 سبتمبر 2014, 8:03 am

تم بحمد الله رفع برنامج الجدول المدرسي رقم 6
يمكنك التحكم في البرنامج بشكل أفضل الآن
كما تم إضافة صفحة إشراف جديدة للبرنامج
و تم إضافة استدعاء الحالة للمدرس و عامود الحصص
بالضغط مرتين بالماوس على اسم المدرس يعطيك الناقص في جدوله و لم يوزع
نفس الشيء على رقم العامود بتاع الحصة يعطيك الناقص توزيعه من الفصول
هذا الكود لا يعمل إلا بعد توزيع الحصص و لو حتى حصة واحدة فقط
ملاحظة
لمن يريد عمل توزيع آلي للحصص يجب عليه عدم تقييد الجدول بالكثير من الشروط
يعني لما تقفل حصص كتيرة مثلاً بتخللي البرنامج لا يجد أماكن كثيرة للتوزيع
فلا يكمل توزيع كل الفصول

من طرف أبو موني الإثنين 15 سبتمبر 2014, 11:28 am

ربنا يبارك فيك وجاري التجريب يا أستاذ نادر

من طرف أبو موني الإثنين 15 سبتمبر 2014, 12:01 pm

انا اسف جدا يا استاذ نادر علي تعبك معانا بالنسبة للجدول المدرسي بداية من مسلسل 26 الي نهايه الجدول لا يتم توزيع الفصول