حوار الأعضاء

من طرف **naderwatfa** في الأحد 09 أبريل 2017, 5:53 am

تذكير بمساهمة فاتح الموضوع :

زملائي الكرام
هذا القسم من المنتدي مخصص للحوار بين الأعضاء في أي موضوع يخص التربية و التعليم

يمكنكم التواصل هنا مع بعضكم أو معي لمناقشته و الاتفاق في النهاية على الرأي الأنسب

و ذلك لأي موضوع في الحقل التعليمي يكون محل اختلاف أو غير واضح الرؤية للبعض منا

مع رجاء خاص

أرجو عدم طلب تعديل برامج أو برمجة برامج جديدة نظراَ لظروفي الصحية التي لا تسمح لي بذلك

سيتم حذف المشاركة التي تحتوي على طلبات تعديل أو طلبات برمجة

من طرف **naderwatfa** في السبت 16 ديسمبر 2017, 9:44 am

تم إعادة رفع برنامج الكنترول الشامل بإصدار جديد nw8.3

و ذلك بعد مراجعة و تعديل جميع أكواد الطباعة الآلية في البرنامج

كما تم تعديل برنامج ملف الرصد المرفق مع الكنترول الشامل

لتسهيل العمل به إن شاء الله

كذلك تم توحيد جميع روابط تحميل البرامج المدرسية

بحيث تكون كلها في مدونتي الخاصة بالبرامج المدرسية

فتم إضافة روابط : One Drive و ميديا فاير و مركز الخليج

لكل برنامج من البرامج في المدونة

و السبب الذي جعلني أقوم بذلك هو أنه عند الضغط على رابط ميديا فاير بالذات

يقوم الموقع هنا بتحويلك لصفحة إعلانات و لا ينقلك مباشرة إلى ميديا فاير

و أي زميل عنده برنامج لمنع الإعلانات أو لمنع النوافذ المنبثقة ( و أنا منهم )

لن يستطيع الوصول لصفحة تحميل الملف في ميديا فاير بسهولة أبداً

في حين أنك إذا ضغطت على رابط ميديا فاير من خلال المدونة يتم نقلك مباشرة لصفحة التحميل

فبإذن الله سيكون التحميل سهلاً من خلال المدونة خصوصاً لرابط ميديا فاير

من طرف عباس رضا في السبت 16 ديسمبر 2017, 11:28 am

فيما يخص المنازل مش احنا لوحدنا اللى بندر له حاسب يا ريس

من طرف khalid ali في السبت 16 ديسمبر 2017, 12:03 pm

بالنسبة للحاسب الألى يدرس نظرى لطلاب المنازل ويمتحنون فية نظرى فقط ويعفون من امتحان العملى كما نص القرار 313 فى صفحة أحكام عامة للمرحلة الإعدادية
وهذة صورة الجزئية الخاصة بذلك من القرار 313

من طرف **naderwatfa** في السبت 16 ديسمبر 2017, 3:01 pm

كلامك صحيح يا أستاذ خالد

عموماً أي حد بيستعمل البرنامج يقدر يلغي الإعفاء من صفحة الكنترول

إنما ليه بقى الصف الثالث الإعدادي ما بيمتحنش حاسب آلي خالص ؟

على كل حال أنا كمان ها اغير الإعداد الافتراضي في البرنامج منعاً للخبطة

و أرجع أرفعه تاني من جديد

من طرف awado55 في السبت 16 ديسمبر 2017, 3:24 pm

استاذى الفاضل

مفيش 5 درجات سلوك الصف الاول الثانوى والثانى وانضيفهم ازى

من طرف **naderwatfa** في السبت 16 ديسمبر 2017, 3:53 pm

awado55 كتب:استاذى الفاضل

مفيش 5 درجات سلوك الصف الاول الثانوى والثانى وانضيفهم ازى

مبدئياً : مش ممكن تعديل صفحة النتيجة و الشيت أبداً إلا بعد التصدير لملف خارجي

لكن دلوقتي لو انت عايز تضيف درجة السلوك دي يبقى لازم تخلليها مادة مكونة من أعمال السنة فقط

و عند طباعة الشيت تقوم بتصدير الشيت أولاً ثم تحذف منه العواميد التي لا تريدها في المادة

زي عواميد أعمال السنة مثلاً ، بحيث تترك العامود الأخير بتاع الدرجة النهائية

أو تقدر تخفي العواميد اللي مش عايزها لو بتطبع من البرنامج مباشرة

طبعاً انت ها تحط درجة السلوك دي مرة واحدة آخر العام

يبقى تسيب درجة أعمال السنة بتاعة أي تيرم من التيرمين فاضية بدون درجات

و ترصد الدرجة للطالب في التيرم الثاني

و بالنسبة لطريقة وضع السلوك في جدول الدرجات و المواد في صفحة الكنترول

ها تخللي أعمال السنة من 5 درجات

و سيب درجة العملي و النظري فاضية عظمى و صغرى

و حط في درجة التيرم العظمى 5 و سيب الصغرى فاضية

و حط في الدرجة النهائية للمادة 5 و برضه بدون نهاية صغرى

و خللي المادة تضاف للمجموع لو بتضاف للمجموع

و كمل بقية الشروط ( نجاح و رسوب و اللا لأ - أوائل و اللا لأ - إعفاء المنازل منها و اللا لأ )

أنا جربت الكلام ده و لقيته ماشي الحال بالنسبة لإضافة عامود السلوك

من طرف khalid ali في السبت 16 ديسمبر 2017, 4:29 pm

naderwatfa كتب:
كلامك صحيح يا أستاذ خالد
عموماً أي حد بيستعمل البرنامج يقدر يلغي الإعفاء من صفحة الكنترول
إنما ليه بقى الصف الثالث الإعدادي ما بيمتحنش حاسب آلي خالص ؟
على كل حال أنا كمان ها اغير الإعداد الافتراضي في البرنامج منعاً للخبطة
و أرجع أرفعه تاني من جديد

كل عام وانت بخير استاذ نادر

من طرف **naderwatfa** في السبت 16 ديسمبر 2017, 4:36 pm

كل سنة و انت طيب يا أستاذ خالد

تم رفع الكنترول الشامل nw8.4

بعد تعديل الحاسب الآلي للمنازل في جدول المواد و الدرجات

أتمنى من الله أن يكون البرنامج هكذا على ما يرام

علشان نتوقف شوية عن التعديلات دي لأني تعبان زيادة اليومين دول

الحمد لله

من طرف عباس رضا في السبت 16 ديسمبر 2017, 5:51 pm

الف سلامة عليك يا غالي

من طرف الجوكر1 في السبت 16 ديسمبر 2017, 6:55 pm

الرجاء رفع البرنامج علي الفور شير او المديا فير

لانه عند التحميل من المدونة تظهر هذة الصفحة ولايوجد تحميل

لان النت عندي ضعيف

" />

من طرف awado55 في السبت 16 ديسمبر 2017, 7:16 pm

استاذى الفاضل
عند توزيع المجموعات بتطلع الرساله دى
مع العلم ان هما فصلين فقط

من طرف khalid ali في السبت 16 ديسمبر 2017, 7:47 pm

naderwatfa كتب:
كل سنة و انت طيب يا أستاذ خالد
تم رفع الكنترول الشامل nw8.4
بعد تعديل الحاسب الآلي للمنازل في جدول المواد و الدرجات
أتمنى من الله أن يكون البرنامج هكذا على ما يرام
علشان نتوقف شوية عن التعديلات دي لأني تعبان زيادة اليومين دول
الحمد لله

الف سلامة عليك استاذ نادر ... ان شاء الله كل شئ تمام وربنا ما يحرمنا منك

من طرف **naderwatfa** في الأحد 17 ديسمبر 2017, 4:47 am

عباس رضا كتب:الف سلامة عليك يا غالي

الله يسلمك من كل سوء يا أستاذ عباس

من طرف **naderwatfa** في الأحد 17 ديسمبر 2017, 4:48 am

الجوكر1 كتب:الرجاء رفع البرنامج علي الفور شير او المديا فير

لانه عند التحميل من المدونة تظهر هذة الصفحة ولايوجد تحميل

لان النت عندي ضعيف
" />

هو فعلاً مرفوع على ميديا فاير من امبارح

و جربت التحميل منه و ما فيش أي مشكلة إن شاء الله

من طرف **naderwatfa** في الأحد 17 ديسمبر 2017, 4:51 am

khalid ali كتب:الف سلامة عليك استاذ نادر ... ان شاء الله كل شئ تمام وربنا ما يحرمنا منك

الله يسلمك من كل سوء يا أستاذ خالد

من طرف **naderwatfa** في الأحد 17 ديسمبر 2017, 5:41 am

awado55 كتب:استاذى الفاضل
عند توزيع المجموعات بتطلع الرساله دى
مع العلم ان هما فصلين فقط

دي حاجة ما لهاش أي أهمية غير إنها تساعدك في توزيع الفصول على المجموعات

لكن تقدر تهملها و توزع بنفسك المجموعات يدويا

عموماًَ أنا اكتشفت السبب دلوقتي

لو قمت بالتظليل بالماوس على الخلايا الملونة بلون رصاصي تحت المجموعتين اللي انت وزعتهم

ها تكتشف إن مكتوب مجموعات في 3 أماكن ما اتمسحتش من قبل كده

لو مسحتهم المشكلة ها تتحل

طبعاً ها احل المشكلة دي بنفسي و أعيد رفع البرنامج النهارده إن شاء الله

من طرف awado55 في الأحد 17 ديسمبر 2017, 7:28 am

شكرا لك
جزاك الله خيرا

من طرف **naderwatfa** في الأحد 17 ديسمبر 2017, 7:34 am

الشكر لله يا أبو عبد الرحمن

الملف فعلاً تم تعديله و تم رفعه على ميديا فاير منذ قليل لو حبيت تشوفه

من طرف awado55 في الأحد 17 ديسمبر 2017, 4:34 pm

استاذى الفاضل نفس المشكله فى الشيت الجديد 8.5
افضل شى ان يكون فى زر مسح التوزيع القديم كليا

نفس المشكلة فى شيت 8.5

من طرف **naderwatfa** في الأحد 17 ديسمبر 2017, 4:45 pm

لأ مش نفس الشيء

أولاً

بيتم مسح التوزيع القديم عند الدخول لعمل توزيع جديد

ثانياً

إذا لم يتم مسح القديم فسوف تراه بوضوح بخط أسود ظاهر لك في الخلايا الرصاصي

فيمكنك عندها مسحه يدوياً بيدك

ثالثاً

إذا عملت مسح للشيت من صفحة الكنترول قبل تسجيل بياناتك أصلاً

سيتم مسح أي توزيع قديم كذلك

من طرف awado55 في الأحد 17 ديسمبر 2017, 7:16 pm

استاذى الفاضل

شكرا لك

البرنامج اشتغل تمام

من طرف Mustafa Hashim في الإثنين 18 ديسمبر 2017, 2:33 am

السلام عليكم ا/ نادر

لو سمحت حضرتك ... عدد طالبات الصف الاول الإعدادي بالمدرسة 402 طالبة ... وقمت بتسجيل الاسم والرقم القومي في برنامج الكنترول الشامل nw 8.5 ... وعند تسجيل النوع آليا ظهرت لي مشكلة ... وهى قيام البرنامج بتسجيل انثى للطالبات حتى رقم 239 فقط وترك باقي خلايا النوع خالية لغاية رقم 402 .. كما ترى حضرتك في الصورة

ملحوظة: لقد سجلت الارقام بالظبط بدءا من 1 : 402 عند اختيار كود تسجيل النوع آليا

من طرف **naderwatfa** في الإثنين 18 ديسمبر 2017, 4:13 am

تسجيل النوع آلياً لو فيه أي مشكلة فهي مشكلة فرعية غير مؤثرة على عمل البرنامج

بمعنى أنك تستطيع بالطبع استكمال النوع يدوياً بسهولة

و أنا سوف أراجع هذه الحالة و أعيد رفع البرنامج من جديد النهارده

خصوصاً إن ملف الرصد نسيت أعدل جدول المواد فيه ليكون ترتيبها زي الكنترول الشامل على النظام الجديد

فأرجو من الزملاء التماس العذر لي و انتظار النسخة الجديدة من البرنامج و تحميلها
و إن شاء الله تكون دي آخر نسخة للبرنامج هذا العام

من طرف **naderwatfa** في الإثنين 18 ديسمبر 2017, 2:12 pm

الكنترول الشامل nw8.6

الآن في قسم البرامج المدرسية

أعتذر لأنني وعدت بأن تكون نسخة nw8.5 آخر نسخة لهذا العام

لكنني اكتشفت بالمصادفة أنني نسيت تماماً تعديل جدول المواد الافتراضي

و ذلك في ملف رصد الدرجات المرفق مع الكنترول الشامل

فكان لابد من إجراء هذا التعديل و إعادة رفع البرنامج

أرجو قبول اعتذاري و شكراً لكم

من طرف عباس رضا في الإثنين 18 ديسمبر 2017, 8:20 pm

احنا اللى بنعتذر لحضرتك فى تعب السنين دى من أجلنا يا غالى شكرا على تعبك معانا

من طرف Mustafa Hashim في الإثنين 18 ديسمبر 2017, 9:30 pm

naderwatfa كتب:
تسجيل النوع آلياً لو فيه أي مشكلة فهي مشكلة فرعية غير مؤثرة على عمل البرنامج
بمعنى أنك تستطيع بالطبع استكمال النوع يدوياً بسهولة
و أنا سوف أراجع هذه الحالة و أعيد رفع البرنامج من جديد النهارده
خصوصاً إن ملف الرصد نسيت أعدل جدول المواد فيه ليكون ترتيبها زي الكنترول الشامل على النظام الجديد
فأرجو من الزملاء التماس العذر لي و انتظار النسخة الجديدة من البرنامج و تحميلها
و إن شاء الله تكون دي آخر نسخة للبرنامج هذا العام

الشكر كل الشكر لحضرتك على مجهودك الطيب وتعبك المتواصل من اجل راحة زملاءك المدرسين .. ومساعدتهم على انجاز اعمالهم بسهولة ويسر من خلال برامجكم المفيدة

من طرف أبو موني في الإثنين 18 ديسمبر 2017, 9:55 pm

كيف نقوم بالتحميل من المدونة ؟

من طرف **naderwatfa** في الثلاثاء 19 ديسمبر 2017, 4:12 am

عباس رضا كتب:احنا اللى بنعتذر لحضرتك فى تعب السنين دى من أجلنا يا غالى شكرا على تعبك معانا

التعب يهون علشان راحة زملائي يا أستاذ عباس

من طرف **naderwatfa** في الثلاثاء 19 ديسمبر 2017, 4:14 am

Mustafa Hashim كتب:الشكر كل الشكر لحضرتك على مجهودك الطيب وتعبك المتواصل من اجل راحة زملاءك المدرسين .. ومساعدتهم على انجاز اعمالهم بسهولة ويسر من خلال برامجكم المفيدة

الشكر لله وحده يا أستاذ مصطفى

يا ريتني كنت لسة بصحتي زي الأول ، كنت عملت أكتر من كده

الحمد لله على كل حال

من طرف **naderwatfa** في الثلاثاء 19 ديسمبر 2017, 4:15 am

أبو موني كتب:كيف نقوم بالتحميل من المدونة ؟

عادي جداً

ادخل على قسم البرامج المدرسية

و اختر البرنامج المطلوب ، و اضغط على رابط التحميل

و على كل حال أنا غيرت رابط التحميل لجميع البرامج دلوقتي

بحيث يدخل بك مباشرة على قسم البرامج المدرسية

من طرف awado55 في الثلاثاء 19 ديسمبر 2017, 8:01 am

استاذى الفاضل

البرنامج ممكن ارصد فيه ست فصول ممكن وان شاء الله يكون تمام

ارصد فيه اولى ثانوى انتظام وثانيه ادبى وعلمى انتظام

واولى منازل وثانيه ادبى وعلمى منازل

ولا اعمل كل صف لوحده

من طرف **naderwatfa** في الثلاثاء 19 ديسمبر 2017, 8:07 am

ميزة البرنامج إنك تقدر ترصد فيه جميع الصفوف

كل صف تحفظه في الذاكرة و تستدعيه منها وقت ما تريد

لو حبيت تعمل لكل صف نسخة من البرنامج برضه ما فيش مشكلة

زي ما انت عايز

من طرف عباس رضا في الثلاثاء 19 ديسمبر 2017, 8:40 am

صباح الفل عليك يا ريس مش عارف بقالى فترة كل ما افتح اى برنامج اكسل لازم كل مرة امكن الماكرو اقفل تانى وافتح هل هناك حل

من طرف **naderwatfa** في الثلاثاء 19 ديسمبر 2017, 8:45 am

ربما الأنتي فايروس اللي عندك بيلغي تمكين الماكرو كل مرة

أو ربما الأوفيس محتاجة إعادة تسطيب

بس قبل ما تجرب أي حاجة قم بعمل حفظ للملف بعد تمكين الماكرو و شوف

يمكن تتحل المشكلة

إذا لم يتم حلها قم بحذف الأوفيس و سطبها من جديد

من طرف مجدى نبيل في السبت 23 ديسمبر 2017, 1:48 pm

استاذ نادر تحياتى لشخصك الكريم مجموع المنازل بالشهادة 700 البرنامج جامع النشاطين

من طرف **naderwatfa** في السبت 23 ديسمبر 2017, 3:36 pm

البرنامج ما بيجمعش أنشطة للمنازل

لكن بيحول المجموع الكلي ل 700

يعني بيعوض الدرجات اللي معفيين منها حسب القانون تماماً

و ده مش جديد

ده موجود في الكنترول 40 و في الشامل من أول إصدار

من طرف awado55 في الأحد 24 ديسمبر 2017, 6:50 am

استاذنا الفاضل

ليه مفيش فى الشيت زر لختيار المنازل مثلا اولى منازل او انتظام ويتم اعداد الشيت للمنازل

لان فى ناس مش عرفه كيفية وضع درجات المنازل

من طرف **naderwatfa** في الأحد 24 ديسمبر 2017, 7:36 am

الأساس في شغل الكنترول إنه لطلاب المدرسة ( المنتظمين ) مش للمنازل

لكن انت تقدر تخللي الشيت كله للمنازل زي ما انت عايز ، دي حاجة ترجع لك

و بعدين ازاي ناس تشتغل في الكنترول و ما تعرفش كيفية وضع درجات المنازل ؟

يبقى ما ينفعوش يشتغلوا في الكنترول

المنازل دول بيتم إلحاقهم مع المنتظمين كخدمة بتقدمها الوزارة لهم

مش بنعمل لهم كنترول مخصوص و شيت مخصوص لأنهم ( ضيوف ) على المنتظمين

أما درجات المنازل و شروطها في الثانوي فأنا لا علم لي بها و لا أستطيع الفتوى بخصوصها

إنما في إعدادي المسألة ميسرة و بسيطة بالنسبة لي لأني شغال إعدادي من سنة 84

لو طالب بفرض طالب جه اخر السنه وجاب 17 من 70 هل دا من حقه 4 درجات للرفع قانونى بالنسبه لاخر العام ولو امكن توضيح متى يتم الرفع
وهل فى نصف العام اى حاجه تخص الرفع وشكرا ياستاذنا

من طرف **naderwatfa** في الإثنين 25 ديسمبر 2017, 1:14 pm

أستاذ هاني

الطالب ده يتم عرض ورقة إجابته على المعلم المشرف على المادة

إذا رأى أنه يستحق الرفع يرفعه ، و إذا رأى غير ذلك لا يرفعه

الرفع يكون آخر العام فقط و لا يكون في التيرم الأول لأنه ما فيهوش رسوب

و الرفع ليس إجبارياً بل يرجع لتقدير المشرف على المادة

لأنه عملية مراجعة للورقة لاكتشاف هل الدرجات تقبل زيادة أم لا

يعني مش إجباري

فلو إن المشرف بعد ما راجع الورقة وجد أن الدرجات دقيقة و لا توجد فرصة لدرجات أخرى

بيكتب في محضر الرفع و على الورقة إنها روجعت و لا تستحق الزيادة

من طرف هانى محمود في الخميس 28 ديسمبر 2017, 11:24 am

استاذ نادر من فضلك قد قمت بتسجيل البيانات على برنامج الكنترول الشامل 8.1 هل من مستجدات تستدعى الضروره لانتقال الى الاصدار الجديد 8.6 مرحله اعدادية لك جزيل الشكر جزاك الله خيرا

من طرف **naderwatfa** في الخميس 28 ديسمبر 2017, 11:37 am

هانى محمود كتب:استاذ نادر من فضلك قد قمت بتسجيل البيانات على برنامج الكنترول الشامل 8.1 هل من مستجدات تستدعى الضروره لانتقال الى الاصدار الجديد 8.6 مرحله اعدادية لك جزيل الشكر جزاك الله خيرا

8.1 ليس فيه مشكلة إن شاء الله

لكن أنا باقول الأفضل دائماً الانتقال للجديد

بس تستطيع الاستمرار على 8.1 لو حبيت

يعني مثلاً بالنسبة للثانوي جاري عمل تعديل جديد

و في خلال يوم أو يومين ها يكون فيه نسخة جديدة من البرنامج برقم 8.7

ده برضه ها يكون تعديل خاص بالثانوي منازل فقط

يعني الثانوي اللي ما فيهوش منازل مش محتاج لهذه النسخة الجديدة

من طرف awado55 في الجمعة 29 ديسمبر 2017, 10:54 am

حد عنده حل للمشكله دى كل ماجى اطبع من على موقع الوزارة بتطلع الرساله دى
مع العلم اننى عامل الاعدادات الطباعة تمام

من طرف **naderwatfa** في السبت 30 ديسمبر 2017, 2:18 pm

الكنترول الشامل nw8.7

الآن في مدونتي للبرامج المدرسية

ملاحظة

هذا الإصدار من البرنامج تم تعديله للثانوي العام

يعني اللي مش في الثانوي مش محتاج له دلوقتي

من طرف awado55 في السبت 30 ديسمبر 2017, 6:13 pm

استاذى الفاضل

ايه التعديل الى تم

من طرف **naderwatfa** في الأحد 31 ديسمبر 2017, 7:19 am

awado55 كتب:استاذى الفاضل

ايه التعديل الى تم

التعديل الخاص بالثانوي : تعديل حساب الدرجات التفصيلية ( تيرم1 و تيرم2 ) للحاسب الآلي منتظم و منازل

( بعض المحافظات تعفي المنازل من الحاسب الآلي و بعضها لا تعفيهم منه )

يعني اللي بيطبع شيت تفصيلي يحتاج لهذا التعديل

لكن اللي بيطبع شيت إجمالي ما فيش مشكلة معاه

إلى جانب تعديلات عامة بسيطة مثل إضافة إمكانية تغيير كلمة تقويمات إلى أعمال سنة

و ذلك في الشيت التفصيلي

من طرف م اشرف في الإثنين 01 يناير 2018, 8:29 pm

الاخ نادر
اشكرك شكرا جزيلا علي ابداع كنترولك الشامل ففيه كل ما يتمناه من يعمل في الكنترول
ملحوظة في الثانوي ارجو اخفاء ما تحت كشف شيت وكشف نتيجة من معلومات
س
لماذا عند اسلخدام الحالات الخاصة (ثانوي ) منازل يطلع مربع حواري باستكمال البيانات بالرغم من انها كاملة ولا يمكن الدخول على صفحة اخرى
ولك كل الفضل

من طرف **naderwatfa** في الأربعاء 03 يناير 2018, 4:01 am

م اشرف كتب:الاخ نادر
اشكرك شكرا جزيلا علي ابداع كنترولك الشامل ففيه كل ما يتمناه من يعمل في الكنترول
ملحوظة في الثانوي ارجو اخفاء ما تحت كشف شيت وكشف نتيجة من معلومات
س
لماذا عند اسلخدام الحالات الخاصة (ثانوي ) منازل يطلع مربع حواري باستكمال البيانات بالرغم من انها كاملة ولا يمكن الدخول على صفحة اخرى
ولك كل الفضل

بالنسبة للمعلومات اللي محتاجة إخفاء دي بالفعل أنا كنت نسيت أخفيها

و بالفعل قمت بإخفائها في نسخة nw9 الجديدة

أما بالنسبة للحالات الخاصة منازل سواء ثانوي أو إعدادي

فالبرنامج يقوم بتسجيلها آلياً بمجرد خروجك من صفحة البيانات و يقوم بعمل تحديث للبيانات

المربع الحواري بتاع استكمال البيانات سببه إن البرنامج محتاج لتحديث البيانات و المعادلات

فلا تشغل بالك بتسجيل منازل في الحالات الخاصة لأن البرنامج سيتولي ذلك آلياً

من طرف م اشرف في الأربعاء 03 يناير 2018, 4:39 pm

في المنازل
معنى ذلك اني ارصد عادي بدون اعمال سنة ولا عملي والبرنامج يجبر درجة النظري لوحده ولا ايه ارجو التوضيح03.01.2018

من طرف **naderwatfa** في الأربعاء 03 يناير 2018, 5:01 pm

أيوة ترصد للمنازل درجة النظري و البرنامج ها يتصرف

لا تقلق من هذه الناحية