حوار الأعضاء

من طرف **naderwatfa** الأحد 09 أبريل 2017, 5:53 am

تذكير بمساهمة فاتح الموضوع :

زملائي الكرام
هذا القسم من المنتدي مخصص للحوار بين الأعضاء في أي موضوع يخص التربية و التعليم

يمكنكم التواصل هنا مع بعضكم أو معي لمناقشته و الاتفاق في النهاية على الرأي الأنسب

و ذلك لأي موضوع في الحقل التعليمي يكون محل اختلاف أو غير واضح الرؤية للبعض منا

مع رجاء خاص

أرجو عدم طلب تعديل برامج أو برمجة برامج جديدة نظراَ لظروفي الصحية التي لا تسمح لي بذلك

سيتم حذف المشاركة التي تحتوي على طلبات تعديل أو طلبات برمجة

من طرف **naderwatfa** الأربعاء 09 أغسطس 2017, 4:53 am

awado55 كتب:استاذى الفاضل / نادر

لاتنسى فى الشيت الجديد عمل بيان نجاج او بيان درجات للطالب اذا اراد التحويل من المدرسة

ممكن توريني صورة منه ؟

من طرف **naderwatfa** الأربعاء 09 أغسطس 2017, 4:56 am

عباس رضا كتب:انا فيه مشكلة عندى لما بخش على زر قوائم الفصول من صفحة تسجيل الطلبة بيتم مسح الاسماء ولا يبقى سوى 30 اسم فقط هل حدث هذا مع احد وعلى فكرة الموضوع ده من السنة اللى فاتت عندى وقلت يمكن اتعدل مع الاصدار ده

جربتها عندي
الأسماء مش بتتمسح و إنما بتختفي الصفوف بتاعتها
و بيتم مسح رقم 6 من المسلسل ( الرقم فقط و ليس الطالب )
فقمت الآن بعمل التعديل اللازم
و البرنامج الآن في قسم البرامج المدرسية
جربه كده و قل لي تمام دلوقتي و اللا لسة فيه مشكلة ؟

من طرف عباس رضا الأربعاء 09 أغسطس 2017, 12:46 pm

اخى العزيز بالفعل تم حل المشكلة عند الخول لقوائم الفصول من صفحة دخول بيانات الطلبة ولكن ظهرت مشكلة اخرى وهى عند الضغط على زر قوائم الفصول من صفحة البداية تظهر رسالة انتظر من فضلك وتظهر رسالة خطأ فى الماكرو

من طرف **naderwatfa** الأربعاء 09 أغسطس 2017, 1:01 pm

يبقى إن شاء الله بكره الصبح ها اشوف سبب الرسالة

و أرفع البرنامج بعد ما أجربه الأول

من طرف عباس رضا الأربعاء 09 أغسطس 2017, 1:02 pm

https://i.servimg.com/u/f11/18/09/85/17/ooua10.png
اخى العزيز ايه لزمة صف ايام الغياب اللى تحت ده ما دام فيه عمود الجملة فى كشوف المواظبة المفروض يبه اسمة عدد الغائبين

من طرف **naderwatfa** الأربعاء 09 أغسطس 2017, 1:09 pm

أنا ما باعملش 5 سلوك ده أساساً
أنا جبته كده من على النت و لقيته بنفس الشكل اللي انت شفته ده
إن شاء الله أغيره بكره الصبح ليكون : عدد الغائبين

من طرف عباس رضا الأربعاء 09 أغسطس 2017, 1:15 pm

تسلم يا حبيبى

من طرف **naderwatfa** الأربعاء 09 أغسطس 2017, 1:22 pm

أستاذ عباس
ها ابعت لك إيميل بعد قليل فأرجو أن تقرأه

من طرف awado55 الخميس 10 أغسطس 2017, 4:24 pm

استاذى الفاضل
فى برنامج القوائم الجديد 24 ولما اجى افتح القوائم من البدايه
بتجى الرساله دى
https://i.servimg.com/u/f11/19/62/34/17/iuo11.png

من طرف **naderwatfa** الخميس 10 أغسطس 2017, 5:36 pm

awado55 كتب:استاذى الفاضل
فى برنامج القوائم الجديد 24 ولما اجى افتح القوائم من البدايه
بتجى الرساله دى
https://i.servimg.com/u/f11/19/62/34/17/iuo11.png

استخدم الإصدار الجديد nw25
لأن 24 ده هو اللي كانت بتظهر الرسالة دي فيه
فعدلته لإصدار أحدث
و بعدين انت ما رفعتش ليه صورة بيان النجاح اللي قلت لك عليه ؟

من طرف awado55 الخميس 10 أغسطس 2017, 5:52 pm

https://i.servimg.com/u/f11/19/62/34/17/oei_ou10.png

ده بيان نجاح للصف الاول والمواد التابعه له
وفيه بيان نجان للصف الثانى ادبى وعلمى
وبالنسبة للشيت الجديد
طلبو فى الادارة فى شيت الدور الثانى امام كل اسم طالب ناجح كتابة ناجح ومنقول للصف الثانى اول الثالث فى شيت الدور الثانى فقط فى الشيت الى بيروح الادارة

من طرف **naderwatfa** الخميس 10 أغسطس 2017, 6:41 pm

بالنسبة لبيان النجاح هو نفس بطاقة الدرجات
و لكن تختص بالدور الأول مع تغيير بسيط في العناوين فوق و تحت
و بالنسبة لما طلبته الإدارة عندكم في شيت الدور الثاني
موجود في الكنترول الشامل حالياً
حيث يمكنك تعديل البيانات في الملاحظات كما تريد

من طرف **naderwatfa** الخميس 31 أغسطس 2017, 4:49 am

الزملاء الأعزاء

كل عام و أنتم بخير

إن شاء الله تعالى تم الانتهاء من الكنترول الشامل nw8

و الذي يمكن من خلاله رصد جميع الصفوف في نسخة واحدة

لكن قبل رفع البرنامج ، أرجو أن تشاركوني رأيكم في جدول توزيع الدرجات

و ذلك بعد القرارت الوزارية الأخيرة بإلغاء الميد تيرم و استبعاد الرسم و الحاسب الآلي من المجموع الكلي

لهذا قمت بتوزيع الدرجات الجديدة و تصويرها لكم

و أرجو أن تخبروني برأيكم : هل هذا التوزيع بهذه الصورة صحيح ؟

فيما يلي صور التوزيع

1 - الصفوف من الأول إلى الثالث الابتدائي

2 - الصفان الرابع و الخامس الابتدائيين

3 - الصفان الأول و الثاني الإعداديين

من طرف جمال زهدي الخميس 31 أغسطس 2017, 9:38 am

استاذا الحبيب كل عام وحضرت وجميع الزملاء بخير وصحة وراحة بال
توزيع الدرجات كدة تمام ولكن يوجد استفسار وهو وضع الانشطة هل ستكون ضمن المجموع كما نص القرار 313 ام ستخرج من المجموع هي الاخري وكيف يخرج الحاسب والفنية من المجموع ويترك الانشطة ولي سؤال اخر هل عامود دخول المادة في مجموع الاوائل موجود ام لا لانه غير ظاهر في الصورة وفي النهاية هل وصل الي اي من الزملاء اي نشرة تفيد بهذه التعديلات ام لا وفي النهاية نشكر حضرتك علي هذا البرنامج الذي به المرونة التي تقبل التعديل للقررات الجديدة لانك كنت تعلم ما يفكر فيه المسؤلين عن التعليم كل يوم بقرار
ولي سؤال اخير وهو هل ان صدر قرار جديد مستقبلا بتقسيم الشيت في المستقبل الي اعمال سنه واختبارات شهور وامتحان تيرم سيقبل البرنامج هذا التعديل ام لا يقبل بمعني اخر البرنامج يقبل اعمال السنه مجمعة اي الاعمال مع اختبارات الشهور ان وجدت مع بعض في عامود واحد فهل ان تم مستقبل صدور قرار بتقسيم اعمال السنه واختبارت الشهور في عامودين منفصلين هل سيقبل البرامج ذلك ام لا وكل الاحترام والتقدير لمجهودك الكبير في تطوير البرنامج حتي ظهر بهذا الشكل الرائع لان الذي يعمل بالكنترول يجد فيه كل مايحتاجة

من طرف **naderwatfa** الخميس 31 أغسطس 2017, 10:42 am

أستاذ جمال

النشاطان كما هما لأن الوزير لم يحذفهما من المجموع

على العكس تماماً ، يبدو أن هناك اهتماماً زائداً بالأنشطة من جانب الوزارة

و عموماً في حال تم صدور قرار بحذفهما من المجموع مستقبلاً

فالبرنامج قابل لتعديل ذلك كما تعلم

أما عامود دخول المادة في مجموع الأوائل فهو موجود أمامك في الصور تحت عنوان : مادة مجموع أوائل

بالنسبة للنشرات لم تصل أية نشرات حتى الآن بهذا الخصوص

و بالتأكيد ما فيش استعجال عليها لأن لسة بدري على الامتحانات

ربما تصدر هذه النشرات بعد بداية الدراسة أو قبلها مباشرة

و بالنسبة لسؤالك الأخير عن اختبارات الشهور

فأحب أرضح لك إن اختبارات الشهور مش ها تدخل في المجموع بشكل منفصل

لأنها - إذا حدث تغيير مستقبلي - ستكون جزءاً من تقسيم أعمال السنة

تماماً كما كان الحال مع اختبار الميد تيرم

من طرف م اشرف الخميس 31 أغسطس 2017, 1:31 pm

السلام عليكم
كل عام وانتم بخير عيدكم مبارك
توزيع الدرجات كدة تمام
جزاك الله خيرا

من طرف **naderwatfa** الخميس 31 أغسطس 2017, 3:59 pm

الحمد لله

طيب يا جماعة إيه رأيكم

هل أنتظر حتى صدور نشرة بالدرجات و بعدين أرفع البرنامج ؟

علشان نتأكد إن الوزارة مش ها ترجع في كلامها لأن مجلس النواب معترض

من طرف عباس رضا الخميس 31 أغسطس 2017, 5:28 pm

كل سنة وانت طيب يا كبير ارفع يا ريس مجلس ايه اللى معترض كله كلام فاضى وكل سنة وانت طيب يا ريس

من طرف **naderwatfa** الجمعة 01 سبتمبر 2017, 4:33 am

و انت طيب يا أستاذ عباس

على بركة الله

من طرف **naderwatfa** الجمعة 01 سبتمبر 2017, 6:20 am

الكنترول الشامل nw8

الآن في قسم البرامج المدرسية

من طرف awado55 الجمعة 01 سبتمبر 2017, 8:34 am

كل عام وانتم بخير وصحه وعافية

من طرف khalid ali الجمعة 01 سبتمبر 2017, 9:45 am

كل عام وانتم بخير .. بارك الله فيك استاذ نادر وجعل مجهودك في ميزان حسناتك

من طرف **naderwatfa** الجمعة 01 سبتمبر 2017, 10:21 am

awado55 كتب:كل عام وانتم بخير وصحه وعافية

و انت بكل خير يا استاذ عوض

من طرف **naderwatfa** الجمعة 01 سبتمبر 2017, 10:22 am

khalid ali كتب:كل عام وانتم بخير .. بارك الله فيك استاذ نادر وجعل مجهودك في ميزان حسناتك

كل سنة و انت طيب يا أستاذ خالد

من طرف khalid ali الجمعة 01 سبتمبر 2017, 10:51 am

هل فى البرنامج الجديد يمكن تسجيل بيانات الصف الأول والثانى الإعدادى ورصد درجاتهم فى نسخة واحدة من البرنامج ام كل صف فى نسخة كما متبع فى البرنامج السابق
واذا كان يمكن رصد الصفين فى نسخة واحدة ارجو توضيح كيف عمل ذلك ...مع الشكر

من طرف **naderwatfa** الجمعة 01 سبتمبر 2017, 11:28 am

البرنامج الجديد تقدر ترصد فيه لغاية 20 صفاً

و ممكن كل صف يكون من مرحلة معينة

يعني تقدر ترصد فيه صفوف الابتدائي و الإعدادي و الثانوي في نفس النسخة

و طريقة عمل ذلك :

تقوم بتجهيز البرنامج للصف المطلوب ( مثلاً صف أول إعدادي )

و تسجل البيانات و ترصد الدرجات ( مش لازم ترصدها كلها مع بعض )

مثلاً رصدت أعمال السنة لصف أول

تقوم تضغط زر الذاكرة من قائمة أدوات البرنامج و تحفظ الصف الأول فيها

برقم مثلاً و ليكن ( 1 )

و تمسح البرنامج و تجهزه للصف الثاني و ترصد ما تريد من درجات له

و بعدين تحفظه في الذاكرة برقم جديد ( 2 مثلاً )

و لما تحب تستدعي الصف الأول تقوم بذلك برضه من الذاكرة

و هكذا

يعني تحفظ الصفوف في الذاكرة ( كل صف برقم لوحده )

و تستدعي الصف اللي انت عايزه وقتما تريد

و لما ترصد درجات جديدة لصف معين ما تنساش تحفظه تاني في الذاكرة

بنفس الرقم بتاعه طبعاً كل مرة

عملية الاستدعاء بتجيب لك كل إعدادات الصف المحفوظ في الذاكرة كما هو

جرب و ها تلاقي الموضوع سهل و بسيط إن شاء الله

من طرف khalid ali الأحد 03 سبتمبر 2017, 8:05 pm

naderwatfa كتب:
البرنامج الجديد تقدر ترصد فيه لغاية 20 صفاً
و ممكن كل صف يكون من مرحلة معينة
يعني تقدر ترصد فيه صفوف الابتدائي و الإعدادي و الثانوي في نفس النسخة
و طريقة عمل ذلك :
تقوم بتجهيز البرنامج للصف المطلوب ( مثلاً صف أول إعدادي )
و تسجل البيانات و ترصد الدرجات ( مش لازم ترصدها كلها مع بعض )
مثلاً رصدت أعمال السنة لصف أول
تقوم تضغط زر الذاكرة من قائمة أدوات البرنامج و تحفظ الصف الأول فيها
برقم مثلاً و ليكن ( 1 )
و تمسح البرنامج و تجهزه للصف الثاني و ترصد ما تريد من درجات له
و بعدين تحفظه في الذاكرة برقم جديد ( 2 مثلاً )
و لما تحب تستدعي الصف الأول تقوم بذلك برضه من الذاكرة
و هكذا
يعني تحفظ الصفوف في الذاكرة ( كل صف برقم لوحده )
و تستدعي الصف اللي انت عايزه وقتما تريد
و لما ترصد درجات جديدة لصف معين ما تنساش تحفظه تاني في الذاكرة
بنفس الرقم بتاعه طبعاً كل مرة
عملية الاستدعاء بتجيب لك كل إعدادات الصف المحفوظ في الذاكرة كما هو
جرب و ها تلاقي الموضوع سهل و بسيط إن شاء الله

تم تجربة البرنامج وكل شئ على ما يرام حيث اشتغل البرنامج على جهاز الكومبيوتر بسرعة ودون اى تهنيج اما على الاب لانه اقل فى الإمكانيات كا فى تهنيج كتير يطرنى الى اعادة تشغيل الجهاز مرة اخرى
بارك الله فيك استاذ نادر وجزاك الله خيراً على هذا العمل وكل عام وانتم بخير

من طرف **naderwatfa** الإثنين 04 سبتمبر 2017, 3:55 am

الحمد لله يا أستاذ خالد

هو فعلاً البرنامج يحتاج لجهاز كمبيوتر بإمكانيات عالية

زي أي برنامج من البرامج الجديدة بتاعة الكمبيوتر اليومين دول

شكراً جزيلاً أخي الحبيب

من طرف awado55 الإثنين 04 سبتمبر 2017, 7:56 am

استاذى الفاضل / كل عام وانت بخير
فى جدول الحصص بيتم توزيع الحصص مذدوج ليه

من طرف جمال زهدي الإثنين 04 سبتمبر 2017, 7:57 am

استاذنا الحبيب الاستاذ نادر
في البداية نشكر حضرتك علي التطوير الكبير الذي حدث لبرنامج الكنترول الشامل النسخة الاخيرة انا عارف ان حضرتك اغلقت باب التعديل علي البرامج الا اذا صدر قرار جديد يخص البرنامج ولكن يوجد في برنامج لائحة الانضباط المدرسي في صفحة اقرارات الفصول والمعلمين ديباجية في اعلي الصفحة مكتوب رقم القرار (179 بتاريخ 27 / 5 / 2015 ) وقد صدر قرار جديد للائحة النضباط المدرسي برقم ( 287 بتاريخ 19 / 9 / 2016 ) ارجو تغير رقم القرار وتاريخة في ديباجية الاقرارات في اعلي الصفحة لانها مغلقة ولا تقبل التعديل وان امكن تغير جدول المخالفات الموجودة في صفحة لجنة الحماية المدرسية في سجل اللجنة لانه يوجد اختلاف في المعالجات عن القرار القديم وهذ رابط لتحميل القرار الجديد للانضباط المدرسي
https://drive.google.com/file/d/0B5x0hGC1MGPCWUVndkloU0tfUFk/view
وكل هذ ان سمحت ظروفك طبعا وكل الشكر والاحترام لشخصكم الكريم

من طرف awado55 الإثنين 04 سبتمبر 2017, 8:33 am

استاذى الفاضل

عند تجهيد كنترول 8 للصف الاول الثانوى فى صفحة الكنترول لايعطى اى شى

لايعطى درجات ولا يقوم بتجهيز البرنامج للصف الاول الثاوى ولمفروض الصف الاول يبقى شعبه عامه
فين ايكونه تجهيز البرنامج للصف الاول او الثانى لعدد من الطلبه

من طرف **naderwatfa** الإثنين 04 سبتمبر 2017, 9:02 am

awado55 كتب:استاذى الفاضل / كل عام وانت بخير
فى جدول الحصص بيتم توزيع الحصص مذدوج ليه

لأنه معمول لنظام الفترات في التعليم الأساسي

و مش معمول لنظام الحصص بتاع الثانوي

من طرف **naderwatfa** الإثنين 04 سبتمبر 2017, 9:05 am

awado55 كتب:استاذى الفاضل

عند تجهيد كنترول 8 للصف الاول الثانوى فى صفحة الكنترول لايعطى اى شى

لايعطى درجات ولا يقوم بتجهيز البرنامج للصف الاول الثاوى ولمفروض الصف الاول يبقى شعبه عامه
فين ايكونه تجهيز البرنامج للصف الاول او الثانى لعدد من الطلبه

البرنامج بيجهز نفسه حسب عدد الطلاب آلياً بعد ما تسجل بيانات الطلاب بالكامل

ده بخلاف إن فيه زر للتجهيز في صفحة تسجيل البيانات أيضاً

لكن تختار طبعاً الأول المرحلة و الصف و الشعبة ( لغير الصف الأول ) من صفحة الكنترول

بالنسبة لصفحة الكنترول البرنامج بيجهز الدرجات للصف الأول الثانوي عادي جداً

بس برضه بعد ما تختار الصف و المرحلة و تضغط الزر الخاص بذلك و الموجود فوق جدول الدرجات

من طرف **naderwatfa** الإثنين 04 سبتمبر 2017, 9:19 am

جمال زهدي كتب:استاذنا الحبيب الاستاذ نادر
في البداية نشكر حضرتك علي التطوير الكبير الذي حدث لبرنامج الكنترول الشامل النسخة الاخيرة انا عارف ان حضرتك اغلقت باب التعديل علي البرامج الا اذا صدر قرار جديد يخص البرنامج ولكن يوجد في برنامج لائحة الانضباط المدرسي في صفحة اقرارات الفصول والمعلمين ديباجية في اعلي الصفحة مكتوب رقم القرار (179 بتاريخ 27 / 5 / 2015 ) وقد صدر قرار جديد للائحة النضباط المدرسي برقم ( 287 بتاريخ 19 / 9 / 2016 ) ارجو تغير رقم القرار وتاريخة في ديباجية الاقرارات في اعلي الصفحة لانها مغلقة ولا تقبل التعديل وان امكن تغير جدول المخالفات الموجودة في صفحة لجنة الحماية المدرسية في سجل اللجنة لانه يوجد اختلاف في المعالجات عن القرار القديم وهذ رابط لتحميل القرار الجديد للانضباط المدرسي
https://drive.google.com/file/d/0B5x0hGC1MGPCWUVndkloU0tfUFk/view
وكل هذ ان سمحت ظروفك طبعا وكل الشكر والاحترام لشخصكم الكريم

أنا ما عدلتش برنامج الانضباط المدرسي قبل كده لسبب واحد

و هو إن اللائحة الجديدة لم أستطع وقتها الحصول على نسخة واضحة منها

كل النسخ اللي قدرت أجيبها كانت باهتة جداً

و لما جربت أحطها في البرنامج كانت في منتهى السوء

لكن أنا حملت دلوقتي اللائحة من الرابط بتاع جوجل و لقيتها معقولة و ممكن استخدامها في البرنامج

فإن شاء الله أقوم بتعديل البرنامج حسب اللائحة الجديدة

من طرف **naderwatfa** الإثنين 04 سبتمبر 2017, 10:39 am

برنامج الانضباط المدرسي nw2

الآن في قسم البرامج المدرسية

من طرف sakr korish الثلاثاء 05 سبتمبر 2017, 11:50 am

الأستاز الفاضل نادر كل عام وحضرتك وجميع اعضاء المنتدى بخير وسعادة
فى برنامج القوائم رقم 25 اجمالى عدد الطلاب يخرج نتيجة جمع الطلاب المسلمين + المسيحيين + الباقين رجاء تصحيح الخطأ ( احصاء الفصل )

من طرف **naderwatfa** الثلاثاء 05 سبتمبر 2017, 12:59 pm

sakr korish كتب:الأستاز الفاضل نادر كل عام وحضرتك وجميع اعضاء المنتدى بخير وسعادة
فى برنامج القوائم رقم 25 اجمالى عدد الطلاب يخرج نتيجة جمع الطلاب المسلمين + المسيحيين + الباقين رجاء تصحيح الخطأ ( احصاء الفصل )

كل شيء عندي ( ببيانات مدرستي يعني ) صحيح

بس أنا لاحظت أنك تسمي المعيدين : باقين

فهل قمت بتعديل القوائم من صفحة البداية بدلاً من معيد و معيدة إلى باق و باقية ؟

لو ما عملتش كده ها يحصل خطأ في الإحصاءات

برجاء التأكد أولاً

فإذا كان الخطأ لا يزال موجوداً عندك فأرجو أن ترفق صورة كاملة للخطأ

من طرف عباس رضا الأربعاء 06 سبتمبر 2017, 7:16 pm

حد عنده زينا كده ولا لسه الرياضيات 5 حصص برده وهل الفرنساوى اطبق على كل المحافظات خلاص ونصابة 2 ولا 3 حصص زى ما هو

من طرف **naderwatfa** الخميس 07 سبتمبر 2017, 3:01 am

ما فيش عندنا حاجة من دي يا أستاذ عباس

على الأقل لغاية دلوقتي

ممكن دي تكون خاصة بالمحافظة عندكم فقط على أساس حل مشكلة العجز في بعض المواد

لأنه من حق مدير المديرية في محافظته اتخاذ ما يراه مناسباً

من طرف abohatabalex الجمعة 08 سبتمبر 2017, 9:59 am

تحية طيبة للجميع
وكل عام وانتم بخير وبصحة
اختراع جديد عندى من المسئولين مطلوب توزيع قوائم الفصول حسب ترتيب مجموع الدرجات لتوزيع المتفوقين على جميع الفصول والمتوسطين والفاشلين كذلك
بعيد عن التوزيع الابجدى المعتاد ..
فهل من سبيل

من طرف جمال زهدي الجمعة 08 سبتمبر 2017, 10:09 am

ممكن تاخذ الترتيب من برنامج الكنترول وذلك باختيار ترتيب الكل من صفحة الاوائل وتنسخ الاسماء بنفس الترتيب الي برنامج القوائم ثم يتم توزيع علي الفصول اي نفرض ان عدد فصول الصف 10 فصول مثلا فيتم توزيع الطلبة بداية من رقم 1 الي رقم 10 علي جميع الفصل كل فصل طالب ثم هكذا من رقم 11 الي رقم 20 كل فصل طالب وهكذا الي ان يتم الانتهاء من جميع الطلبة وبالنسبة لطلبة الصف الاول يمكن ناخذ الاسماء من برنامج شئون الطلبة مستجد بعد ترتيبهم علي حسب المجموع

من طرف abohatabalex الأحد 10 سبتمبر 2017, 1:21 am

أشكرك استاذ عباس جدا
انا عملتها يدوى فى صفحة اكسيل عادية بنسخ ترتيب جميع الناجحين من شيت الكنترول الشامل واضفت للناجحين من نجحوا دور ثان والباقين للاعادة ووضعت أمام كل طالب الفصل تنازليا وكررت وبذلك تم توزيع جميع الطلاب بالتساوى ثم نقلت لبرنامج قوائم الفصول واكملت البيانات وطبعت القوائم ...
ولكن شيء شاق ومرهق ...
جعلنى اواصل الدعاء للاستاذ نادر على تعبه فى كل هذه البرامج
كل عام والجميع بخير

من طرف **naderwatfa** الإثنين 11 سبتمبر 2017, 9:28 am

الزملاء الأفاضل

ملاحظة بخصوص برنامج الكنترول الشامل nw8

ــــــــــــــــــــــــــــــــــــــ

أحياناً يقوم أحد الزملاء بنسخ بيانات الطلاب من ملف خارجي

ثم يلصقها بشكل مباشر بدون استخدام زر لصق بيانات الطلاب

و قد يتسبب ذلك في غلق الخلايا فلا يستطيع تعديل البيانات

أو الزيادة عليها

و ذلك نتيجة تغيير تنسيقات خلايا البيانات

نفس الكلام ينطبق على صفحة رصد دور أول أو دور ثان

و حل هذه المشكلة موجود في القائمة الفرعية ( أدوات البرنامج )

و التي نصل إليها من القائمة الرئيسية للبرنامج

و من قائمة ( أدوات البرنامج ) نضغط زر ( تنسيق الخلايا )

فيقوم بعمل اللازم و إصلاح الخلايا و إعادتها لتنسيقاتها الأصلية

من طرف awado55 السبت 16 سبتمبر 2017, 8:38 am

استاذى الفاضل / كل عام وانت بخير

فى برنامج الطالب

فى سجل القيد عايزين خانه ملاحظات ازى نعملها

من طرف **naderwatfa** السبت 16 سبتمبر 2017, 10:10 am

مش ها تعرف تعملها بشكل مباشر في البرنامج

لأن الخلايا اللي تحت العنوان فيها معادلات للبحث

لكن تقدر فقط تنسخ الكشف لملف إكسيل جديد و تعدل فيه كما تريد

أنا ممكن أضيف للاختيارات كلمة : ملاحظات

بس في الحالة دي مش ها تعرف تكتب في العامود ده من على الكمبيوتر مباشرة أي شيء

ها تعرف تكتب في الخلايا دي فقط يدوياً بعد الطباعة علشان فيها معادلات

زي الصورة دي كده :

فلو عايز ده قل لي و أنا أرفع لك الملف

من طرف awado55 السبت 16 سبتمبر 2017, 11:43 am

مشى استاذى الفاضل

انا هكتب الملاحظة بعد الطبع

وكذلك فى برنامج شئون الطلبه كلمة العنوان او اعمل لسجل القيد تصدير فقط

وفى برنامج شئون الطلبة النسخة الاخيره فى 41مستجدين 20اسم بيغر تاريخ الميلاد وبيبدله بتاريخ ميلاد طالب ثانى تاريخ الميلاد اما 40اسم تاريخ الميلاد مظبوط

ولك الشكر

من طرف **naderwatfa** الأحد 17 سبتمبر 2017, 4:42 am

مش شايف مشكلة في تاريخ ميلاد الطلاب في كشف 41 20 اسماً

ممكن تحدد لي مسلسل الطالب اللي تاريخ ميلاده غير صحيح ؟

من طرف awado55 الإثنين 18 سبتمبر 2017, 1:50 pm

استاذى الفاضل /

فى الجدول المدرسى

العمود بتاع الحصه الثامنه مغلق

ازى افتحه

من طرف **naderwatfa** الإثنين 18 سبتمبر 2017, 3:41 pm

من صفحة تسجيل البيانات

حدد عدد الحصص لكل يوم زي ما انت عايز

فإذا كنت عملت كده فعلاً و محدد اليوم ده 8 حصص

و برضه العامود مقفول

فقم باتباع الكلام المكتوب أعلى الصفحة

و هو ما يعني أنك أولاً تختار ok بدلاً من no

من خلية الاختيار فوق على شمالك

بعد كده تضغط مرتين بالماوس على رقم الحصة اللي عايز تفتح عامودها

يعني رقم 8

الضغط مرتين على رقم أي حصة يقفل العامود أو يفتحه

بس خللي بالك إنه ها يمسح أي حاجة في الحصص بتاعته في الحالة دي

من طرف awado55 الإثنين 18 سبتمبر 2017, 8:36 pm

استاذى الفاضل
الحصه دى مقفوله وحولت انى افتحة بكل الطرق لم اعرف