حوار الأعضاء

من طرف **naderwatfa** الأحد 09 أبريل 2017, 5:53 am

تذكير بمساهمة فاتح الموضوع :

زملائي الكرام
هذا القسم من المنتدي مخصص للحوار بين الأعضاء في أي موضوع يخص التربية و التعليم

يمكنكم التواصل هنا مع بعضكم أو معي لمناقشته و الاتفاق في النهاية على الرأي الأنسب

و ذلك لأي موضوع في الحقل التعليمي يكون محل اختلاف أو غير واضح الرؤية للبعض منا

مع رجاء خاص

أرجو عدم طلب تعديل برامج أو برمجة برامج جديدة نظراَ لظروفي الصحية التي لا تسمح لي بذلك

سيتم حذف المشاركة التي تحتوي على طلبات تعديل أو طلبات برمجة

من طرف عباس رضا الإثنين 24 سبتمبر 2018, 4:39 pm

الروابط الجديده رائعة بجد وبقدر انزل كل البرامج مع بعض شكرا يا حبيبى

من طرف **naderwatfa** الثلاثاء 02 أكتوبر 2018, 4:41 am

الشكر لله يا أستاذ عباس

و الحمد لله وحده

من طرف **naderwatfa** السبت 06 أكتوبر 2018, 6:08 am

يا شباب

أنا عملت برنامج لتسديد المصروفات المدرسية

لو عايزينه ، ممكن أرفعه لكم إن شاء الله

من طرف awado55 السبت 06 أكتوبر 2018, 7:03 am

جزاك الله خيرا

ياريت ترفعه النهارده

من طرف **naderwatfa** السبت 06 أكتوبر 2018, 7:07 am

إن شاء الله ها ارفعه بعد قليل

من طرف **naderwatfa** السبت 06 أكتوبر 2018, 7:55 am

برنامج تسجيل المصروفات

الآن في البرامج المدرسية

من طرف awado55 السبت 06 أكتوبر 2018, 10:28 am

استاذى الفاضل / نادر

البرنامج ممتاز

بس الادارة عايزه يتبعت على اسطوانه ممكن تعمله تصدير له علشان ننسخه على اسطوانه او ايكونه يرسل التقرير على الاسطونه مباشرة لان الادارة والمديرية عايزينه كشوف واسطوانه

من طرف **naderwatfa** السبت 06 أكتوبر 2018, 10:37 am

بس كده ؟

من عنية يا أبو عبد الرحمن

إن شاء الله تعالى إن ما كانش النهارده

يكون بكره الصبح

انتظر التعديل ده بمشيئة الرحمن

من طرف awado55 السبت 06 أكتوبر 2018, 10:51 am

ربنا يبارك فيك

وجزاك الله كل خير

ويحفظك من كل شر وسوء

من طرف **naderwatfa** السبت 06 أكتوبر 2018, 1:20 pm

برنامج تسجيل المصروفات nw1

الآن في البرامج المدرسية

من طرف awado55 السبت 06 أكتوبر 2018, 5:36 pm

استاذى الفاضل

صورة التقرير طالعة نفس الت

سطير من الوسط فاضى

من طرف **naderwatfa** السبت 06 أكتوبر 2018, 6:01 pm

لكن التقرير عندي سليم ما فيهوش الصف العريض ده

هل الصف ده في التقرير نفسه و اللا في معاينة الطباعة ؟

من طرف awado55 السبت 06 أكتوبر 2018, 6:11 pm

فى معاينة الطباعة

من طرف **naderwatfa** السبت 06 أكتوبر 2018, 6:14 pm

دي حاجة عادية بتحصل كتير في المعاينة

بس لما تطبع التقرير ها تلاقيه عادي

المعاينة دي بتعطيك الحدود الخارجية بدقة

أما غير كده فهي مجرد تخطيط افتراضي

من طرف عباس رضا الإثنين 08 أكتوبر 2018, 5:02 pm

هى المدونه لماذا لا تفتح يا ريس ؟

من طرف **naderwatfa** الإثنين 08 أكتوبر 2018, 5:09 pm

بتفتح معايا عادي خالص

و لسة مجربها حالاً

أنا باستعمل جوجل كروم آخر تحديث

من طرف عباس رضا الإثنين 08 أكتوبر 2018, 5:37 pm

وانا برده جوجل اخر اصدار ومش بيفتح

من طرف **naderwatfa** الإثنين 08 أكتوبر 2018, 7:09 pm

هام للزملاء اللي عندهم مشكلة في رابط مدونة البرامج

أو مشكلة في روابط مواقع أخرى

الرابط ما بيفتحش ، أو بيفتح موقع غير المطلوب

السبب في المشكلة دي فيروس في المتصفح أو في الويندوز

لو الفيروس في الويندوز

يبقى لابد من إعادة تسطيب ويندوز جديدة

و لو الفيروس في المتصفح

يبقى تحذف المتصفح أولاً و تسطب متصفح جوجل كروم لو كنت بتستخدم غيره

بعد كده تضيف لجوجل كروم الإضافات الأمنية اللي تمنع حدوث المشكلة دي تاني

انا صورت لكم صورة لجميع الإضافات اللي في جوجل كروم عندي

معظم الإضافات دي إضافات أمنية مهمة جداً باضيفها للمتصفح دائماً

إلى جانب أنني لا أستخدم أي برنامج مضاد للفيروسات غير البرنامج الموجود في الويندوز

Windows Defender

البرنامج ده موجود بشكل آلي في ويندوز 8 و ما بعدها ( و ربما في ويندوز 7 )

برنامج مجاني لأنه تبع الويندوز ، و ممتاز عن تجربة ، باستعمله لوحده من سنوات

و ما عنديش أي فيروسات

بمجرد ما تسطب الويندوز ها يشتغل آلياً ، لكن لما تسطب مضاد فيروسات آخر بيوقفه

و أول ما تحذف مضاد الفيروسات الآخر بيرجع يشتغل تاني لوحده

دي صورة الإضافات بتاعة الجوجل كروم اللي عندي

اضغط هنا

من طرف مجدى نبيل الثلاثاء 09 أكتوبر 2018, 11:05 pm

استاذ نادر تحية لك ولكل الاعضاء هى المصاريف تدفع فى المدرسة ولا ولى الامر بيدفعها فى البنك وايه المطلوب من المدرسة لو تم الدفع فى البنك يروح الادارة التعليمية

من طرف **naderwatfa** الأربعاء 10 أكتوبر 2018, 4:57 am

عندنا مازالت المصاريف في المدرسة

لأن ما جالناش أي شيء رسمياً بخصوص الدفع في البنك

أما لو ولي الأمر ها يدفع في البنك

فأعتقد المسألة بسيطة جداً

ها يطلبوا منه اسم المدرسة و ها يعطوه إيصال يثبت الدفع

و هو يقدم الإيصال للمدرسة

و المدرسة بتوصل الإيصالات دي بعدين للإدارة

من طرف ميدو وبيبو الإثنين 15 أكتوبر 2018, 8:30 pm

السلام عليكم فتحت رابط البرامج المدرسيه لكن ملقيتش رابط برنامج الكنترول الشامل
لقيت كل البرامج الا هو ولا هو نازل باسم تاني

من طرف **naderwatfa** الثلاثاء 16 أكتوبر 2018, 5:38 am

ميدو وبيبو كتب:السلام عليكم فتحت رابط البرامج المدرسيه لكن ملقيتش رابط برنامج الكنترول الشامل
لقيت كل البرامج الا هو ولا هو نازل باسم تاني

لسة ما نزلتش البرنامج لأني مستني أعرف التعديلات الجديدة

التعديلات الخاصة بمواد النظام الجديد في ابتدائي و ثانوي و درجاتها وشروطها

البرنامج خلصان برمجة من شهرين، بس اللي معطلني هو النظام الجديد في ابتدائي و ثانوي

ياريت اللي يعرف معلومات ( أكيدة ) عن الحاجات دي يقول لي علشان أخلصها بسرعة و أرفع البرنامج

من طرف **naderwatfa** الثلاثاء 16 أكتوبر 2018, 5:45 am

هام

يا شباب

اللي عنده معلومات أكيدة عن مواد و درجات النظام الجديد

سواء في ابتدائي أو ثانوي

يا ريت يحط لنا معلوماته هنا ( بس يكون متأكداً منها )

فاللي عارف المواد و الدرجات و شروطها

ياريت يحطها في جدول الدرجات في صفحة الكنترول

اللي في برنامج الكنترول الشامل ( أي نسخة مش مشكلة )

و يصورها لي علشان أنتهي من تعديل البرنامج و أرفعه

من طرف ميدو وبيبو الثلاثاء 16 أكتوبر 2018, 6:26 am

ان شاء الله عندي المعلومات الاكيده حبعت لحضرتك نسخه من القرار الوزاري بس ياريت الايميل الخاص بحضرتك ابعتها عليه لاني معنديش نسخه من البرنامج

من طرف **naderwatfa** الثلاثاء 16 أكتوبر 2018, 6:36 am

الإيميل

naderwatfa@gmail.com

من طرف ميدو وبيبو الثلاثاء 16 أكتوبر 2018, 6:35 pm

ارسلت لحضرتك القرارات الجديده لدرجات الابتدائي والثانوي

من طرف **naderwatfa** الأربعاء 17 أكتوبر 2018, 1:38 am

وصلتني و حملتها دلوقتي ، شكراً جزيلاً

من طرف **naderwatfa** الأربعاء 17 أكتوبر 2018, 3:35 am

الزملاء الكرام في المرحلة الابتدائية

أرجو منكم مراجعة الصورتين التاليتين للتاكد من صحة توزيع الدرجات فيها

علشان أضيف الدرجات لبرنامج الكنترول الشامل و أرفعه

أنا عملت الدرجات دي بناء على القرار الوزاري 360 لسنة 2018

الخاص بتعديل درجات التقويم الشامل في الابتدائي

من طرف ميدو وبيبو الأربعاء 17 أكتوبر 2018, 8:24 pm

بالنسبه للعلوم من الرابع الى السادس
اعمال سنه 70
تحريري 24
عملي 6

من طرف **naderwatfa** الخميس 18 أكتوبر 2018, 4:25 am

أنا برضه سألت نفسي هو ليه ما فيش في الجدول درجات للعملي

قلت يمكن تم إلغاؤه في التوزيع الجديد

فحبيت أتأكد من الناس اللي شغالين في المرحلة دي

شكراً جزيلاً

من طرف ميدو وبيبو الجمعة 19 أكتوبر 2018, 12:23 pm

جزانا واياك بس اكيد البرنامج فيه امكانيه اضافة مواد مش كده لاننا تجريبي لغات وعندنا مستوى رفيع

من طرف **naderwatfa** الجمعة 19 أكتوبر 2018, 1:44 pm

البرنامج بالفعل فيه إمكانية تغيير و إضافة مواد

حتى 25 مادة للصف الواحد

و ده من أول ما عملت الكنترول الشامل

من طرف **naderwatfa** السبت 20 أكتوبر 2018, 7:36 am

هاااام جداً

للزملاء اللي بيطبعوا ملفات من صفحات مدارسهم على النت

سواء على موقع الوزارة

كبيانات التلميذ و بيانات العاملين و صحيفة الأحوال

أو على موقع الأكاديمية

و بيواجهوا مشاكل في الملفات دي

( زي ظهور كلمات معكوسة مثلاً )

يمكنهم تجربة المتصفح البورتابل الصغير جداً ده

التحميل

ون درايف

أو

جوجل درايف

أو

ميديا فاير

من طرف khalid ali السبت 20 أكتوبر 2018, 11:31 am

صباح الخير استاذ تادر
يا ريت لو امكن ترفعلنا المتصفح على رابط لان ارابط الحالى بيدينى صفحة فاضية

من طرف **naderwatfa** السبت 20 أكتوبر 2018, 11:35 am

الصفحة الفاضية دي لو استنيت علبها شوية ها يظهر لك الرابط فيها

جرب تستنى شوية ( حسب سرعة النت معاك )

فإذا لم يظهر لك في الصفحة أي شيء ، ابعت لي إيميل و أنا أرفعه لك عليه

الإيميل بتاعي :

naderwatfa@gmail.com

و على كل حال

ها اضيف روابط تانية دلوقتي إن شاء الله

من طرف khalid ali السبت 20 أكتوبر 2018, 6:37 pm

naderwatfa كتب:
الصفحة الفاضية دي لو استنيت علبها شوية ها يظهر لك الرابط فيها
جرب تستنى شوية ( حسب سرعة النت معاك )
فإذا لم يظهر لك في الصفحة أي شيء ، ابعت لي إيميل و أنا أرفعه لك عليه
الإيميل بتاعي :
naderwatfa@gmail.com
و على كل حال
ها اضيف روابط تانية دلوقتي إن شاء الله

تسلم استاذ نادر وربنا يخليك لينا يا كبير

من طرف **naderwatfa** الجمعة 26 أكتوبر 2018, 6:55 am

برنامج الجدول المدرسي nw9

الآن في البرامج المدرسية

من طرف جمال زهدي الجمعة 26 أكتوبر 2018, 9:06 pm

naderwatfa كتب:
برنامج الجدول المدرسي nw9
الآن في البرامج المدرسية

استاذنا الحبيب استاذ نادر تم تحميل البرنامج ولوحظ الاتي
في صفحة (اشراف فصول ) عتد اظهار مشرفي الادوار بيظهر مشرفي الادوار ليوم الثلاثاء ولا يتم تغيرهم مع تغير اليوم
كما اته لا يتم ظهور اسماء المدرسين الاحتياطي في نهاية الاشراف اليومي كما كان في النسخ السابقة
وفي النهاية نشكر حضرتك علي تطوير البرنامج

من طرف **naderwatfa** السبت 27 أكتوبر 2018, 5:28 am

أنا ما أخذتش بالي منها لأني لا أحتاج إليها

اتمسحت من غير ما أنتبه لها خالص

على كل حال حذفت البرنامج دلوقتي

و لما أرجع الحاجات اللي اتمسحت دي بعد شوية ها ارفعه تاني

بس بالنسبة للمدرسين الاحتياطي اللي بتقول عليهم بيظهروا في نهاية الإشراف

أنا مش فاكر أي حاجة عن الحكاية دي خالص

انت متأكد إني كنت عامل الكلام ده قبل كده ؟

لأن ما عنديش أي صفوف في الكشف ده حالياً مخصصة للاحتياطيين

من طرف جمال زهدي السبت 27 أكتوبر 2018, 7:20 am

naderwatfa كتب:
أنا ما أخذتش بالي منها لأني لا أحتاج إليها
اتمسحت من غير ما أنتبه لها خالص
على كل حال حذفت البرنامج دلوقتي
و لما أرجع الحاجات اللي اتمسحت دي بعد شوية ها ارفعه تاني
بس بالنسبة للمدرسين الاحتياطي اللي بتقول عليهم بيظهروا في نهاية الإشراف
أنا مش فاكر أي حاجة عن الحكاية دي خالص
انت متأكد إني كنت عامل الكلام ده قبل كده ؟
لأن ما عنديش أي صفوف في الكشف ده حالياً مخصصة للاحتياطيين

هذه احد النسخ السابقة للبرنامج وفيها يظهر اسماء المدرسين الاحتياطي في نهاية كشف الاشراف اليومي
https://up.top4top.net/downloadf-1030ipa6z1-rar.html

من طرف **naderwatfa** السبت 27 أكتوبر 2018, 7:27 am

لقيت عندي نسخة سابقة فيها الاحتياطي

ها اشوفها إن شاء الله النهارده و اعمل اللازم و ارفع البرنامج تاني

من طرف **naderwatfa** السبت 27 أكتوبر 2018, 9:38 am

تم عمل اللازم و رفع برنامج الجدول المدرسي من جديد

من طرف عباس رضا الأحد 28 أكتوبر 2018, 4:20 pm

اخى العزيز فى عمود نصاب الفصل للماده فى صفحة توزيع الخطة مش البانات كل ما اوزع عدد حصص المدرس واقفا البرنامج وافتحة يرجع العمود تانى للصفر وانت تعلم ان بعض المواد زى العربى غير موزعه على معلم واحد يعنى ممكن ياخد 6 حصص من فصل و3 فى فصل اخر
https://i.servimg.com/u/f21/18/09/85/17/110.png

من طرف **naderwatfa** الأحد 28 أكتوبر 2018, 4:31 pm

ازاي يعني الفصل في العربي مقسوم على 2 مدرسين مش فاهم ؟

بالنسبة للبرنامج الإصدار الأخير ده مختلف عن اللي قبله

في الإصدار ده النصاب بيتعمل آلياً لوحده بناء على النصاب اللي انت عامله في صفحة البيانات

لو سبته في صفحة البيانات فاضي ها يكتب لك صفر في كل مرة

أحسن لك تشتغل على إصدار قديم من برنامج الجدول لو بتقسم الفصل على أكثر من مدرس

لأن الإصدار الأخير بيجيب النصاب آلياً

أو تكتب نصاب كل مادة في العامود الجديد الخاص بذلك في صفحة البيانات

من طرف عباس رضا الأحد 28 أكتوبر 2018, 5:29 pm

طب ممكن حد يحط رابط للجدول المدرسى رقم 8 اصلى مسحته

من طرف **naderwatfa** الأحد 28 أكتوبر 2018, 5:33 pm

استنى شوية ارفع لك الجدول القديم

من طرف **naderwatfa** الأحد 28 أكتوبر 2018, 5:43 pm

أستاذ عباس

ده رابط جدول nw7

One Drive

و ده رابط جدول nw8

One Drive

من طرف عباس رضا الإثنين 29 أكتوبر 2018, 2:32 pm

شكرا يا حبيبى وجارى التحميل

من طرف ميدو وبيبو الجمعة 02 نوفمبر 2018, 12:30 pm

السلام عليكم استاذ نادر من فضلك برنامج الكنترول الشامل حضرتك حترفعه علي امتي ان شاء الله وربنا يقويك ويديك الصحه

من طرف **naderwatfa** الأحد 04 نوفمبر 2018, 7:17 am

ميدو وبيبو كتب:السلام عليكم استاذ نادر من فضلك برنامج الكنترول الشامل حضرتك حترفعه علي امتي ان شاء الله وربنا يقويك ويديك الصحه

عليكم السلام و رحمة الله و بركاته

أعتذر لتأخري على حضرتك في الرد

كانت عندي حالة وفاة الأيام الماضية فلم أدخل على المنتدى لانشغالي باستقبال الناس للعزاء

برنامج الكنترول الشامل سيتم رفعه خلال هذا الأسبوع إن شاء الله تعالى

يعني بالكتير يوم السبت 10 نوفمبر الحالي أو قبل ذلك