حوار الأعضاء

من طرف **naderwatfa** الأحد 09 أبريل 2017, 5:53 am

زملائي الكرام
هذا القسم من المنتدي مخصص للحوار بين الأعضاء في أي موضوع يخص التربية و التعليم

يمكنكم التواصل هنا مع بعضكم أو معي لمناقشته و الاتفاق في النهاية على الرأي الأنسب

و ذلك لأي موضوع في الحقل التعليمي يكون محل اختلاف أو غير واضح الرؤية للبعض منا

مع رجاء خاص

أرجو عدم طلب تعديل برامج أو برمجة برامج جديدة نظراَ لظروفي الصحية التي لا تسمح لي بذلك

سيتم حذف المشاركة التي تحتوي على طلبات تعديل أو طلبات برمجة

من طرف عباس رضا الأحد 09 أبريل 2017, 11:41 am

الله يبارك فيك يا ريس تسلم من كل داء

من طرف mr.fathi الإثنين 24 أبريل 2017, 9:46 pm

استاذ نادر
تحياتي لك ولمجهودك الرائع
ولكن لي ملاحظة على برنامج توزيع الملاحظة وهي انه لايوجد في المواد مادة جبر واحصاء ومادة هندسة ولكن يوجد مادة رياضيات فقط ...ارجو من سيادتك اضافة مادتي الجبر والاحصاء ومادة الهندسة حتى يتم تنسيقها مع جدول الامتحانات...
كم اتمنى لو يتم وضع خانة الامن مثل خانة الاحتياطي
ولك مني جزيل الشكر والعرفان

من طرف **naderwatfa** الثلاثاء 25 أبريل 2017, 3:42 am

mr.fathi كتب:استاذ نادر
تحياتي لك ولمجهودك الرائع
ولكن لي ملاحظة على برنامج توزيع الملاحظة وهي انه لايوجد في المواد مادة جبر واحصاء ومادة هندسة ولكن يوجد مادة رياضيات فقط ...ارجو من سيادتك اضافة مادتي الجبر والاحصاء ومادة الهندسة حتى يتم تنسيقها مع جدول الامتحانات...
كم اتمنى لو يتم وضع خانة الامن مثل خانة الاحتياطي
ولك مني جزيل الشكر والعرفان

لا أعرف لماذا أرسلت لي هذه الرسالة على الإيميل ثم كتبتها هنا كمان ؟
الإيميل يكفي و أنا أرد على جميع الإيميلات في الحال
و رديت عليك على الإيميل و أوضحت لك كيف تقوم بتعديل قائمة المواد كما تريدها
بس أرجو عدم كتابة طلبات تعديل للبرامج هنا في المنتدى حتى لا يتم حذف المشاركة مستقبلاً
عموماً هذا ما كتبته لك في الإيميل في حالة لم يصلك شيء :
كيف لم تكتشف طريقة تعديل القوائم ؟
اضغط زر ( إدخال البيانات ) ثم اضغط زر ( تعديل القوائم )
قم بتعديل القوائم كما تريد
و أعتذر عن أي تعديل للبرامج لأنني اعتزلت البرمجة نهائياً لظروف صحية طارئة

من طرف رضا جبران الجمعة 12 مايو 2017, 4:56 pm

السلام عليكم استاذ نادر بعد التحية بالنسبة لبطاقات الدرجات الطالب الراسب فى النتيجه العامه مكتوب له دور ثانى فى وتركها بدون كتابة المواد الرسب فيها الطالب ولاحظ انه عند كتابة مواد فى الخلية الخاصه باضافة مواد للمجموع تظهر لما يكون الطالب ناقص فى المجموع وللعلم لا يوجد راسب مجموع لان الدرجات النجاح هى نصف الدرجه ارجوا الافاده

من طرف **naderwatfa** السبت 13 مايو 2017, 3:28 am

رضا جبران كتب:السلام عليكم استاذ نادر بعد التحية بالنسبة لبطاقات الدرجات الطالب الراسب فى النتيجه العامه مكتوب له دور ثانى فى وتركها بدون كتابة المواد الرسب فيها الطالب ولاحظ انه عند كتابة مواد فى الخلية الخاصه باضافة مواد للمجموع تظهر لما يكون الطالب ناقص فى المجموع وللعلم لا يوجد راسب مجموع لان الدرجات النجاح هى نصف الدرجه ارجوا الافاده

و عليكم السلام و رحمة الله و بركاته يا أستاذ رضا
الإضافة بتاعة اختيار مواد للمجموع معمولة علشان الثانوي مش الإعدادي
و يمكن في المستقبل يتحول الإعدادي لنفس النظام فنحتاج لها
مين عارف ؟
أما بالنسبة لأي ملاحظة أخرى فلهذا السبب قمت بعمل تعديل للبرنامج موجود الآن في المنتدى
و هو الكنترول الشامل nw7 مُعدل9
جربه و شوف إذا كان فيه أي حاجة قل لي

من طرف awado55 الإثنين 22 مايو 2017, 11:20 am

الاستاذه الافاضل / بعد التحية والاحترام

كيفية اضافة درجات السلوك الى المجموع الكلى لان المديرية والادارة طلبوها فى الشيت الاجمالى وبطاقة الدرجات

ولكم الشكر
وكل عام وانتم بخير

من طرف **naderwatfa** الإثنين 22 مايو 2017, 11:45 am

هو مش برضه السلوك جزء من أعمال السنة ؟
و أعمال السنة مضافة لدرجة المادة ؟
فين بقى المشكلة ؟
لو المديرية عندك و الإدارة طالبين درجات السلوك تكون منفصلة عن أعمال السنة
فهذا كلام ليس له سند من القانون
و على أية حال لو هو ده المطلوب زي ما فهمت من كلامك
فلا حل أمامك إلا تصدير الشيت ثم التعديل فيه يدوياً

من طرف awado55 الإثنين 22 مايو 2017, 11:56 am

استاذى الفاضل / كيف اخبارك

لعلك بخير وصحه

لاياسيدى الادارة طلبها فى خانه لوحدها قبل المجموع وبطاقة الدرجات ولا يضيفها لاعمال السنة

على كل حال خالى بالك منها فى الشيت الجديد ان امكن ان شاء الله للعام القادم ومكن تتشال فى اى سنه يعنى تكون اختيارية فى الشيت والبطاقات

من طرف **naderwatfa** الإثنين 22 مايو 2017, 12:17 pm

لم يعد عندي مكان في البطاقات لإضافة أي شيء تاني يا أستاذ عوض
و الحاجات اللي زي دي أنا مش ممكن أعملها بدون ما تكون مستندة لقرار وزاري
يعني يكون الكلام على مستوى الوزارة كلها
مش على مستوى محافظة أو إدارة
فإن كنا من أهل الدنيا لما يصدر بها قرار وزاري
نبقى نضيفها بشكل أو بآخر
أما في الوقت الحالي فما فيش أي إمكانية لإضافتها بشكل آلي في البرنامج
لا عندي مكان ليها في صفحة الدرجات
و لا مكان ليها في البطاقات و لا حتى في شيت الإدارة
و لكن زي ما قلت لك
بشكل يدوي بعد تصير الشيت لمن يريد أن يفعل ذلك
يعني لو طلبوها مني السنة الجاية ( زي ما طلبوها منك كده )
ها اعملها برضه يدوياً في الشيت بعد تصديره

من طرف awado55 الإثنين 22 مايو 2017, 12:41 pm

شكرا يابو عبدالرحمن

وجزاك الله خيرا
هما طلبوها فى الثانوى فقط

من طرف **naderwatfa** الإثنين 22 مايو 2017, 12:47 pm

للعلم بالشيء فقط يا أستاذ عوض
عايز أعرف إيه اللي طلبوه منك بالتحديد و بالتفصيل الممل

من طرف awado55 الإثنين 22 مايو 2017, 1:04 pm

استاذى الفاضل
طلبو اضافة 5 درجات مواظبه وسلوك قبل المجموع وتضاف الى المجموع الكلى وبطاقة الدرجات مكتوب فيها سلوك ومواظبة بدون اى خلل فى المواد وقسموها الى 2 سلوك و3 مواظبة وكل 5ايام نصف درجه ودى لصف الاول العام الحالى وهتطبق على الصف الثانى العام القادم والثالث العام الى بعده يعنى طلعه مع الصف الاول من بداية العام الحالى ونتيجة مدارس الثانوى طلعت على هذا الكلام وكل مدارس الثانوى عملوها
هذا للعلم
ومش عارفين ايه الجديد العام القادم ان كان لنا فى العمر باقيه ان شاء الله

من طرف **naderwatfa** الإثنين 22 مايو 2017, 1:28 pm

أفهم من كلامك إن الدرجات دي لا علاقة لها بأعمال السنة ؟
يعني درجات تضاف في نهاية التيرم الثاني مرة واحدة في الشيت ؟
يعني مش من ضمن الدرجات الموجودة حالياً في صفحة الرصد ؟
طيب ما أنا أعرف زملاء في الثانوي في القاهرة لم يطلبوا منهم هذه الدرجات

من طرف عباس رضا الإثنين 22 مايو 2017, 2:08 pm

مفيش الكلام ده فى الغربية ومين اصلا هيبقه مسؤول عن الدرجات دى شؤون الطلبه ولا مين

من طرف **naderwatfa** الإثنين 22 مايو 2017, 2:16 pm

و لا في الشرقية يا أستاذ عباس
هو الثانوي كمان بقى فيه الافتكاسات دي ؟

من طرف awado55 الإثنين 22 مايو 2017, 2:40 pm

شئون الطلبة مع التربية الاجتماعية مع المدرسين

من طرف awado55 الثلاثاء 23 مايو 2017, 1:27 pm

استاذى الفاضل /

ممكن اعمل تصدير لبطاقات النجاح علشان اضيف خانه اضع فيها الخمس درجات

وكيفة عمل تصدير لها

من طرف **naderwatfa** الثلاثاء 23 مايو 2017, 3:19 pm

أعتقد ما فيش كود تصدير للبطاقات في البرنامج
بافكر لو ينفع أعمله في البرنامج الجديد
لكن تقدر تعمل تصدير يدوي
يعني تفتح مع البرنامج ملف إكسيل فاضي جديد
و تنسخ البطاقات صفحة بصفحة للملف الجديد
النسخ طبعاً عن طريق Cntrl+C من لوحة المفاتيح

من طرف حلمى احمد الثلاثاء 23 مايو 2017, 9:08 pm

السلام عليكم ورحمة الله وبركاته

توجد ملحوظة فى برنامج الكنترول الشامل

اخر نسخة وما قبلها ارجو التأكد منها من جانب الزملاء

عند استبعاد طالب من النتيجة

يقوم البرنامج بحجب بطاقات الدرجات للطلاب من اول

طالب بعد الذى تم اسبعاده الى الاخر

من طرف **naderwatfa** الأربعاء 24 مايو 2017, 4:51 am

كلامك سليم يا أستاذ حلمي
أنا أخذت بالي من هذه النقطة في البرنامج الجديد nw8 و قمت بتعديلها من يومين
بس كنت فاكر إنها موجودة في البرنامج الجديد بس لأني شغال عليه السنة دي
و ما اشتغلتش على غيره السنة دي خالص
عموماً بالنسبة للبرنامج الحالي nw7 تم عمل اللازم و قمت برفعه من جديد منذ قليل
اذهب لصفحة تحميل البرنامج و قم بتجربته
و إن شاء الله ها تلاقيه تمام
و أشكرك لتنبيهي لهذه الملاحظة
بارك الله فيك

من طرف حلمى احمد الأربعاء 24 مايو 2017, 12:32 pm

naderwatfa كتب:
كلامك سليم يا أستاذ حلمي
أنا أخذت بالي من هذه النقطة في البرنامج الجديد nw8 و قمت بتعديلها من يومين
بس كنت فاكر إنها موجودة في البرنامج الجديد بس لأني شغال عليه السنة دي
و ما اشتغلتش على غيره السنة دي خالص
عموماً بالنسبة للبرنامج الحالي nw7 تم عمل اللازم و قمت برفعه من جديد منذ قليل
اذهب لصفحة تحميل البرنامج و قم بتجربته
و إن شاء الله ها تلاقيه تمام
و أشكرك لتنبيهي لهذه الملاحظة
بارك الله فيك

بارك الله فيك استاذ نادر

جزاك الله خيرا ونفع بك

من طرف حلمى احمد الأربعاء 24 مايو 2017, 5:08 pm

السلام عليكم ورحمة الله وبركاته استاذ نادر

تم تجربة البرنامج و كله تمام

جزاك الله خيرا

من طرف **naderwatfa** الأربعاء 24 مايو 2017, 6:51 pm

حلمى احمد كتب:
السلام عليكم ورحمة الله وبركاته استاذ نادر
تم تجربة البرنامج و كله تمام
جزاك الله خيرا

الحمد لله يا أستاذ حلمي
أنا كمان عملت في الإصدار القادم nw8 تصدير لبطاقات الدرجات
أنا كنت محتاج له بشدة و الحمد لله نفذته على خير

من طرف awado55 الخميس 25 مايو 2017, 6:30 am

استاذى الفاضل

ممكن تفتكر تعمل فى الشيت الجديد فى كشف النتيجة تخلى عنون الكشف فى الوسط لانه لما بيطبع يدخل على اسم المدرسة ويبقى الكتابه على بعضها

دى ملحوظه

من طرف **naderwatfa** الخميس 25 مايو 2017, 7:16 am

لو تقصد بكشف النتيجة شيت الإدارة
فمش ممكن تنفيذ الكلام ده إلا في حالة واحدة فقط
و هي إلغاء كود التصدير من الصفحة
لأن التصدير لن يتم للشيت في حالة دمج الخلايا
و عشان العنوان يكون في الوسط لابد من دمج الخلايا
ده أنا كمان خلليت عناوين بطاقات الدرجات على اليمين علشان أضفت التصدير للبطاقات
طبعاً الكلام ده في البرنامج الجديد
لذلك لابد تتعب شوية زي ما أنا باعمل
أنا باصدر الشيت أولاً و بعدين أعدل في تنسيقات العناوين
( يعني أخلليها في الوسط كما أريد قبل طباعتها )
و تصدير الملف أنا ابتكرته في البرنامج علشان حاجتين :
إمكانية تعديل و تنسيق الملف بعد تصديره
و أن يكون صغيراً و خالياً من المعادلات و الأكواد ليسهل التعامل معه على أي جهاز آخر

من طرف م اشرف الأربعاء 21 يونيو 2017, 3:38 am

كل عام وانتم بخير

من طرف **naderwatfa** الخميس 22 يونيو 2017, 11:10 am

كل سنة و انت طيب

و كل الزملاء بخير إن شاء الله

كل عام وأنتم جميعا بخير
اللهم بلغنا جميعا ليلة القدر ولا تحرمنا أجرها وثوابها

من طرف awado55 السبت 24 يونيو 2017, 10:18 am

كل عام وانتم جميعا بخير وصحه وعافية فى الدين والدنيا

من طرف مجدى نبيل السبت 24 يونيو 2017, 11:09 am

كل عام وانتم جميعا بخير

من طرف حلمى احمد الخميس 13 يوليو 2017, 1:31 pm

السلام عليكم ورحمة الله وبركاته

توجد ملحوظة فى برنامج الكنترول الشامل

الدور الثانى

العامود الاول الخاص بمادة اللغة العربية

لا يقبل اضافة حرف ( غ )

الا من خلال النسخ واللصق الخاص

من طرف **naderwatfa** الخميس 13 يوليو 2017, 5:34 pm

حلمى احمد كتب:
السلام عليكم ورحمة الله وبركاته
توجد ملحوظة فى برنامج الكنترول الشامل
الدور الثانى
العامود الاول الخاص بمادة اللغة العربية
لا يقبل اضافة حرف ( غ )
الا من خلال النسخ واللصق الخاص

أنا اشتغلت الدور الثاني على الكنترول الشامل nw8 اللي ها يكون للعام القادم إن شاء الرحمن
و عندي 5 طلاب غياب في كل المواد
و لم تصادفني مثل هذه المشكلة
أما بالنسبة لكنترول nw7 فمش عايز أعمل فيه حاجة
لأنه سوف يتم حذفه قريباً تمهيداً للإصدار الجديد بإذن الله
لكن ملاحظة زي بتاعتك دي بتكون مهمة بالنسبة لي علشان أتأكد من سلامتها في الإصدار الجديد
شكراً لك أستاذ حلمي و بارك الله فيك

من طرف حلمى احمد الجمعة 14 يوليو 2017, 6:19 pm

جزاك الله خيرا استاذ نادر

انا تغلبت على المشكلة بالنسخ واللصق الخاص

فامفيش داعى للتعديل

بارك الله فى عمرك ونفع بك

من طرف sakr korish الأربعاء 19 يوليو 2017, 6:35 pm

الاستاذ الفاضل نادر هل من الممكن ان تحول هذا العمل الممتاز الى برنامج الاكسيس فيكون اسرع واكبر قدرة استيعابية للاعداد

من طرف **naderwatfa** الخميس 20 يوليو 2017, 7:58 pm

للأسف با أخي الفاضل
لا أحب التعامل مع الأكسيس
كما أنه لا يمكن أن يتمكن الأكسيس من تنفيذ كل إمكانات البرنامج

من طرف عباس رضا الأربعاء 02 أغسطس 2017, 10:09 pm

هو الوزارة خلال نظام توزيع الدرجات والمواد ازاى وهل سيطبق التعديل هذا العام ايه التفاصيل للى عرف

من طرف **naderwatfa** الخميس 03 أغسطس 2017, 5:39 am

عباس رضا كتب:هو الوزارة خلال نظام توزيع الدرجات والمواد ازاى وهل سيطبق التعديل هذا العام ايه التفاصيل للى عرف

ما تستعجلش على حاجة دلوقتي
لسة ما فيش قرار وزاري رسمي بالكلام ده
دي مجرد تصريحات للوزير في مؤتمر صحفي لا أكثر و لا أقل

من طرف هانى محمود الخميس 03 أغسطس 2017, 11:11 am

استاذ نادر هل حضرتك قمت بحذف مشاركتى

من طرف هانى محمود الخميس 03 أغسطس 2017, 11:13 am

سوف ننتظر لصدور القرار بس هل ممكن حضرتك تقوم بالتعديل المطلوب ان امكن فى كنترول اعدادى 40 لان البرامج الجديده تتطلب اجهزه عاليه لحد ما

من طرف **naderwatfa** الخميس 03 أغسطس 2017, 3:48 pm

هانى محمود كتب:استاذ نادر هل حضرتك قمت بحذف مشاركتى

أي طلبات لتعديل البرامج يتم حذفها
اقرأ المشاركة في بداية الصفحة فوق

من طرف awado55 السبت 05 أغسطس 2017, 6:25 pm

استاذى العزيز / كل عام وانتم بخير وبصحه وعافيه

فى برنامج قوائم الفصول الجديد فى تحديد الشعب المفروض هما 6فصول الصف الاول فى تحديد الشعب مبين 5فصول فقط مش عارف ليه

من طرف **naderwatfa** السبت 05 أغسطس 2017, 6:42 pm

awado55 كتب:استاذى العزيز / كل عام وانتم بخير وبصحه وعافيه

فى برنامج قوائم الفصول الجديد فى تحديد الشعب المفروض هما 6فصول الصف الاول فى تحديد الشعب مبين 5فصول فقط مش عارف ليه

ده بيرجع لعدد الفصول اللي تم توزيعها في الصف نفسه
لو وزعت الطلاب على 10 فصول ها تلاقي العشر فصول ظهروا لك
و أنا لسة مجرب الكلام ده بنفسي حالاً

من طرف awado55 السبت 05 أغسطس 2017, 7:39 pm

العدد الاجمالى 234 المفروض العدد ظاهر 233 ورقم 6 غير مكتوب

من طرف **naderwatfa** الأحد 06 أغسطس 2017, 4:25 am

awado55 كتب:

العدد الاجمالى 234 المفروض العدد ظاهر 233 ورقم 6 غير مكتوب

و لا يهمك
أنا كنت عملت بعض التعديلات للبرنامج و اشتغلت عليه السنة اللي فاتت و السنة دي كمان
بس ما كنتش رفعته لسة
فرفعته دلوقتي حالاً
حمل البرنامج من صفحته في قسم البرامج المدرسية
و بإذن الله مش ها يكون فيه أي رقم ممسوح

من طرف awado55 الأحد 06 أغسطس 2017, 8:43 am

جزاك الله خيرا ومتعك بالصحه والعافية

من طرف **naderwatfa** الثلاثاء 08 أغسطس 2017, 8:51 am

برنامج قوائم الفصول و الكشوف
إصدار جديد رقم nw23
بتاريخ اليوم 8 / 8 / 2017
الآن في قسم البرامج المدرسية
سبب التعديل
إتاحة الاختيار في صفحة كشوف المواظبة
بين : كشف مواظبة أو سجل 5 سلوك

من طرف khalid ali الثلاثاء 08 أغسطس 2017, 12:07 pm

naderwatfa كتب:
برنامج قوائم الفصول و الكشوف
إصدار جديد رقم nw23
بتاريخ اليوم 8 / 8 / 2017
الآن في قسم البرامج المدرسية
سبب التعديل
إتاحة الاختيار في صفحة كشوف المواظبة
بين : كشف مواظبة أو سجل 5 سلوك

والله زمان استاذ نادر وحشنا ووحشانا ابداعاتك يا كبير

من طرف awado55 الثلاثاء 08 أغسطس 2017, 5:24 pm

استاذى الفاضل / نادر

لاتنسى فى الشيت الجديد عمل بيان نجاج او بيان درجات للطالب اذا اراد التحويل من المدرسة

من طرف عباس رضا الثلاثاء 08 أغسطس 2017, 5:55 pm

naderwatfa كتب:
برنامج قوائم الفصول و الكشوف
إصدار جديد رقم nw23
بتاريخ اليوم 8 / 8 / 2017
الآن في قسم البرامج المدرسية
سبب التعديل
إتاحة الاختيار في صفحة كشوف المواظبة
بين : كشف مواظبة أو سجل 5 سلوك

انا فيه مشكلة عندى لما بخش على زر قوائم الفصول من صفحة تسجيل الطلبة بيتم مسح الاسماء ولا يبقى سوى 30 اسم فقط هل حدث هذا مع احد وعلى فكرة الموضوع ده من السنة اللى فاتت عندى وقلت يمكن اتعدل مع الاصدار ده