حوار الأعضاء

من طرف **naderwatfa** الأحد 09 أبريل 2017, 5:53 am

تذكير بمساهمة فاتح الموضوع :

زملائي الكرام
هذا القسم من المنتدي مخصص للحوار بين الأعضاء في أي موضوع يخص التربية و التعليم

يمكنكم التواصل هنا مع بعضكم أو معي لمناقشته و الاتفاق في النهاية على الرأي الأنسب

و ذلك لأي موضوع في الحقل التعليمي يكون محل اختلاف أو غير واضح الرؤية للبعض منا

مع رجاء خاص

أرجو عدم طلب تعديل برامج أو برمجة برامج جديدة نظراَ لظروفي الصحية التي لا تسمح لي بذلك

سيتم حذف المشاركة التي تحتوي على طلبات تعديل أو طلبات برمجة

من طرف **naderwatfa** الأحد 27 أكتوبر 2019, 4:48 pm

انا عبدالرحمن ابنه
شكر الله سعيكم يا جماعة
احنا الحمد لله كويسين اوي و صابرين و مستبشرين انه في الجنة ان شاء الله

من طرف حلمى احمد الثلاثاء 29 أكتوبر 2019, 6:41 am

naderwatfa كتب:انا عبدالرحمن ابنه
شكر الله سعيكم يا جماعة
احنا الحمد لله كويسين اوي و صابرين و مستبشرين انه في الجنة ان شاء الله

البقاء لله وحده

أحسن الله عزاءكم

من طرف khalid ali الثلاثاء 29 أكتوبر 2019, 11:04 am

naderwatfa كتب:انا عبدالرحمن ابنه
شكر الله سعيكم يا جماعة
احنا الحمد لله كويسين اوي و صابرين و مستبشرين انه في الجنة ان شاء الله

البقاء لله ربط الله على قلوبكم والهمكم الصبر وان لله وان اليه راجعون

من طرف مجدى نبيل الثلاثاء 29 أكتوبر 2019, 3:45 pm

البقاء لله الله يرحمه

إنا لله وإنا إليه راجعون
اللهم اغفر له وارحمه رحمة واسعة وثبته عند السؤال
في جنة الخلد إن شاء الله
قال رسول الله صلى الله عليه وسلم
إذا مات ابن آدم انقطع عمله إلا من ثلاث
ولد صالح يدعو له
علم ينتفع به
صدقة جارية
وأنت يا أستاذ نادر لا نزكيك على الله فقد تركت العلم النافع وهو أيضا صدقة جارية
ومن كان هذا عمله في دنياه فلن يحرمه الله الولد الصالح الذي يدعو له
في جنة الخلد إن شاء الله يا أستاذ نادر
اللهم ألهم أهلك الصبر والسلوان

اللهم اغفر له وارحمه

من طرف هانى محمود الأحد 10 نوفمبر 2019, 4:06 pm

اللهم اغفر له واجعل مساعدته لينا فى ميزان حسناته فهو لا يطلب أجرا من انسان فكان عمله فى ابتغاء مرضاتك يارب العالمين والله ان العين لتدمع وان القلب ليحزن على فراقك ياستاذ نادر أسأل الله لك الجنه ونعيمها ولا حول ولا قوه الا بالله وسبحان الحى الحى الذى لا يموت اللهم افسح له قبره مد بصره واجعله روضه وريحان من الجنة

من طرف هانى محمود الأحد 10 نوفمبر 2019, 4:09 pm

مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا (23)

من طرف khalid ali السبت 16 نوفمبر 2019, 12:08 pm

رحمك الله استاذ نادر واسكنك الله فسيح جناته
مازلت يوميا ادخل على الموقع بعد صلاة الفجر لمتابعة الجديد
إن العين لتدمع وإن القلب ليحزن وإنا على فراقك يا استاذ نادر لمحزونون

من طرف عباس رضا السبت 16 نوفمبر 2019, 3:35 pm

khalid ali كتب:رحمك الله استاذ نادر واسكنك الله فسيح جناته
مازلت يوميا ادخل على الموقع بعد صلاة الفجر لمتابعة الجديد
إن العين لتدمع وإن القلب ليحزن وإنا على فراقك يا استاذ نادر لمحزونون

مش لوحدك يا استاذ خالد الله يرحمه كان ونعم الاخ ربنا يجازيه خير عن كل اعماله

من طرف م اشرف الأحد 17 نوفمبر 2019, 2:23 pm

اللهم اغفر له وارحمه
انا لله وانا اليه راجعون

من طرف khalid ali الأربعاء 20 نوفمبر 2019, 10:50 am

رحمك الله يا صديقى الغالى

من طرف عباس رضا السبت 23 نوفمبر 2019, 8:24 pm

ذهبت جسدا وستبقى روحك دائما معنا تحيط بنا رحمة الله عليه واسكنه فسيح جناته

من طرف عباس رضا الأربعاء 04 ديسمبر 2019, 7:35 pm

اليوم ومع تعديل الوزير لمادة التربية الرياضية ووضع كل مبرمجى الكنترول شيت فى خانة اليك افتكرت كلمة الغالى انا عامل الكنترول الشامل علشان ينفع تحت اى ظروف وفعلا علمك النافع ان شاء الله سيكون من أسباب دخولك الجنة ان شاء الله رحمة الله عليك صديقى العزيز

من طرف khalid ali الخميس 05 ديسمبر 2019, 4:48 pm

عباس رضا كتب:اليوم ومع تعديل الوزير لمادة التربية الرياضية ووضع كل مبرمجى الكنترول شيت فى خانة اليك افتكرت كلمة الغالى انا عامل الكنترول الشامل علشان ينفع تحت اى ظروف وفعلا علمك النافع ان شاء الله سيكون من أسباب دخولك الجنة ان شاء الله رحمة الله عليك صديقى العزيز

رحمك الله اخى الحبيب استاذ نادر
استاذ عباس بعد قرار التربية الرياضية ده انا معنديش معلم تربية رياضية بالمدرسة اية حيكون الوضع هل اضيف المادة للكنترول ولو ضفتها مين ال حيمضى على الدرجات ولو معملتهاش لما نسلم الشيت اخر العام حيطالبوا بيها فى الشيت وملهمش دعوة فى مدرس ولا لا
يا ريت لو عندك اجابة تبلغنى بيها
ملاحظة انا كان ممكن اكلمك على الخاص ولكن انا حبيت اتناقش على موقع حبيبنا كما لو كان ما زال بيننا لانه بالفعل ما زال بيننا

من طرف عباس رضا الخميس 05 ديسمبر 2019, 9:22 pm

استاذ خالد ريح دماغك وحط الدرجة النهائية للكل وبلغ التوجيه بكده واعمل كشف باسم الطلاب والدرجه والموجه هيجيلك يوقع على الكشف ده حال معظم المدارس

من طرف khalid ali الجمعة 06 ديسمبر 2019, 9:07 am

عباس رضا كتب:استاذ خالد ريح دماغك وحط الدرجة النهائية للكل وبلغ التوجيه بكده واعمل كشف باسم الطلاب والدرجه والموجه هيجيلك يوقع على الكشف ده حال معظم المدارس

تسلم استاذ عباس بارك الله فيك اخى

من طرف حلمى احمد الإثنين 09 ديسمبر 2019, 5:54 am

عباس رضا كتب:اليوم ومع تعديل الوزير لمادة التربية الرياضية ووضع كل مبرمجى الكنترول شيت فى خانة اليك افتكرت كلمة الغالى انا عامل الكنترول الشامل علشان ينفع تحت اى ظروف وفعلا علمك النافع ان شاء الله سيكون من أسباب دخولك الجنة ان شاء الله رحمة الله عليك صديقى العزيز

استاذ عباس

يا ريت حضرتك ترفع لنا صورة من صفحة الكنترول بعد اضافة مادة التربية الرياضية

من طرف عباس رضا الإثنين 09 ديسمبر 2019, 1:55 pm

لابد من التعديل الافتراضي بصفحة الكنترول فى جدول الصف الأول والصف الثانى ثم الضغط على زر تنفيذ الموجود بجوار اسم الصف والمرحلة

من طرف حلمى احمد الثلاثاء 10 ديسمبر 2019, 7:29 am

عباس رضا كتب:
لابد من التعديل الافتراضي بصفحة الكنترول فى جدول الصف الأول والصف الثانى ثم الضغط على زر تنفيذ الموجود بجوار اسم الصف والمرحلة

جزاك الله خيرا استاذ عباس

من طرف رضا جبران الأربعاء 11 ديسمبر 2019, 11:04 am

حلمى احمد كتب:
naderwatfa كتب:انا عبدالرحمن ابنه
شكر الله سعيكم يا جماعة
احنا الحمد لله كويسين اوي و صابرين و مستبشرين انه في الجنة ان شاء الله
البقاء لله والله انا من زمان مدخلتش الجروب من زمان بس ده خبر صعب اوى ربنا يرحمه رحمه واسعه ويجعل مثواه الجنة ويجزيهه عنا خير الجزاء

من طرف هانى محمود السبت 14 ديسمبر 2019, 8:41 pm

رحم الله الاستاذ والمعلم الفاضل الأستاذ / نادر عبدالرحمن واسكنه فسيح جناته
طلب بسيط من الأعضاء
لو عاوز احذف طالب من الطلاب اعمل ايه
عندى طالب دمج وطالب منازل هيكون نظامهم ايه ولو كان فيه اعدادات فى البرنامج يتم ضبطها ياريت حد يفيدنا وشكرا لكم

من طرف sakr korish الأحد 15 ديسمبر 2019, 8:46 pm

نا لله وإنا إليه راجعون
اللهم اغفر له وارحمه رحمة واسعة وثبته عند السؤال
في جنة الخلد إن شاء الله
قال رسول الله صلى الله عليه وسلم
إذا مات ابن آدم انقطع عمله إلا من ثلاث
ولد صالح يدعو له
علم ينتفع به
صدقة جارية
وأنت يا أستاذ نادر لا نزكيك على الله فقد تركت العلم النافع وهو أيضا صدقة جارية
ومن كان هذا عمله في دنياه فلن يحرمه الله الولد الصالح الذي يدعو له
في جنة الخلد إن شاء الله يا أستاذ نادر
اللهم ألهم أهلك الصبر والسلوان

من طرف هاني سيد الأحد 15 ديسمبر 2019, 9:44 pm

اللهم اغفر للاستاذ نادر وارحمة وادخله جنتك برحمتك يا الله

من طرف عباس رضا الإثنين 16 ديسمبر 2019, 1:03 pm

استاذ هانى لحذف طالب بيتم من صفحة البيانات فى زر فى الاعلى مكتوب عليه حذف طالب وفى حالة الحذف لن تستطيع إرجاع بياناته مره اخرى اما طالب الدمج فورقته بتصصح من نفس درجة الطالب العادى يعنى ملهوش اختيار خاص اما المنازل فبيتم من صفحة البيانات أيضا عمود حالة القيد بيتم اختيار منازل لكن لابد من وضع طلاب المنازل بآخر بيانات الطلاب وليس فى منتصف البيانات

من طرف هانى محمود الثلاثاء 17 ديسمبر 2019, 2:58 pm

شكرا لحضرتك ياستاذ عباس طيب انا بادى الكنترول بنون وبعدين بنات وهو طالب يعنى اخليه تحت اخر اسم من البنات ولا زي ما انا سجلته حاليا اخر واحد فى البنون
ثانيا فى الشيت هيظهر فى شيت منفصل ولا لا اصل الادارة بيطلبوه فى شيت منفصل وشكرا لحضرتك
وفى النهايه رحم الله استاذنا ومعلمنا الفاضل الاستاذ نادر احساس مؤلم فراقه الى هذه اللحظة يهيأ لى انه على قيد الحياة ربنا يرحمه ويغفر له ويجازيه بالإحسان

من طرف عباس رضا الثلاثاء 17 ديسمبر 2019, 11:19 pm

خليه بعد البنات يا استاذ هانى وفى الاخر يظهر لوحده فى شيت منفصل متقلقش لما نوصل لمرحلة دى هقولك تعمل ايه

من طرف هانى محمود الأحد 29 ديسمبر 2019, 5:05 pm

االأستاذ عباس والأخوة الزملاء الكرام ياريت حد يفيدنا ايه التعديلات اللى هتم عشان اضيف مادة التربية الرياضية فى الشيت جزاكم الله خيرا
رحم الله استاذ نادر وجعل اعماله فى ميزان حسناته وجعله مع الصديقين والشهداء وحسن اولئك رفيقا
وشكرا لكم

من طرف هانى محمود الأحد 29 ديسمبر 2019, 5:06 pm

عباس رضا كتب:خليه بعد البنات يا استاذ هانى وفى الاخر يظهر لوحده فى شيت منفصل متقلقش لما نوصل لمرحلة دى هقولك تعمل ايه

شكرا ياستاذ عباس وياريت افادة فى كل ما يخص التربية الرياضيه درجات وطريقه اضافتها

من طرف عباس رضا الأحد 29 ديسمبر 2019, 10:34 pm

تابع الصور اللى فى المساهمة السابقة بها التعديلات الخاصة بالتربية الرياضية

من طرف هانى محمود الإثنين 30 ديسمبر 2019, 11:36 pm

شكر لحضرتك تم التعديل

البقاء لله وإنا لله وإنا إليه راجعون رحمه الله تعالى عليك استاذ نادر عبد الرحمن وجعل مثواك الجنة يا رب فقد كنت نافعاً ومفيدا ولا تبخل علينا بالمعلومات وجعل دعاءنا واعمالك فى ميزان حسناتك رحمه الله عليك

من طرف هانى محمود الإثنين 20 يناير 2020, 7:49 pm

الاخوه الكرام عندى استفسار لو حد يفيدنا عندى طالب منازل ودمج الدرجة بتاعته هتترصد من 100 مللوش اعمال سنه ولا عملى والطالب دا مضاف ضمن الطلاب المستجدين
رحم الله استاذنا نادر وتغمده بواسع رحمته وفضله وشكرا

من طرف عباس رضا الإثنين 27 يناير 2020, 8:33 am

استاذ هانى الطالب المنازل ده هتختار له حالة القيد منازل من صفحة البيانات وورقته هتصحح من ٧٠ زى زمايله وتتضاف فى التحرير من ٧٠ عادى والبرنامج هنا هو اللى بيحول ال ٧٠ دى إلى ١٠٠ فى كل مخرجات البرنامج وبيكتبلك معفى فى العملى واعمال السنه متقلقش انا الدمج فهو زى العادى بالظبط لا تغير عليه سوى نوعية الامتحان رحمة الله على العزيز الغالى

من طرف هانى محمود الثلاثاء 28 يناير 2020, 3:29 pm

جزاك الله كل خير استاذ عباس
أسأل الله ان يغفر لإستاذنا الغالى نادر عبدالرحمن حبيب القلب وان لم تراه العين رحمه الله رحمه واسعه

من طرف هانى محمود الجمعة 31 يناير 2020, 9:55 am

السلام عليكم
أسأل الله ان يغفر لإستاذنا الفاضل نادر عبدالرحمن ويرزقه الجنه أمين يارب ويجعل اعماله فى ميزان حسناته أمين يارب
استاذ عباس الاساتذه الفاضل انتهينا بفضل الله من طباعة النتيجة للصفين الاول والثانى فوجئت بطالبه حاصله على مجموع يجعلها فى الترتيب الخامس مقارنه بباقى الطلاب ولكن البرنامج استبعدها من الترتيب فطبعا كانت حاجة تثير الشك اتضح ان الطالبه حاصلة على 45 فى مادة الحاسب الالى فقط من 100 مع انه خارج المجموع فهى حاصلة على 18 فى اختبار التحريرى من 56 اعتقد دا السبب هل من مستند قانونى يثبت ذلك مهو مش من الطبيعى طاللب حتى لو حاصل على الدرجات النهائية فى كل المواد عربى انجليزى دراسات رياضيات علوم اضافة الى الانشطه داخل المجموع وفى الوقت نفسه يكون راسب فى مادة خارج المجموع ويطلع الاول نرجوا الإفادة وياريت لو مستند رسمى

من طرف عباس رضا الجمعة 31 يناير 2020, 4:23 pm

القرار ٣١٣ و٣٧٧ بينص ان الطالب الذى لم يحقق المستوى فى اى ماده داخل المجموع او خارجه يدخل من ضمن الأوائل ازاى يعنى وفى الترم الثانى لو نجح فيها هيخش فى الأوائل عادى ونفس الحال لو غائب فى ماده معينه وحضر الباقى

من طرف هانى محمود الجمعة 07 فبراير 2020, 10:19 pm

بس البرنامج طلعه بره الاوائل بناء على الآتى

من طرف هانى محمود الجمعة 07 فبراير 2020, 10:22 pm

؟بس البرنامج طلعه بره الاوائل بناء على الآتى

من طرف هانى محمود الجمعة 07 فبراير 2020, 10:24 pm

عباس رضا كتب:القرار ٣١٣ و٣٧٧ بينص ان الطالب الذى لم يحقق المستوى فى اى ماده داخل المجموع او خارجه يدخل من ضمن الأوائل ازاى يعنى وفى الترم الثانى لو نجح فيها هيخش فى الأوائل عادى ونفس الحال لو غائب فى ماده معينه وحضر الباقى

بس البرنامج طلعه بره الاوائل بناء على الآتى ياستاذ عباس مهو طبيعى ازاى يكون راسب مادة لو حتى لا تضاف للمجموع ويطلع من الاوائل ينفع يكون من الاوائل وعنده دور تانى فى مادة حاسب او رسم او دين
ملحوظة انا وضعت للطالب 5 درجات فى الحاسب على سبيل التجربة تم ادراجة ضمن الاوائل طبيعى

من طرف عباس رضا السبت 08 فبراير 2020, 3:59 pm

من قولتلك يدخل فى الأوائل ازاى يعنى
ما دام دون المستوى فى اى ماده لا يدخل

من طرف هانى محمود السبت 08 فبراير 2020, 9:19 pm

عباس رضا كتب:من قولتلك يدخل فى الأوائل ازاى يعنى
ما دام دون المستوى فى اى ماده لا يدخل

جميل اوى هو دا الصح بس فيه ما يثبت يأستاذ عباس مستند رسمى او معلومة يعترف بيها بخصوص هذا الشأن جزاك الله خيرا قرأت القرار مفيهوش حاجة

من طرف khalid ali الأربعاء 06 مايو 2020, 1:56 pm

من طرف رضا جبران الأحد 17 مايو 2020, 4:09 am

اللهم بحق هذا الشهر الكريم اغفر لعبد نادر وادخله الفردوس الاعلى مع النبيين والصديقين والشهداء والصالحين وحسن اولئك رفيقا

من طرف waleed7988 السبت 30 مايو 2020, 10:28 am

رحم الله الاستاذ الفاضل الاستاذ نادر
اللهمّ أبدله داراً خيراً من داره
وأهلاً خيراً من أهله
وأدخله الجنّة
وأعذه من عذاب القبر
ومن عذاب النّار

من طرف waleed7988 السبت 30 مايو 2020, 10:30 am

awado55 كتب:استاذى الفاضل /

ليه اجى اعمل تصدير لاى شيت بتطلع هذه الرساله

اجعل لغة الاوفس هي اللغة الانجليزية
وبعد التصدير اجعلها اللغة العربية او اي لغة انت تريدها
لان كود التصدير مظبوط علي ان لغة الاوفس تكون اللغة الانجليزية

من طرف sakr korish الإثنين 24 أغسطس 2020, 10:54 am

لم اتعامل معه وجها لوجه لكن يشهد الله انى كنت احبه لما يبزله من عطاء ليستفيد الناس رحمك الله استاز نادر وجعل مثواك جنه الخلد اللهم اجعله فى الفردوس الاعلى من الجنه

من طرف رضا جبران الأحد 28 فبراير 2021, 3:11 am

لو سمحتم يا جماعه محدش عنده كنترول اعدادى على النظام الجديد يرفعه

من طرف abohatabalex الثلاثاء 02 مارس 2021, 11:07 am

رضا جبران كتب:لو سمحتم يا جماعه محدش عنده كنترول اعدادى على النظام الجديد يرفعه

الله يرحمه أخانا نادر رحمة واسعة كان عارف ان وزارتنا قليلة الأصل وكان عامل حسابه على تغيير
استاذ رضا الكنترول الشامل يمكن اعداده من صفحة الكنترول لأى نظام والتحكم فى المواد والدرجات لو شغال عليه فلا تغيره ولن تحتاج لغيره
كل سنة وجميع الزملاء بخير

من طرف abohatabalex الثلاثاء 02 مارس 2021, 11:19 am