برامج كنترول إعدادي دور أول و دور ثان

من طرف **naderwatfa** السبت 09 فبراير 2013, 10:53 am

تذكير بمساهمة فاتح الموضوع :

بسم الله الرحمن الرحيم
أولاً
جميع البرامج إكسيل 2007
و تعمل على أوفيس 2007 و الإصدارات الأحدث
و لمن يريد أوفيس 2007 إنجليزي
يجدها في قسم البرامج العامة على الرابط التالي
تحميل برنامج أوفيس 2007 إنجليزي
--------------------------
ثانياً
البرامج

البرنامج الأول
برنامج كنترول الدور الأول
قابل للتعديل
من 100 إلى 1200
طالب
يشمل العدد 60 طالباً للمنازل

البرنامج ذو إمكانات عالية
و لذلك تعتمد سرعته في العمل على قوة الكمبيوتر و سرعته
و يعمل على أوفيس 2007 و الإصدارات الأحدث

التحميل
الإصدار رقم 48
من هنا - مركز الخليج

---------------------------------------------------------------------------------
البرنامج الثاني
برنامج تجهيز الامتحان
و يعمل على أوفيس 2007 و الإصدارات الأحدث

التحميل
إصدار رقم 32
من هنا - مركز الخليج

---------------------------------------------------------------------------------
البرنامج الثالث
برنامج إعلان النتيجة
و يعمل على أوفيس 2007 و الإصدارات الأحدث

التحميل
إصدار 25 / 1 / 2013
من هنا - مركز الخليج

----------------------------------------------------------------------------------
البرنامج الرابع
برنامج كنترول الدور الثاني
600
طالب منتظم
+
60
طالب منازل
و يعمل على أوفيس 2007 و الإصدارات الأحدث

التحميل
إصدار رقم 28
من هنا - مركز الخليج

************************************
تم بحمد الله

من طرف **naderwatfa** الجمعة 03 مايو 2013, 8:24 am

أنا عارف إنه بيقصد السري تيرم1 و تيرم2
بس مش عارف هو عايز لما يلونه في صفحة البيانات يظهر له فين بعد كده بألوانه ؟

من طرف Ahmad Hassan الجمعة 03 مايو 2013, 9:40 am

إذا تكرم الأستاذ نادر

عندي سؤال يخص البرنامج

فعند خروجي من برنامج الكنترول ودخولي مرة أخرى تظهر رسالة دائما تطلب مني تفعيل المحتوى المعتمد على الميكرو على الرغم أني فعلته من داخل مركز التوثيق الخاص باعدادات الماكرو أكتر من مرة وبالطريقة التي تكرمت سيادتكم بشرحها مع البرنامج

فهل هذا يحدث لخطأ عندي أم هذا طبيعي في الإصدارات الأخيرة للبرنامج؟؟؟؟؟؟؟؟؟؟؟؟؟؟؟

أستخدم نسخة microsoft office 2007 enterprise with serial key

من طرف **naderwatfa** الجمعة 03 مايو 2013, 10:04 am

أحب أقول لك إن الإصدار الأول من البرنامج زي الإصدار الأخير
لا اختلاف في شيء إلا زيادة الإمكانيات و الخصائص فقط
كما أن الماكرو يكون غير مفعل كإجراء أمان من جانب أوفيس بصفة عامة
قم بتفعيل الماكرو بالتفعيل الآلي المرفق مع البرنامج

من طرف hoodanaga الجمعة 03 مايو 2013, 10:11 am

صباح الخير/على جميع الزملاء
كل سنه وانتم طيبين
بخصوص الطالب الغائب في امتحان العملى تحاول بقدر الامكان امتحانه حت بعد نهايه الامتحان وقبل اعلان النتيجه واذا لم تتمكن من ذلك يعتبر الطالب راسب وله دور ثانى في العلوم او الحاسب---وذلك استنادا على القاعده اذا حصل الطالب على درجتين في العملى يعتبر راسب فما بالك بالغائب----وللجميع الاحترام والتقدير
اخيكم/محمود

من طرف khalid ali الجمعة 03 مايو 2013, 10:17 am

naderwatfa كتب:
عباس رضا كتب:عندى سؤال لعمنا نادر وممكن محمود باشا يقدر يقولى عليه علشان هو اكيد عامل الحكاية دى عمود السرى ترم تانى وانا بعمله لونت المجاميع فعاوز انسخ بقى العمود باللوان اللى فيه وكذلك عمود سرى خاص انا كنت عامله الوان تناسب المجموعات اللى عاملها علشان احدد بداية الشيت ونهاية انسخهم بقى عن طريق بيست فورمات ولا فيلوا بس وبعد كده ارجع الون يدوى تانى افيدونى يا عم نادر ارجوك

عايزه يظهر بألوانه فين ؟
لو تقصد صفحة تقرير الرفع فهو ها يظهر فيها بالألوان اللي انت عاملها
و لو تقصد حاجة تانية قل لي و أنا أعملها
و سوف أنتظر حتى ترد علي قبل أن أرفع البرنامج اليوم

صباح الخير استاذ نادر
صباح الخير والنشاط اعضاء المنتدى الكرام
الوان اية الى بتتكلم عنها يا عباس يا حبيبى انا مش فاهم
يعنى انام ساعتين بالليل اصحى الاقى الدنيا اتغيرت .. ده المنتدى اصبح زى البورصة الواحد مش لازم يغفل عنة ولو لحظة علشان يتابع الى بيجرى
كل سنة واتو طيبين
http://www.mediafire.com/view/?w0mpzb4b5fv70q8

من طرف محمدابوطالب الجمعة 03 مايو 2013, 10:51 am

hoodanaga كتب:صباح الخير/على جميع الزملاء
كل سنه وانتم طيبين
بخصوص الطالب الغائب في امتحان العملى تحاول بقدر الامكان امتحانه حت بعد نهايه الامتحان وقبل اعلان النتيجه واذا لم تتمكن من ذلك يعتبر الطالب راسب وله دور ثانى في العلوم او الحاسب---وذلك استنادا على القاعده اذا حصل الطالب على درجتين في العملى يعتبر راسب فما بالك بالغائب----وللجميع الاحترام والتقدير
اخيكم/محمود

الزميل العزيز الأستاذ محمود
معنى ذلك أن الطالب لكي ينجح في العلوم أو الحاسب يجب عليه الحصول على 50 % من الدرجة الكلية للمادة ويحصل على 30 % من درجة التحريري آخر العام ويحضر العملي ويجيب فيه أكثر من درجتين لأني أول مرة أعرف أن حضور العملي شرط للنجاح في العلوم أو الحاسب أرجو الافادة إذا كان لديك شئ رسمي بهذا الخصوص

من طرف عباس رضا الجمعة 03 مايو 2013, 11:06 am

عمنا نادر انا عاوز المجموعات بتاعت السرى 1 و 2 اللى فى البيانات انا بلونهم علشان عند ارصد اعرف بداية الشيت الورقى وأخرة انا عاوز الألوان دى تتنقلعند النسخ لشيت اخر وكذلك تتنقل للرصد والمراجعة بعيد عن السرى الخاص خالص ارجوا ان اكون وضحت

من طرف عباس رضا الجمعة 03 مايو 2013, 11:08 am

محمدابوطالب كتب:
hoodanaga كتب:صباح الخير/على جميع الزملاء
كل سنه وانتم طيبين
بخصوص الطالب الغائب في امتحان العملى تحاول بقدر الامكان امتحانه حت بعد نهايه الامتحان وقبل اعلان النتيجه واذا لم تتمكن من ذلك يعتبر الطالب راسب وله دور ثانى في العلوم او الحاسب---وذلك استنادا على القاعده اذا حصل الطالب على درجتين في العملى يعتبر راسب فما بالك بالغائب----وللجميع الاحترام والتقدير
اخيكم/محمود
الزميل العزيز الأستاذ محمود
معنى ذلك أن الطالب لكي ينجح في العلوم أو الحاسب يجب عليه الحصول على 50 % من الدرجة الكلية للمادة ويحصل على 30 % من درجة التحريري آخر العام ويحضر العملي ويجيب فيه أكثر من درجتين لأني أول مرة أعرف أن حضور العملي شرط للنجاح في العلوم أو الحاسب أرجو الافادة إذا كان لديك شئ رسمي بهذا الخصوص

اخى العزيز هو قانونا لازم ينجح فى العملى لكن بعض الإداراة مش شرطة النجاح فى العملى عندنا علشان كده بنعدل الحد الأدنى للنجاح للماده فقط دون العملى

من طرف عباس رضا الجمعة 03 مايو 2013, 11:11 am

لو الألوان عمنا نادر متنقلتش للشيت الأخر عند النسخ وضح لى كيفية نقلها بطريقة صحيحة دون المساس بأى شئ فى الشيت

من طرف عباس رضا الجمعة 03 مايو 2013, 11:23 am

محمد يوسف عبد كتب:استاذ نادر
انا آسف لحضرتك
لم استأذنك
قمت برفع البرنامج
باسم حضرتك
على موقع بوابة الثانوية العامة
في منتدى اعمال الامتحانات

انت فين يا محمد باشا انت زعلت مننا ولا ايه انا اسف يا حبيبنا لو حد فينا قسى عليك بكلمة معلش لكن والله كل اللى فى المنتدى طيبين والله يا رب تتواصل معنا على طول

من طرف **naderwatfa** الجمعة 03 مايو 2013, 1:00 pm

عباس رضا كتب:عمنا نادر انا عاوز المجموعات بتاعت السرى 1 و 2 اللى فى البيانات انا بلونهم علشان عند ارصد اعرف بداية الشيت الورقى وأخرة انا عاوز الألوان دى تتنقلعند النسخ لشيت اخر وكذلك تتنقل للرصد والمراجعة بعيد عن السرى الخاص خالص ارجوا ان اكون وضحت

طلباتك أوامر يا حبيبي
بإذن الله ها اعمل المطلوب قبل إعادة رفع الشيت

من طرف عباس رضا الجمعة 03 مايو 2013, 1:02 pm

ربنا ميحرمنى منك ابدا يل غالى والله انت اللى حبيبنا وحبيب حبيبنا رسول الله الف شكر يا باشا

من طرف جمال زهدي الجمعة 03 مايو 2013, 3:21 pm

حبيبننا الاستاذ نادر بالمرة قبل ماترفع البرنامج ارجو اضافة زر الطباعة ومعاينة الطباعة لصفحة تقرير الرفع الخاصة بنصف العام

من طرف hoodanaga الجمعة 03 مايو 2013, 3:26 pm

مرحبا /جميع الزملاء
لقد تحدثنا مرارا وتكرارا في عملى العلوم والحاسب الالى----فكيف يعقل ان يحصل الطالب في عملى العلوم على 10/10 والتحريرى5/40 وينجح الطالب---وكيف يحصل الطالب على صفر/10فى العملى و15/40فى التحريرى وينجح الطالب مع اعتبار ان ماده العلوم عملى اصلا--ولذلك توجيه العلوم في اداره ميت غمر /دقهليه اشترط ضروره حصول الطالب على 3/10فى العملى في اخر العامو12/40 في التحريرى في اخر العام بمجموع 15 درجه سويا--النظام ده بنعمل به منذ وجود عملى العلوم--والحاسب الالى----وشكرا لخالد بيه على الدعاء الجميل
وللجميع الاحترام والتقدير
اخيكم/محمود ابو النجا

من طرف ahmed_madie الجمعة 03 مايو 2013, 3:34 pm

السلام عليكم مع احترامى لك استاذ محمود لكن القرار 313 المعمول به فى التقويم الشامل اشترط الحصول على 15 درجة فى تحريرى الترم الثانى ولم يفصل بين العملى واختبار أخر العام ونحن فى إدارة قنا نعمل على هذا الأساس
هذا ما أعلمه والله أعلم

من طرف محمدابوطالب الجمعة 03 مايو 2013, 3:44 pm

hoodanaga كتب:مرحبا /جميع الزملاء
لقد تحدثنا مرارا وتكرارا في عملى العلوم والحاسب الالى----فكيف يعقل ان يحصل الطالب في عملى العلوم على 10/10 والتحريرى5/40 وينجح الطالب---وكيف يحصل الطالب على صفر/10فى العملى و15/40فى التحريرى وينجح الطالب مع اعتبار ان ماده العلوم عملى اصلا--ولذلك توجيه العلوم في اداره ميت غمر /دقهليه اشترط ضروره حصول الطالب على 3/10فى العملى في اخر العامو12/40 في التحريرى في اخر العام بمجموع 15 درجه سويا--النظام ده بنعمل به منذ وجود عملى العلوم--والحاسب الالى----وشكرا لخالد بيه على الدعاء الجميل
وللجميع الاحترام والتقدير
اخيكم/محمود ابو النجا

القرار 313 لم يقول هذا الكلام ولم يصلنا شئ بخصوص ضرورة النجاح في العملي فشرط النجاح في العلوم هو الحصول على 50 % من درجة المادة والحصول على 30% من درجة امتحان آخر العام وفقط

من طرف **naderwatfa** الجمعة 03 مايو 2013, 4:05 pm

جمال زهدي كتب:حبيبننا الاستاذ نادر بالمرة قبل ماترفع البرنامج ارجو اضافة زر الطباعة ومعاينة الطباعة لصفحة تقرير الرفع الخاصة بنصف العام

أنا ها ارفع الملف بعد قليل هنا لمراجعته علشان الأستاذ عباس يراجع ما طلبه فيه
و بعد كده ها ابقى اضع أزرار الطباعة و المعاينة أن شاء الله قبل ما ارفع الملف للصفحة الأولى

من طرف **naderwatfa** الجمعة 03 مايو 2013, 4:07 pm

أستاذ عباس
تم عمل المطلوب و هذا هو الملف فاضي من البيانات
قم بإضافة بيانات من عندك للتجربة
و جرب ترتيب الرصد على السري و الجلوس كما تحب
و انتظر إن شاء الله النتيجة
من هنا - ميديا فاير

من طرف ماهر عبدالحفيظ الجمعة 03 مايو 2013, 4:16 pm

اصدقائى وزملائى الاعزاء
السلام عليكم ورحمة الله وبركاته
كلامك يا استاذ محمود سليم مليون فى المية ولكن مين يتحمل نتيجته
احنا عندنا توجيه العلوم والحاسب قالوا الكلام ده ولكن شفوى وما حدش رضى يكتب الكلام ده ولا يتحمل مسؤليته
احنا عندنا فى امتحانات السنة اللى فاتت بنات جايبة درجات عالية جداً فى النظرى والعملى غابت فيه ونبهنا عليهم ينتظروا بعد اللجنة علشان يمتحنو عملى لكنهم بينسوا ويمشوا
كل اللى قدرنا نعمله ان احنا نخلى درجة النجاح للمادة من العملى والنظرى مع بعض بغض النظر حضر العملى ولا لأ
وعلشان كده احنا كأعضاء كنترول اتفقنا مع مدرسين العلوم والحاسب انهم يمروا على اللجان فى يوم امتحان المادة النظرى ويوزعوا على الطلاب ورقة اجابة يكتبوا فيها الاسم ورقم الجلوس وسؤال عملى يمليه المدرس عليه وبس
وكده كده الطالب بياخد ثلاث درجات على نظافة الورقة ونظامها
المهم يكون له ورقة اجابة عملى
تحياتى لكم جميعاًوسلامى الخاص للحبيب الغالى الاستاذ نادر

من طرف **naderwatfa** الجمعة 03 مايو 2013, 5:07 pm

تسلم أستاذ ماهر
عايز أقول يا جماعة بالنسبة لنسخة اليوم اللي بيتم مراجعتها الآن
حسب طلب الأستاذ عباس
بتحتاج ترتيب الرصد على الجلوس من صفحة الكنترول لتظهر أرقام الجلوس في الرصد
أو ترتب على السري مباشرة لو حبيت
لأني طبعاً غيرت في آلية إظهار الجلوس في الرصد
يعني بدلاً من أن تكون بالمعادلات أصبحت بالكود فقط
علشان تظهر الألوان في حالة تلوين السري
و يبقى لابد من اختيار الترتيب كما نريده من صفحة الكنترول بعد نقل الدرجات للبرنامج
و ها اعمل إن شاء الله رسالة تظهر بعد لصق الدرجات لتخبر المستخدم بالمطلوب عمله

من طرف khalid ali الجمعة 03 مايو 2013, 5:11 pm

naderwatfa كتب:
أستاذ عباس
تم عمل المطلوب و هذا هو الملف فاضي من البيانات
قم بإضافة بيانات من عندك للتجربة
و جرب ترتيب الرصد على السري و الجلوس كما تحب
و انتظر إن شاء الله النتيجة
من هنا - ميديا فاير

مساء الخير استاذ نادر
تم تحميل البرنامج وتسجيل بيانات به وفى ملاحظة بسيطة ارجو التأكد منها
بعد نسخ بيانات الطلاب من الشيت الى عندى وتسجيل ارقام الجلوس فى صفحة التعبئة فان ارقام الجلوس لا تظهر فى صفحة الرصد برغم جعل الرصد على الجلوس وتظهر علامات خطأ فى عامود الملاحظات
وبعد الذهاب الى صفحة كنترول والضغط مرة اخرى على الرصد على الجلوس تظهر ارقام الجلوس فى صفحة الرصد وتختفى علامات الخطأ
اما باقى عمليات الشيت تمام تعمل بكفائة وحكاية الالوان دى انا مش فاهم اية المقصود بها على الاستاذ عباس مراجعتها ويفهمنى عايز اية لما يفتح الإميل بتاعة
مع خالص شكرى لك عمنا الاستاذ نادر

من طرف khalid ali الجمعة 03 مايو 2013, 5:14 pm

كدة تمام استاذ نادر لقد كتبت المداخلة السابقة قبل ان ارى مداخلتك الاخيرة
ده انا جربتها يمكن اكتر من 10 مرات قبل ما اكتب على الحكاية دى

من طرف **naderwatfa** الجمعة 03 مايو 2013, 5:36 pm

khalid ali كتب:كدة تمام استاذ نادر لقد كتبت المداخلة السابقة قبل ان ارى مداخلتك الاخيرة
ده انا جربتها يمكن اكتر من 10 مرات قبل ما اكتب على الحكاية دى

معلش أستاذ خالد غلبتك
سأضيف بإذن الرحمن رسالة تخبر المستخدم إذا لم يكن قد سجل أرقام الجلوس
أن يسجلها ثم يرتب الرصد على الجلوس ليظهر في الرصد
و رسالة أخرى في حالة لو كانت أرقام الجلوس مسجلة
تخبره أن يرتب الرصد على الجلوس ليظهر في الرصد

من طرف khalid ali الجمعة 03 مايو 2013, 5:40 pm

جزاك الله عنا كل الخير استاذ نادر
وبارك الله فيك ولك

من طرف عباس رضا الجمعة 03 مايو 2013, 5:42 pm

naderwatfa كتب:
أستاذ عباس
تم عمل المطلوب و هذا هو الملف فاضي من البيانات
قم بإضافة بيانات من عندك للتجربة
و جرب ترتيب الرصد على السري و الجلوس كما تحب
و انتظر إن شاء الله النتيجة
من هنا - ميديا فاير

استاذ نادر انت عامل زى عفريت مصباح علاء الدين ( شبيك لبيك الأكسل كله بين ايديك ههههههههههههههههههه طلباتك ايه ايه الجمال والحلاوة دى تسلم ايدك والله

من طرف عباس رضا الجمعة 03 مايو 2013, 5:51 pm

عمنا الكبير فيه حاجة صغيرة عاوز لها حل بالنسبة للطالب المستبعد عند الرصد على الجلوس اللون بتاعة اصفر وعند الرصد على السرى الطالب ده بيتغير موقعة طبعا وبيبقى فى مكان اخر وبيبقى باللون الرصاصى بس المشكله هنا المكان القديم بتاعة بيبقى زى مهو باللو الأصفر مع ان فيه طالب تانى مكانة
المطلوب بقى اقفال خلايا الرصد للطالب ده ونقل نفس اللون الأصفر له فى اى مكان يكون فيه ولك جزيل الشكر

من طرف عباس رضا الجمعة 03 مايو 2013, 5:54 pm

بالنسبة لأقفال الرصد للطالب المستبع يا ريت يبقى فيه رسالة تنبية لو رصدنا غلط فيها علشان ساعات برصد وانا عينة على لوحة المفاتيح مش الشاشة معلش انا بتاقل عليك يا باشا

من طرف جمال زهدي الجمعة 03 مايو 2013, 6:02 pm

استاذنا الحبيب الاستاذ نادر لي طلب والله مكسوف وانا بطلبه لانني عارف احنا اتعبناك اد ايه ولكن سوف اطلبه وان لم تتمكن من عمله مافيش مشكله وهو عمل كشف للمرااجعة النهائية يكون في صفحة الرفع ويتم فيه ترحيل الارقام السرية المستحقة للرفع قانونا

ادارة000000

مدرسة 0000000

كشف المراجعة النهائية لمادة 00000000000 للصف 0000 العام الدراسي0000/000000

الرقم السري الدرجة قبل المراجعة الدرجة بعد المراجعة ملاحظات

وفي نهاية الكشف في اسفل

اسم الممدرس الاول 0000000 مادة 00000000000

من طرف khalid ali الجمعة 03 مايو 2013, 6:35 pm

مساء الخير استاذ نادر
فى النسخة التجريبية المرفوعة اليوم
بعد تسجيل البيانات وارقام الجلوس فى صفحة التعبئة والذهاب الى صفحة الرصد نجد ارقام الجلوس الخاصة بالمنازل مسجلة فى صفحة الرصد ولكن بدون اسماء
وعند اختيار الرصد على السرى نجد ايضاً الارقام السرية الخاصة بالمنازل موجودة ايضاً فى صفحة الرصد الخاصة بالمنتظمين فى اخر الأرقام
برجاء ملاحظة ذلك ولك الشكر

من طرف **naderwatfa** الجمعة 03 مايو 2013, 7:01 pm

ما ينفعش غلق الرصد للمستبعد ببساطة كده
ها احاول
بس مش عارف ها تتعمل في الوقت المتاح الآن أم لا
كشف المراجعة النهائية اللي طلبه الأستاذ جمال ده يتطلب إضافة صفحة جديدة للبرنامج
و أنا قلت قبل كده مش عايز أضيف للبرنامج صفحات جديدة
بس حتى لو قررت أعمل كده مش عارف ها ألاقي وقت الآن أم لا
ها احاول بكره و ده الوقت المتاح لي حالياً قبل الامتحانات
أما مسألة أرقام جلوس المنازل أو السري بتاعهم اللي بيظهر في الرصد
فده أيضاً مشكلة كبيرة لأن الكود أصبح بينسخ الأرقام من التعبئة ويضعها في الرصد
ومش عارف ها الاقي لها حل سريع أم ها تحتاج وقت
عموماً أنا ما عنديش وقت غير بكرة السبت و ربنا يسهل
فإذا لم أستطع حل المشكلة دي بكره
يبقى مش ها أقدر أعمل حاجة غالباً إلا بعد الامتحانات لأن عندي شغل كتير

من طرف hoodanaga الجمعة 03 مايو 2013, 7:05 pm

مرحبا/نادر بيه
مرحبا/جميع الزملاء
مرحبا/استاذ جمعه
مرحبا/استاذ جمال/مرحبا/جميع الزملاء-----اجابه سؤالك جمعه بيه اكيد وصلتك ان البرنامج لاينتهى كل يوم فيه جديد--فنرجو الاستمتاع بمداخلتك-----ثانيا نادر بيه فيروس الالوان اتنقل عند عباس بيه----اصل الالوان ديت عفريتها وصل عندكم خالد بيه---بخصوص العملى تانى لم يذكر في القرار الوزارى 313كمثله من القرارات تفصيل الدرجه خاصته وانا بلغت حضراتكم بما عندى ونعمل به والموجه العام بالمدريه والاول بالاداره مسجلينه عندى في سجلات الكنترول-----ومن اجل ذلك طلبنا من العام قبل الماضى وضع درجه خاصه بعملى العلوم ودرجه صغرى له --وكذلك الحاسب الالى-------------------------
مساء الالوان عباس بيه شوف هتجيب الوان منين
هههههههههههههههههههههههههههههههههههههههه
اخيكم/محمود

من طرف khalid ali الجمعة 03 مايو 2013, 7:09 pm

اعانك الله استاذ نادر
هذة الطلبات والملاحظات غير مؤثرة فى عمل الشيت ويمك للجميع العمل علية فى الإمتحانات فى وضعه الحالى
فلا ترهق نفسك بالعمل غداً لان اهم حاجة عندنا صحتك

من طرف khalid ali الجمعة 03 مايو 2013, 7:11 pm

استاذ محمود
كنت الوحيد الذى تتحدث عن موضوع الألوان .. والأن انضم اليك الاستاذ عباس
وانا اخشى على نفسة من فتنة الالوان دى .. اروح استخبى بقى

من طرف **naderwatfa** الجمعة 03 مايو 2013, 7:27 pm

الألوان حاجة جميلة برضه
و أنا الحمد لله حليت مشكلة اللون في صفحة الرصد
و خلليت المستبعد يتم تلوين كل درجاته باللون البرتقالي بتاع المستبعدين
و عقبال أرقام جلوس و سري المنازل اللي بيظهر في الرصد ده كمان

من طرف hoodanaga الجمعة 03 مايو 2013, 7:43 pm

مرحبا/نادر بيه
ارقام الجلوس لا تظهر في صفحه الرصد ويوجد خطا في صفحه الملحوظات بصفحه الرصد--كذلك درجه العملى لم يتم رفعها من صفحه الرفع بالرغم انها مرصوده--ولذلك انصح بعد الاستعجال في رفع البرنامج الان والجميع يعمل على اصدار 45 لحين انتهاء نادر بيه من التطوير----وثانيا خالد بيه تستخبى ليه حد يقدر يتعرض ليك نحميك بعنينا والله----ونمسى على جمال بيه ونقول له مساء الخير علىيك جمال باشا وعلى كشوف المراجعه النهائيه--شكلنا هنسطرها على ايدينا بقى ياباشا----ههههههههههههه
تحياتى لجميع الزملاء
اخيك/محمود

من طرف khalid ali الجمعة 03 مايو 2013, 7:49 pm

hoodanaga كتب:مرحبا/نادر بيه
ارقام الجلوس لا تظهر في صفحه الرصد ويوجد خطا في صفحه الملحوظات بصفحه الرصد--كذلك درجه العملى لم يتم رفعها من صفحه الرفع بالرغم انها مرصوده--ولذلك انصح بعد الاستعجال في رفع البرنامج الان والجميع يعمل على اصدار 45 لحين انتهاء نادر بيه من التطوير----وثانيا خالد بيه تستخبى ليه حد يقدر يتعرض ليك نحميك بعنينا والله----ونمسى على جمال بيه ونقول له مساء الخير علىيك جمال باشا وعلى كشوف المراجعه النهائيه--شكلنا هنسطرها على ايدينا بقى ياباشا----ههههههههههههه
تحياتى لجميع الزملاء
اخيك/محمود

تسلم محمود بيه
لتظهر ارقام الجلوس فى صفحة الرصد وتختفى علامات الخطأ اذهب الى صفحة الكنترول واضغط على الرصد على الجلوس
بعد كدة حتلاقى ارقام الجلوس ظهرت فى صفحة الرصد واختفت علامات الخطأ من عامود الملاحظات

من طرف hoodanaga الجمعة 03 مايو 2013, 7:55 pm

تمام خالد بيه --بس الخاصيه ديت لم تكن موجوده في الاصدارات السابقه
وايه الجديد في الاصدار الجديد---اعلمنى خالد بيه
اخيك/محمود

من طرف khalid ali الجمعة 03 مايو 2013, 7:58 pm

hoodanaga كتب:تمام خالد بيه --بس الخاصيه ديت لم تكن موجوده في الاصدارات السابقه
وايه الجديد في الاصدار الجديد---اعلمنى خالد بيه
اخيك/محمود

محمود باشا
نسخ ارقام الجلوس الى صفحة الرصد اتغير فى هذا الغصدار من المعادلات الى الكود
ومنها لابد من الضغط على الكود حتى يتم نسخ ارقام الجلوس الى صفحة الرصد

من طرف **naderwatfa** الجمعة 03 مايو 2013, 8:06 pm

يا جماعة ربنا يسر لي الأمر بسرعة
رجعت النظام القديم زي ما هو من غير ما نحتاج نرتب على الجلوس من الرصد
و في نفس الوقت حلليت مشلكة جلوس و سري المنازل
مع ظهور الألوان بتاعة السري في الرصد بدون تغيير
يعني كل شيء رجع كما كان مع إضافة ألوان الأستاذ عباس
إن شاء الله بكره الصبح ها احاول أخلص طلب الأستاذ جمال وربنا ييسر الأحوال
أما الآن فتصبحوا بقى على خير

من طرف khalid ali الجمعة 03 مايو 2013, 8:17 pm

naderwatfa كتب:
يا جماعة ربنا يسر لي الأمر بسرعة
رجعت النظام القديم زي ما هو من غير ما نحتاج نرتب على الجلوس من الرصد
و في نفس الوقت حلليت مشلكة جلوس و سري المنازل
مع ظهور الألوان بتاعة السري في الرصد بدون تغيير
يعني كل شيء رجع كما كان مع إضافة ألوان الأستاذ عباس
إن شاء الله بكره الصبح ها احاول أخلص طلب الأستاذ جمال وربنا ييسر الأحوال
أما الآن فتصبحوا بقى على خير

تسلم إيدك ودماغك ... أحلام سعيدة بإذن الله تصبح على خير

من طرف عباس رضا الجمعة 03 مايو 2013, 9:46 pm

hoodanaga كتب:مرحبا/نادر بيه
مرحبا/جميع الزملاء
مرحبا/استاذ جمعه
مرحبا/استاذ جمال/مرحبا/جميع الزملاء-----اجابه سؤالك جمعه بيه اكيد وصلتك ان البرنامج لاينتهى كل يوم فيه جديد--فنرجو الاستمتاع بمداخلتك-----ثانيا نادر بيه فيروس الالوان اتنقل عند عباس بيه----اصل الالوان ديت عفريتها وصل عندكم خالد بيه---بخصوص العملى تانى لم يذكر في القرار الوزارى 313كمثله من القرارات تفصيل الدرجه خاصته وانا بلغت حضراتكم بما عندى ونعمل به والموجه العام بالمدريه والاول بالاداره مسجلينه عندى في سجلات الكنترول-----ومن اجل ذلك طلبنا من العام قبل الماضى وضع درجه خاصه بعملى العلوم ودرجه صغرى له --وكذلك الحاسب الالى-------------------------
مساء الالوان عباس بيه شوف هتجيب الوان منين
هههههههههههههههههههههههههههههههههههههههه
اخيكم/محمود

انت اللى شبطنا فى الألوان يا عم نعمل ايه بقى من لله اللى كان السبب هههههههههههههههههههههههه

من طرف عباس رضا الجمعة 03 مايو 2013, 10:22 pm

naderwatfa كتب:
يا جماعة ربنا يسر لي الأمر بسرعة
رجعت النظام القديم زي ما هو من غير ما نحتاج نرتب على الجلوس من الرصد
و في نفس الوقت حلليت مشلكة جلوس و سري المنازل
مع ظهور الألوان بتاعة السري في الرصد بدون تغيير
يعني كل شيء رجع كما كان مع إضافة ألوان الأستاذ عباس
إن شاء الله بكره الصبح ها احاول أخلص طلب الأستاذ جمال وربنا ييسر الأحوال
أما الآن فتصبحوا بقى على خير

تسلم يا جميل والحمد الله ان الوان السرى بتتنقل وكمان المستبعد لو اترصد له درجات يتلون دى برده هتنبهنا اننا كنا غلط فى الرصد يعنى بتغنى عن قفل الرصد الف شكر يا باشا

من طرف جمال زهدي السبت 04 مايو 2013, 7:57 am

hoodanaga كتب:مرحبا/نادر بيه
ارقام الجلوس لا تظهر في صفحه الرصد ويوجد خطا في صفحه الملحوظات بصفحه الرصد--كذلك درجه العملى لم يتم رفعها من صفحه الرفع بالرغم انها مرصوده--ولذلك انصح بعد الاستعجال في رفع البرنامج الان والجميع يعمل على اصدار 45 لحين انتهاء نادر بيه من التطوير----وثانيا خالد بيه تستخبى ليه حد يقدر يتعرض ليك نحميك بعنينا والله----ونمسى على جمال بيه ونقول له مساء الخير علىيك جمال باشا وعلى كشوف المراجعه النهائيه--شكلنا هنسطرها على ايدينا بقى ياباشا----ههههههههههههه
تحياتى لجميع الزملاء
اخيك/محمود

صباح الفل استاذ محمود وربنا يعطي حبيبنا الاستاذ نادر الصحة والوقت ويلهمة مزيدا من الابداع لكي يعمل لنا كشوف المراجعة النهائية وان لم يسطيع لضيق الوقت يكون بعد الانتهاء من الامتحانات وبراحته احنا مش مسعجلين والبرنامج بما وصل اليه لم نكن نحلم به ولكن بفضل ابداعات الاستاذ نادر ومقتراحات جميع الزملاء اصبح افضل برنامج كنترول ممكن ان نستعمله لانه به من الامكانيات كل ما يخطر علي بال من يعمل بالكنترول فاللهم ما جاز الاستاذ نادر وجميع الزملاء كل خير وصحة

من طرف **naderwatfa** السبت 04 مايو 2013, 8:10 am

أستاذ جمال
الناس اللي تعبت معايا في مراجعات البرنامج لغاية ما أصبح البرنامج حاجة مشرفة
و انت واحد منهم بالطبع
مش ممكن أتأخر عنهم أبداً في أي حاجة يطلبوها
و بفضل الله وحده تم الانتهاء من البرنامج مع عمل كشوف المراجعة
و كمان علشان الأستاذ محمود ما يضطرش لتسطيرها على إيديه
و جاري رفع البرنامج لتجربته الآن بإذن الله

من طرف **naderwatfa** السبت 04 مايو 2013, 9:39 am

هذا هو برنامج الدور الأول رقم 46 للتجربة
من هنا - ميديا فاير

من طرف khalid ali السبت 04 مايو 2013, 12:15 pm

تسلم ايدك استاذ نادر
تم تجربة الإصدار 46 وكل شى تمام ولا توجد به اى ملاحظات
بارك الله فيك استاذ نادر ومتعك الله بالصحة والعافية
واشكر الاستاذ جمال على فكرة كشف المراجعة لكل مادة جزاه الله كل الخير وواشكر الاستاذ نادر الذى نفذ الفكرة متعه الله بالصحة والعافية
كل عام وانتم بخير .. على بركة الله نبدأ العمل ان شاء الله

من طرف hoodanaga السبت 04 مايو 2013, 12:23 pm

مرحبا نادر باشا
صباح الخير عليك ياباشا وكل سنه وحضرتك طيب-- وشم نسيم سعيد ويجعل ايامك كلها اعياد وجميع الزملاء-----الله ينور عليك ياباشا كشف المراجعه النهائيه منور بس لى طلب فيه مش عارف ممكن تنفيذه ولالا بعد اذن جمال باشا هل يمكن ظهور السرى الخاص في الكشف في عمود خاص به ويرتب الكشف كما يلى--المسلسل---الماده--سرى عام --سرى خاص--الدرجه قبل المراجعه --الدرجه بعد المراجعه --راى المراجع--توقيع المراجع-توقيع الموجه --كل ده على هيئه اعمده نادر باشا ولا ايه راى جمال بيه----
وللجميع الاحترام واتقدير
اخيك/محمود ابو النجا

من طرف khalid ali السبت 04 مايو 2013, 12:45 pm

hoodanaga كتب:مرحبا نادر باشا
صباح الخير عليك ياباشا وكل سنه وحضرتك طيب-- وشم نسيم سعيد ويجعل ايامك كلها اعياد وجميع الزملاء-----الله ينور عليك ياباشا كشف المراجعه النهائيه منور بس لى طلب فيه مش عارف ممكن تنفيذه ولالا بعد اذن جمال باشا هل يمكن ظهور السرى الخاص في الكشف في عمود خاص به ويرتب الكشف كما يلى--المسلسل---الماده--سرى عام --سرى خاص--الدرجه قبل المراجعه --الدرجه بعد المراجعه --راى المراجع--توقيه المراجع-توقيع الموجه --كل ده على هيئه اعمده نادر باشا ولا ايه راى جمال بيه----
وللجميع الاحترام واتقدير
اخيك/محمود ابو النجا

مساء الخير استاذ محمود
لماذا عمود المادة واسم المادة موجود فى راس الكشف وكذلك فى اسفل الكشف
كما ان رأى المراجع كنا بنكتبة فى خانة الملاحظات ويمكن تغيير اسم خانة الملاحظات الى ملاحظات المراجع .. كما ان توقيع المراجع المدرس الاول موجود فى اسفل الكشف يبقى اية لزوم عمود توقيع المراجع ... كما ان توقيع الموجه ليس ضرورى فى كشف المراجعة لانه غير متواجد معى اثناء المراجعة والرفع ولو جه الموجة وحب يطلع على تقرير المراجعة يبقى يوقع علية فى اى مكان ولكن ماعملش توقيع للموجة واقعد ادور علية علشان يوقع على كشف المراجعة

خلاصة الكلام كشف المراجعة فى الصورة الحالية مناسب جداً ويبقى السؤال هل يمكن اضافة السرى الخاص الى كشف المراجعة
مع تحياتى لك محمود بيه

من طرف hoodanaga السبت 04 مايو 2013, 12:55 pm

مرحبا /نادر بيه
مرحبا/خالد بيه
كلام حضرتك مظبوط خالد بيه انا بفترض ان الورقه يوجد بها اكثر من ماده--واعتماد الموجه على اعتبار انها مسئوليه تضامنيه على كل ماده وهو كده او كده لا بد يجى عشان 10%---كما انى بخلى الموجه يعتمد محضر تصحيح مادته--عشان يبقى كله مع بعضه حزمه واحده متضامنه كما ان الغرض من ذلك عمليه تنظيميه خالد بيه وعشان لو حصل حاجه خالد بيه كله يجى مع بعضه مافى زائر بيجى لى الكنترول الا لازم يمضى على كل اوراق الكنترول وسجلاته والاخطر من ذلك سجل الغياب لابد الزائر اليومى يوقع عليه وكشف الموانع والاقارب--
اخيك/محمود

من طرف khalid ali السبت 04 مايو 2013, 1:14 pm

hoodanaga كتب:مرحبا /نادر بيه
مرحبا/خالد بيه
كلام حضرتك مظبوط خالد بيه انا بفترض ان الورقه يوجد بها اكثر من ماده--واعتماد الموجه على اعتبار انها مسئوليه تضامنيه على كل ماده وهو كده او كده لا بد يجى عشان 10%---كما انى بخلى الموجه يعتمد محضر تصحيح مادته--عشان يبقى كله مع بعضه حزمه واحده متضامنه كما ان الغرض من ذلك عمليه تنظيميه خالد بيه
اخيك/محمود

استاذ محمود
الموجه باخذ 10 % اثناء التصحيح انما مش حيجى بعد الإمتحانات متخلص وانت عارف المراجعة دى بتكون بعد الإمتحانات بيوم وبعدين لو صادف انة موجود وعايوز يعتمد كشف المراجة يبقى يمضى علية فى اى مكان انما انا معملش توقيع للموجة واسيبة فاضى واى حد مش فاهم يجى من اللإدارة يقلى الموجة موقعش لية
هذا راى اشخصى